ᱡᱚᱜᱚᱱᱱᱟᱛᱷ ᱥᱚᱨᱮᱱ
| ᱡᱚᱜᱚᱱᱱᱟᱛᱷ ᱥᱚᱨᱮᱱ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱚᱜᱚᱥᱴ ᱑᱙, ᱑᱙᱕᱐ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱧᱩᱢᱱᱟᱢ | ᱚᱱᱚᱬᱦᱤᱭᱟᱹ |
ᱚᱱᱚᱬᱦᱤᱭᱟᱹ ᱡᱚᱜᱚᱱᱱᱱᱟᱛᱷ ᱥᱚᱨᱮᱱ ᱫᱚ ᱑᱙᱕᱐ ᱥᱮᱨᱢᱟ ᱨᱮᱭᱟᱜ ᱑᱙ ᱟᱜᱚᱥᱴ ᱦᱤᱞᱚᱜ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱟᱸᱠᱩᱲᱟ ᱦᱚᱱᱚᱛ, ᱜᱳᱵᱤᱱᱫᱚ ᱰᱟᱠ ᱚᱲᱟᱜ ᱨᱮᱭᱟᱜ ᱢᱚᱫᱷᱩᱯᱩᱨ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱥᱮᱢᱟᱯᱚᱫᱚ ᱥᱚᱨᱮᱱ ᱟᱨ ᱟᱭᱳ ᱧᱩᱛᱩᱢ ᱫᱚ ᱱᱤᱞᱢᱚᱱᱤ ᱥᱚᱨᱮᱱ᱾ ᱡᱚᱜᱚᱱᱱᱟᱛᱷ ᱥᱚᱨᱮᱱ ᱫᱚ "ᱠᱟᱡᱚᱞᱤ ᱥᱚᱨᱮᱱ" ᱱᱚᱣᱟ ᱵᱟᱦᱟᱱᱟ ᱧᱩᱛᱩᱢ ᱛᱮᱭ ᱚᱞᱟ᱾
ᱮᱛᱚᱦᱚᱵ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱚᱜᱚᱱᱱᱟᱛᱷ ᱟᱜ ᱮᱛᱚᱦᱚᱵ ᱥᱮᱪᱮᱫ ᱵᱟᱵᱚᱛ ᱵᱟᱝ ᱵᱟᱲᱟᱭ ᱧᱟᱢ ᱟᱠᱟᱱᱟ᱾ ᱑᱙᱗᱐ ᱥᱮᱨᱢᱟ ᱨᱮ ᱠᱷᱟᱛᱲᱟ ᱦᱟᱭ ᱥᱠᱩᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱟᱠᱟᱫᱟ᱾ ᱛᱟᱭᱚᱢ ᱛᱮ, ᱵᱟᱸᱠᱩᱲᱟ ᱥᱚᱢᱢᱤᱞᱚᱱᱤ ᱠᱚᱞᱮᱡᱽ ᱠᱷᱚᱱ ᱵᱤ.ᱮᱥ.ᱥᱤ ᱮ ᱯᱟᱥ ᱞᱮᱫᱟ᱾ ᱱᱚᱣᱟ ᱛᱟᱭᱚᱢ ᱞᱟᱦᱟ ᱥᱮᱫ ᱟᱨ ᱵᱟᱭ ᱯᱟᱲᱦᱟᱣ ᱫᱟᱲᱮ ᱞᱮᱫᱟ᱾
ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
