ᱡᱭᱳᱛᱥᱱᱟ ᱥᱨᱤᱠᱟᱱᱛᱷ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱡᱭᱳᱛᱥᱱᱟ ᱥᱨᱤᱠᱟᱱᱛᱷ
Jyotsna Srikanth.jpg
ᱞᱤᱵᱷ ᱠᱚᱱᱥᱚᱨᱴ,᱒᱐᱑᱑
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱵᱟᱝᱜᱟᱞᱚᱨ
ᱫᱤᱥᱚᱢᱤᱭᱟᱹ ᱥᱤᱧᱚᱛ
ᱧᱩᱢᱱᱟᱢ ᱠᱚᱨᱱᱟᱴᱚᱠᱤ ᱨᱩ-ᱥᱮᱨᱮᱧ, ᱯᱟᱪᱮ ᱫᱤᱥᱚᱢ ᱨᱩ-ᱥᱮᱨᱮᱧ

ᱡᱭᱳᱛᱥᱱᱟ ᱥᱨᱤᱠᱟᱱᱛᱷ ᱫᱚ ᱥᱤᱧᱚᱛᱤᱭᱟᱹ ᱵᱷᱟᱭᱳᱞᱤᱱ ᱨᱩ-ᱨᱩ ᱭᱤᱡ ᱥᱟᱶ ᱛᱮ ᱥᱮᱨᱮᱧ ᱜᱟᱵᱟᱱᱤᱡ ᱟᱨ ᱠᱚᱨᱱᱟᱴᱚᱠᱤ ᱟᱨ ᱯᱟᱪᱮ ᱫᱤᱥᱚᱢ ᱨᱮᱱᱟᱜ ᱨᱩ ᱨᱟᱦᱟ ᱥᱚᱫᱚᱨᱤᱡ ᱠᱟᱱᱟᱭ ᱾

ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱭᱳᱛᱥᱱᱟ ᱥᱨᱤᱠᱟᱱᱛᱷ ᱡᱟᱱᱟᱢ ᱫᱚ ᱥᱤᱧᱚᱛ ᱨᱮᱱᱟᱜ ᱟᱱᱫᱷᱨᱚ ᱯᱨᱚᱫᱮᱥ ᱨᱮ ᱦᱩᱭ ᱞᱮᱱᱟ, ᱟᱠᱚᱣᱟᱜ ᱜᱷᱟᱨᱚᱸᱡᱽ ᱨᱩᱥᱤᱠᱟ ᱜᱩᱬ ᱛᱮᱜᱮ ᱯᱮᱨᱮᱡ ᱞᱮᱱ ᱛᱟᱦᱮᱸᱫ᱾ ᱟᱡ ᱟᱭᱚ ᱨᱚᱛᱱᱟ ᱥᱨᱤᱠᱟᱱᱛᱚᱭᱟ ᱦᱚᱸ ᱠᱚᱨᱱᱟᱴᱚᱠᱤ ᱨᱩᱥᱤᱠᱟ ᱠᱟᱱᱛᱟᱦᱮᱸᱫ ᱟᱨ ᱢᱟᱪᱮᱛ ᱠᱟᱱ ᱛᱟᱦᱮᱸᱫ ᱾ [᱑]

ᱨᱩᱥᱤᱠᱟ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱭᱳᱛᱥᱱᱟ ᱟᱡ ᱢᱚᱬᱮ ᱥᱮᱨᱢᱟ ᱩᱢᱮᱨ ᱦᱩᱭᱞᱮᱱ ᱡᱚᱦᱚᱜ ᱜᱮ ᱟᱡ ᱟᱭᱚ ᱴᱷᱮᱫ ᱠᱷᱚᱱ ᱜᱮ ᱠᱚᱨᱱᱟᱴᱚᱠᱤ ᱨᱩ ᱚᱨᱚᱝ ᱮ ᱪᱮᱫ ᱞᱮᱱᱟ ᱾ [᱒]ᱫᱤᱱᱟᱢ ᱛᱩᱨᱩᱭ ᱜᱷᱟᱱᱴᱟ ᱯᱟᱹᱨᱠᱟᱹᱣ ᱥᱟᱶᱛᱮ ᱯᱟᱨᱟᱵᱽ ᱚᱠᱛᱚ ᱠᱚᱨᱮ ᱠᱚᱱᱥᱚᱨᱴ ᱨᱮ ᱥᱮᱞᱮᱫ ᱟᱛᱮᱫ ᱟᱡ ᱟᱡᱟᱜ ᱨᱩ ᱚᱨᱝ ᱵᱟᱰᱚᱦᱤ ᱜᱩᱬ ᱮ ᱥᱮᱬᱟ ᱟᱠᱟᱫᱟ ᱾[᱑]

