ᱡᱮᱨᱮᱢᱤᱭᱟ ᱯᱷᱤᱞᱤᱯᱥ
| ᱡᱮᱨᱮᱢᱤᱭᱟ ᱯᱷᱤᱞᱤᱯᱥ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱱᱩᱣᱟᱨᱤ ᱕, ᱑᱘᱑᱒ ᱯᱞᱮᱱᱯᱷᱤᱞᱰ, ᱱᱤᱣ ᱭᱚᱨᱠ, ᱥᱮᱞᱮᱫ ᱯᱚᱱᱚᱛ |
| ᱜᱩᱨ | ᱐᱙ ᱰᱤᱥᱮᱢᱵᱚᱨ ᱑᱘᱗᱙ (᱖᱗ ᱵᱚᱭᱚᱥ) ᱥᱤᱧᱚᱛ |
| ᱠᱟᱹᱢᱤ | ᱢᱤᱥᱚᱱᱟᱨᱤ |
| ᱧᱩᱢᱦᱟᱞᱟᱝ ᱠᱟᱹᱢᱤ |
|
ᱡᱮᱨᱮᱢᱤᱭᱟ ᱯᱷᱤᱞᱤᱯᱥ (᱑᱘᱑᱒-᱑᱘᱗᱙) ᱫᱚ ᱥᱤᱧᱚᱛ ᱨᱮ ᱟᱢᱮᱨᱤᱠᱟᱱ ᱵᱟᱯᱴᱤᱥ ᱯᱷᱚᱨᱮᱱ ᱢᱤᱥᱚᱱ ᱥᱚᱥᱟᱭᱴᱤ ᱨᱮᱱ ᱢᱤᱥᱚᱱᱟᱨᱤ ᱮ ᱛᱟᱦᱮᱸ ᱠᱟᱱᱟ᱾[᱑][᱒] ᱱᱩᱭ ᱫᱚ ᱯᱩᱭᱞᱩ ᱥᱟᱱᱛᱟᱲ ᱥᱮᱪᱮᱫ ᱟᱥᱲᱟ ᱟᱨ ᱳᱰᱤᱥᱟ ᱨᱮᱭᱟᱜ ᱡᱚᱞᱮᱥᱥᱚᱨ ᱨᱮ ᱤᱥᱟᱹᱭ ᱥᱟᱱᱛᱟᱲ ᱟᱹᱛᱩᱭ ᱵᱮᱨᱮᱫ ᱨᱟᱠᱟᱵ ᱞᱮᱫᱟ᱾ ᱱᱩᱭ ᱫᱚ ᱟᱨᱦᱚᱸ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱞ ᱞᱟᱹᱜᱤᱫ ᱚᱞᱛᱚᱦᱚᱨ ᱟᱨ ᱯᱩᱭᱞᱩ ᱥᱟᱱᱛᱟᱲᱤ ᱯᱩᱛᱷᱤ ᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱫᱟ᱾ ᱯᱷᱤᱞᱤᱯᱥ ᱫᱚ ᱵᱟᱝᱜᱟᱞᱤ, ᱳᱰᱤᱭᱟ ᱟᱨ ᱥᱟᱱᱛᱟᱲᱤ ᱠᱚ ᱛᱟᱞᱟ ᱨᱮ ᱟᱢᱮᱨᱤᱠᱟᱱ ᱵᱟᱯᱴᱤᱥ ᱯᱷᱚᱨᱮᱱ ᱢᱤᱥᱚᱱ ᱥᱚᱥᱟᱭᱴᱤ ᱮ ᱛᱷᱟᱯᱚᱱ ᱞᱮᱫᱟ᱾[᱑][᱒]
ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱥᱮᱞᱮᱫ ᱯᱚᱱᱚᱛ ᱨᱮᱭᱟᱜ ᱯᱞᱮᱱᱯᱷᱤᱞᱰ, ᱱᱤᱣ ᱭᱚᱨᱠ ᱨᱮ ᱕ ᱡᱟᱱᱩᱣᱟᱨᱤ ᱑᱘᱑᱒ ᱥᱮᱨᱢᱟ ᱨᱮ ᱯᱟᱨᱞᱮ ᱯᱷᱤᱞᱤᱯᱥ ᱟᱨ ᱦᱟᱱᱱᱟᱦ (ᱠᱨᱩᱢᱵᱽ) ᱯᱷᱤᱞᱤᱯᱥ ᱛᱟᱹᱠᱤᱱ ᱴᱷᱮᱱ ᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱦᱮᱢᱤᱞᱴᱚᱱ ᱞᱤᱴᱮᱨᱟᱨᱤ ᱟᱨ ᱛᱷᱤᱭᱳᱞᱚᱡᱤᱠᱟᱞ ᱤᱱᱥᱴᱤᱴᱤᱭᱩᱰ ᱠᱷᱚᱱ ᱜᱽᱨᱮᱡᱩᱭᱮᱥᱟᱱ ᱮ ᱠᱚᱨᱟᱣ ᱟᱠᱟᱫᱟ, ᱱᱚᱣᱟ ᱫᱚ ᱛᱟᱭᱚᱢ ᱛᱮ ᱠᱚᱞᱜᱮᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱧᱩᱛᱩᱢ ᱛᱮ ᱧᱩᱢ ᱟᱹᱨᱩ ᱟᱠᱟᱱᱟ᱾
