ᱠᱷᱳᱡᱤᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
| ᱠᱷᱳᱢᱤᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ | |
|---|---|
IUCN category II (national park) | |
| ᱞᱚᱠᱮᱥᱚᱱ | ᱤᱨᱟᱱ |
| Coordinates | 35°25′N 51°25′E / 35.41°N 51.41°E |
| ᱮᱨᱤᱭᱟ | 99.71 km2 (38.50 sq mi) |
| ᱴᱷᱟᱯᱚᱱ | ᱑᱙᱘᱒ |
| Governing body | ᱥᱟᱪᱟᱨᱦᱮ ᱵᱤᱵᱷᱟᱜᱽ |
ᱠᱷᱳᱡᱤᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱤᱨᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱨᱩᱠᱷᱤᱭᱟᱹ ᱴᱚᱴᱷᱟ ᱠᱟᱱᱟ, ᱡᱟᱦᱟᱸ ᱫᱚ ᱛᱮᱦᱨᱟᱱ ᱯᱚᱱᱚᱛ ᱨᱮ ᱛᱮᱦᱨᱟᱱ ᱨᱮᱱᱟᱜ ᱥᱟᱢᱟᱝ ᱨᱮ ᱢᱮᱱᱟᱜ ᱟᱞᱵᱳᱨᱡᱽ ᱵᱩᱨᱩ ᱨᱮᱱᱟᱜ ᱮᱛᱚᱢ ᱥᱮᱫ ᱨᱮ ᱢᱮᱱᱟᱜᱼᱟ ᱾ ᱑᱙᱗᱙ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱵᱤᱨ ᱡᱤᱭᱟᱹᱞᱤ ᱵᱟᱜᱟᱱ ᱞᱮᱠᱟᱛᱮ ᱵᱮᱱᱟᱣ ᱞᱮᱱᱟ ᱟᱨ ᱑᱙᱘᱒ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱾ ᱱᱚᱣᱟ ᱫᱚ ᱡᱚᱡᱽᱨᱩᱰ ᱜᱟᱰᱟ ᱵᱮᱥᱤᱱ ᱨᱮ ᱙᱙.᱗᱑ ᱜᱟᱺᱴ ᱠᱤᱞᱚᱢᱤᱴᱚᱨ (᱓᱘.᱕᱐ ᱜᱟᱺᱴ ᱢᱟᱭᱤᱞ) ᱮᱥᱮᱫ ᱟᱠᱟᱱᱟ ᱟᱨ ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱑᱒᱐᱐ ᱠᱷᱚᱱ ᱒᱒᱐᱐ ᱢᱤᱴᱚᱨ (᱓᱙᱐ ᱠᱷᱚᱱ ᱗᱒᱐ ᱯᱷᱤᱴ) ᱫᱷᱟᱹᱨᱤᱡ ᱢᱮᱱᱟᱜᱼᱟ ᱾[᱑]
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱴᱚᱴᱷᱟ ᱫᱚ ᱑᱗᱕᱔ ᱥᱮᱨᱢᱟ ᱠᱷᱚᱱ ᱨᱟᱡᱟ ᱟᱜ ᱠᱷᱮᱞ ᱡᱚᱜᱟᱣ ᱠᱟᱱᱟ ᱟᱨ ᱑᱙᱗᱙ ᱥᱮᱨᱢᱟ ᱨᱮ ᱡᱚᱡᱽᱨᱩᱫᱽ ᱨᱩᱠᱷᱤᱭᱟᱹ ᱴᱚᱴᱷᱟ ᱨᱮ ᱥᱮᱞᱮᱫ ᱞᱮᱱᱟ ᱾[᱑]
