ᱡᱽᱭᱳᱛᱤ ᱦᱮᱜᱽᱲᱮ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
Jyoti Hegde
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ Sirsi, Karnataka
ᱠᱟᱹᱢᱤ Musician
ᱡᱤᱭᱚᱱ ᱥᱚᱦᱮᱫ G.H. Hegde
ᱦᱚᱯᱚᱱ 1
Musical career
ᱡᱮᱱᱨᱮᱥ
ᱵᱟᱡᱽᱱᱟ
ᱞᱮᱵᱮᱞ ASA Music (2012)
ᱣᱮᱵᱽᱥᱟᱭᱤᱴ http://www.jyotihegde.com

ᱡᱽᱭᱳᱛᱤ ᱦᱮᱜᱽᱲᱮ ᱨᱩᱫᱽᱨᱚ ᱣᱤᱬᱟ ᱟᱨ ᱠᱷᱚᱸᱰᱟᱨᱵᱥᱱᱤ ᱜᱷᱚᱨᱟᱱᱮ ᱨᱤᱱᱤᱡ ᱢᱤᱫ ᱥᱤᱛᱟᱨ ᱵᱟᱡᱟᱣ ᱯᱟᱯᱟᱴᱤᱭᱟᱹᱭ ᱠᱚᱞᱟᱠᱟᱨ ᱮ ᱛᱟᱦᱮᱸᱜ ᱠᱟᱱᱟᱭ ᱾[᱑] ᱩᱱᱤ ᱫᱚ ᱑᱒ ᱥᱮᱨᱢᱟ ᱠᱷᱚᱱ ᱜᱮ ᱵᱟᱡᱟᱣ ᱮ ᱪᱮᱫ ᱠᱮᱫᱟᱭ ᱟᱨ ᱫᱷᱟᱨᱣᱟᱲ ᱨᱮᱱᱟᱜ ᱠᱚᱨᱱᱟᱴᱚᱠ ᱨᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱟᱡᱟᱣ ᱨᱮ ᱯᱚᱨᱟᱥᱱᱟᱛᱚᱠ ᱞᱮᱫ ᱟᱭ᱾ ᱵᱤᱫᱩᱥᱤ ᱡᱽᱭᱳᱛᱤ ᱦᱮᱜᱽᱲᱮ ᱡᱮᱜᱮᱛ ᱨᱮ ᱨᱩᱫᱽᱨᱚ ᱣᱤᱬᱟ ᱨᱮᱱᱟᱜ ᱯᱩᱭᱞᱩ ᱟᱨ ᱢᱤᱫ ᱜᱮ ᱥᱩᱢᱩᱝ ᱛᱤᱨᱞᱟᱹ ᱣᱟᱫᱚᱠ ᱵᱟᱡᱟᱣᱤᱡ ᱮ ᱛᱟᱦᱮᱸᱜ ᱠᱟᱱᱟᱭ᱾ ᱩᱱᱤ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱥᱟᱶ ᱨᱩᱫᱽᱨᱚ ᱣᱤᱬᱟ ᱟᱨ ᱥᱤᱛᱟᱨ ᱨᱮᱱᱟᱜ ᱜᱽᱨᱮᱴ ᱮ ᱚᱨᱴᱡᱥᱴ ᱠᱟᱱᱟᱭ ᱟᱨ ᱫᱤᱱᱟᱹᱢ ᱞᱮᱠᱟ ᱜᱮ ᱥᱮᱨᱮᱧ ᱥᱟᱶ ᱵᱟᱡᱟᱣ ᱟᱭᱢᱟ ᱜᱟᱱ ᱯᱨᱚᱜᱽᱨᱟᱢ ᱞᱟᱹᱜᱤᱫ ᱛᱮᱭ ᱵᱟᱰᱟᱭᱚᱜ ᱠᱟᱱᱟᱭ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱽᱭᱳᱛᱤ ᱦᱮᱜᱽᱲᱮ ᱦᱟᱜ ᱡᱟᱱᱟᱢ ᱟᱨ ᱦᱟᱨᱟ - ᱵᱳᱨᱳ ᱫᱚ ᱥᱤᱨᱥᱤ ᱨᱮ ᱦᱩᱭ ᱟᱠᱟᱱ ᱛᱟᱭᱟ ᱾ ᱡᱟᱦᱟᱸ ᱫᱚ ᱠᱚᱨᱱᱟᱴᱚᱠ ᱨᱮᱱᱟᱜ ᱮᱛᱚᱢ ᱠᱚᱱᱱᱚᱲ ᱦᱚᱱᱚᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱡᱚᱠᱷᱚᱱ ᱩᱱᱤ ᱑᱒ ᱥᱮᱨᱢᱟ ᱩᱢᱮᱨ ᱨᱮᱱ ᱮ ᱛᱟᱦᱮᱸᱜ ᱠᱟᱱᱟᱭ ᱛᱚᱠᱷᱚᱱ ᱩᱱᱤ ᱟᱡ ᱵᱟᱡᱟᱣ ᱠᱚᱭ ᱪᱮᱫᱚᱜ ᱮ ᱮᱦᱚᱵ ᱞᱮᱫᱟᱭ᱾ ᱑᱖ ᱥᱮᱨᱢᱟ ᱩᱢᱮᱨ ᱨᱮᱱᱟᱜ ᱛᱟᱲᱟᱢ ᱰᱟᱦᱟᱨ ᱨᱮ ᱨᱩᱫᱽᱨᱚ ᱣᱤᱬᱟ ᱨᱮᱱᱟᱜ ᱪᱮᱫᱚᱜ ᱮ ᱮᱦᱚᱵ ᱮᱱᱟᱭ ᱾ ᱩᱱᱤᱭᱟᱜ ᱵᱟᱯᱞᱟ ᱡᱤ ᱮᱥ ᱦᱮᱜᱽᱲᱮ ᱥᱟᱶ ᱦᱩᱭ ᱞᱮᱱ ᱛᱟᱭᱟ ᱟᱨ ᱩᱱᱤ ᱨᱮᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭ ᱛᱟᱭᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱨᱮᱧ ᱵᱟᱡᱟᱣ ᱨᱮ ᱡᱽᱭᱳᱛᱤ ᱦᱟᱜ ᱥᱮᱪᱮᱫ ᱫᱚ ᱑᱖ ᱥᱮᱨᱢᱟ ᱩᱢᱮᱨ ᱨᱮ ᱯᱚᱸᱰᱮᱛ ᱜᱩᱨ ᱟᱠᱟᱱ ᱵᱤᱸᱫᱩ ᱢᱟᱫᱷᱚᱣ ᱯᱟᱴᱷᱚᱠ ᱦᱟᱜ ᱛᱟᱲᱟᱢ ᱰᱟᱦᱟᱨ ᱨᱮᱭ ᱮᱦᱚᱵ ᱞᱮᱫ ᱟᱭ᱾ ᱨᱩᱫᱽᱨᱚ ᱣᱤᱬᱟ ᱟᱨ ᱥᱤᱛᱟᱨ ᱨᱮ ᱑᱕ ᱥᱮᱨᱢᱟ ᱛᱟᱭᱚᱢ ᱢᱮᱭᱨᱟ ᱛᱷᱟᱱ ᱥᱮᱪᱮᱫ ᱨᱮ ᱩᱛᱠᱨᱤᱥᱴᱟ ᱞᱟᱹᱜᱤᱫ ᱛᱮ ᱩᱱᱤᱭᱟᱜ ᱛᱮᱛᱟᱝ ᱵᱟᱲᱦᱟᱣ ᱮᱱᱟ ᱟᱨ ᱩᱱᱤ ᱫᱚ ᱯᱚᱸᱰᱮᱛ ᱤᱸᱫᱩᱫᱷᱚᱨ ᱱᱤᱨᱚᱫᱤ ᱥᱟᱶ ᱫᱷᱩᱨᱣᱚᱯᱚᱫᱽ ᱥᱮᱭᱞᱤ ᱨᱮ ᱛᱟᱦᱮᱸ ᱮᱱᱟᱭ ᱾ ᱩᱱᱤ ᱫᱚ ᱨᱩᱫᱽᱨᱚ ᱣᱤᱬᱟ ᱨᱮ ᱱᱭᱩ ᱫᱤᱞᱞᱤ ᱨᱮᱱᱟᱜ ᱵᱟᱰᱟᱭᱤᱡ ᱨᱩᱫᱽᱨᱚ ᱣᱤᱬᱟ ᱢᱟᱥᱴᱚᱨ ᱩᱥᱛᱚᱫᱽ ᱟᱥᱚᱫᱽ ᱚᱞᱤ ᱠᱷᱟᱱ ᱟᱨ ᱢᱩᱢᱵᱟᱭ ᱨᱮᱱ ᱩᱥᱛᱚᱫᱽ ᱵᱟᱦᱟᱩᱫᱤᱱ ᱰᱟᱜᱚᱨ ᱥᱮᱡ ᱠᱷᱚᱱ ᱛᱟᱲᱟᱢ ᱰᱟᱦᱟᱨ ᱮ ᱧᱟᱢ ᱠᱮᱫ ᱟᱭ ᱾ ᱜᱩᱨᱩ - ᱪᱮᱠᱟ ᱟᱹᱨᱤᱪᱟᱹᱞᱤ ᱩᱱᱤᱭᱟᱜ ᱦᱚᱛᱮᱛᱮ ᱩᱱᱤᱭᱟᱜ ᱦᱩᱱᱟᱹᱨ ᱨᱮ ᱥᱟᱱᱟᱢ ᱥᱨᱚᱸᱫᱷᱟᱡᱟᱞᱤ ᱨᱮᱱᱟᱜ ᱨᱩᱯ ᱨᱮ ᱡᱟᱦᱟᱸ ᱦᱩᱱᱟᱹᱨ ᱨᱮ ᱩᱱᱤ ᱫᱚ ᱢᱚᱦᱟᱨᱚᱛ ᱮ ᱧᱟᱢ ᱞᱮᱫ ᱟᱭ᱾ ᱵᱤᱫᱩᱥᱤ ᱡᱽᱭᱳᱛᱤ ᱦᱮᱜᱽᱲᱮ ᱫᱚ ᱯᱩᱭᱞᱩ ᱟᱨ ᱥᱩᱢᱩᱝ ᱛᱤᱨᱞᱟᱹ ᱨᱤᱱᱤᱡ ᱫᱚ ᱨᱩᱫᱽᱨᱚ ᱣᱤᱬᱟ ᱨᱤᱱᱤᱡ ᱠᱷᱤᱞᱚᱱᱰᱤᱭ ᱵᱟᱡᱟᱣᱤᱡ ᱡᱮᱜᱮᱛ ᱡᱟᱠᱟᱛ ᱨᱮ ᱱᱩᱭ ᱮ ᱛᱟᱦᱮᱸᱜ ᱠᱟᱱᱟᱭ ᱾

ᱥᱤᱨᱯᱷᱟᱹ ᱟᱨ ᱩᱯᱩᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱽᱭᱳᱛᱤ ᱦᱮᱜᱽᱲᱮ ᱫᱚ ᱟᱭᱢᱟ ᱜᱟᱱ ᱚᱣᱟᱨᱰ ᱮ ᱡᱤᱛᱠᱟᱹᱨ ᱟᱠᱟᱱᱟᱭ ᱡᱮᱞᱮᱠᱟ ᱱᱤᱫᱷᱤ ᱚᱣᱟᱨᱰ, ᱠᱟᱞᱟ ᱪᱮᱛᱱᱟ ᱟᱨ ᱫᱷᱨᱩᱯᱟᱫᱽᱢᱟᱱᱤ ᱾[᱒]

ᱰᱤᱥᱠᱚ ᱜᱽᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱨᱮᱭᱟᱨ ᱤᱱᱥᱴᱨᱩᱢᱮᱴᱥ - ᱨᱩᱫᱽᱨᱚ ᱣᱤᱬᱟ (Rare Instruments - Rudra Veena) (ASA Music, 2012)[᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Jyoti Hegde Biography". Retrieved 2014-06-01. 
  2. "Jyoti Hegde Profile" (PDF). Retrieved 2014-06-01. 
  3. "Rare Instruments - Rudra Veena". Retrieved 2014-06-01.