ᱠᱮᱫᱟᱨᱱᱟᱛᱷ
ᱠᱮᱫᱟᱨᱱᱟᱛᱷᱟ ᱫᱚ ᱥᱤᱧᱚᱛ ᱫᱤᱥᱚᱢ ᱩᱛᱚᱨᱟᱠᱷᱚᱸᱰ ᱯᱚᱱᱚᱛ ᱨᱩᱫᱽᱨᱚᱯᱚᱨᱚᱭᱟᱜᱽ ᱦᱚᱱᱚᱛ ᱨᱮᱱᱟᱜ ᱢᱤᱫ ᱱᱟᱜᱟᱨ ᱟᱨ ᱱᱟᱜᱟᱨ ᱯᱚᱧᱪᱟᱭᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱡᱟᱹᱥᱛᱤ ᱠᱟᱛᱮ ᱠᱮᱫᱟᱨᱱᱟᱛᱷ ᱢᱩᱱᱫᱽᱨᱤ ᱠᱷᱟᱹᱛᱤᱨ ᱠᱚ ᱩᱯᱨᱩᱢᱟ ᱾ ᱱᱚᱶᱟ ᱫᱚ ᱦᱚᱱᱚᱛ ᱨᱮᱱᱟᱜ ᱦᱮᱣᱠᱩᱣᱟᱴᱚᱨ ᱠᱷᱚᱱ ᱘᱖ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱜᱟᱱ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱦᱮᱢᱟᱞ ᱵᱩᱨᱩ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱟᱨ ᱪᱚᱨᱟᱵᱟᱨᱤ ᱜᱽᱞᱮᱥᱤᱭᱚᱨ ᱥᱩᱨ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱚᱱᱫᱟᱠᱤᱱᱤ ᱜᱟᱰᱟ ᱨᱮᱱᱟᱜ ᱥᱮᱛᱮᱫ (source) ᱠᱟᱱᱟ ᱾ ᱱᱟᱜᱟᱨ ᱫᱚ ᱵᱚᱨᱚᱯ ᱛᱮ ᱴᱚᱯᱟᱨ ᱴᱚᱯᱟᱨ ᱠᱚᱜᱼᱟ, ᱡᱟᱹᱥᱛᱤ ᱠᱟᱛᱮ ᱠᱮᱫᱟᱨᱱᱟᱛᱷ ᱵᱩᱨᱩ ᱾ ᱥᱩᱨ ᱨᱮᱱᱟᱜ ᱰᱟᱦᱟᱨ ᱵᱚᱦᱚᱜ ᱫᱚ ᱜᱚᱣᱨᱤᱠᱩᱱᱰ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱑᱖ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱟᱹᱲᱟᱹ ᱥᱤᱨᱤᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"ᱠᱮᱫᱟᱨᱱᱟᱛᱷ" ᱧᱩᱛᱩᱢ ᱨᱮᱱᱟᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ "ᱵᱟᱹᱫᱽ/ᱠᱷᱮᱛ/ᱠᱮᱫᱟᱨ ᱨᱤᱱᱤᱡ ᱵᱳᱸᱜᱟ" ᱾ ᱱᱚᱶᱟ ᱵᱟᱨᱭᱟ ᱥᱟᱸᱥᱨᱤᱴ ᱟᱹᱲᱟᱹ ᱢᱮᱥᱟ ᱠᱟᱛᱮ ᱵᱮᱱᱟᱣ ᱟᱠᱟᱱᱟ, ᱠᱮᱫᱟᱨᱚ (ᱵᱟᱹᱫᱽ/ᱠᱷᱮᱛ) ᱟᱨ ᱱᱟᱛᱷᱚ (ᱵᱳᱸᱜᱟ) ᱾ ᱠᱟᱥᱤ ᱠᱮᱫᱟᱨᱚ ᱢᱚᱦᱟᱛᱢᱭᱚ ᱨᱮ ᱚᱞ ᱠᱟᱱᱟ ᱪᱤ ᱱᱚᱸᱰᱮ ᱫᱚ "ᱢᱚᱠᱥᱭᱚ ᱵᱟᱝᱢᱟ ᱢᱩᱠᱛᱤ ᱨᱮᱱᱟᱜ ᱪᱟᱥ ᱦᱩᱭᱩᱜ ᱠᱟᱱᱟ" ᱚᱱᱟᱛᱮ ᱚᱱᱠᱟ ᱠᱚ ᱧᱩᱛᱩᱢ ᱟᱠᱟᱫᱼᱟ ᱾