ᱠᱮᱢᱨᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱮᱢᱨᱟ

ᱯᱷᱚᱴᱚ ᱟᱨᱵᱟᱝ ᱪᱤᱛᱟᱹᱨ ᱨᱟᱠᱟᱵᱟᱜ ᱵᱟᱱᱰᱷᱮᱡ (Device) ᱜᱮ ᱠᱮᱢᱨᱟ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱯᱷᱤᱞᱢ ᱟᱨᱵᱟᱝ ᱤᱞᱮᱠᱴᱨᱚᱱᱤᱠ ᱛᱮ ᱪᱤᱛᱟᱹᱨᱮ ᱛᱮᱭᱟᱨᱟ ᱾ ᱢᱤᱫ ᱫᱷᱟᱣ ᱨᱮ ᱢᱤᱫ ᱪᱤᱛᱟᱨ ᱨᱟᱠᱟᱵᱟᱜ ᱠᱮᱢᱨᱟ ᱫᱚ ᱛᱷᱤᱨ ᱪᱤᱛᱟᱹᱨ ᱟᱨᱵᱟᱝ ᱥᱴᱤᱞ ᱠᱮᱢᱨᱟ ᱠᱚ ᱢᱮᱛᱟᱜ ᱠᱟᱱᱟ ᱟᱨ ᱡᱟᱦᱟᱸ ᱫᱚ ᱢᱤᱫ ᱫᱷᱟᱣ ᱨᱮ ᱟᱹᱰᱤ ᱜᱚᱴᱟᱝ ᱪᱤᱛᱟᱹᱨᱮ ᱨᱟᱠᱟᱵᱟ ᱚᱱᱟ ᱫᱚ ᱢᱩᱵᱷᱤ ᱠᱮᱢᱨᱟ ᱠᱚ ᱢᱮᱛᱟᱜ-ᱟ ᱾ ᱵᱷᱤᱰᱭᱳ ᱨᱟᱠᱟᱵᱟᱜ ᱠᱮᱢᱨᱟ ᱫᱚ ᱵᱷᱤᱰᱭᱳ ᱠᱮᱢᱨᱟ ᱟᱨᱵᱟᱝ ᱠᱮᱢᱠᱚᱰᱚᱨ ᱠᱚ ᱢᱮᱛᱟᱜᱟᱜ-ᱟ ᱾ ᱯᱷᱚᱱ ᱨᱮ ᱠᱮᱢᱨᱟ ᱛᱟᱦᱮᱸᱱ ᱠᱷᱟᱱ ᱚᱱᱟ ᱫᱚ ᱠᱮᱢᱨᱟ ᱯᱷᱚᱱ ᱠᱚ ᱢᱮᱛᱟᱜᱟᱜ-ᱟ ᱾ ᱠᱮᱢᱨᱟ ᱫᱚ ᱚᱱᱠᱟᱱ ᱵᱟᱠᱥᱟ ᱠᱟᱱᱟ ᱡᱟᱦᱟᱸ ᱫᱚ ᱵᱤᱱ ᱥᱟᱱᱟ ᱛᱮ ᱟᱡᱛᱮ ᱫᱚ ᱢᱟᱨᱥᱟᱞ ᱵᱟᱭ ᱵᱚᱞᱚ ᱫᱟᱲᱮᱭᱟᱜ-ᱟ ᱾ ᱠᱮᱢᱨᱟ ᱨᱮᱱᱟᱜ ᱢᱤᱫ ᱯᱟᱦᱴᱟ ᱨᱮ ᱢᱟᱨᱥᱟᱞ ᱵᱚᱞᱚᱱ ᱨᱮᱱᱟᱜ ᱵᱷᱩᱜᱟᱹᱜ ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱟᱯᱮᱨᱮᱪᱚᱨ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱟᱨ ᱢᱤᱫ ᱯᱟᱦᱴᱟ ᱚᱱᱠᱟᱱ ᱡᱤᱱᱤᱥ ᱛᱟᱦᱮᱸᱱᱟ ᱡᱟᱦᱟᱸ ᱟᱯᱮᱨᱮᱪᱚᱨ ᱛᱟᱞᱟ ᱦᱤᱡᱩᱜᱟᱜ ᱪᱤᱛᱟᱹᱨᱮ ᱥᱟᱵ ᱫᱚᱦᱚᱭᱟ ᱾ ᱟᱱᱟᱞᱚᱜᱽ ᱠᱮᱢᱨᱟ ᱨᱮ ᱫᱚ ᱯᱷᱤᱞᱢ ᱛᱟᱦᱮᱸᱱᱟ ᱟᱨ ᱰᱩᱡᱤᱴᱟᱞ ᱠᱮᱢᱨᱟ ᱨᱮ ᱫᱚ ᱤᱞᱮᱠᱴᱨᱚᱱᱤᱠ ᱥᱚᱱᱥᱚᱨ ᱛᱟᱦᱮᱸᱱᱟ ᱾ ᱥᱚᱴᱚᱨ ᱧᱩᱛᱩᱢᱟᱱᱟᱜ ᱟᱨ ᱢᱤᱫ ᱡᱤᱱᱤᱥ ᱛᱟᱦᱮᱸᱱᱟ, ᱱᱚᱶᱟ ᱫᱚ ᱢᱟᱨᱥᱟᱞ ᱮᱥᱮᱫ ᱨᱮ ᱠᱟᱹᱢᱤ ᱮᱢᱟᱭ ᱾ ᱠᱮᱢᱨᱟ ᱨᱮᱱᱟᱜ ᱢᱟᱨᱥᱟᱞ ᱠᱚᱢ ᱰᱷᱮᱨ ᱞᱟᱹᱜᱤᱫ ᱟᱯᱮᱨᱮᱪᱚᱨ ᱦᱩᱰᱤᱧ ᱢᱟᱨᱟᱝᱟᱜ ᱞᱟᱜᱟᱣ ᱦᱩᱭᱩᱜ-ᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱢᱨᱟ ᱧᱩᱛᱩᱢ ᱫᱚ ᱞᱟᱴᱤᱱ ᱟᱹᱲᱟᱹ ᱠᱮᱢᱨᱟ ᱚᱵᱚᱥᱠᱩᱨᱟ (ᱧᱩᱛ ᱚᱲᱟᱜ) ᱠᱷᱚᱱ ᱦᱮᱡ ᱟᱠᱟᱱᱟ ᱾ ᱟᱭᱢᱟ ᱠᱷᱚᱸᱫᱽᱨᱚᱸᱫ ᱛᱟᱭᱚᱢ ᱑᱘᱒᱖ ᱥᱟᱞᱮᱨᱮ ᱨᱮ ᱩᱛᱟᱹᱨ ᱱᱚᱶᱟ ᱵᱮᱱᱟᱣ ᱥᱟᱹᱛ ᱞᱮᱱᱟ ᱾

ᱪᱤᱛᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]