ᱯᱟᱨᱠ ᱨᱮᱱᱟᱜ ᱥᱤᱢᱟᱹ ᱨᱮ ᱠᱷᱳᱡᱤᱨ ᱟᱹᱛᱩ ᱟᱨ "ᱢᱟᱨᱟᱝ" ᱠᱷᱳᱡᱤᱨ ᱢᱤᱥᱟᱭᱤᱞ ᱯᱨᱚᱰᱚᱠᱥᱚᱱ ᱠᱚᱢᱯᱞᱮᱠᱥ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱱᱤᱡᱮᱨ ᱥᱟᱦᱤᱫᱽ ᱦᱮᱢᱢᱚᱛ ᱤᱱᱰᱚᱥᱴᱨᱤᱭᱟᱞ ᱜᱨᱩᱯ ᱨᱮ ᱢᱮᱱᱟᱜᱼᱟ ᱾[᱒]
ᱵᱟᱦᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱮᱢᱤᱠᱨᱤᱯᱴᱚᱯᱷᱟᱭᱴᱥ ᱫᱚ ᱥᱟᱱᱟᱢ ᱠᱷᱚᱱ ᱵᱟᱹᱲᱛᱤ ᱨᱳᱱᱠᱤᱭᱟᱨ ᱯᱟᱴᱟᱱ ᱡᱤᱣᱤ ᱡᱟᱹᱛ ᱠᱟᱱᱟ ᱡᱟᱦᱟᱸ ᱫᱚ ᱠᱷᱳᱡᱤᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱧᱟᱢᱚᱜᱼᱟ, ᱡᱟᱦᱟᱸ ᱨᱮ ᱑᱑᱖ ᱜᱚᱴᱟᱝ ᱡᱟᱹᱛᱤ ᱤᱨᱟᱱᱤ-ᱛᱩᱨᱟᱱᱤᱭᱟᱱ ᱴᱚᱴᱷᱟ ᱨᱮᱱᱟᱜ ᱠᱟᱱᱟ ᱾
᱑,᱔᱐᱐ ᱢᱤᱴᱚᱨ (᱔,᱖᱐᱐ ᱯᱷᱤᱴ) ᱠᱷᱚᱱ ᱪᱮᱛᱟᱱ ᱨᱮ ᱡᱟᱹᱥᱛᱤ ᱵᱤᱨ ᱡᱟᱹᱥᱛᱤ ᱧᱩᱛᱩᱢᱟᱱ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱯᱟᱨᱥᱤᱭᱟᱱ ᱯᱤᱥᱛᱟ ᱫᱟᱨᱮ (ᱯᱤᱥᱛᱟ ᱟᱴᱞᱟᱱᱴᱤᱠᱟ), ᱵᱤᱨ ᱵᱟᱫᱟᱢ (ᱯᱨᱩᱱᱟᱥ ᱞᱤᱥᱤᱭᱚᱭᱰᱥ), ᱢᱮᱨᱞᱮᱫ (ᱨᱚᱢᱱᱟᱥ ᱯᱟᱞᱟᱥᱤ), ᱯᱟᱨᱥᱤᱭᱟᱱ ᱡᱩᱱᱤᱯᱟᱨ (ᱡᱩᱱᱤᱯᱟᱨᱥ ᱮᱠᱥᱮᱞᱥᱟ), ᱵᱤᱨ ᱪᱮᱨᱤ (ᱯᱨᱩᱱᱟᱥ ᱥᱮᱨᱮᱥᱟᱥ), ᱟᱨ ᱠᱚᱴᱚᱱᱮᱥᱴᱟᱨ ᱵᱩᱨᱩ ᱾
ᱡᱤᱵᱽ ᱡᱤᱭᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱐᱕ ᱥᱮᱨᱢᱟ ᱠᱷᱚᱱ ᱱᱤᱭᱟᱹ ᱡᱟᱭᱜᱟ ᱨᱮ ᱠᱮᱢᱨᱟ ᱴᱨᱟᱯᱤᱝ ᱥᱚᱨᱵᱷᱮ ᱨᱮ ᱯᱟᱨᱥᱤᱭᱟᱱ ᱠᱷᱟᱱᱴᱟ ᱛᱟᱹᱨᱩᱵ ᱟᱨ ᱮᱥᱤᱭᱟᱱ ᱨᱩᱸᱰᱟᱹ ᱠᱚ ᱧᱮᱞ ᱧᱟᱢ ᱟᱠᱟᱱᱟ ᱾ ᱟᱨ ᱒᱐᱐᱘ ᱥᱮᱨᱢᱟ ᱨᱮᱱᱟᱜ ᱵᱷᱤᱛᱨᱤ ᱨᱮ ᱦᱩᱰᱤᱧ ᱨᱩᱸᱰᱟᱹ ᱫᱚ ᱯᱩᱭᱞᱩ ᱫᱷᱟᱣ ᱠᱚ ᱧᱮᱞ ᱧᱟᱢ ᱟᱠᱟᱱᱟ ᱾[᱓]