ᱟᱡ ᱛᱩᱨᱩᱭ ᱥᱮᱨᱢᱟ ᱦᱩᱭ ᱞᱮᱱ ᱚᱠᱛᱚ ᱨᱮ ᱠᱩᱱᱱᱟᱠᱩᱰᱤ ᱵᱷᱚᱭᱫᱭᱚᱱᱟᱛᱷᱚᱱ ᱴᱷᱮᱫ ᱠᱷᱚᱱ ᱵᱷᱟᱭᱳᱞᱤᱱ ᱪᱮᱫᱚᱜ ᱮ ᱪᱟᱞᱟᱣ ᱮᱱᱟ, ᱚᱱᱰᱮ ᱠᱷᱚᱱ ᱟᱡ ᱨᱩ ᱨᱩ ᱞᱟᱹᱜᱤᱫ ᱮ ᱨᱟᱹᱥᱠᱟᱹ ᱮᱱᱟ ᱾ [᱓] ᱥᱤᱧᱚᱛ ᱨᱮᱱᱟᱜ ᱥᱟᱥᱛᱨᱤᱭᱚ ᱵᱷᱟᱭᱳᱞᱤᱱ ᱨᱤᱱᱤᱡ ᱢᱟᱨᱟᱝ ᱯᱟᱹᱨᱩᱠᱷᱤᱭᱟᱹ ᱟᱨ ᱟᱨ ᱠᱮᱥᱚᱵᱷᱚ ᱢᱩᱨᱛᱩ ᱴᱷᱮᱫ ᱠᱷᱚᱱ ᱦᱚᱸ ᱟᱡ ᱵᱷᱟᱭᱳᱞᱤᱱ ᱨᱩᱭ ᱪᱮᱫ ᱟᱠᱟᱱᱟ ᱾[᱔] ᱟᱡᱟᱜ ᱯᱩᱭᱞᱩ ᱥᱳᱞᱳ ᱠᱚᱱᱥᱚᱨᱴ ᱙ ᱥᱮᱨᱢᱟ ᱩᱢᱮᱨ ᱨᱮ ᱠᱚᱨᱟᱣ ᱞᱮᱫᱟ ᱾[᱑]ᱡᱭᱳᱛᱥᱱᱟ ᱩᱭᱦᱟᱹᱨ ᱠᱮᱫᱟ ᱵᱷᱟᱭᱳ᱿ᱤᱱ ᱨᱩ ᱨᱮ ᱥᱩᱢᱯᱩᱨᱩᱱᱚᱜ ᱞᱟᱹᱜᱤᱫ ᱠᱷᱟᱱ ᱯᱟᱪᱮ ᱫᱤᱥᱚᱢ ᱨᱮᱱᱟᱜ ᱥᱟᱥᱛᱨᱤᱭᱚ ᱰᱷᱟᱸᱪᱟ ᱦᱚᱸ ᱪᱮᱫ ᱦᱩᱭᱩᱜ-ᱟ, ᱚᱱᱟ ᱠᱷᱟᱹᱛᱤᱨ ᱟᱡ ᱵᱟᱝᱜᱟᱞᱳᱨ ᱥᱠᱩᱞ ᱚᱯᱷ ᱢᱭᱩᱦᱡᱤᱠ ᱨᱮ ᱥᱮᱪᱮᱫᱚᱜ ᱮ ᱮᱛᱚᱦᱚᱵ ᱠᱮᱫᱟ ᱾ ᱚᱱᱟ ᱛᱟᱭᱚᱢ ᱚᱱᱟᱨᱮ ᱟᱨ ᱦᱚᱸ ᱵᱟᱹᱲᱛᱤ ᱵᱟᱰᱟᱭ ᱞᱟᱹᱜᱤᱫ ᱪᱮᱱᱟᱭ ᱮ ᱪᱟᱞᱟᱣ ᱮᱱᱟ ᱚᱱᱰᱮ ᱥᱚᱞᱳ ᱵᱷᱟᱭᱳᱞᱚᱱᱤᱥᱴ ᱵᱷᱤ ᱮᱥ ᱱᱚᱨᱚᱥᱤᱢᱟᱸ ᱴᱦᱮᱫ ᱠᱷᱚᱱ ᱮ ᱪᱮᱫ ᱮᱱᱟ, ᱱᱚᱨᱚᱥᱤᱢᱟᱸ ᱫᱚ ᱧᱩᱛᱩᱢᱟᱱ ᱜᱟᱵᱟᱱᱤᱭᱟᱹ ᱤᱞᱟᱭᱟᱨᱟᱡᱟ ᱥᱟᱶ ᱮ ᱠᱟᱹᱢᱤ ᱟᱠᱟᱫᱟ ᱾ [᱒] ᱟᱡ ᱟᱡᱟᱜ ᱜᱨᱮᱰᱤᱝ ᱞᱚᱱᱰᱚᱱ ᱨᱮᱱᱟᱜ ᱨᱳᱭᱟᱞ ᱥᱠᱩᱞ ᱚᱯᱷ ᱢᱭᱩᱡᱤᱠ ᱠᱷᱚᱱ ᱮ ᱥᱟᱹᱛ ᱞᱮᱫᱟ ᱾[᱔]

ᱠᱟᱹᱢᱤᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱭᱳᱛᱥᱱᱟ ᱦᱟᱜ ᱯᱩᱭᱞᱩ ᱠᱟᱹᱢᱤ ᱫᱚ ᱯᱷᱤᱞᱤᱢ ᱤᱱᱰᱚᱥᱴᱨᱤ ᱨᱮ ᱮᱛᱚᱦᱚᱵ ᱞᱮᱱᱟ , ᱟᱡᱜ ᱯᱩᱞᱩ ᱯᱷᱤᱞᱤᱢ ᱜᱟᱵᱟᱱᱤᱭᱟᱹ ᱦᱚᱢᱥᱟᱞᱮᱠᱷᱟ ᱟᱨ ᱤᱞᱟᱤᱭᱟᱨᱟᱡᱟ ᱦᱟᱜ ᱯᱷᱤᱞᱤᱢ ᱨᱮ ᱠᱚᱨᱟᱣ ᱞᱮᱫᱟᱭ ᱾ [᱒] ᱟᱡᱟᱜ ᱛᱩᱞᱩᱡ ᱛᱮ ᱵᱟᱨᱥᱟᱭ ᱠᱚᱧᱮ ᱥᱤᱧᱚᱛ ᱯᱷᱤᱞᱤᱢ ᱮ ᱠᱚᱨᱟᱣ ᱟᱠᱟᱫᱟ ᱾.[᱓] ᱟᱡᱟᱜ ᱵᱟᱯᱞᱟ ᱛᱟᱭᱚᱢ ᱟᱡ ᱞᱚᱱᱰᱚᱱ ᱮ ᱪᱟᱞᱟᱣ ᱮᱱᱟ, ᱚᱱᱰᱮ ᱣᱳᱢᱟᱰ, ᱨᱮᱰ ᱵᱷᱟᱭᱳᱞᱤᱱ ᱯᱷᱮᱥᱴᱤᱵᱷᱟᱞ, ᱠᱞᱮᱵᱷᱞᱟᱸᱰ ᱢᱭᱩᱡᱤᱠ ᱯᱷᱮᱥᱴᱤᱵᱟᱞ ᱟᱨ ᱵᱤᱵᱤᱥᱤ ᱯᱨᱳᱢᱚ ᱮᱢᱟᱱ ᱠᱚᱨᱮ ᱥᱮᱞᱮᱫ ᱥᱟᱶᱰᱤᱥᱠᱳᱵᱷᱚᱨᱭ, ᱱᱮᱥᱱᱟᱞ ᱡᱤᱭᱳᱜᱨᱟᱯᱷᱤᱠ ᱪᱮᱱᱮᱞ ᱮᱢᱟᱱ ᱠᱚᱨᱮ ᱨᱩ-ᱚᱨᱚᱝ ᱪᱮᱛᱟᱱᱨᱮ ᱰᱚᱠᱩᱢᱮᱱᱴᱟᱨᱤ ᱯᱷᱤᱞᱤᱢ ᱮ ᱥᱟᱯᱲᱟᱣ ᱠᱮᱫᱟ᱾ [᱓]

ᱟᱯᱱᱟᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱭᱳᱛᱥᱱᱟ ᱯᱟᱛᱷᱳᱞᱳᱡᱤᱥᱴ ᱮ ᱯᱟᱹᱨᱠᱟᱹᱣ ᱠᱟᱱᱟ, ᱟᱡ ᱵᱟᱸᱜᱟᱞᱳᱨ ᱢᱮᱰᱤᱠᱟᱞ ᱠᱚᱞᱮᱡᱽ ᱠᱷᱚᱱ ᱢᱮᱰᱤᱥᱤᱱ ᱟᱨ ᱥᱚᱨᱡᱚᱨᱤ ᱨᱮ ᱮᱢᱵᱤᱵᱤᱮᱥ ᱟᱨ ᱠᱞᱤᱱᱤᱠᱟᱞ ᱯᱟᱛᱷᱳᱞᱳᱡᱤ ᱨᱮ ᱯᱳᱥᱴ ᱜᱨᱟᱡᱩᱭᱮᱴ ᱟᱠᱟᱫᱟᱭ ᱾ ᱟᱡ ᱠᱮ ᱵᱷᱤ ᱥᱨᱤᱠᱟᱱᱛᱷ ᱥᱚᱨᱢᱟ ᱴᱷᱮᱫ ᱮ ᱡᱟᱶᱟᱭ ᱟᱠᱟᱱᱟ, ᱟᱹᱠᱤᱱ ᱨᱤᱱ ᱵᱟᱨᱭᱟ ᱜᱤᱫᱨᱟᱹ ᱞᱚᱱᱰᱚᱱ ᱨᱮ ᱢᱮᱱᱟᱜ ᱠᱤᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ ᱑.