ᱡᱚᱭᱟ ᱛᱚᱭᱜᱟᱨᱟᱡᱚᱱ
ᱡᱚᱭᱟ ᱛᱚᱭᱜᱟᱨᱟᱡᱚᱱ
| |
|---|---|
 18-26 ᱰᱤᱥᱮᱠᱵᱚᱨ 2011 ᱨᱮᱭᱟᱜ ᱛᱟᱞᱟ ᱨᱮ ᱱᱟᱶᱟ ᱫᱤᱞᱞᱤ ᱨᱮᱭᱟᱜ ᱟᱭ ᱥᱤ ᱥᱤ ᱟᱨ ᱨᱮ ᱥᱟᱯᱲᱟᱣ ᱟᱠᱟᱱ ᱩᱫᱩᱜ ᱥᱚᱫᱚᱨ ᱨᱮ ᱪᱤᱛᱟᱹᱨ ᱦᱟᱛᱟᱣ ᱦᱩᱭ ᱟᱠᱟᱱᱟ
| |
| ᱡᱟᱱᱟᱢ ᱞᱮᱱᱟ | ᱡᱚᱭᱞᱚᱠᱠᱷᱤ ᱠᱨᱤᱥᱱᱟᱢᱩᱨᱛᱤ 29 ᱰᱤᱥᱮᱢᱵᱚᱨ 1956 ᱨᱮ |
| ᱥᱴᱟᱭᱤᱞ | ᱛᱟᱱᱡᱳᱨ |
ᱡᱚᱭᱟ ᱛᱚᱭᱜᱟᱨᱟᱡᱚᱱ 1956 ᱥᱟᱹᱦᱤᱛ ᱨᱮ ᱵᱷᱟᱨᱚᱛ ᱨᱮᱭᱟᱜ ᱛᱟᱢᱤᱞᱱᱟᱲᱩ ᱨᱮᱭᱟᱜ ᱠᱳᱭᱮᱢᱵᱟᱴᱳᱨ ᱨᱮ ᱡᱟᱱᱟᱢ ᱞᱮᱱᱟᱭ, ᱩᱱᱤ ᱫᱚ ᱢᱤᱫ ᱥᱮᱨᱣᱟ ᱟᱱᱟᱜ ᱵᱷᱟᱨᱚᱛ ᱨᱮᱱ ᱠᱟᱹᱨᱤᱜᱚᱞ ᱡᱟᱦᱟᱸᱭ ᱫᱚ ᱟᱡᱟᱜ ᱛᱟᱱᱡᱳᱨ ᱪᱤᱛᱟᱹᱨ ᱞᱟᱹᱜᱤᱫ ᱩᱯᱨᱩᱢ ᱞᱮᱱᱟᱭ ᱾[᱑][᱒][᱓] ᱡᱚᱭᱟᱜ ᱡᱟᱱᱟᱢ ᱫᱚ ᱢᱟᱫᱨᱟᱡ ᱯᱚᱱᱚᱛ ᱨᱮ ᱦᱩᱭ ᱞᱮᱱᱟ, ᱡᱟᱦᱟᱸᱨᱮ ᱱᱚᱶᱟ ᱪᱤᱛᱟᱹᱨ ᱠᱚ ᱨᱮᱭᱟᱜ ᱮᱛᱚᱦᱚᱵ ᱦᱩᱭ ᱞᱮᱱᱟ ᱾
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
1976 ᱥᱟᱹᱦᱤᱛ ᱨᱮ ᱱᱟᱜᱟᱢ ᱨᱮ ᱟᱨᱴᱥ ᱨᱮ ᱵᱮᱼᱵᱮᱹᱞᱮᱪᱟᱨ ᱟᱨ 1978 ᱥᱟᱹᱦᱤᱛ ᱨᱮ ᱵᱷᱟᱨᱚᱛᱤᱭᱚ ᱩᱭᱦᱟᱹᱨᱟᱱ ᱨᱮ ᱟᱨᱴᱥ ᱨᱮ ᱢᱟᱨᱥᱴᱟᱨ ᱧᱟᱢ ᱛᱟᱭᱚᱢ, ᱩᱱᱤ ᱫᱚ ᱛᱷᱚᱱᱚᱛ ᱨᱮᱱ ᱢᱩᱲᱩᱫ ᱥᱨᱤ ᱠᱮ ᱥᱨᱤᱱᱤᱵᱟᱥᱩᱞᱩ ᱟᱜ ᱪᱟᱪᱟᱞᱟᱣ ᱨᱮ ᱢᱟᱫᱨᱟᱡᱽ ᱨᱮᱭᱟᱜ ᱠᱟᱞᱠᱷᱮᱛᱷᱚᱨᱟ ᱥᱩᱠᱚᱞ ᱚᱯᱷ ᱯᱷᱟᱭᱤᱱ ᱟᱨᱴᱥ ᱠᱷᱚᱱ ᱯᱷᱟᱭᱤᱱ ᱟᱨᱴᱥ ᱨᱮ ᱰᱤᱞᱢᱳᱢᱟ ᱦᱟᱢᱮᱴ ᱞᱮᱫᱟᱭ ᱾
