ᱡᱩᱰᱳ

ᱡᱩᱰᱳ (ᱡᱟᱯᱟᱱᱤᱺ 柔道)ᱰᱚᱹ ᱠᱟᱱᱚ ᱡᱤᱜᱳᱨᱚ ᱫᱤᱭᱟᱹᱛᱮ ᱑᱘᱘᱒ ᱥᱟᱞᱮ ᱨᱮ ᱡᱟᱯᱟᱱ ᱫᱤᱥᱚᱢ ᱨᱮ ᱥᱤᱨᱡᱟᱹᱣ ᱞᱮᱱ ᱢᱤᱫ ᱟᱹᱫᱷᱩᱱᱤᱠ ᱢᱟᱨᱥᱟᱞ ᱟᱨᱴ ᱟᱨᱵᱟᱝ ᱛᱩᱯᱩᱫ ᱠᱷᱮᱞᱚᱰ᱾ ᱱᱚᱣᱟ ᱡᱩᱰᱳ ᱛᱩᱯᱩᱫ ᱦᱮᱯᱨᱟᱣ ᱨᱮᱭᱟᱜ ᱚᱥᱚᱞ ᱨᱩᱡᱷᱟᱹᱲ ᱫᱚ ᱦᱩᱭᱩᱜ ᱠᱟᱱᱟ ᱟᱡ ᱥᱟᱢᱟᱝᱤᱡ ᱦᱮᱯᱟᱨᱤᱭᱟᱹ ᱚᱛ ᱨᱮᱭ ᱛᱟᱵᱟᱜ ᱮᱭᱟ, ᱛᱩᱯᱩᱫ ᱨᱮ ᱪᱷᱟᱸᱫᱟ ᱫᱚᱦᱚᱭᱟ, ᱟᱨ ᱵᱟᱝᱠᱷᱟᱱ ᱠᱩᱥᱛᱤ ᱛᱩᱯᱩᱫ ᱠᱟᱭᱫᱟ ᱛᱮ ᱦᱮᱯᱟᱨᱤᱭᱟᱹᱭ ᱵᱚᱸᱫᱷᱚᱱ ᱮᱭᱟ, ᱟᱨᱵᱟᱝ ᱡᱚᱭᱮᱸᱴ ᱞᱚᱠ ᱠᱟᱛᱮ ᱥᱟᱢᱟᱝᱤᱡ ᱦᱮᱯᱟᱨᱤᱭᱟᱹᱭ ᱦᱟᱨᱟᱣ ᱦᱚᱪᱚ ᱞᱟᱹᱜᱤᱫ ᱠᱩᱨᱩᱢᱩᱴᱩᱭᱟᱭ ᱾ ᱛᱤ ᱟᱨ ᱡᱟᱝᱜᱟ ᱟᱜ ᱯᱟᱦᱟᱨ ᱟᱨ ᱣᱟᱨ ᱥᱟᱶ-ᱥᱟᱶ ᱦᱟᱹᱛᱤᱭᱟᱹᱨ ᱠᱷᱚᱱ ᱵᱟᱱᱪᱟᱣᱵ ᱡᱩᱰᱳ ᱨᱮᱭᱟᱜ ᱢᱤᱫ ᱦᱚᱲᱢᱚ ᱠᱟᱱ ᱛᱟᱭᱟ ᱢᱮᱱᱠᱷᱟᱱ ᱱᱚᱣᱟ ᱟᱜ ᱵᱮᱵᱷᱟᱨ ᱮᱠᱟᱞ ᱢᱟᱨᱮ ᱫᱚᱲᱚᱢᱟᱠᱟᱱ ᱰᱟᱦᱟᱨ ᱛᱮ ᱦᱩᱭᱩᱜ ᱠᱟᱱᱟ ᱪᱮᱫᱟᱜ ᱥᱮ ᱡᱩᱰᱳ ᱦᱮᱯᱨᱟᱣ ᱟᱨᱵᱟᱝ ᱢᱩᱠᱛ ᱚᱵᱷᱭᱟᱥ ᱫᱚ ᱵᱟᱨᱚᱱ ᱜᱮᱭᱟ ᱾ ᱡᱩᱰᱳ ᱞᱟᱹᱜᱤᱫ ᱞᱟᱦᱟᱱᱛᱤ ᱧᱮᱪᱮᱞ ᱟᱨ ᱟᱜᱟᱢᱟᱱ ᱥᱮᱪᱮᱫ ᱮᱴᱟᱜ ᱟᱹᱫᱷᱩᱱᱤᱠ ᱡᱟᱯᱟᱱᱤ ᱢᱟᱨᱥᱟᱞ ᱟᱨᱴ ᱞᱟᱹᱜᱤᱫ ᱢᱚᱰᱮᱞ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸᱭᱟᱜ ᱦᱟᱨᱟᱵᱩᱨᱩ ᱥᱮᱪᱮᱫ ᱟᱥᱲᱟ ᱥᱟᱶ ᱡᱚᱲᱟᱣ ᱞᱮᱱᱟ ᱾ ᱡᱩᱰᱳ ᱡᱮᱜᱮᱫ ᱡᱟᱠᱟᱛ ᱯᱟᱥᱱᱟᱣ ᱮᱨ ᱤᱛᱟᱹ ᱦᱚᱛᱮᱛᱮ ᱥᱟᱢᱵᱟᱣ, ᱵᱟᱛᱤᱨᱥᱛᱩ ᱟᱨ ᱵᱨᱟᱡᱤᱞᱤᱭᱟᱭᱤ ᱡᱤᱳ-ᱡᱤᱛ ᱞᱮᱠᱟᱱ ᱛᱤᱱᱟᱹᱜ ᱰᱟᱹᱨ ᱠᱚ ᱦᱟᱨᱟ ᱟᱠᱟᱱᱟ ᱡᱟᱦᱟᱸᱭᱟᱜ ᱞᱟᱦᱟᱱᱛᱤ ᱢᱤᱛᱥᱩᱭᱚ ᱢᱟᱭᱫᱟ ᱫᱤᱭᱟᱹᱛᱮ ᱑᱙᱑᱔ ᱨᱮ ᱵᱨᱟᱡᱤᱞ ᱨᱮ ᱡᱩᱰᱳ ᱦᱮᱡ ᱛᱟᱭᱚᱢ ᱦᱩᱭ ᱞᱮᱱᱟ ᱾ ᱡᱩᱰᱳ ᱚᱵᱷᱭᱟᱥ ᱦᱚᱲ ᱟᱨ ᱡᱩᱰᱳ ᱯᱮᱥᱟ ᱦᱚᱲ ᱫᱚ ᱡᱩᱰᱳᱠᱟ ᱠᱚ ᱢᱮᱛᱟᱠᱚᱣ ᱾