'ᱤᱱᱰᱤᱭᱟᱱ ᱚᱭᱮᱞ ᱠᱚᱨᱯᱚᱨᱮᱥᱚᱱ' ᱨᱮᱱ ᱢᱤᱫ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱦᱚᱵ ᱞᱮᱫᱟ᱾
ᱥᱟᱶᱦᱮᱫ ᱪᱟᱨᱪᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱹᱴᱷᱩᱣᱟᱹ ᱚᱠᱛᱮ ᱠᱷᱚᱱ ᱜᱮ ᱡᱚᱜᱚᱱᱱᱟᱛᱷ ᱫᱚ ᱚᱱᱚᱬᱦᱮᱸ ᱚᱞ ᱮ ᱮᱦᱚᱵ ᱞᱮᱫᱟ᱾ ᱛᱟᱭᱚᱢ ᱛᱮ ᱟᱭᱢᱟ ᱚᱱᱚᱬᱦᱮᱸᱭ ᱚᱞ ᱟᱠᱟᱫᱟ, ᱟᱡᱟᱜ ᱚᱱᱚᱬᱦᱮᱸ ᱠᱚ ᱯᱚᱪᱷᱤᱢ ᱵᱟᱝᱞᱟ, ᱛᱮᱛᱨᱮ, ᱥᱤᱞᱤ ᱮᱢᱟᱱ ᱯᱟᱛᱷᱟᱢ ᱨᱮ ᱪᱷᱟᱯᱟ ᱟᱠᱟᱱᱟ᱾ ᱡᱚᱜᱚᱱᱱᱟᱛᱷ ᱟᱜ ᱚᱱᱚᱬᱦᱮ ᱚᱞ ᱦᱚᱨᱟ ᱟᱨ ᱪᱷᱟᱸᱫᱟ ᱵᱮᱵᱷᱟᱨ ᱨᱮᱭᱟᱜ ᱦᱩᱱᱟᱹᱨ ᱥᱟᱹᱨᱤ ᱜᱮ ᱥᱟᱨᱦᱟᱣ ᱞᱮᱠᱟᱱᱟᱜ ᱠᱟᱱᱟ᱾ ᱚᱱᱚᱬᱦᱮᱸ ᱥᱟᱶ ᱥᱟᱶᱛᱮ ᱩᱱᱤ ᱫᱚ ᱠᱟᱹᱦᱱᱤ ᱦᱚᱸᱭ ᱚᱞᱮᱫ ᱛᱟᱦᱮᱸᱫ᱾
ᱚᱞ ᱯᱚᱛᱚᱵ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- "ᱪᱟᱪᱚ ᱰᱤᱰᱤ" (ᱚᱱᱚᱬᱦᱮᱸ ᱯᱩᱛᱷᱤ) - ᱑᱙᱘᱒
- "ᱜᱟᱭᱜᱚᱢ" (ᱚᱱᱚᱬᱦᱮᱸ ᱯᱩᱛᱷᱤ) - ᱑᱙᱘᱔
- "ᱫᱩᱞᱤ ᱪᱮᱛᱟᱱ" (ᱚᱱᱚᱬᱦᱮᱸ ᱯᱩᱛᱷᱤ) - ᱑᱙᱙᱓
ᱟᱡᱟᱜ ᱫᱩᱞᱤ ᱪᱮᱛᱟᱱ ᱱᱚᱣᱟ ᱚᱱᱚᱬᱦᱮᱸ ᱯᱩᱛᱷᱤ ᱞᱟᱹᱜᱤᱫ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱑᱙᱘᱙ ᱥᱮᱨᱢᱟ ᱨᱮ ᱩᱱᱤ ᱫᱚ ᱢᱟᱱᱚᱛᱟᱱ (ᱜᱩᱱᱤᱡᱚᱱ) ᱞᱮᱠᱟᱛᱮ ᱠᱚ ᱢᱟᱹᱱ ᱟᱠᱟᱫᱮᱭᱟ᱾ ᱡᱚᱜᱚᱱᱱᱟᱛᱷ ᱥᱚᱨᱮᱱ ᱫᱚ ᱱᱟᱱᱟᱼᱦᱩᱱᱟᱹᱨ ᱜᱚᱱᱚᱴᱷᱚᱱ ᱥᱟᱶ ᱡᱚᱯᱲᱟᱣ ᱛᱟᱦᱮᱸ ᱠᱟᱛᱮ ᱯᱟᱹᱨᱥᱤ ᱦᱟᱨᱟᱢ ᱵᱩᱨᱩ ᱨᱮᱭ ᱠᱟᱹᱢᱤ ᱠᱟᱱᱟ᱾