ᱡᱚᱭᱟ ᱫᱚ ᱛᱟᱱᱡᱳᱨ ᱪᱤᱛᱟᱹᱨ ᱟᱥᱲᱟ ᱨᱤᱱᱤᱡ ᱢᱤᱫ ᱟᱹᱰᱤ ᱱᱟᱯᱟᱭ ᱯᱟᱨᱥᱮᱛ ᱠᱟᱱᱟᱭ ᱾ ᱟᱡᱟᱜ ᱟᱭᱢᱟ ᱞᱮᱠᱟᱱ ᱪᱤᱛᱟᱹᱨ ᱫᱚ ᱛᱟᱱᱡᱳᱨ ᱨᱮᱱᱟᱜ ᱟᱭᱢᱟ ᱢᱟᱨᱟᱝ ᱪᱤᱛᱟᱹᱨ ᱨᱮᱱᱟᱜ ᱨᱤᱯᱨᱚᱰᱤᱠᱥᱚᱱ ᱠᱟᱱᱟ ᱾
ᱩᱫᱩᱜ ᱥᱚᱫᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱭᱟᱜ ᱯᱳᱭᱞᱳ ᱩᱫᱩᱜ ᱥᱚᱫᱚᱨ ᱫᱚ ᱛᱟᱦᱮᱸ ᱠᱟᱱᱟ 1980 ᱥᱟᱹᱦᱤᱛ ᱨᱮ ᱠᱟᱞᱠᱷᱮᱛᱷᱚᱨᱟ ᱵᱤᱨᱫᱟᱹᱜᱟᱲ ᱨᱮ ᱟᱨ ᱚᱱᱟ ᱛᱟᱭᱚᱢ 1981 ᱥᱟᱹᱦᱤᱛ ᱨᱮ ᱢᱤᱫᱴᱟᱝ ᱾ 1982 ᱥᱟᱹᱦᱤᱛ ᱨᱮ ᱢᱮᱠᱥ ᱢᱳᱞᱟᱨ ᱵᱷᱟᱵᱚᱱ ᱟᱨ 1992 ᱥᱟᱹᱦᱤᱛ ᱨᱮᱭᱟᱜ ᱢᱮ ᱟᱨ 1993 ᱥᱟᱹᱦᱤᱛ ᱨᱮᱭᱟᱜ ᱟᱜᱚᱥᱴ ᱨᱮ ᱱᱟᱶᱟ ᱫᱤᱞᱞᱤ ᱨᱮ ᱛᱨᱤᱵᱮᱱᱤ ᱟᱨᱴ ᱜᱮᱞᱟᱨᱤ ᱨᱮ ᱩᱱᱤ ᱫᱚ ᱥᱤᱜᱤᱞ ᱢᱤᱫ ᱦᱚᱲ ᱟᱜ ᱩᱫᱩᱜ ᱥᱚᱫᱚᱨ ᱞᱮᱫᱟᱭ ᱾ 1986 ᱥᱟᱹᱦᱤᱛ ᱨᱮ ᱩᱱᱤ ᱫᱚ ᱱᱟᱶᱟ ᱫᱤᱞᱞᱤ ᱨᱮᱭᱟᱜ ᱞᱟᱹᱞᱤᱛ ᱠᱟᱞ ᱮᱠᱟᱫᱤᱱᱤ ᱫᱟᱨᱟᱭ ᱛᱮ ᱥᱟᱯᱲᱟᱣ ᱠᱟᱞᱼᱢᱮᱞᱟ ᱨᱮ ᱥᱮᱞᱮᱫ ᱞᱟᱹᱜᱤᱫ ᱠᱚ ᱢᱮᱱ ᱞᱮᱫᱟ ᱾
1989 ᱟᱨ 2000 ᱥᱟᱹᱦᱤᱛ ᱨᱮ ᱥᱟᱱᱟᱢ ᱵᱷᱟᱨᱚᱛᱤᱭᱚ ᱯᱷᱟᱭᱤᱱ ᱟᱨᱴᱥ ᱮᱱᱰ ᱠᱨᱟᱯᱷᱴᱥ ᱥᱳᱥᱟᱭᱴᱤ ᱫᱟᱨᱟᱭ ᱛᱮ ᱥᱟᱯᱲᱟᱣ ᱥᱮᱨᱣᱟ ᱟᱱᱟᱜ ᱠᱟᱹᱨᱤ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱡᱚᱭ ᱟᱜ ᱪᱤᱛᱟᱹᱨ ᱠᱚ ᱵᱟᱪᱷᱱᱟᱣ ᱦᱩᱭ ᱞᱮᱱᱟ ᱾ 1992 ᱥᱟᱹᱦᱤᱛ ᱨᱮᱭᱟᱜ ᱡᱟᱱᱩᱣᱟᱨᱤ ᱟᱨ ᱡᱩᱱ ᱟᱨ 1993 ᱥᱟᱹᱦᱤᱛ ᱨᱮᱭᱟᱜ ᱚᱠᱴᱳᱵᱚᱨ ᱨᱮ ᱱᱟᱶᱟ ᱫᱤᱞᱞᱤ ᱨᱮ ᱛᱟᱢᱤᱞᱱᱟᱰᱩ ᱮᱢᱯᱳᱨᱤᱭᱚᱢ ᱨᱮ ᱯᱩᱢᱯᱩᱦᱟᱨ ᱫᱟᱨᱟᱭ ᱛᱮ ᱥᱟᱯᱲᱟᱣ ᱟᱠᱟᱱ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱩᱱᱤᱭᱟᱜ ᱠᱟᱹᱢᱤ ᱠᱚ ᱵᱟᱪᱷᱱᱟᱣ ᱦᱩᱭ ᱟᱠᱟᱱᱟ ᱾
1995 ᱥᱟᱹᱦᱤᱛ ᱨᱮᱭᱟᱜ ᱚᱠᱴᱳᱵᱚᱨ ᱨᱮ ᱞᱩᱱᱰᱚᱱ ᱨᱮ ᱵᱷᱟᱨᱚᱛ ᱦᱟᱭ ᱠᱚᱢᱤᱥᱚᱱ ᱨᱮᱱᱟᱜ ᱱᱮᱦᱮᱨᱩ ᱥᱮᱱᱴᱟᱨ, 1997 ᱥᱟᱹᱦᱤᱛ ᱨᱮᱭᱟᱜ ᱮᱯᱨᱤᱞ ᱨᱮ ᱨᱤᱭᱩᱱᱤᱭᱚᱱ ᱰᱷᱤᱯ ᱨᱮ ᱥᱮᱱᱴ ᱰᱮᱱᱤᱥ ᱢᱤᱭᱩᱱᱤᱥᱯᱮᱞᱴᱤ,ᱢᱚᱨᱤᱥᱟᱥ ᱾ ᱨᱮ ᱤᱱᱫᱤᱨᱟ ᱜᱟᱱᱫᱷᱤ ᱥᱮᱱᱴᱟᱨ ᱯᱷᱚᱨ ᱟᱨᱴᱥ ᱮᱱᱰ ᱞᱟᱠᱪᱟᱨ ᱟᱨ 1997ᱼ1998 ᱥᱟᱹᱦᱤᱛ ᱨᱮᱭᱟᱜ ᱚᱠᱴᱳᱵᱚᱨᱨᱮ ᱱᱟᱶᱟ ᱫᱤᱞᱞᱤ ᱨᱮ ᱮ ᱮᱱ ᱡᱮᱹᱰ ᱜᱨᱤᱱᱰᱞᱮᱹᱥ ᱵᱮᱝᱠ ᱨᱮ ᱟᱡᱟᱜ ᱠᱟᱹᱢᱤ ᱨᱮᱭᱟᱜ ᱢᱤᱫᱴᱟᱝ ᱩᱫᱩᱜ ᱥᱚᱫᱚᱨ ᱞᱮᱱᱟ ᱾ 2002 ᱥᱟᱹᱦᱤᱛ ᱨᱮ ᱡᱚᱭ ᱫᱚ ᱳᱣᱟᱥᱴᱤᱝᱴᱤᱱ ᱰᱤ ᱥᱤ ᱨᱮ ᱵᱷᱟᱨᱚᱛᱤᱭᱚ ᱮᱢᱵᱟᱥᱤ ᱨᱮ ᱟᱡᱟᱜ ᱠᱟᱹᱢᱤ ᱨᱮᱭᱟᱜ ᱢᱤᱫᱴᱟᱝ ᱩᱫᱩᱜᱥᱚᱫᱚᱨ ᱮ ᱥᱟᱯᱲᱟᱣ ᱞᱮᱫᱟ ᱾ ᱩᱱᱤ ᱫᱚ 2006 ᱥᱟᱹᱦᱤᱛ ᱨᱮ ᱡᱚᱭᱯᱩᱨ ᱨᱮᱭᱟᱜ ᱡᱟᱣᱦᱚᱨ ᱠᱟᱞ ᱛᱟᱞᱢᱟ ᱨᱮ ᱟᱡᱟᱜ ᱪᱤᱛᱟᱹᱨ ᱨᱮᱭᱟᱜ ᱢᱤᱫᱴᱟᱝ ᱩᱫᱩᱜ ᱥᱚᱫᱚᱨᱮ ᱠᱚᱨᱟᱣ ᱞᱮᱫᱟ ᱾
