ᱠᱮ. ᱮᱥ. ᱪᱤᱛᱨᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱠᱮ. ᱮᱥ. ᱪᱤᱛᱨᱟ
KS Chithra.jpg
ᱵᱤᱵᱚᱨᱚᱱ
ᱡᱟᱱᱟᱢ ᱧᱩᱛᱩᱢ ᱠᱨᱤᱥᱱᱟᱱ ᱱᱮᱨ ᱥᱟᱱᱛᱟᱠᱩᱢᱟᱨᱤ ᱪᱤᱛᱨᱟ
ᱵᱟᱭᱱᱟ Nightingale of South India[᱑]
ᱯᱤᱭᱟ ᱵᱚᱥᱚᱱᱛᱤ in ᱮᱛᱚᱢ ᱥᱤᱧᱚᱛ[᱑]
Vanambadi in Kerala[᱒]
Chinna Kuyil in ᱛᱟᱢᱤᱞᱱᱟᱰᱩ[᱒]
Kannada Kogile in ᱠᱚᱨᱱᱟᱴᱚᱠᱚ[᱑]
Sangeeta Saraswathi in ᱟᱸᱫᱷᱨᱚ ᱯᱨᱚᱫᱮᱥ and ᱛᱮᱞᱮᱝᱜᱟᱱᱟ[᱑]
ᱡᱟᱱᱟᱢ ᱒᱗ ᱡᱩᱞᱟᱭ ᱑᱙᱖᱓ (1963-07-27) (᱕᱖ ᱥᱮᱨᱢᱟ)
ᱛᱷᱤᱨᱩᱵᱚᱱᱚᱱᱛᱚᱯᱩᱨᱚᱢ, ᱠᱮᱨᱚᱲ, India
ᱡᱮᱱᱨᱮᱥ Playback singing, Carnatic music, Hindustani music
ᱚᱠᱩᱯᱮᱥᱚᱱ ᱥᱮᱨᱮᱧᱤᱭᱟᱹ
ᱵᱟᱡᱽᱱᱟ Vocals
ᱠᱟᱹᱢᱤ ᱚᱠᱛᱚ ᱑᱙᱗᱙–ᱱᱤᱛᱚᱜ
ᱣᱮᱵᱽᱥᱟᱭᱤᱴ kschithra.com

ᱠᱨᱤᱥᱱᱟᱱ ᱱᱟᱤᱨ ᱥᱟᱱᱛᱟᱠᱩᱢᱟᱨᱤ ᱪᱤᱛᱨᱟ , ᱵᱟᱹᱲᱛᱤ ᱫᱚ ᱠᱮ.ᱨᱥ.ᱪᱤᱛᱨᱟ ᱟᱨ ᱦᱚᱦᱚ ᱧᱩᱛᱩᱢ ᱛᱟᱭ ᱫᱚ ᱪᱤᱛᱨᱟ, ᱾ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱟᱜ ᱠᱮᱨᱟᱲᱟ ᱯᱚᱱᱚᱛ ᱠᱟᱱᱟᱭ ᱾ ᱤᱠᱷᱟᱹᱱ ᱠᱟᱨᱱᱟᱴᱤᱠ ᱥᱮᱨᱮᱧ ᱟᱨ ᱨᱩᱻ ᱚᱨᱚᱝ ᱨᱮ ᱟᱹᱰᱤ ᱫᱟᱢᱟᱱ ᱮᱱᱮᱢ ᱢᱮᱱᱟᱜ ᱛᱟᱭᱟ ᱾ ᱵᱚᱸᱜᱟ ᱵᱳᱨᱳ ᱚᱦᱬᱮ ᱥᱮᱨᱮᱧ ᱟᱨ ᱟᱹᱛᱩ ᱫᱤᱥᱚᱢ ᱨᱮ ᱪᱚᱲᱚᱱᱚᱜ ᱠᱟᱱ ᱥᱮᱨᱮᱧ ᱠᱚ ᱦᱚᱸᱭ ᱥᱮᱨᱮᱧ ᱼᱟ ᱾ ᱒᱕᱐᱐᱐ ᱠᱷᱚᱱ ᱵᱟᱹᱲᱛᱤ ᱜᱮ ᱟᱡᱟᱜ ᱥᱮᱨᱮᱧ ᱨᱮᱠᱳᱨᱰ[᱓]ᱟᱠᱟᱱᱟ ᱟᱭᱢᱟ ᱞᱮᱠᱟᱱ ᱟᱲᱟᱝ ᱛᱮ ᱾ ᱢᱟᱞᱟᱭᱟᱞᱚᱢ,ᱛᱮᱞᱩᱜᱩ, ᱠᱟᱱᱟᱰᱟ,ᱛᱟᱢᱤᱞ, ᱦᱤᱸᱫᱤ, ᱵᱮᱸᱜᱚᱞᱤ, ᱳᱰᱤᱭᱟᱹ ,ᱯᱟᱱᱡᱟᱵᱤ, ᱜᱩᱡᱽᱨᱟᱴᱤ, ᱴᱩᱞᱩ, ᱨᱟᱡᱟᱥᱛᱟᱱᱤ, ᱩᱨᱫᱷᱩ,ᱥᱚᱸᱥᱠᱨᱩᱛ, ᱵᱟᱰᱚᱜᱟ, ᱟᱨ ᱵᱟᱦᱨᱮ ᱫᱤᱥᱚᱢ ᱟᱲᱟᱝ ᱡᱮᱞᱮᱠᱟ ᱢᱟᱞᱟᱭ, ᱞᱟᱴᱤᱱ, ᱟᱨᱚᱵᱤᱠ, ᱥᱤᱝᱦᱟᱲᱤᱡ, ᱤᱸᱜᱤᱞᱤᱥ, ᱯᱷᱨᱮᱱᱪ, ᱞᱮᱠᱟᱱ ᱟᱲᱟᱝ ᱛᱮ ᱥᱮᱨᱮᱧ ᱟᱠᱟᱜᱼᱟ ᱾ ᱥᱮᱨᱮᱧ ᱛᱮ ᱚᱱᱠᱟ ᱫᱟᱢᱟᱱ ᱮᱱᱮᱢ ᱠᱷᱟᱹᱛᱤᱨ ᱵᱷᱟᱨᱚᱛ ᱫᱤᱥᱚᱢ ᱜᱚᱝᱜᱮ [᱔] ᱴᱷᱮᱱ ᱠᱷᱚᱱ ᱢᱟᱹᱱ ᱥᱟᱠᱟᱢ ᱮ ᱧᱟᱢ ᱟᱠᱟᱜᱼᱟ ᱾

ᱜᱤᱫᱽᱨᱟᱹ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱮᱨᱟᱲᱟ ᱯᱚᱱᱚᱛ ᱨᱮᱱᱟᱜ ᱛᱷᱤᱨᱩᱵᱚᱱᱚᱱᱛᱚᱯᱩᱨᱚᱢ ᱨᱮ ᱢᱤᱫ ᱥᱮᱨᱮᱧ ᱵᱟᱰᱚᱦᱤᱭᱟᱹ ᱠᱚᱣᱟᱜ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱠᱨᱤᱥᱱᱟᱱ ᱱᱟᱤᱨ ᱢᱤᱫ ᱥᱮᱨᱮᱧ ᱵᱟᱰᱚᱦᱤᱭᱟᱹ ᱟᱨ ᱩᱱᱤᱜᱮ ᱯᱩᱭᱞᱩ ᱥᱮᱛᱮᱧ ᱜᱩᱨᱩᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱟᱹᱭ ᱠᱮ.ᱮᱥ ᱵᱤᱱᱟ ᱟᱨ ᱥᱩᱛᱩᱜ ᱠᱮ.