ᱡᱮᱢᱥ ᱯᱨᱮᱥᱠᱚᱴ ᱡᱩᱞ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱧᱩᱛᱩᱢ ᱡᱮᱢᱥ ᱯᱨᱮᱥᱠᱚᱴ ᱡᱩᱞ
ᱡᱤᱭᱚᱱ
ᱡᱟᱱᱟᱢ ᱢᱟᱺᱦᱤᱛ ᱒᱔ ᱰᱤᱥᱮᱢᱵᱚᱨ ᱑᱘᱑᱘
ᱜᱩᱨ ᱢᱟᱺᱦᱤᱛ ᱑᱑ ᱚᱠᱴᱚᱵᱚᱨ ᱑᱘᱘᱙
ᱜᱩᱱ
  • ᱮᱞᱠᱷᱟ ᱯᱟᱹᱨᱩᱠᱷᱤᱭᱟᱹ
  • ᱡᱟᱜ ᱥᱟᱬᱮᱥᱤᱭᱟᱹ
  • ᱯᱟᱹᱣᱨᱟᱹ ᱵᱮᱱᱟᱣᱤᱡ
ᱢᱟᱺᱱ ᱥᱤᱨᱯᱷᱟᱹ
  • ᱨᱚᱭᱟᱞ ᱢᱮᱰᱟᱞ (᱑᱘᱕᱒)
  • ᱠᱩᱯᱞᱮ ᱢᱮᱰᱟᱞ (᱑᱘᱗᱐)
  • ᱟᱞᱵᱚᱨᱴ ᱢᱮᱰᱟᱞ (᱑᱘᱘᱐)
ᱮᱱᱮᱢ
  • First law of thermodynamics
  • Disproving caloric theory

ᱡᱮᱢᱥ ᱯᱨᱮᱥᱠᱚᱴ ᱡᱩᱞ ᱫᱚ ᱢᱤᱫ ᱤᱝᱜᱽᱞᱤᱥ ᱡᱟᱜ ᱥᱟᱬᱮᱥᱤᱭᱟᱹ, ᱮᱞᱠᱷᱟ ᱯᱟᱹᱨᱩᱠᱷᱤᱭᱟᱹ ᱟᱨ ᱯᱟᱹᱣᱨᱟᱹ ᱵᱮᱱᱟᱣᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱞᱚᱞᱚ [1] ᱨᱮᱱᱟᱜ ᱜᱩᱱ ᱤᱫᱤᱠᱟᱛᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱟᱨ ᱥᱟᱢᱟᱱᱟᱢ ᱠᱟᱹᱢᱤ [2] ᱥᱟᱶ ᱥᱟᱹᱜᱟᱹᱭᱮ ᱯᱟᱱᱛᱮ ᱚᱰᱚᱠ ᱞᱮᱫ ᱛᱟᱦᱮᱸᱫ ᱾ ᱡᱟᱦᱟᱸᱨᱮᱱᱟᱜ ᱛᱚᱲ ᱛᱮ ᱫᱟᱲᱮ ᱨᱮᱱᱟᱜ ᱨᱩᱠᱷᱤᱭᱟᱹ ᱟᱹᱨᱤ (Law of conservation of energy), ᱡᱟᱦᱟᱸ ᱫᱚ ᱩᱛᱱᱟᱹᱣ ᱠᱟᱛᱮ ᱛᱷᱚᱨᱢᱚᱰᱟᱭᱱᱟᱢᱤᱠᱥ ᱨᱮᱱᱟᱜ ᱮᱛᱚᱦᱚᱵ ᱟᱹᱨᱤ (first law of thermodynamics) ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱡᱮᱢᱥ ᱯᱨᱮᱥᱠᱚᱴ ᱡᱩᱞᱟᱜ ᱧᱩᱛᱩᱢ ᱞᱮᱠᱟᱛᱮ ᱜᱮ ᱫᱟᱲᱮ ᱨᱮᱱᱟᱜ SI ᱭᱩᱱᱤᱴ ᱫᱚ ᱡᱩᱞ ᱢᱮᱱᱛᱮ ᱠᱚ ᱧᱩᱢ ᱠᱮᱜ-ᱟ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱞᱚᱨᱰ ᱠᱮᱞᱵᱷᱤᱱ ᱥᱟᱶ ᱢᱮᱥᱟ ᱠᱟᱛᱮ ᱞᱚᱞᱚᱥᱚᱝ (temperature) ᱨᱮᱱᱟᱜ ᱥᱠᱮᱞ ᱠᱤᱱ ᱵᱚᱱᱟᱣᱞᱮᱫ ᱛᱟᱦᱮᱸᱫ , ᱚᱱᱟ ᱫᱚ ᱠᱮᱞᱵᱷᱤᱱ ᱥᱠᱮᱞ ᱠᱚ ᱢᱮᱛᱟᱜ-ᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱮᱢᱥ ᱡᱩᱞ

ᱡᱮᱢᱥ ᱯᱨᱮᱥᱠᱚᱴ ᱡᱩᱞ ᱫᱚ ᱒᱔ ᱰᱤᱥᱮᱢᱵᱚᱨ ᱑᱘᱑᱘ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱥᱟᱞᱯᱷᱚᱨᱰ ᱨᱮᱱᱟᱜ ᱱᱤᱣ ᱵᱮᱞᱤ ᱥᱴᱨᱤᱴ ᱨᱮ ᱾ ᱟᱯᱟᱛ ᱫᱚ ᱵᱮᱧᱡᱟᱢᱤᱱ ᱡᱩᱞ, ᱢᱤᱫ ᱠᱤᱥᱟᱹᱬ ᱯᱟᱹᱣᱨᱟᱹ ᱵᱮᱱᱟᱣᱤᱡ ᱟᱨ ᱮᱸᱜᱟᱛ ᱫᱚ ᱮᱞᱤᱥ ᱯᱨᱮᱥᱠᱚᱴ ᱧᱩᱛᱩᱢᱟᱠᱤᱱ ᱛᱟᱦᱮᱸᱫ ᱾ ᱡᱩᱞ ᱫᱚ ᱧᱩᱛᱩᱢᱟᱱ ᱥᱟᱬᱮᱥᱤᱭᱟᱹ ᱡᱚᱱ ᱰᱟᱞᱴᱚᱱ ᱴᱷᱮᱱ ᱠᱷᱚᱱᱮ ᱥᱮᱪᱮᱫ ᱞᱮᱱ ᱛᱟᱦᱮᱸᱫ ᱾ ᱜᱤᱫᱽᱨᱟᱹ ᱚᱠᱛᱚ ᱨᱮ ᱵᱤᱡᱽᱞᱤ (electricity) ᱨᱮ ᱟᱹᱰᱤ ᱡᱩᱨ ᱠᱤᱱ ᱢᱩᱦᱤᱛ ᱞᱮᱱᱟ ᱾ ᱵᱤᱡᱽᱞᱤ ᱨᱮᱱᱟᱜ ᱥᱚᱠ (shock) ᱮᱯᱮᱢ ᱠᱟᱛᱮ ᱠᱤᱱ ᱯᱩᱨᱤᱠᱷᱤᱭᱟᱹ ᱭᱮᱫ ᱛᱟᱦᱮᱸᱫ ᱟᱡ ᱵᱚᱭᱦᱟ ᱥᱟᱞᱟᱜ ᱥᱟᱶᱛᱮ ᱟᱠᱚ ᱚᱲᱟᱜ ᱨᱤᱱ ᱠᱟᱹᱢᱤᱭᱟᱹ ᱠᱚ ᱥᱟᱶ ᱾ ᱡᱩᱣᱟᱹᱱ ᱠᱟᱛᱮ ᱟᱡ ᱦᱚᱸ ᱟᱯᱟᱛᱟᱜ ᱯᱟᱹᱨᱣᱟᱹ ᱵᱮᱱᱟᱣ ᱠᱟᱹᱢᱤᱭ ᱥᱟᱢᱵᱽᱲᱟᱣᱮᱫ ᱛᱟᱦᱮᱸᱫ ᱾ ᱥᱟᱬᱮᱥ ᱪᱮᱛᱟᱱ ᱨᱮ ᱟᱹᱰᱤ ᱜᱚᱨᱚᱡᱽ ᱵᱟᱝ ᱛᱟᱦᱮᱸᱠᱟᱱ ᱨᱮᱦᱚᱸ, ᱯᱟᱹᱣᱨᱟᱹ ᱵᱮᱱᱟᱣ ᱵᱷᱟᱯ ᱤᱧᱡᱤᱱ (steam engine) ᱵᱚᱫᱚᱞ ᱠᱟᱛᱮ ᱵᱤᱡᱽᱞᱤ ᱢᱚᱴᱚᱨ (electric motor) ᱞᱟᱜᱟᱣ ᱞᱮᱫ ᱛᱟᱦᱮᱸᱫ ᱾ ᱑᱘᱔᱗ ᱥᱟᱞᱮ ᱨᱮ ᱟᱢᱮᱞᱤᱭᱟ ᱜᱨᱤᱢᱮᱥ ᱥᱟᱶ ᱟᱡᱟᱜ ᱵᱟᱯᱞᱟ ᱫᱚ ᱦᱩᱭ ᱞᱮᱱ ᱛᱟᱦᱮᱸᱫ, ᱛᱚᱵᱮ ᱱᱚᱶᱟ ᱥᱩᱞᱩᱠ ᱥᱟᱹᱜᱟᱹᱭ ᱫᱚ ᱟᱹᱰᱤ ᱫᱤᱱ ᱵᱟᱭ ᱛᱟᱦᱮᱸᱞᱮᱱᱟ ᱾ ᱑᱘᱕᱔ ᱥᱟᱞᱮᱨᱮ ᱟᱡᱤᱡ ᱜᱷᱟᱨᱚᱡᱽ ᱥᱚᱦᱮᱫ ᱟᱢᱮᱞᱤᱭᱟ ᱫᱚᱭ ᱵᱟᱝᱜᱟ ᱛᱟᱞᱟ ᱞᱮᱱᱟ ᱾ ᱟᱹᱠᱤᱱ ᱨᱤᱱ ᱫᱚ ᱯᱮᱭᱟ ᱜᱤᱫᱽᱨᱟᱹ ᱠᱚ ᱚᱢᱚᱱ ᱞᱮᱱ ᱛᱟᱦᱮᱸᱫ ᱾ ᱢᱟᱨᱟᱝ ᱠᱚᱲᱟ ᱫᱚ ᱵᱮᱧᱡᱟᱢᱤᱱ ᱚᱨᱛᱷᱚᱨ ᱡᱩᱞ (᱑᱘᱕᱐-᱑᱙᱒᱒), ᱩᱱᱤ ᱥᱩᱛᱩᱜ ᱢᱩᱫ ᱠᱩᱲᱤ ᱜᱤᱫᱽᱨᱟᱹ ᱮᱞᱤᱥ ᱟᱢᱮᱞᱤᱭᱟ (᱑᱘᱕᱒-᱑᱘᱙᱙) ᱟᱨ ᱦᱩᱰᱤᱧ ᱠᱚᱲᱟ ᱫᱚ ᱦᱮᱱᱨᱤ ᱡᱟᱱᱟᱢ ᱨᱮᱱᱟᱜ ᱯᱮ ᱦᱟᱯᱛᱟ ᱠᱷᱟᱱ ᱜᱮᱭ ᱵᱚᱝᱜᱟ ᱫᱤᱥᱚᱢ ᱞᱮᱱ ᱛᱟᱦᱮᱸᱫ ᱾ ᱡᱮᱢᱥ ᱯᱨᱮᱥᱠᱚᱴ ᱡᱩᱞ ᱫᱚ ᱑᱑ ᱚᱠᱴᱚᱵᱚᱨ ᱑᱘᱘᱙ ᱥᱟᱞᱮ ᱨᱮ ᱱᱟᱶᱟ ᱫᱷᱩᱲᱤ ᱫᱷᱟᱹᱨᱛᱤ ᱠᱷᱚᱱ ᱡᱟᱭ ᱡᱩᱜᱽ ᱞᱟᱹᱜᱤᱫ ᱵᱤᱫᱟᱹᱭ ᱠᱤᱱ ᱤᱫᱤ ᱠᱮᱜ-ᱟ ᱾

ᱢᱟᱺᱱ ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱨᱚᱭᱟᱞ ᱢᱮᱰᱟᱞ (᱑᱘᱕᱒)
  • ᱠᱩᱯᱞᱮ ᱢᱮᱰᱟᱞ (᱑᱘᱗᱐)
  • ᱟᱞᱵᱚᱨᱴ ᱢᱮᱰᱟᱞ (᱑᱘᱘᱐)

ᱵᱟᱨᱦᱮ ᱡᱚᱲᱟᱣ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Heat
  2. Mechanical work