ᱡᱚᱜᱽ ᱢᱟ.ᱡᱷᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱡᱚᱜᱽ ᱢᱟᱹᱡᱷᱤ ᱫᱚ ᱟᱹᱛᱩ ᱨᱮᱱᱟᱜ ᱠᱟ.ᱢᱤ ᱠᱚ ᱠᱤᱱ ᱡᱚᱜᱷᱚ ᱵᱟᱲᱟᱭᱟ ᱾ ᱚᱱᱟᱛᱮ ᱡᱚᱜᱽ ᱢᱟᱹᱡᱷᱤ ᱠᱚ ᱧᱩᱛᱩᱢ ᱟᱠᱟ ᱫᱮᱭᱟ ᱾ ᱩᱱᱤ ᱫᱚ ᱟᱹᱛᱩ ᱨᱮ ᱫᱚᱨᱵᱟᱨ ᱫᱩᱯᱲᱩᱵ, ᱴᱚᱞᱟ ᱴᱚᱞᱟ ᱚᱲᱟᱜ ᱚᱲᱟᱜ ᱠᱩᱞᱦᱤ ᱠᱩᱞᱦᱤ ᱛᱮ ᱦᱚᱲ ᱧᱩᱛᱩᱢ ᱦᱚᱦᱚ ᱟᱛᱮ ᱢᱟᱹᱡᱷᱤ ᱪᱷᱟᱴᱠᱟ ᱨᱮ ᱫᱚᱨᱵᱟᱨ ᱫᱩᱯᱲᱩᱵ ᱮ ᱦᱚᱦᱚ ᱡᱟᱣᱨᱟ ᱠᱚᱣᱟ ᱾ ᱱᱩᱭ ᱜᱮ ᱵᱚᱸᱜᱟ ᱵᱳᱨᱳ ᱵᱟᱠᱷᱨᱟ ᱵᱚᱸᱜᱟ ᱦᱟᱺᱰᱤ ᱟᱨ ᱥᱚᱲᱮ ᱞᱟᱹᱜᱤᱫ ᱪᱟᱣᱞᱮᱭ ᱠᱚᱭ ᱩᱴᱷᱟ.ᱣ ᱡᱟᱣᱨᱟᱭᱟ ᱾ ᱟᱨ ᱦᱟᱺᱰᱤᱭ ᱫᱚᱦᱚ ᱦᱚᱪᱚ ᱠᱚᱣᱟ ᱵᱚᱸᱜᱟ ᱞᱟᱹᱜᱤᱫ ᱾ ᱚᱠᱟ ᱦᱤᱞᱚᱜ ᱵᱚᱸᱜᱟ ᱦᱩᱭᱩᱜᱼᱟ ᱤᱱᱟᱹ ᱦᱤᱞᱚᱜ ᱫᱚ ᱥᱮᱛᱟᱜ ᱠᱷᱚᱱ ᱤᱱᱟᱹᱦᱤᱞᱚᱜ ᱫᱚ ᱵᱩᱥᱟᱹᱜ ᱥᱤᱢ ᱠᱤᱱ ᱢᱟᱫ ᱴᱚᱨᱚᱰᱟᱝ ᱨᱮ ᱠᱚᱭ ᱩᱴᱷᱟᱹᱣ ᱡᱟᱣᱨᱟ ᱠᱚᱣᱟ ᱾ ᱚᱠᱚᱭ ᱠᱚᱠᱚ ᱮᱢ ᱠᱮᱜᱼᱟ ᱡᱚᱛᱚᱣᱟᱜ ᱚᱞ ᱠᱟᱛᱮ ᱦᱤᱥᱟᱹᱵᱽ ᱠᱤᱱ ᱫᱚᱦᱚᱭᱟ ᱾ᱚᱱᱟ ᱢᱮᱱᱛᱮ ᱱᱩᱠᱤᱱ ᱫᱚ ᱢᱟᱹᱡᱷᱤ ᱜᱚᱢᱠᱮ ᱨᱤᱱ ᱪᱮ ᱥᱩᱛᱨᱮᱛ ᱠᱟᱱᱟ ᱠᱤᱱ ᱾ ᱵᱚᱸᱜᱟ ᱵᱳᱨᱳ ᱟᱧᱪᱟ ᱯᱟᱧᱪᱟ ᱰᱟᱸᱰᱚᱢ ᱴᱟᱠᱟ ᱠᱤᱱ ᱠᱚᱭ ᱟᱹᱫᱟᱹᱭ ᱠᱚᱣᱟ ᱾ ᱠᱟᱹᱭ ᱟᱠᱟᱫ ᱦᱚᱲ ᱠᱚ ᱥᱟᱡᱟ ᱠᱤᱱ ᱮᱢᱟ ᱠᱚᱣᱟ ᱾ᱱᱩᱠᱤᱱ ᱫᱚ ᱟᱹᱰᱤ ᱠᱷᱟᱺᱴᱤ ᱨᱚᱲ ᱡᱚᱵᱟᱵᱽ ᱦᱚᱲ ᱠᱟᱱᱟ ᱠᱤᱱ ᱾ ᱚᱢᱟᱹᱱᱛᱤ ᱫᱚ ᱵᱟᱝ ᱠᱟᱱᱟ ᱵᱟᱝ ᱠᱷᱟᱱ ᱰᱟᱸᱰᱚᱢ ᱮᱢᱚᱜ ᱦᱩᱭᱩᱜᱼᱟ ᱾

