ᱡᱳᱛᱷᱤ ᱵᱷᱮᱱᱠᱟᱴᱟᱪᱟᱞᱟᱢ
| ᱡᱳᱛᱷᱤ ᱵᱷᱮᱱᱠᱟᱴᱟᱪᱟᱞᱟᱢ Jothi Venkatachalam | |
|---|---|
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱗ ᱚᱠᱴᱚᱵᱚᱨ ᱑᱙᱑᱗ ᱢᱟᱭᱢᱟᱭᱳ, ᱵᱽᱨᱤᱴᱤᱥ ᱵᱟᱨᱢᱟ, ᱱᱤᱛ ᱢᱤᱭᱟᱱᱢᱟᱨ |
| ᱜᱩᱨ | ᱒᱘ ᱱᱚᱵᱷᱮᱢᱵᱚᱨ ᱑᱙᱙᱒ (᱗᱕ ᱵᱚᱭᱚᱥ) en:Chennai |
| ᱠᱟᱹᱢᱤ | ᱠᱮᱨᱟᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ (ᱥᱤᱧᱚᱛ) |
| ᱥᱤᱨᱯᱷᱟᱹ | ᱯᱚᱫᱽᱢᱚᱥᱨᱤ(᱑᱙᱗᱔) |
ᱡᱳᱛᱷᱤ ᱵᱷᱮᱱᱠᱟᱴᱟᱪᱟᱞᱟᱢ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱠᱮᱨᱟᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ ᱟᱨ ᱛᱟᱢᱤᱞᱱᱟᱰᱩ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱥᱚᱦᱮᱫ ᱮ ᱛᱟᱦᱮ ᱠᱟᱱᱟ ᱾
ᱡᱳᱛᱷᱤ ᱵᱷᱮᱱᱠᱟᱴᱟᱪᱟᱞᱟᱢ ᱫᱚ ᱒᱗ ᱚᱠᱴᱚᱵᱚᱨ ᱑᱙᱑᱗ ᱥᱮᱨᱢᱟ ᱨᱮ ᱵᱽᱨᱤᱴᱤᱥ ᱵᱟᱨᱢᱟ ᱨᱮᱭᱟᱜ ᱵᱩᱨᱩ ᱥᱚᱦᱚᱨ ᱢᱟᱭᱢᱟᱭᱳ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱯᱟᱛ ᱛᱟᱹᱠᱤᱱ ᱫᱚ ᱡᱤ. ᱠᱩᱯᱯᱩᱨᱟᱢ ᱟᱨ ᱢᱤᱱᱟᱯᱟᱭ ᱾ ᱟᱡ ᱵᱟᱵᱟ ᱵᱽᱨᱤᱴᱤᱥ ᱵᱟᱨᱢᱟ ᱨᱮᱱ ᱥᱮᱠᱨᱮᱴᱟᱨᱤ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ, ᱚᱸᱰᱮ ᱤᱥᱛᱷᱤᱯᱟᱭ ᱮᱢ ᱠᱮᱫᱟ ᱟᱨ ᱑᱙᱓᱐ ᱨᱮ ᱵᱟᱨᱢᱟ ᱨᱮ ᱨᱟᱡᱽᱟᱹᱨᱤ ᱪᱟᱦᱟᱞ ᱯᱟᱦᱟᱞ ᱠᱷᱟᱹᱛᱤᱨ ᱪᱮᱱᱱᱟᱭ ᱛᱮᱠᱚ ᱨᱩᱣᱟᱹᱲ ᱮᱱᱟ ᱾ ᱡᱳᱛᱷᱤ ᱫᱚ ᱛᱟᱢᱤᱞᱱᱟᱰᱩ, ᱪᱮᱱᱱᱟᱭ ᱨᱮᱭᱟᱜ ᱤᱣᱟᱨᱴ ᱢᱮᱴᱨᱤᱠᱩᱞᱮᱥᱟᱱ ᱦᱟᱭ ᱥᱮᱠᱮᱱᱰᱟᱨᱤ ᱥᱠᱩᱞ ᱨᱮ ᱟᱡᱟᱜ ᱯᱟᱲᱦᱟᱣ ᱮ ᱛᱚᱸᱜᱮ ᱤᱫᱤ ᱞᱮᱫᱟ ᱾
ᱩᱱᱤ ᱟᱡᱟᱜ ᱥᱠᱩᱞ (ᱟᱥᱲᱟ) ᱡᱤᱭᱚᱱ ᱨᱮᱜᱮ ᱱᱟᱜᱟᱢ ᱥᱟᱛᱟᱢ ᱪᱮᱛᱟᱱ ᱨᱮ ᱵᱷᱟᱜᱮ ᱨᱚᱼᱨᱚᱲᱤᱡ ᱟᱨ ᱟᱹᱠᱤᱞᱢᱟᱱ ᱞᱮᱠᱟᱛᱮᱭ ᱵᱟᱲᱟᱭᱚᱜ ᱠᱟᱱ ᱛᱟᱦᱮᱱᱟ ᱾ ᱟᱡᱟᱜ ᱡᱩᱣᱟᱹᱱ ᱚᱠᱛᱚ ᱨᱮ ᱩᱱᱤ ᱥᱟᱶᱛᱟ ᱨᱮᱱ ᱛᱟᱭᱚᱢ ᱟᱨ ᱥᱟᱥᱮᱛᱚᱜ ᱠᱟᱱ ᱦᱚᱲ ᱠᱚᱣᱟᱜ ᱩᱛᱷᱱᱟᱹᱣ ᱠᱟᱹᱢᱤ ᱨᱮ ᱢᱚᱱ ᱞᱟᱜᱟᱣ ᱞᱮᱱ ᱛᱟᱭᱟ ᱾ ᱩᱱᱤ ᱟᱭᱢᱟ ᱞᱮᱠᱟᱛᱮ ᱟᱭᱢᱟ ᱥᱟᱶᱛᱟ ᱵᱷᱟᱹᱞᱟᱹᱭ ᱠᱟᱹᱢᱤ ᱠᱚᱸᱭ ᱠᱟᱹᱢᱤ ᱟᱠᱟᱫᱟ ᱾ ᱑᱙᱓᱕ ᱨᱮ ᱩᱱᱤ ᱫᱚ ᱯᱤ.ᱵᱷᱤ.ᱮᱥ. ᱵᱷᱮᱱᱠᱟᱴᱟᱪᱟᱞᱟᱢ, ᱢᱤᱫ ᱧᱩᱛᱩᱢᱟᱱ ᱟᱪᱟᱨ ᱟᱨ ᱢᱩᱥᱞᱟ ᱟᱹᱠᱷᱨᱤᱧ ᱜᱷᱟᱨᱚᱸᱡᱽ ᱨᱮᱱ ᱥᱚᱦᱮᱫ ᱥᱟᱶ ᱮ ᱵᱟᱯᱞᱟ ᱮᱱᱟ ᱾ ᱱᱚᱣᱟ ᱵᱟᱯᱞᱟ ᱩᱱ ᱚᱠᱛᱚ ᱥᱚᱦᱚᱨ ᱨᱮ ᱪᱟᱨᱪᱟ ᱨᱮᱭᱟ ᱥᱟᱛᱟᱢ ᱛᱟᱦᱮ ᱠᱟᱱᱟ, ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱢᱤᱫ ᱪᱮᱛᱟᱱ ᱡᱟᱹᱛ ᱨᱮᱱ ᱵᱟᱹᱦᱩ ᱟᱨ ᱞᱟᱛᱟᱨ ᱡᱟᱹᱛ ᱨᱮᱱ ᱡᱟᱶᱟᱭ ᱢᱩᱸᱫᱽ ᱨᱮ ᱢᱤᱫ ᱮᱴᱟᱜ ᱡᱟᱹᱛᱤ ᱛᱟᱞᱟ ᱵᱟᱯᱞᱟ ᱛᱟᱦᱮ ᱠᱟᱱᱟ ᱾ ᱡᱳᱛᱷᱤ ᱟᱨ ᱵᱷᱮᱱᱠᱟᱴᱟᱪᱟᱞᱟᱢ ᱡᱩᱲᱤ ᱥᱟᱶᱛᱟ ᱨᱮᱭᱟᱜ ᱱᱚᱣᱟ ᱠᱚ ᱨᱚᱲ ᱫᱮᱭᱟ ᱵᱟᱹᱜᱤ ᱠᱟᱛᱮ ᱥᱟᱶᱛᱟ ᱵᱷᱟᱹᱞᱟᱹᱭ ᱠᱟᱹᱢᱤ ᱠᱤᱱ ᱛᱚᱨᱟᱣ ᱤᱫᱤ ᱞᱮᱫᱟ ᱾