ᱢᱟᱦᱮᱥ ᱦᱚᱸ ᱯᱷᱤᱞᱤᱢ ᱠᱟᱨᱜᱟᱲ ᱨᱤᱱ ᱥᱮᱨᱮᱧ ᱵᱟᱰᱚᱦᱤᱭᱟᱹ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱠᱟᱨᱱᱟᱴᱤᱠ ᱥᱮᱨᱮᱧ ᱟᱨ ᱨᱩᱻᱚᱨᱚᱝ ᱫᱚ ᱰᱟ.ᱠᱮ.ᱳᱢᱟᱱᱟᱠᱩᱴᱴᱤ ᱴᱷᱮᱱ ᱠᱷᱚᱱ ᱮ ᱪᱮᱫ ᱞᱮᱱᱟ ᱾ ᱠᱮᱨᱟᱲᱟ ᱡᱮᱜᱮᱛᱟᱹᱨᱤ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱮᱨᱮᱧ ᱟᱨ ᱨᱩᱻᱚᱨᱚᱝ ᱨᱮ ᱥᱚᱱᱮᱨ ᱮ ᱥᱟᱹᱛ ᱞᱮᱜᱼᱟ ᱾ ᱛᱟᱭᱚᱢ ᱚᱱᱟ ᱵᱤᱨᱫᱟᱹᱜᱟᱲ ᱨᱮ ᱜᱮ ᱢᱟᱥᱴᱮᱨ ᱵᱟᱰᱚᱦᱤ [᱕]ᱚᱞᱚᱜ ᱦᱚᱸᱭ ᱥᱤᱫᱽ ᱞᱮᱜᱼᱟ ᱾ ᱵᱷᱟᱨᱚᱛ ᱥᱟᱨᱠᱟᱨ ᱯᱟᱦᱴᱟ ᱠᱷᱚᱱ ᱪᱚᱲᱚᱱᱚᱜ ᱠᱟᱱ ᱫᱤᱥᱚᱢ ᱡᱟᱠᱟᱛ ᱞᱟᱥᱮᱨ ᱦᱟᱛᱟᱝ ᱥᱮᱸᱫᱽᱨᱟ ᱯᱟᱦᱴᱟ ᱠᱷᱚᱱ ᱥᱟᱞ ᱑᱙᱗᱘ ᱠᱷᱚᱱ ᱑᱙᱘᱔[᱖] ᱵᱷᱤᱛᱨᱤ ᱨᱮ ᱵᱟᱪᱷᱚᱱ ᱞᱮᱱᱟᱭ ᱴᱟᱠᱟ ᱠᱟᱩᱰᱤ ᱮᱢᱟᱱ ᱜᱚᱲᱚ ᱥᱚᱯᱚᱦᱚᱫ ᱧᱟᱢ ᱞᱟᱹᱜᱤᱫ ᱾

ᱠᱟᱹᱢᱤ ᱟᱨ ᱥᱤᱨᱯᱷᱟᱹ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱞ ᱑᱙᱗᱙ ᱨᱮ ᱪᱤᱛᱨᱟ ᱫᱚ ᱮᱢ.ᱜᱤ.ᱨᱟᱫᱷᱟᱠᱨᱤᱥᱱᱟᱱ ᱧᱩᱛᱩᱢ ᱢᱟᱞᱟᱭᱟᱞᱤ ᱯᱷᱤᱞᱤᱢ ᱥᱮᱨᱮᱧ ᱵᱟᱰᱚᱦᱤᱭᱟᱹ ᱦᱚᱛᱮᱛᱮ ᱯᱷᱤᱞᱤᱢ ᱨᱮᱱᱟᱜ ᱥᱮᱨᱮᱧ ᱞᱟᱹᱜᱤᱫ ᱛᱮ ᱫᱟᱣ ᱮ ᱧᱟᱢ ᱞᱮᱜᱼᱟ[᱕] ᱾ ᱟᱴᱴᱟᱦᱟᱥᱚᱢ, ᱥᱱᱮᱦᱚᱯᱳᱨᱵᱚᱢ ᱢᱤᱛᱟ, ᱟᱨ ᱡᱱᱡᱟᱱ ᱮᱠᱟᱱᱟᱱᱩ ᱯᱷᱤᱞᱤᱢ ᱨᱮ ᱯᱩᱭᱞᱩ ᱛᱮ ᱟᱡᱟᱜ ᱟᱲᱟᱝ ᱛᱮ ᱠᱚ ᱥᱮᱨᱮᱧ ᱚᱪᱚ ᱞᱮᱫᱮᱭᱟ ᱾ ᱠᱮ.