ᱠᱩᱲᱟ.ᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱤᱱ ᱦᱚᱸ ᱢᱟᱹᱱ ᱦᱟᱥᱟ ᱥᱮᱫᱟᱭ ᱫᱚ ᱠᱤᱱ ᱧᱟᱢ ᱞᱮᱜᱼᱟ ᱾ ᱱᱮᱛᱟᱨ ᱫᱚ ᱢᱟᱹᱱ ᱞᱮᱠᱟᱛᱮ ᱵᱚᱸᱜᱟ ᱵᱳᱨᱳ, ᱯᱟᱨᱟᱵᱽ ᱯᱩᱱᱟᱹᱭ ᱠᱚᱨᱮ ᱢᱟᱹᱱ ᱯᱩᱲᱩᱜ ᱦᱟᱺᱰᱤ, ᱫᱟᱠᱟ, ᱥᱳᱲᱮ ᱡᱳᱲᱳ ᱠᱚ ᱧᱟᱢᱟ ᱾

ᱵᱟᱪᱷᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱤᱱ ᱦᱚᱸ ᱢᱟᱜᱽ ᱵᱚᱸᱜᱟ ᱨᱮᱜᱮ ᱦᱚᱲ ᱟᱛᱮ ᱠᱚ ᱵᱟᱪᱷᱚᱱ ᱠᱤᱱᱟ ᱾ ᱱᱮᱛᱟᱨ ᱫᱚ ᱢᱟᱨᱟᱝ ᱟᱹᱛᱩ ᱠᱚᱨᱮ ᱫᱚ ᱢᱤᱫ ᱪᱟᱸᱫᱚ ᱪᱮ ᱵᱚᱸᱜᱟ ᱯᱤᱪᱷᱤ ᱵᱟᱨ ᱦᱚᱲ ᱠᱟᱛᱮ ᱠᱟᱹᱢᱤ ᱠᱚ ᱛᱚᱨᱟᱣᱮᱜᱼᱟ ᱾ ᱟᱨ ᱚᱠᱟ ᱚᱠᱟ ᱦᱩᱰᱤᱧ ᱧᱚᱜ ᱟᱹᱛᱩ ᱠᱚᱨᱮ ᱫᱚ ᱢᱤᱫ ᱦᱚᱲ ᱜᱮ ᱢᱤᱫ ᱥᱮᱨᱢᱟ ᱠᱟᱹᱢᱤᱭ ᱛᱚᱨᱟᱣᱮᱜᱼᱟ ᱾ ᱱᱚᱶᱟ ᱡᱚᱜᱽ ᱢᱟᱹᱡᱷᱤ ᱠᱟᱹᱢᱤ ᱫᱚ ᱢᱤᱫ ᱦᱚᱲ ᱚᱲᱟᱜ ᱛᱟᱭᱚᱢ ᱚᱱᱠᱟ ᱜᱮ ᱛᱷᱟᱨ ᱮᱞᱮᱞ ᱦᱤᱥᱟᱹᱵᱽ ᱠᱟᱹᱢᱤ ᱵᱷᱟᱨᱟ ᱛᱚᱨᱟᱣ ᱛᱮ ᱦᱩᱭᱩᱜᱼᱟ ᱾ ᱟᱨ ᱚᱠᱚᱭ ᱠᱚᱜᱮ ᱵᱟᱝ ᱠᱚ ᱛᱚᱨᱟᱣ ᱫᱟᱲᱮᱭᱟᱜ ᱠᱟᱱᱟ ᱩᱱᱤ ᱫᱚ ᱯᱚᱴᱟᱣ ᱤᱫᱤ ᱠᱟᱛᱮ ᱟᱡᱟᱜ ᱵᱷᱟᱨᱟ ᱚᱱᱟ ᱡᱚᱜᱽ ᱢᱟᱹᱡᱷᱤ ᱠᱟᱹᱢᱤᱭ ᱛᱚᱨᱟᱣ ᱦᱚᱪᱚ ᱮᱭᱟ ᱾ ᱚᱱᱟ ᱫᱚ ᱠᱩᱯᱩᱞᱤ ᱪᱮᱛᱟᱱ ᱨᱮᱱᱟᱜ ᱠᱟᱛᱷᱟ ᱠᱟᱱᱟ ᱾ ᱮᱴᱟᱜ ᱦᱚᱲ ᱡᱚᱜᱽ ᱢᱟᱹᱡᱷᱤ ᱠᱟᱹᱢᱤ ᱛᱚᱨᱟᱣ ᱠᱮᱫᱤᱡ ᱯᱮ/ᱯᱩᱱ ᱢᱩᱬᱤ ᱦᱳᱲᱳ ᱮᱢᱟᱱ ᱛᱮ ᱜᱟᱯᱟᱞ ᱢᱟᱨᱟᱣ ᱠᱟᱛᱮ ᱠᱟᱹᱢᱤ ᱛᱚᱨᱟᱣ ᱦᱚᱪᱚ ᱛᱮ ᱯᱟᱨᱚᱢᱚᱜᱼᱟ ᱾