ᱢᱚᱥᱠᱚ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱚᱥᱠᱚ ᱱᱟᱜᱟᱨ


ᱢᱚᱥᱠᱚ ᱫᱚ ᱦᱩᱭᱩᱜ ᱠᱟᱱᱟ ᱨᱩᱥᱤᱭᱟ ᱨᱟᱱᱟᱜ ᱨᱟᱡᱽᱜᱟᱲ ᱟᱨ ᱚᱸᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱮᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱣᱟ ᱱᱟᱜᱟᱨ ᱨᱮ ᱑᱒.᱒ ᱢᱤᱞᱤᱭᱚᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱱᱟᱜᱟᱨ ᱛᱟᱞᱟᱨᱮ [1] ᱟᱨ ᱚᱱᱟ ᱵᱷᱤᱲᱟᱹᱣ ᱨᱮ ᱑᱗.᱑ ᱢᱤᱞᱤᱭᱚᱱ ᱦᱚᱲ ᱾ [2] ᱚᱱᱟᱛᱮ ᱱᱚᱣᱟ ᱫᱚ ᱢᱟᱨᱟᱝ ᱱᱟᱜᱨ ᱠᱟᱱᱟ ᱾ [3] ᱢᱚᱥᱠᱚ ᱫᱚ ᱢᱟᱦᱟᱸ ᱜᱟᱶᱛᱟ (federal) ᱱᱟᱜᱟᱨ ᱞᱮᱠᱟᱛᱮ ᱢᱟᱱᱚᱛ ᱮ ᱧᱟᱢ ᱟᱠᱟᱫ-ᱟ ᱾

ᱢᱚᱥᱠᱚ ᱫᱚ ᱦᱩᱭᱩᱜ ᱠᱟᱱᱟ ᱢᱩᱬ ᱠᱟᱹᱣᱰᱤ-ᱟᱹᱨᱤ, ᱨᱟᱡᱽᱟᱹᱨᱤ, ᱞᱟᱠᱪᱟᱨ ᱟᱨ ᱥᱟᱬᱮᱥ ᱛᱟᱞᱢᱟ ᱨᱩᱥᱤᱭᱟ ᱨᱮᱱᱟᱜ ᱾ ᱥᱮᱬᱟ ᱨᱮᱱᱟᱜ ᱥᱩᱛᱩᱨ ᱞᱮᱠᱟᱛᱮ ᱢᱚᱥᱠᱚ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱞᱤᱥᱴᱤ ᱨᱮ ᱥᱮᱞᱮᱫ ᱢᱮᱱᱟᱭᱟ ᱥᱟᱶᱛᱮ ᱑᱔ ᱟᱱᱟᱜ ᱢᱮᱴᱨᱚ ᱱᱟᱜᱟᱨ, ᱑᱘ ᱟᱱᱟᱜ ᱟᱜᱽᱞᱚᱢᱮᱨᱟᱥᱚᱱ (agglomeration) , ᱑᱕ ᱟᱱᱟᱜ ᱢᱨᱟᱝ ᱱᱟᱜᱟᱨ ᱠᱟᱱᱟ ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱱᱟᱜᱟᱨ ᱫᱚ ᱢᱚᱥᱠᱶᱚ ᱜᱟᱰᱟ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱢᱤᱨᱛᱤᱠᱟ ᱨᱮᱱᱟᱜ ᱯᱮ ᱯᱟᱴᱷᱟ ᱨᱚᱦᱚᱲ ᱚᱛ ᱨᱮᱱᱟᱜ ᱛᱟᱞᱟᱨᱮ ᱢᱮᱱᱟᱜ-ᱟ ᱾ ᱱᱚᱶᱟ ᱫᱚ ᱢᱤᱫ ᱚᱠᱛᱚ ᱥᱚᱵᱷᱤᱭᱮᱛ ᱜᱟᱶᱛᱟ ᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱢᱚᱥᱠᱚ ᱠᱨᱤᱢᱞᱤᱱ ᱨᱮᱱᱟᱜ ᱴᱷᱟᱶ ᱠᱟᱱᱟ , ᱡᱟᱦᱟᱸ ᱨᱮ ᱟᱹᱰᱤ ᱟᱭᱢᱟ ᱧᱮᱞ ᱡᱚᱝ ᱴᱷᱟᱶ ᱠᱚ ᱢᱮᱱᱟᱜ-ᱟ ᱾ ᱱᱚᱰᱮ ᱫᱚ ᱨᱩᱥᱤᱭᱟ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱭᱟᱜ ᱚᱲᱟᱜ ᱠᱟᱱᱟ ᱾