᱒ Nivedita K G (5 ᱱᱚᱵᱷᱮᱢᱵᱚᱨ 2012). "Re-inventing the wheel". The New Indian Express. Bangalore. 
  2. ᱒.᱐ ᱒.᱑ ᱒.᱒ Geetha Srinivasan (8 ᱰᱤᱥᱮᱢᱵᱚᱨ 2007). "Stringing passion and profession!". Deccan Herald. Archived from the original on 22 ᱢᱟᱨᱪ 2014. Retrieved 19 ᱱᱚᱵᱷᱮᱢᱵᱚᱨ 2012.  Unknown parameter |url-status= ignored (help)
  3. ᱓.᱐ ᱓.᱑ ᱓.᱒ Aruna Chandaraju (16 ᱡᱟᱱᱩᱣᱟᱨᱤ 2011). "Stringing it right". Bangalore Mirror. Archived from the original on 18 ᱡᱟᱱᱩᱣᱟᱨᱤ 2013. Retrieved 19 ᱱᱚᱵᱷᱮᱢᱵᱚᱨ 2012.  Unknown parameter |url-status= ignored (help)
  4. ᱔.᱐ ᱔.᱑ Geetha Srinivasan (8 ᱮᱯᱨᱤᱞ 2011). "East meets west". The Hindu. Retrieved 19 ᱱᱚᱵᱷᱮᱢᱵᱚᱨ 2012. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]