ᱡᱤᱵᱚᱱ ᱞᱟᱹᱣᱠᱟᱹ
ᱡᱤᱵᱚᱱ ᱞᱟᱣᱠᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱱᱚᱞᱤᱭᱟ:-(ᱜᱳᱨᱟᱪᱟᱸᱫᱽ ᱴᱩᱰᱩ)
ᱫᱷᱟᱹᱨᱛᱤ ᱡᱟᱞᱟᱯᱩᱨᱤ, ᱱᱚᱣᱟ ᱰᱷᱤᱯ ᱠᱷᱚᱱ ᱯᱟᱨᱚᱢ ᱦᱚᱭᱚᱜ ᱛᱤᱧᱟᱹ, ᱡᱤᱵᱚᱱ ᱞᱟᱣᱠᱟ ᱾ ᱦᱟᱱᱟᱥᱟ ᱨᱮ ᱢᱚᱡᱽ ᱜᱷᱟᱴ, ᱛᱤᱥ ᱤᱧ ᱛᱤᱭᱚᱜ; ᱛᱤᱥ ᱤᱧ ᱟᱣᱥᱟᱱᱚᱜ-ᱟ, ᱵᱟᱹᱧ ᱵᱟᱰᱟᱭᱟ ᱾
ᱛᱮᱸᱜᱳ ᱫᱟᱜ ᱜᱷᱟᱴ ᱨᱮ,
ᱛᱟᱸᱦᱮᱠᱟᱱᱨᱮ ;
ᱚᱦᱚᱢᱟᱞᱮᱫᱟᱹᱧ ᱛᱷᱤᱨᱟ,
ᱜᱚᱴᱟ ᱥᱟᱜᱚᱨ ᱾
ᱪᱟᱞᱟᱣᱜ ᱛᱤᱧᱟᱹᱭ ᱞᱟᱹᱣᱠᱟ,
ᱞᱮᱜᱮᱢ ᱞᱮᱜᱮᱢ ;
ᱜᱳᱞ ᱟᱨ ᱥᱮᱨᱮᱧᱟᱛᱮ,
ᱢᱚᱠᱟᱢ ᱦᱟᱹᱵᱤᱡ ᱾
ᱵᱟᱦᱮᱨ ᱠᱮᱫᱟᱹᱧ ᱞᱟᱣᱠᱟᱹ,
ᱜᱷᱮᱨᱟᱣ ᱜᱷᱟᱴ ᱠᱷᱚᱱ ;
ᱟᱛᱷᱟᱱ ᱨᱚᱜᱚᱲ ᱛᱮᱛᱨᱮ,
ᱯᱟᱲᱟᱣ ᱮᱱᱟ ᱾
ᱯᱳᱸᱰ ᱜᱮ ᱠᱟᱢᱥᱟ ᱠᱟᱹᱢᱥᱤ ;
ᱞᱟᱦᱟ ᱠᱷᱚᱱ ᱰᱷᱮᱣ ;
ᱛᱩᱞᱛᱮ ᱛᱟᱣᱟᱜ ᱮᱛ ᱟᱭ,
ᱛᱮᱠᱮᱪ ᱛᱮᱠᱮᱪ ᱾
ᱮᱛᱚᱢ ᱠᱚᱸᱧᱮ ᱦᱚᱨ ᱦᱚᱧ,
Bold textᱞᱮᱜᱟᱛ ᱜᱮᱭᱟ ;
ᱯᱳᱱᱳᱱ ᱥᱮᱱ ᱜᱷᱮᱣᱨᱟᱛᱮᱧ,
ᱜᱷᱮᱨᱟᱣ ᱜᱮᱭᱟ ᱾
ᱵᱷᱚᱭᱚᱱ ᱦᱚᱸ ᱵᱷᱚᱨᱚᱢ ᱛᱮ,
ᱨᱟᱠᱟᱯᱟᱹᱧ ᱠᱟᱱ ;
ᱦᱳᱭᱱᱳᱭᱜᱮ ᱞᱟᱹᱣᱠᱟᱹ ᱫᱚᱧ,
ᱴᱟᱨᱦᱟᱣᱛᱤᱧᱟᱹ ᱾
ᱰᱷᱮᱣ ᱜᱷᱮᱣᱨᱟ ᱛᱟᱞᱟᱨᱮ,
ᱟᱨᱦᱚᱸ ᱵᱤᱨᱵᱟᱸᱣ ;
ᱡᱟᱯᱩᱫ ᱮᱫᱤᱧ ᱠᱟᱱᱟᱭ,
ᱛᱟᱯᱩᱜᱮᱧᱟᱭ ᱾
ᱱᱟᱠᱷᱟ ᱥᱮᱨᱢᱟ ᱥᱟᱱᱟᱢ,
ᱧᱩᱛᱮᱱᱟ ᱦᱟᱭ !
ᱚᱠᱟ ᱥᱮᱡᱟᱹᱧ ᱞᱟᱹᱣᱠᱟᱹ,
ᱰᱷᱮᱣᱞᱟᱣᱜ-ᱟ ᱟ ᱱᱤᱛ !
ᱥᱤᱨᱡᱚᱱ ᱥᱩᱨᱤᱠᱨᱮ ᱤᱧᱟᱹᱜ,
ᱪᱮᱛ ᱠᱷᱮᱢᱚᱛᱟ ;
ᱡᱷᱟᱝᱡᱷᱟᱣᱟᱜ ᱜᱮᱛᱤᱧ,
ᱡᱤᱵᱚᱱ ᱞᱟᱹᱣᱠᱟᱹ ᱾
ᱨᱩᱠᱷᱭᱟᱹᱧ ᱢᱮ ᱯᱨᱚᱵᱷᱩ ᱛᱤᱧ,
ᱩᱱᱩᱢᱚᱜ ᱠᱷᱚᱱ ;
ᱞᱮᱵᱫᱟ ᱨᱟᱠᱟᱯᱠᱚᱜ ᱢᱟᱧ,
ᱢᱳᱠᱟᱢ ᱰᱷᱤᱯ ᱨᱮ ᱾᱾