ᱟᱡ ᱡᱟᱶᱟᱭ ᱵᱷᱮᱱᱠᱟᱴᱟᱪᱟᱞᱟᱢ ᱢᱟᱫᱽᱨᱟᱥ ᱨᱮᱱ ᱥᱚᱨᱤᱯᱷ ᱮ ᱵᱮᱱᱟᱣ ᱮᱱᱟ, ᱡᱳᱛᱷᱤ ᱥᱟᱶᱛᱟ ᱵᱷᱟᱹᱞᱟᱹᱭ ᱠᱟᱹᱢᱤ ᱥᱟᱶ ᱟᱨᱦᱚᱸ ᱡᱚᱯᱲᱟᱣ ᱤᱫᱤ ᱮᱱᱟ ᱟᱨ ᱠᱚᱝᱜᱽᱨᱮᱥ ᱯᱟᱨᱴᱤ ᱟᱜ ᱱᱚᱡᱚᱨ ᱨᱮᱭ ᱦᱮᱡ ᱮᱱᱟ ᱾ ᱩᱱᱤ ᱑᱐ ᱚᱠᱴᱚᱵᱚᱨ ᱑᱙᱕᱓ ᱠᱷᱚᱱ ᱑᱒ ᱮᱯᱨᱤᱞ ᱑᱙᱕᱔ ᱢᱩᱸᱫᱽ ᱨᱮ ᱪᱚᱠᱨᱚᱵᱚᱨᱛᱤ ᱜᱳᱯᱟᱞᱟᱪᱟᱨᱤᱭᱟ ᱟᱜ ᱠᱮᱵᱤᱱᱮᱴ ᱨᱮ ᱦᱟᱺᱰᱤ ᱵᱟᱹᱜᱤ ᱟᱨ ᱛᱤᱨᱞᱟᱹ ᱵᱷᱟᱹᱞᱟᱹᱭ ᱢᱚᱱᱛᱨᱤ ᱮ ᱛᱟᱦᱮ ᱠᱟᱱᱟ ᱾ ᱱᱚᱣᱟ ᱞᱮᱠᱟᱛᱮ ᱡᱳᱛᱷᱤ ᱵᱷᱮᱱᱠᱟᱴᱟᱪᱟᱞᱟᱢ ᱥᱤᱧᱚᱛ ᱨᱮᱱᱟᱜ ᱟᱹᱯᱱᱟᱹᱛ ᱨᱮᱭᱟᱜ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱢᱚᱱᱛᱨᱤ ᱮ ᱵᱮᱱᱟᱣ ᱮᱱᱟ ᱾[᱑] ᱚᱱᱟ ᱠᱷᱟᱴᱚ ᱠᱟᱹᱢᱤ ᱚᱠᱛᱚ ᱨᱮᱜᱮ, ᱩᱱᱤ ᱦᱟᱺᱰᱤ ᱵᱟᱹᱜᱤ ᱵᱤᱵᱷᱟᱜᱽ ᱫᱚ ᱯᱩᱞᱤᱥ ᱵᱤᱵᱷᱟᱜᱽ ᱥᱟᱶ ᱮ ᱡᱚᱲᱟᱣ ᱠᱟᱫᱟ ᱾
ᱛᱟᱭᱚᱢ ᱛᱮ ᱑᱙᱖᱒ ᱥᱮᱨᱢᱟ ᱨᱮᱭᱟᱜ ᱵᱟᱪᱷᱱᱟᱣ ᱨᱮ ᱩᱱᱤ ᱮᱜᱽᱢᱳᱨᱮ ᱛᱟᱞᱢᱟ ᱠᱷᱚᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮᱱ ᱥᱚᱦᱮᱫ ᱞᱮᱠᱟᱛᱮ ᱛᱟᱢᱤᱞᱱᱟᱰᱩ ᱵᱤᱫᱷᱟᱱᱥᱚᱵᱷᱟ ᱨᱮ ᱟᱨ ᱑᱙᱗᱑ ᱥᱮᱨᱢᱟ ᱨᱮ ᱥᱨᱤᱨᱟᱝᱜᱟᱢ ᱛᱟᱞᱢᱟ ᱠᱷᱚᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ (ᱥᱚᱝᱜᱚᱴᱷᱚᱱ) ᱨᱮᱱ ᱥᱚᱦᱮᱫ ᱞᱮᱠᱟᱛᱮᱭ ᱵᱟᱪᱷᱟᱣ ᱞᱮᱱᱟ ᱾ ᱱᱚᱣᱟ ᱫᱷᱟᱣ ᱩᱱᱤ ᱫᱚ, ᱥᱤᱨᱟᱹ ᱢᱚᱱᱛᱨᱤ ᱠᱮ. ᱠᱟᱢᱨᱟᱡᱽ ᱟᱡᱟᱜ ᱠᱮᱵᱤᱱᱮᱴ ᱨᱮ ᱯᱟᱵᱽᱞᱤᱠ ᱦᱮᱞᱛᱷ ᱢᱚᱱᱛᱨᱤ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱫᱮᱭᱟ ᱟᱨ ᱮᱢ. ᱵᱷᱚᱠᱛᱚᱵᱷᱚᱛᱥᱟᱞᱟᱢ ᱟᱜ ᱠᱮᱵᱤᱱᱮᱴ ᱨᱮ ᱑᱙᱖᱗ ᱥᱮᱨᱢᱟ ᱦᱟᱹᱵᱤᱫ ᱱᱚᱣᱟ ᱦᱩᱫᱟᱹ ᱨᱮᱜᱮᱭ ᱛᱟᱦᱮ ᱠᱟᱱᱟ ᱾[᱒][᱓][᱔]
ᱛᱟᱭᱚᱢ ᱛᱮ ᱑᱔ ᱚᱠᱴᱚᱵᱚᱨ ᱑᱙᱗᱗ ᱠᱷᱚᱱ ᱒᱖ ᱚᱠᱴᱚᱵᱚᱨ ᱑᱙᱘᱒ ᱦᱟᱹᱵᱤᱫ ᱠᱮᱨᱟᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ ᱾[᱕]
᱑᱙᱗᱔ ᱥᱮᱨᱢᱟ ᱨᱮ, ᱡᱳᱛᱷᱤ ᱵᱷᱮᱱᱠᱟᱴᱟᱪᱟᱞᱟᱢ ᱟᱡᱟᱜ ᱯᱟᱵᱽᱞᱤᱠ ᱮᱯᱷᱮᱭᱟᱨᱥ ᱮᱱᱮᱢ ᱞᱟᱹᱜᱤᱫ ᱯᱚᱫᱽᱢᱚᱥᱨᱤ ᱢᱟᱹᱱ ᱛᱮᱠᱚ ᱢᱟᱹᱱ ᱵᱮᱵᱷᱟᱨ ᱞᱮᱫᱮᱭᱟ ᱾
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱯᱩᱭᱞᱩ ᱛᱤᱨᱞᱟᱹ - ᱡᱳᱛᱷᱤ ᱵᱷᱮᱱᱠᱟᱴᱟᱪᱟᱞᱟᱢ. Vikatan. 2020.
- ↑ Kandaswamy. P (2008). The political Career of K. Kamaraj. Concept Publishing Company. pp. 62–64. ISBN 8170228018.
- ↑ The Madras Legislative Assembly, Third Assembly I Session
- ↑ The Madras Legislative Assembly, Third Assembly II Session
- ↑ "Governors of Kerala". Archived from the original on 13 August 2012. Retrieved 19 January 2010.