ᱠᱷᱟᱱᱴᱟ ᱛᱟᱹᱨᱩᱵ, ᱦᱩᱸᱰᱟᱹᱨᱵᱟᱜᱽ, ᱢᱮᱨᱚᱢ, ᱵᱷᱤᱰᱤ, ᱟᱨᱟᱜ ᱛᱳᱭᱳ, ᱥᱩᱠᱨᱤ, ᱨᱩᱸᱰᱟᱹ, ᱦᱩᱰᱤᱧ ᱨᱩᱸᱰᱟᱹ, ᱦᱟᱰᱜᱟᱨ, ᱟᱨ ᱪᱮᱢᱮᱝ ᱞᱮᱠᱟᱱ ᱡᱤᱭᱟᱹᱞᱤ ᱠᱚ; ᱡᱚᱛᱚ ᱞᱮᱠᱟᱱ ᱵᱤᱧ ᱠᱚᱫᱚ, ᱡᱮᱞᱮᱠᱟ ᱵᱚᱰᱟ ᱵᱤᱧ, ᱥᱮᱸᱜᱮᱞ ᱵᱤᱧ, ᱵᱟᱨᱭᱟ ᱵᱚᱦᱚᱜ ᱵᱤᱧ, ᱜᱟᱸᱰᱮᱴ, ᱨᱟᱻᱠᱟᱠᱟᱲᱵᱟᱧ ᱞᱮᱠᱟᱱ ᱜᱤᱛᱤᱞ ᱛᱷᱟᱱ ᱨᱤᱱ ᱵᱤᱧ ᱟᱨ ᱦᱳᱨᱳ; ᱟᱨ ᱪᱮᱬᱮ ᱠᱚᱫᱚ ᱠᱩᱴᱟᱹᱢ ᱫᱟᱹᱵᱤ, ᱫᱩᱸᱫᱩ, ᱟᱨ ᱡᱚᱛᱚ ᱞᱮᱠᱟᱱ ᱥᱮᱸᱫᱽᱨᱟ ᱪᱮᱬᱮ ᱡᱮᱞᱮᱠᱟ ᱨᱤᱪᱤ ᱱᱚᱣᱟ ᱴᱚᱴᱷᱟ ᱨᱮᱠᱚ ᱛᱟᱦᱮᱸᱱᱟ ᱾
ᱡᱚᱡᱽᱨᱩᱫᱽ ᱫᱟᱜ ᱨᱮ ᱫᱚ ᱫᱟᱜ ᱨᱤᱱ ᱡᱤᱵᱽ ᱡᱤᱭᱟᱹᱞᱤ ᱠᱚ ᱢᱮᱱᱟᱜ ᱠᱚᱣᱟ, ᱚᱱᱟ ᱠᱚ ᱢᱩᱫᱽ ᱨᱮ ᱡᱚᱛᱚ ᱠᱷᱚᱱ ᱢᱩᱬ ᱫᱚ ᱨᱟᱭᱱᱵᱳ ᱴᱨᱟᱣᱩᱴ ᱠᱟᱱᱟ ᱾ ᱠᱷᱳᱡᱤᱨ ᱫᱚ ᱛᱮᱦᱨᱟᱱ ᱯᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱴᱚᱴᱷᱟ ᱠᱟᱱᱟ ᱡᱟᱦᱟᱸ ᱨᱮ ᱱᱤᱛᱦᱚᱸ ᱠᱤᱪᱷᱩ ᱡᱤᱞ ᱢᱮᱱᱟᱜ ᱠᱚᱣᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ Kolahi, M.; Moriya, K.; Sakai, T.; Khosrojerdi, E.; Etemad, V. (2014). "Introduction of participatory conservation in Iran: case study of the rural communities' perspectives in Khojir National Park" (PDF). International Journal of Environmental Research. 8 (4): 913–930.
- ↑ Sanger, David E.; Bergman, Ronen; Fassihi, Farnaz (29 June 2020). "Explosion at Iranian missile facility produces conspiracy theories". The Globe and Mail Inc. The New York Times News Service.
- ↑ Chalani, M.; Ghoddousi, A.; Ghadirian, T.; Goljani, R. (2008). "First Pallas's Cat Photo-trapped in Khojir National Park, Iran". Cat News (49): 7.