ᱡᱚᱭ ᱫᱚ ᱱᱟᱦᱟᱜ ᱜᱮ ᱢᱟᱨᱠᱤᱱ ᱡᱩᱠᱛᱚᱨᱟᱥᱴᱨᱚ ᱨᱮ ᱮᱥᱤᱭᱟ ᱤᱱᱤᱪᱤᱭᱩᱴᱥ ᱨᱮᱭᱟᱜ ᱮᱛᱚᱦᱚᱵ ᱨᱮ ᱮᱥᱤᱭᱟ ᱤᱤᱱᱤᱪᱤᱭᱩᱴ ᱠᱚ ᱥᱟᱶ ᱱᱤᱭᱳᱣᱚᱨᱠ ᱨᱮᱭᱟᱜ ᱵᱷᱟᱨᱚᱛ ᱨᱮᱭᱟᱜ ᱠᱚᱱᱥᱳᱞᱮᱴ ᱡᱮᱱᱟᱨᱮᱞ ᱨᱮ ᱛᱟᱱᱡᱳᱨ ᱪᱤᱛᱟᱹᱨ ᱨᱮᱭᱟᱜ ᱠᱟᱹᱢᱤ ᱠᱚ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾
ᱡᱚᱭᱟᱜ ᱵᱮᱱᱟᱣ ᱠᱚᱫᱚ ᱛᱮᱦᱮᱧ ᱵᱷᱟᱨᱚᱛ ᱟᱨ ᱡᱮᱜᱮᱫ ᱨᱮᱭᱟᱜ ᱮᱴᱟᱜ ᱦᱤᱸᱥ ᱨᱮ ᱟᱭᱢᱟ ᱚᱲᱟᱜ ᱟᱨ ᱠᱚᱨᱯᱳᱨᱮᱴ ᱚᱯᱷᱤᱥ ᱨᱮ ᱜᱳᱨᱰ ᱨᱮᱭᱟᱜ ᱴᱷᱟᱶ ᱠᱚ ᱦᱟᱢᱮᱴ ᱟᱠᱟᱫᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Welcome to Embassy of India, Washington D C, USA" (PDF). Indianembassy.org. Retrieved 2019-07-07.
- ↑ "Press Releases-Consulate General of India, New York, U.S.A. - indiacgny.org - www.indiacgny.org". Archived from the original on 19 June 2010. Retrieved 12 May 2009.
- ↑ "Museums Openings". Washington Post. 22 February 2002. p. T62. Archived from the original on 5 November 2012. Retrieved 28 January 2011.
...Tanjore paintings by Jaya Thyagarajan through Tuesday....