ᱡᱚᱨᱟᱢ ᱛᱷᱟᱝᱜᱟ
| ᱡᱚᱨᱟᱢ ᱛᱷᱟᱝᱜᱟ | |
|---|---|
 | |
| ᱢᱤᱡᱚᱨᱟᱢ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱑᱕ ᱰᱤᱥᱮᱢᱵᱚᱨ ᱒᱐᱑᱘ | |
| ᱯᱚᱱᱚᱛᱤᱭᱟᱹ | ᱠᱩᱢᱟᱱᱱᱟᱢ ᱨᱟᱡᱟᱥᱮᱠᱷᱟᱨᱟᱢ ᱡᱟᱜᱽᱫᱤᱥ ᱢᱩᱠᱷᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱞᱟᱞ ᱛᱷᱟᱱ ᱦᱟᱣᱞᱟ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱑ ᱚᱜᱚᱥᱴ ᱑᱙᱔᱔ ᱥᱟᱢᱛᱷᱟᱝ, ᱟᱥᱟᱢ, ᱵᱨᱤᱴᱤᱥ ᱤᱱᱰᱤᱭᱟ |
| ᱨᱟᱡᱽᱟᱹᱨᱤ ᱫᱚᱞ | ᱢᱤᱡᱚ ᱱᱮᱥᱚᱱᱟᱞ ᱯᱷᱨᱚᱱᱴ |
| ᱡᱤᱭᱚᱱ ᱥᱚᱦᱮᱫ | ᱨᱚᱱᱦᱮᱭᱥᱟᱝᱜᱤ |
| ᱦᱚᱯᱚᱱ | ᱒ |
| ᱚᱲᱟᱜ | ᱟᱭᱡᱚᱞ, ᱢᱤᱡᱚᱨᱟᱢ, ᱥᱤᱧᱚᱛ |
ᱡᱚᱨᱟᱢ ᱛᱷᱟᱝᱜᱟ (ᱡᱟᱱᱟᱢᱺ ᱑᱓ ᱡᱩᱞᱟᱭ ᱑᱙᱔᱔) ᱫᱚ ᱢᱤᱫᱴᱟᱹᱝ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱨᱟᱡᱟᱨᱤᱭᱟᱹ ᱠᱟᱱᱟᱭ ᱟᱨ ᱱᱟᱦᱟᱜ ᱢᱤᱡᱚᱨᱟᱢ ᱯᱚᱱᱚᱛ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱾ ᱩᱱᱤᱫᱚ ᱢᱤᱡᱚ ᱱᱮᱥᱚᱱᱟᱞ ᱯᱷᱨᱚᱱᱴ ᱨᱤᱱᱤᱡ ᱟᱹᱭᱩᱨᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱞᱮᱛᱟᱲ ᱑᱙᱙᱘ ᱥᱮᱨᱢᱟ ᱠᱷᱚᱱ ᱒᱐᱐᱘ ᱥᱮᱨᱢᱟ ᱦᱟᱹᱵᱤᱡ ᱢᱤᱡᱚᱨᱟᱢ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ, ᱵᱟᱵᱟᱨ ᱫᱷᱟᱣ ᱞᱟᱹᱜᱤᱫ ᱾ ᱩᱱᱤ ᱫᱚ ᱢᱤᱡᱚ ᱡᱟᱹᱡᱟᱹᱛᱨᱤᱭᱟᱹ ᱯᱷᱨᱚᱱᱴ ᱨᱮᱭᱟᱜ ᱟᱱᱫᱚᱲ ᱚᱠᱛᱮ ᱨᱮ ᱞᱟᱞ ᱰᱮᱝᱜᱟ ᱛᱟᱭᱚᱢ ᱫᱚᱥᱟᱨ ᱦᱩᱜᱼᱦᱩᱠᱩᱢᱤᱡᱼᱮ ᱛᱟᱦᱮᱸ ᱠᱟᱱᱟ ᱟᱨ ᱤᱱᱟᱹ ᱛᱟᱭᱚᱢ ᱮᱢᱹᱮᱱᱹᱮᱯᱷ ᱯᱟᱨᱴᱤ ᱞᱮᱠᱟ ᱢᱟᱱᱚᱛᱮ ᱧᱟᱢ ᱠᱮᱫ ᱴᱟᱭᱱᱚᱢ, ᱯᱟᱨᱴᱤ ᱨᱮᱱ ᱚᱣᱟᱨᱤᱥᱮ ᱦᱩᱭ ᱮᱱᱟ ᱾ ᱩᱱᱤ ᱫᱚ ᱢᱤᱡᱚᱨᱟᱢ ᱵᱤᱫᱷᱟᱱ ᱥᱚᱵᱷᱟ ᱨᱮ ᱠᱟᱹᱣᱰᱤ ᱟᱨ ᱥᱮᱪᱮᱫ ᱢᱚᱱᱛᱨᱤ ᱞᱮᱠᱟ ᱛᱮ ᱵᱟᱪᱷᱟᱣ ᱵᱟᱦᱟᱞ ᱚᱪᱚ ᱞᱮᱱᱟ ᱾ ᱒᱐᱐᱘ ᱥᱮᱨᱢᱟ ᱨᱮ ᱩᱱᱠᱩ ᱣᱟᱜ ᱯᱟᱨᱴᱤ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱴᱷᱮᱱ ᱠᱚ ᱦᱟᱨᱟᱣ ᱚᱪᱚ ᱞᱮᱱᱟ ᱾ ᱩᱱᱤ ᱫᱚ ᱵᱟᱨᱭᱟ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱠᱚᱸᱭᱮᱸ ᱟᱨ ᱮᱛᱚᱢ ᱪᱟᱢᱯᱟᱭ ᱠᱷᱚᱱᱮ ᱛᱤᱝᱜᱩ ᱞᱮᱱᱟ ᱟᱨ ᱵᱟᱱᱟᱨ ᱴᱚᱴᱷᱟ ᱠᱷᱚᱱ ᱜᱮᱭᱮ ᱦᱟᱨᱟᱣ ᱮᱱᱟ ᱾ ᱩᱱᱤᱫᱚ ᱘ ᱰᱤᱥᱮᱢᱵᱚᱨ ᱒᱐᱐᱘ ᱢᱟᱹᱦᱤᱛ ᱦᱤᱞᱚᱜ ᱯᱚᱱᱚᱛ ᱜᱚᱢᱠᱮ ᱮᱢᱹᱮᱢ ᱞᱟᱠᱷᱮᱨᱟ ᱴᱷᱮᱱ ᱦᱩᱫᱟᱹ ᱠᱷᱚᱱ ᱥᱟᱦᱟᱜ ᱨᱮᱭᱟᱜ ᱥᱟᱠᱟᱢ ᱮ ᱪᱟᱞ ᱟᱫᱮᱭᱟ ᱟᱨ ᱯᱮ ᱢᱟᱦᱟ ᱛᱟᱭᱚᱢ ᱦᱩᱫᱟᱹ ᱠᱷᱚᱱᱮ ᱥᱟᱦᱟᱭᱮᱱᱟ ᱾ ᱩᱱᱤ ᱫᱚ ᱟᱨᱦᱚᱸ ᱒᱐᱑᱘ ᱥᱮᱨᱢᱟ ᱨᱮ ᱥᱤᱨᱟᱹ ᱢᱚᱱᱛᱨᱤ ᱦᱩᱭ ᱨᱩᱣᱟᱹᱲ ᱮᱱᱟ, ᱛᱤᱱ ᱨᱮ ᱩᱱᱠᱩᱣᱟᱜ ᱯᱟᱨᱴᱤ ᱵᱤᱫᱷᱟᱱ ᱥᱚᱵᱷᱟ ᱨᱮ ᱥᱟᱝᱜᱮ ᱢᱟᱹᱪᱤ ᱠᱚ ᱦᱟᱢᱮᱴ ᱠᱮᱫᱟ ᱾
ᱜᱤᱫᱽᱨᱟᱹ ᱚᱠᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱚᱨᱟᱢ ᱛᱷᱝᱢᱟ ᱫᱚ ᱑᱓ ᱡᱩᱞᱟᱭ ᱑᱙᱔᱔ ᱥᱮᱨᱢᱟ ᱨᱮᱭᱮ ᱡᱟᱱᱟᱢ ᱞᱮᱱᱟ, ᱥᱟᱝᱛᱷᱟᱝ ᱟᱹᱛᱩ ᱨᱮ ᱾ ᱩᱱᱤ ᱨᱮᱱ ᱟᱯᱟᱛᱮᱫ ᱟᱜ ᱧᱩᱛᱩᱢ ᱫᱚ ᱫᱟᱨᱯᱷᱩᱝᱜᱟ ᱛᱟᱸᱦᱮᱸ ᱠᱟᱱᱟ ᱟᱨ ᱮᱝᱜᱟᱛᱮᱫ ᱟᱜ ᱧᱩᱛᱩᱢ ᱫᱚ ᱵᱷᱟᱱᱩᱣᱟᱭᱟ ᱪᱷᱤᱝᱜᱤ ᱛᱟᱸᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱮᱝᱜᱟᱛᱼᱟᱯᱟᱛ ᱨᱮᱱ ᱤᱨᱟᱞ ᱜᱚᱴᱟᱝ ᱦᱚᱯᱚᱱ ᱢᱩᱫᱽ ᱨᱮ ᱠᱟᱹᱴᱤᱡ ᱩᱛᱟᱹᱨᱤᱡ ᱠᱷᱚᱱ ᱞᱟᱹᱴᱩᱭᱤᱡᱼᱮ ᱛᱟᱸᱦᱮᱸ ᱠᱟᱱᱟ ᱾ ᱩᱱᱠᱩ ᱫᱚ ᱢᱚᱬᱮ ᱠᱚᱲᱟ ᱵᱚᱭᱦᱟ ᱟᱨ ᱯᱮᱭᱟ ᱢᱤᱥᱨᱟ ᱟᱠᱚ ᱾
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱚᱨᱟᱢ ᱛᱷᱟᱝᱜᱟ ᱫᱚ ᱑᱙᱕᱐ ᱥᱮᱨᱢᱟ ᱨᱮ ᱯᱨᱟᱭᱢᱟᱨᱤ ᱥᱠᱩᱞ ᱨᱮᱢ ᱯᱟᱲᱦᱟᱣ ᱞᱮᱰᱟ ᱾ ᱑᱙᱕᱔ ᱥᱮᱨᱢᱟ ᱨᱮ ᱫᱚ ᱥᱟᱣᱩᱛ ᱠᱷᱣᱵᱩᱝ ᱨᱮᱭᱟᱜ ᱢᱤᱰᱰᱮᱞ ᱥᱠᱩᱞ ᱨᱮ ᱟᱨ ᱑᱙᱕᱖ ᱥᱮᱨᱢᱟ ᱨᱮ ᱫᱚ ᱛᱩᱨᱩᱭ ᱪᱟᱱᱟᱪ ᱥᱟᱹᱛ ᱠᱮᱫᱟ ᱾ ᱑᱙᱕᱗ ᱥᱮᱨᱢᱟ ᱨᱮ ᱩᱱᱤ ᱫᱚ ᱪᱟᱢᱯᱷᱟᱭ ᱜᱟᱱᱫᱷᱤ ᱦᱟᱭ ᱥᱠᱩᱞ ᱨᱮ ᱪᱟᱱᱟᱪ ᱮᱭᱟᱭ ᱨᱮᱭᱮ ᱵᱷᱩᱨᱛᱤ ᱞᱮᱱᱟ ᱾ ᱩᱱᱤ ᱫᱚ ᱟᱡᱟᱜ ᱦᱟᱭ ᱥᱠᱩᱞ ᱥᱮᱪᱮᱫ ᱑᱙᱖᱐ ᱥᱮᱨᱢᱟ ᱨᱮᱭᱮ ᱢᱩᱪᱟᱹᱫ ᱞᱮᱫᱟ ᱾ ᱩᱱᱤ ᱫᱚ ᱟᱡᱟᱜ ᱠᱚᱞᱮᱡᱽ ᱯᱟᱲᱟᱣ ᱰᱤᱹᱮᱢᱹ ᱠᱚᱞᱮᱡᱽ ᱢᱟᱱᱤᱯᱩᱨ ᱠᱷᱚᱱᱮ ᱯᱩᱨᱟᱹᱣ ᱞᱮᱫᱟ ᱾
ᱨᱟᱡᱽ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱙᱐ ᱥᱮᱨᱢᱟ ᱨᱮ ᱞᱟᱞᱰᱮᱝᱜᱟ ᱜᱩᱨ ᱛᱟᱭᱱᱚᱢ, ᱩᱱᱤ ᱠᱚ ᱵᱟᱦᱟᱞ ᱠᱮᱫᱮᱭᱟ ᱢᱤᱡᱚ ᱱᱮᱥᱚᱱᱟᱞ ᱯᱷᱨᱚᱱᱴ ᱨᱮᱱ ᱯᱟᱨᱥᱮᱛ ᱞᱮᱠᱟ ᱛᱮ ᱾ ᱛᱤᱱ ᱨᱮ ᱵᱤᱫᱷᱟᱱ ᱥᱚᱵᱷᱟ ᱫᱚ ᱑᱙᱙᱘ ᱥᱮᱨᱢᱟ ᱟᱨᱮ ᱚᱨᱟᱢ ᱮᱱᱟ, ᱩᱱ ᱚᱠᱛᱮ ᱩᱱᱤ ᱫᱚ ᱯᱟᱨᱴᱤ ᱨᱮᱭᱟᱜ ᱫᱟᱭᱤᱠ ᱵᱷᱟᱨᱮ ᱜᱚᱜ ᱞᱮᱫᱟ ᱟᱨ ᱠᱚ ᱡᱤᱛᱠᱟᱹᱨ ᱮᱱᱟ ᱟᱨ ᱩᱱᱤ ᱜᱮ ᱢᱤᱡᱚᱨᱟᱢ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱭᱮ ᱵᱮᱱᱟᱣ ᱮᱱᱟ ᱾