ᱡᱮ. ᱭᱮᱥᱩᱫᱟᱥ ᱥᱟᱝ ᱢᱮᱥᱟ ᱠᱟᱛᱮ ᱜᱚᱴᱟ ᱵᱷᱟᱨᱚᱛ ᱫᱤᱥᱚᱢ ᱟᱨ ᱵᱟᱦᱨᱮ ᱫᱤᱥᱚᱢ [᱕] ᱢᱮᱞᱟᱝᱠᱤ ᱨᱮ ᱥᱮᱨᱮᱧ ᱞᱮᱜᱼᱟ ᱾ ᱥᱟᱞ ᱑᱙᱘᱖ ᱨᱮᱱᱟᱜ ᱱᱚᱠᱷᱚᱥᱚᱛᱷᱟᱝᱜᱟᱞ ᱧᱩᱛᱩᱢ ᱥᱤᱱᱮᱢᱟ, ᱵᱟᱢᱵᱮᱭ ᱨᱟᱵᱤ ᱨᱩᱻ ᱚᱨᱚᱝ ᱥᱟᱯᱲᱟᱣ ᱨᱮ ᱢᱟᱱᱡᱚᱞ ᱯᱨᱟᱥᱟᱫᱟᱵᱩᱢ ᱥᱮᱨᱮᱧ ᱮ ᱥᱮᱨᱮᱧ ᱞᱮᱜᱼᱟ ᱾ ᱚᱱᱟ ᱥᱮᱨᱮᱧ ᱪᱮᱛᱟᱱ ᱨᱮᱜᱮ ᱯᱷᱤᱞᱤᱢ ᱤᱫᱤ ᱠᱟᱛᱮ ᱫᱚᱥᱟᱨ ᱫᱤᱥᱚᱢ ᱡᱟᱠᱟᱛ ᱟᱹᱰᱤ ᱱᱟᱯᱟᱭ ᱯᱷᱤᱞᱤᱢ ᱥᱮᱨᱮᱧᱤᱭᱟᱹ ᱥᱤᱨᱯᱷᱟᱹᱭ ᱧᱟᱢ ᱞᱮᱜᱼᱟ ᱾ ᱩᱱᱤ ᱵᱟᱢᱵᱮᱭ ᱨᱟᱵᱤ ᱨᱩᱻ ᱚᱨᱚᱝ ᱥᱟᱯᱲᱟᱣ ᱨᱮ ᱜᱮ ᱑᱙᱘᱙ ᱥᱟᱞ ᱨᱮᱱᱟᱜ ᱵᱚᱭᱤᱥᱟᱲᱤ ᱯᱷᱤᱞᱤᱢ ᱨᱮ ᱤᱱᱫᱩᱯᱩᱥᱯᱚᱢ ᱪᱩᱰᱤ ᱱᱤᱞᱠᱚᱢ ᱥᱮᱨᱮᱧ ᱮ ᱥᱮᱨᱮᱧ ᱞᱮᱜᱼᱟ ᱾ ᱚᱱᱟ ᱥᱮᱨᱮᱧ ᱨᱮ ᱜᱮ ᱛᱮᱥᱟᱨ ᱟᱱ ᱫᱤᱥᱚᱢ ᱡᱟᱠᱟᱛ ᱟᱹᱰᱤ ᱱᱟᱯᱟᱭ ᱯᱷᱤᱞᱤᱢ ᱥᱮᱨᱮᱧᱤᱭᱟᱹ ᱥᱤᱨᱯᱷᱟᱹᱭ ᱧᱟᱢ ᱞᱮᱜᱼᱟ ᱾ ᱟᱡᱟᱜ ᱯᱩᱭᱞᱩ ᱯᱷᱤᱞᱤᱢ ᱥᱮᱨᱮᱧ ᱤᱫᱤ ᱠᱟᱛᱮ ᱥᱤᱨᱯᱷᱟᱹ ᱫᱚ ᱠᱮᱨᱟᱲᱟ ᱯᱚᱱᱚᱛ ᱯᱟᱦᱴᱟ ᱠᱷᱚᱱ ᱥᱟᱞ ᱑᱙᱘᱖ ᱨᱮᱱᱟᱜ ᱱᱳᱠᱠᱮᱛᱷᱟᱫᱷᱩᱨᱟᱛᱷᱩ ᱧᱩᱛᱩᱢ ᱯᱷᱤᱞᱤᱢ ᱨᱮᱱᱟᱜ ᱟᱭᱤᱨᱟᱢ ᱠᱟᱱᱱᱩᱢᱟᱭᱤ ᱥᱮᱨᱮᱧ ᱪᱮᱛᱟᱱ ᱨᱮ ᱧᱟᱢ ᱞᱮᱜᱼᱟ ᱾ ᱚᱱᱟ ᱥᱮᱨᱮᱧ ᱨᱮᱱᱟᱜ ᱨᱩᱻ ᱚᱨᱚᱝ ᱫᱚ ᱡᱮᱨᱨᱤ ᱟᱢᱟᱞᱫᱮᱵ ᱮ ᱥᱟᱯᱲᱟᱣ ᱞᱮᱜᱼᱟ ᱾ ᱥᱮᱨᱮᱧ ᱮᱛᱚᱦᱚᱵ ᱠᱷᱚᱱ ᱥᱟᱞ ᱒᱐᱑᱗ ᱦᱟᱹᱵᱤᱡ ᱛᱮ ᱪᱤᱛᱨᱟ ᱫᱚ ᱠᱮᱨᱟᱲᱟ ᱯᱚᱱᱚᱛ ᱨᱮᱱᱟᱜ ᱯᱷᱤᱞᱤᱢ ᱠᱟᱨᱜᱟᱲ ᱯᱟᱦᱴᱟ ᱠᱷᱚᱱ ᱡᱚᱛᱚᱠᱷᱚᱱ ᱵᱮᱥ ᱯᱷᱤᱞᱤᱢ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱑᱗ ᱫᱷᱟᱣ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ ᱑.᱒ ᱑.᱓ "Wishing "Nightingale of South India" – Chitra a Very Happy Birthday". Telugu Film Nagar. Retrieved 27 ᱡᱩᱞᱟᱭ 2016. 
  2. ᱒.᱐ ᱒.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named google
  3. Article (5 ᱢᱟᱨᱪ 2016). "Chithra in concert and workshop". The Hindu. 
  4. "India's 'first ladies': Rousing stories of 20 women who were pioneers in their field". The NEWS Minute. 22 ᱡᱟᱱᱩᱣᱟᱨᱤ 2018. 
  5. ᱕.᱐ ᱕.᱑ ᱕.᱒ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named herself
  6. Nair, Sulekha (23 ᱡᱟᱱᱩᱣᱟᱨᱤ 2001). "Nightingale of the south". Express India. Retrieved 11 ᱰᱤᱥᱮᱢᱵᱚᱨ 2010.