ᱠᱟᱹᱶᱰᱤ-ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱥᱠᱚ ᱫᱚ ᱠᱟᱹᱶᱰᱤ-ᱟᱹᱨᱤ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱮᱛᱮᱫ ᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱤᱱ ᱟᱭᱢᱟ ᱵᱤᱞᱤᱭᱚᱱᱟᱨ (billionair) ᱠᱚᱶᱟᱜ ᱜᱷᱟᱨᱚᱡᱽ ᱠᱟᱱᱟ ᱾[4] ᱒᱐᱐᱘ ᱥᱟᱞᱮ ᱨᱮ ᱱᱚᱶᱟ ᱫᱚᱡᱚᱛᱚ ᱠᱦᱚᱱ ᱵᱟᱹᱲᱛᱤ ᱠᱷᱚᱨᱚᱰᱦᱚᱜ ᱠᱟᱱ ᱱᱟᱜᱟᱨ ᱠᱟᱱᱟ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾[5] ᱢᱮᱱᱠᱷᱟᱱ ᱒᱐᱐᱙ ᱥᱟᱞᱮ ᱨᱮ ᱫᱚ ᱛᱮᱥᱟᱨ ᱴᱷᱟᱶ ᱨᱮ ᱦᱮᱡ ᱮᱱᱟᱭ , ᱩᱱ ᱚᱠᱛᱚ ᱮᱛᱚᱦᱚᱵ ᱴᱷᱟᱶ ᱫᱚ ᱴᱚᱠᱭᱚ ᱟᱨ ᱫᱚᱥᱟᱨ ᱴᱷᱟᱶ ᱫᱚ ᱚᱥᱟᱠᱟᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾[6]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱱᱟᱜᱟᱨ ᱫᱚ ᱢᱚᱠᱶᱚ ᱜᱟᱰᱟ ᱠᱷᱚᱱ ᱧᱩᱛᱩᱢ ᱟᱠᱟᱱᱟ ᱾ ᱱᱚᱶᱟ ᱧᱩᱛᱩᱢ ᱛᱤᱥ ᱠᱷᱚᱱ ᱦᱮᱡ ᱟᱠᱟᱱᱟ ᱱᱚᱶᱟ ᱫᱚ ᱩᱱᱟᱜ ᱵᱟᱰᱟᱭ ᱵᱟᱹᱱᱩᱜ-ᱟ , ᱢᱮᱱᱠᱷᱟᱱ ᱛᱤᱢᱤᱱ ᱦᱚᱲᱟᱜ ᱱᱟᱥᱮ ᱰᱷᱚᱲᱮ ᱯᱟᱭᱛᱟᱨ ᱢᱮᱱᱟᱜ-ᱟ ᱾ ᱚᱱᱟ ᱢᱩᱸᱫ ᱠᱷᱚᱱ ᱢᱤᱫ ᱫᱚ ᱠᱚ ᱢᱮᱱᱟ, ᱱᱚᱶᱟ ᱫᱚ ᱟᱹᱰᱤ ᱢᱟᱨᱮ ᱯᱷᱤᱱᱤᱠ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱾ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱦᱮᱸᱫᱮ" ᱟᱨ "ᱨᱤᱢᱤᱞ" ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱢᱚᱥᱠᱚ ᱵᱟᱵᱚᱫᱽ ᱨᱩᱥᱤᱭᱟ ᱨᱮᱱᱟᱜ ᱯᱩᱤᱞᱩ ᱥᱟᱹᱠᱷᱭᱟᱹᱛ ᱫᱚ ᱑᱑᱔᱗ ᱥᱟᱞᱮᱨᱮ ᱡᱚᱠᱷᱚᱱ ᱭᱩᱨᱤ ᱰᱚᱞᱜᱚᱨᱩᱠᱤ ᱟᱨ ᱢᱤᱫ ᱨᱟᱡᱟ ᱱᱚᱵᱽᱜᱚᱨᱚᱫ-ᱥᱮᱵᱚᱨᱤᱥᱠᱤᱭ ᱱᱮᱶᱛᱟ ᱭᱮ ᱠᱟᱱ ᱛᱟᱦᱮᱸᱫ ᱟᱨ ᱩᱱ ᱡᱷᱚᱜ ᱢᱮᱴᱟᱫ-ᱮ ᱛᱟᱦᱮᱸᱫ "ᱤᱧ ᱴᱷᱮᱱ ᱦᱤᱡᱩᱜ ᱢᱮ, ᱢᱚᱥᱠᱚ ᱛᱮ" ᱾[7]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://www.gks.ru/free_doc/new_site/population/demo/Popul2015.xls
  2. cite web|url=http://www.citypopulation.de/world/Agglomerations.html |title=MajorAgglomerations of the World - Population Statistics and Maps |publisher=Citypopulation.de |date= |accessdate=September 26, 2017
  3. Thomas Brinkoff, Principal Agglomerations of the World, accessed on 2010-02-15. Data for 2009-01-01.
  4. cite web |accessdate=2008-03-05 |publisher=RIA Novsoti |title=Moscow becomes world's billionaire capital — Forbes |url=http://en.rian.ru/russia/20080306/100793187.html
  5. Mercer's 2008 Cost of Living survey highlights
  6. http://www.mercer.com/costoflivingpr#Top_50
  7. cite web |url=http://faculty.oxy.edu/richmond/csp8/history_of_moscow.htm |title=The History of Moscow |publisher=Occidental College |last=Comins-Richmond |first=Walter |accessdate=2006-07-03