ᱡᱟᱸᱜᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Diagram of an insect leg
Diagram of an insect leg

ᱡᱟᱸᱜᱟ ᱥᱮ ᱠᱟᱴᱟ ᱫᱚ ᱢᱟᱹᱱᱢᱤ ᱥᱮ ᱮᱴᱟᱜ ᱡᱤᱵᱽ ᱡᱤᱭᱟᱹᱞᱤ ᱠᱳᱣᱟᱜ ᱟᱹᱰᱤ ᱡᱟᱹᱨᱩᱲᱟᱱ ᱚᱝᱥᱚ ᱠᱟᱱᱟ᱾ ᱢᱤᱫ ᱡᱟᱜᱟ ᱠᱷᱚᱱ ᱟᱨ ᱢᱤᱫ ᱡᱟᱜᱟ ᱪᱟᱞᱟᱜ ᱞᱟᱹᱜᱤᱛ ᱱᱚᱣᱟ ᱡᱟᱸᱜᱟ ᱛᱮᱜᱮ ᱠᱚ ᱪᱟᱞᱟᱜᱼᱟ᱾

ᱡᱟᱸᱜᱟ ᱨᱮᱱᱟᱜ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤᱵᱽ ᱡᱤᱭᱟᱹᱞᱤ ᱵᱷᱤᱛᱨᱤᱨᱮ ᱢᱟᱹᱱᱢᱤ ᱥᱮ ᱪᱮᱬᱮ ᱪᱤᱯᱲᱩ ᱠᱳᱣᱟᱜ ᱫᱚ ᱵᱟᱨᱮᱭᱟ ᱡᱟᱸᱜᱟ ᱢᱮᱱᱟᱜᱼᱟ᱾ ᱟᱨ ᱰᱟᱝᱨᱟ, ᱢᱮᱨᱚᱢ, ᱵᱷᱤᱰᱤ, ᱛᱟᱹᱨᱩᱵ, ᱵᱤᱡᱤ, ᱨᱩᱸᱰᱟᱹ ᱱᱚᱝᱠᱟᱱ ᱠᱩ ᱡᱤᱵᱽ ᱟᱜ ᱫᱚ ᱯᱚᱱᱮᱭᱟ ᱡᱟᱸᱜᱟ ᱢᱮᱱᱟᱜ ᱛᱟᱠᱩᱣᱟ᱾ ᱚᱨᱛᱷᱚᱯᱚᱰ ᱡᱤᱵᱽ ᱟᱜ ᱫᱚ ᱯᱩᱱ ᱡᱚᱲᱟ ᱥᱮ ᱛᱩᱨᱩᱭ ᱡᱚᱲᱟ ᱡᱟᱸᱜᱟ ᱢᱮᱱᱟᱜ ᱛᱟᱠᱩᱣᱟ᱾ ᱱᱟᱱᱟ ᱦᱩᱱᱟᱹᱨ ᱛᱤᱡᱩ ᱠᱳᱣᱟᱜ ᱫᱚ ᱘, ᱑᱒, ᱑᱔ ᱡᱚᱲᱟ ᱦᱚᱸ ᱡᱟᱸᱜᱟ ᱢᱮᱱᱟᱜ ᱛᱟᱠᱩᱣᱟ᱾ ᱤᱱᱟᱹ ᱵᱟᱫᱽ ᱠᱟᱛᱮ ᱦᱚᱸ ᱢᱤᱫ ᱥᱟᱭ, ᱢᱤᱫ ᱥᱟᱥᱟᱭ ᱡᱚᱲᱟ ᱡᱟᱸᱜᱟ ᱦᱚᱸ ᱟᱭᱢᱟ ᱛᱤᱡᱩ ᱠᱳᱣᱟᱜ ᱢᱮᱱᱟᱜᱼᱟ᱾

ᱢᱟᱹᱱᱢᱤᱭᱟᱜ ᱡᱟᱸᱜᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱹᱱᱢᱤ ᱟᱜ ᱡᱟᱸᱜᱟ ᱫᱚ ᱵᱟᱨᱮᱭᱟ ᱜᱮᱭᱟ᱾ ᱜᱩᱱᱴᱷᱤ ᱞᱟᱛᱟᱨ ᱠᱷᱚᱱ ᱡᱟᱸᱜᱟ ᱠᱚ ᱢᱮᱛᱟᱜᱼᱟ᱾ ᱵᱟᱨ ᱡᱟᱸᱜᱟ ᱡᱤᱵᱽ ᱵᱟᱫ ᱠᱟᱛᱮ ᱯᱩᱱ ᱡᱟᱸᱜᱟ ᱡᱤᱵᱽ ᱠᱚ ᱫᱚ ᱞᱟᱦᱟ ᱠᱟᱴᱟ ᱛᱤ ᱞᱮᱠᱟ ᱦᱚᱸ ᱠᱩ ᱵᱮᱵᱷᱟᱨᱟ᱾ ᱜᱤᱫᱽᱨᱟᱹ ᱡᱟᱱᱟᱢᱚᱜ ᱞᱟᱦᱟᱨᱮ ᱜᱮ ᱜᱚᱜᱚ ᱟᱜ ᱞᱟᱡ ᱨᱮᱜᱮ ᱢᱟᱹᱱᱢᱤ ᱟᱜ ᱡᱟᱸᱜᱟ ᱫᱚ ᱵᱮᱱᱟᱣ ᱯᱩᱨᱟᱹᱜᱼᱟ᱾ ᱟᱫᱚ ᱡᱟᱱᱟᱢ ᱛᱟᱭᱚᱢ ᱦᱚᱲᱢᱚ ᱥᱟᱶᱛᱮ ᱢᱤᱞ ᱠᱟᱛᱮ ᱡᱟᱸᱜᱟ ᱦᱚᱸ ᱦᱟᱨᱟᱜᱼᱟ᱾ ᱜᱚᱴᱟ ᱦᱚᱲᱢᱚ ᱨᱮᱱᱟᱜ ᱦᱟᱢᱟᱞ ᱫᱚ ᱡᱟᱸᱜᱟ ᱪᱮᱛᱟᱱ ᱨᱮᱜᱮ ᱛᱟᱸᱦᱮᱸᱱᱟ᱾

ᱡᱤᱵᱽ ᱡᱤᱭᱟᱹᱞᱤ ᱫᱚ ᱢᱤᱫ ᱡᱟᱸᱜᱟ ᱫᱚ ᱵᱟᱹᱠᱩ ᱦᱩᱭᱩᱜᱼᱟ᱾ ᱡᱤᱵᱽ ᱡᱤᱭᱟᱹᱞᱤ ᱵᱷᱤᱛᱨᱤᱨᱮ ᱡᱟᱸᱜᱟ ᱫᱚ ᱡᱚᱲᱟ ᱜᱮ ᱦᱩᱭᱩᱜᱼᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]