ᱢᱚᱝᱜᱚᱞ ᱯᱟᱱᱰᱮ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱢᱚᱝᱜᱚᱞ ᱯᱟᱱᱰᱮ

ᱢᱚᱝᱜᱚᱞ ᱯᱟᱱᱰᱮ ᱫᱚ ᱥᱤᱧᱚᱛ ᱨᱤᱱᱤᱡ ᱦᱩᱞᱜᱟᱹᱨᱤᱭᱟᱹ ᱯᱷᱟᱹᱫ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱘᱕᱗ ᱥᱟᱞᱮᱨᱮ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱟᱹᱭᱩᱨᱤᱭᱟᱹ ᱞᱮᱠᱟ ᱛᱮ ᱛᱟᱦᱮᱸ ᱠᱟᱱᱟ  ᱩᱱᱤ ᱫᱚ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱢᱤ ᱨᱤᱱᱤᱡ ᱓᱔ ᱟᱱᱤᱡ ᱵᱟᱝᱜᱟᱞ ᱱᱮᱴᱤᱵᱽ ᱤᱱᱯᱷᱮᱱᱴᱨᱤ (Bengal Native Infantry) ᱨᱮ ᱢᱤᱫ ᱥᱤᱯᱟᱹᱦᱤ ᱯᱷᱟᱹᱫ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱥᱤᱧᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱟᱡᱟᱜ ᱢᱟᱨᱟᱝ ᱮᱱᱮᱢ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱢᱟᱹᱱ ᱥᱟᱨᱦᱟᱣ ᱞᱮᱠᱟᱛᱮ ᱟᱡ ᱧᱩᱛᱩᱢ ᱰᱟᱠ ᱴᱤᱠᱤᱴ ᱑᱙᱔᱘ ᱥᱟᱞᱮᱨᱮ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾

ᱡᱟᱱᱟᱢ ᱟᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱛᱚᱨᱯᱨᱚᱫᱮᱥ ᱨᱮᱱᱟᱜ ᱵᱚᱞᱤᱭᱟ ᱦᱚᱱᱚᱛ ᱱᱚᱜᱽᱣᱟ ᱟᱹᱛᱩ ᱨᱮ ᱢᱤᱫ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱨᱮ ᱑᱙ ᱡᱩᱞᱟᱭ ᱑᱘᱒᱗ ᱥᱟᱞᱮᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾[᱑] ᱢᱚᱝᱜᱚᱞ ᱯᱟᱱᱰᱮ ᱫᱚ ᱯᱩᱭᱞᱩ ᱫᱷᱟᱣ ᱤᱝᱨᱮᱡᱽ ᱵᱤᱨᱩᱫᱽ ᱨᱮ "ᱢᱟᱨᱚ ᱯᱷᱤᱨᱚᱝᱜᱤ ᱠᱳ" ᱠᱟᱠᱞᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱫᱤᱵᱟᱠᱚᱨ ᱯᱟᱱᱰᱮ ᱟᱨ ᱚᱵᱷᱚᱭᱨᱟᱬᱤ  ᱛᱤᱠᱤᱱᱟᱜ ᱠᱚᱞᱮᱨᱮ ᱡᱟᱱᱟᱢ ᱞᱮᱱ ᱢᱚᱝᱜᱚᱞ ᱯᱟᱱᱰᱮ ᱫᱚ ᱯᱩᱭᱞᱩ ᱯᱷᱟᱹᱫ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱤᱝᱨᱮᱡᱽ ᱠᱚᱣᱟᱜ ᱨᱚᱰᱚᱡᱽ ᱠᱚᱪᱞᱚᱱ ᱠᱷᱚᱱ ᱫᱤᱥᱚᱢ ᱦᱚᱲ ᱠᱚ ᱫᱩᱜ ᱫᱚᱦᱚ ᱠᱚ ᱞᱟᱹᱜᱤᱫ ᱪᱤᱨᱜᱟᱹᱞ ᱟᱲᱟᱝᱮ ᱯᱷᱚᱴᱮᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱩᱭᱞᱩ ᱦᱩᱞᱜᱟᱹᱨᱤᱭᱟᱹ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱭᱟ ᱾

ᱢᱩᱪᱟᱫ ᱡᱤᱭᱚᱱ ᱟᱨ ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱕᱗ ᱥᱟᱞᱮ ᱮᱯᱨᱤᱞ ᱘ ᱢᱟᱹᱦᱤᱛ ᱨᱮ ᱢᱚᱝᱜᱚᱞ ᱯᱟᱱᱰᱮ ᱫᱚ ᱠᱚ ᱯᱟᱹᱥᱤ ᱞᱮᱫᱮᱛᱟᱦᱮᱸᱫ ᱾ ᱩᱱᱤᱫᱚ ᱵᱮᱨᱚᱠᱯᱩᱨ ᱨᱮ ᱯᱟᱹᱥᱤ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱵᱮᱨᱚᱠᱯᱩᱨ ᱨᱮ ᱢᱚᱝᱜᱚᱞ ᱯᱟᱱᱰᱮ ᱯᱟᱹᱥᱤ ᱞᱟᱹᱜᱤᱫ ᱡᱚᱞᱟᱫᱽ ᱠᱚ ᱢᱟᱱᱟ ᱠᱮᱫ ᱠᱷᱟᱹᱛᱤᱨ ᱟᱥᱚᱠᱟᱭᱛᱮ ᱠᱚᱞᱠᱟᱛᱟ ᱠᱷᱚᱱ ᱡᱚᱞᱟᱫᱽ ᱠᱚ ᱟᱹᱜᱩ ᱞᱮᱫ ᱠᱚ ᱛᱟᱦᱮᱸᱫ ᱾[᱒]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. D'Souza, Shanthie Mariet. "Mangal Pandey: Indian soldier". Encyclopædia Britannica.
  2. http://kanaknews.com/mangal-pandey-birth-anniversary-all-u-need-know-about-him/