ᱩᱱᱤ ᱫᱚ ᱑᱘᱓᱕ ᱥᱮᱨᱢᱟ ᱨᱮ ᱢᱤᱫ ᱢᱤᱥᱚᱱᱟᱨᱤ ᱞᱮᱠᱟᱛᱮ ᱥᱤᱧᱚᱛ ᱫᱤᱥᱚᱢ ᱨᱮᱭ ᱦᱮᱡᱽ ᱞᱮᱱᱟ᱾ ᱡᱮ. ᱯᱷᱤᱞᱤᱯᱥ ᱫᱚ ᱥᱟᱱᱛᱟᱲ ᱟᱹᱛᱩ ᱠᱚᱨᱮ ᱫᱟᱬᱟ ᱠᱟᱛᱮ ᱥᱟᱱᱛᱟᱲ ᱠᱚᱣᱟᱜ ᱥᱮᱨᱮᱧ, ᱠᱩᱫᱩᱢ, ᱠᱷᱟᱴᱚ ᱠᱟᱹᱦᱱᱤ ᱮᱢᱟᱱ ᱠᱚ ᱛᱩᱢᱟᱹᱞ ᱡᱟᱣᱨᱟ ᱠᱟᱛᱮ ᱑᱘᱔᱕ ᱥᱮᱨᱢᱟ ᱨᱮ ᱵᱟᱝᱞᱟ ᱪᱤᱠᱤ ᱛᱮ ᱪᱷᱟᱯᱟ ᱚᱪᱚ ᱠᱮᱫ ᱟᱭ᱾ ᱱᱚᱣᱟ ᱜᱮ ᱥᱟᱱᱛᱟᱲ ᱥᱟᱶᱦᱮᱫ ᱨᱮ ᱯᱩᱭᱞᱩ ᱯᱚᱛᱚᱵ ᱞᱮᱠᱟᱛᱮ ᱵᱟᱲᱟᱭᱚᱜ ᱠᱟᱱᱟ᱾ ᱢᱮᱱᱠᱷᱟᱱ ᱯᱚᱛᱚᱵ ᱨᱮᱱᱟᱜ ᱧᱩᱛᱩᱢ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ᱾ ᱑᱘᱕᱒ ᱥᱮᱨᱢᱟ ᱨᱮ ᱥᱮᱨᱢᱟ ᱨᱮ ᱥᱟᱱᱛᱟᱲᱤ ᱵᱷᱟᱥᱟ ᱥᱤᱠᱠᱷᱟ ᱧᱩᱛᱩᱢ ᱛᱮ ᱟᱨᱢᱤᱫ ᱯᱚᱛᱚᱵ ᱮ ᱪᱷᱟᱯᱟ ᱥᱚᱫᱚᱨ ᱞᱮᱫᱟ᱾ ᱚᱱᱟ ᱛᱟᱭᱚᱢ ᱑᱘᱕᱙ ᱥᱮᱨᱢᱟ ᱨᱮ An introduction to the Sántál language (ᱥᱟᱱᱛᱟᱲᱤ ᱯᱟᱹᱨᱥᱤ ᱩᱯᱨᱩᱢ) ᱧᱩᱛᱩᱢ ᱛᱮ ᱢᱤᱫ ᱨᱚᱱᱚᱲ ᱯᱚᱛᱚᱵ ᱮ ᱚᱞ ᱞᱮᱫᱟ᱾ ᱱᱚᱣᱟ ᱫᱚ ᱤᱝᱞᱤᱥ ᱯᱟᱹᱨᱥᱤ ᱟᱨ ᱨᱳᱢᱟᱱ ᱪᱤᱠᱤ ᱛᱮ ᱛᱟᱦᱮᱸ ᱠᱟᱱ ᱨᱮᱦᱚᱸ ᱱᱚᱣᱟ ᱯᱚᱛᱚᱵ ᱨᱮ ᱢᱚᱬᱮ ᱥᱟᱥᱟᱭ (ᱦᱟᱡᱟᱨ) ᱜᱟᱱ ᱥᱟᱱᱛᱟᱲᱤ ᱟᱹᱲᱟᱹ ᱚᱞ ᱫᱚᱦᱚ ᱢᱮᱱᱟᱜᱼᱟ᱾ ᱱᱚᱣᱟ ᱜᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ ᱢᱟᱬᱟᱝ ᱩᱛᱟᱹᱨ ᱨᱚᱱᱚᱲ ᱛᱟᱦᱮᱸ ᱠᱟᱱᱟ᱾
ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱧᱩᱛᱩᱢ ᱵᱟᱝ ᱵᱟᱰᱟᱭ ᱟᱠᱟᱱᱟ (ᱥᱟᱱᱛᱟᱲ ᱥᱮᱨᱮᱧ, ᱠᱩᱫᱩᱢ, ᱠᱟᱹᱦᱱᱤ ᱮᱢᱟᱱ ᱨᱮᱭᱟᱜ ᱛᱩᱢᱟᱹᱞ) ᱑᱘᱔᱕
- ᱥᱟᱱᱛᱟᱲᱤ ᱵᱷᱟᱥᱟ ᱥᱤᱠᱠᱷᱟ ᱑᱘᱕᱒
- An introduction to the Sántál language (ᱥᱟᱱᱛᱟᱲᱤ ᱯᱟᱹᱨᱥᱤ ᱩᱯᱨᱩᱢ) ᱑᱘᱕᱒
- ᱵᱟᱭᱵᱮᱞ ᱨᱮᱭᱟᱜ ᱥᱟᱱᱛᱟᱲᱤ ᱛᱚᱨᱡᱚᱢᱟ
ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- The Freewill Baptist Quarterly (1853-1869) - ᱯᱷᱚᱨᱮᱱ ᱢᱤᱥᱚᱱ ᱨᱤᱯᱳᱨᱴ (᱑᱘᱓᱕-᱑᱘᱘᱐)
- An introduction to the Sántál language : consisting of a grammar, reading lessons, and a vocabulary - Author: J. Phillips
- Emily Louisa PHILLIPS : daughter of Jeremiah PHILLIPS and Hannah Webster CUMMINGS
- The American Baptist magazine, Volume 15 - By Baptist General Convention. Board of Managers, Massachusetts Baptist Missionary Society
- Christianity among the Santals
- Freewill Baptist missionaries in India included Lavina Crawford, Rev. Jeremiah Phillips, Mrs.Mary Ann (Grimsditch) Phillips, Mrs. Hannah (Cummings) Phillips, Rev. Otis R. Bacheler, Mrs. Sarah P. (Merrill) Bacheler, Mrs. Dorcas (Folsom) Smith, Rev. James L. Phillips, Mrs. Mary R. (Sayles) Phillips, Rev. Thomas Wesley Burkholder, Mrs. Julia E. (Phillips) Burkholder, Lavinia Coombs, and others.
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ Shavit, David (1990). The United States in Asia: A Historical Dictionary. Greenwood Publishing Group. pp. 397–398. ISBN 978-0-313-26788-8.
- ↑ ᱒.᱐ ᱒.᱑ Anderson, Gerald H. (1999). Biographical Dictionary of Christian Missions. Wm. B. Eerdmans Publishing. p. 534. ISBN 978-0-8028-4680-8.