ᱢᱚᱥᱡᱤᱫᱽ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱢᱩᱥᱡᱤᱫᱽ
مَسْجِد
Jerusalem-2013-Temple Mount-Al-Aqsa Mosque (NE exposure).jpg
ᱡᱤᱨᱩᱥᱟᱞᱮᱢ ᱨᱮᱭᱟᱜ ᱟᱞ ᱟᱥᱠᱟ ᱢᱩᱥᱡᱤᱫᱽ
Religion
Affiliation ᱤᱥᱞᱟᱢ

ᱢᱚᱥᱡᱤᱫᱽ (ᱟᱨᱟᱵᱤ: مسجد ᱟᱲᱟᱝ:ˈmæsdʒɪd) ᱢᱩᱥᱞᱤᱢᱠᱚ ᱢᱤᱫ ᱥᱟᱶᱛᱮ ᱱᱟᱢᱟᱡᱽ ᱯᱟᱲᱦᱟᱣ ᱨᱮᱭᱟᱜ ᱴᱷᱟᱹᱭ᱾ ᱱᱤᱭᱟᱹ ᱟᱹᱲᱟᱹ ᱫᱚ ᱟᱨᱵᱤ ᱟᱹᱲᱟᱹ "السجود" ᱠᱷᱚᱱ ᱦᱩᱭ ᱟᱠᱟᱱᱟ, ᱱᱤᱭᱟᱹ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱢᱟᱱᱚᱛ ᱥᱟᱞᱟᱜ ᱵᱚᱦᱚᱜ ᱠᱩᱰᱵᱩᱨ ᱥᱮ ᱥᱤᱡᱽᱫᱟᱦ᱾

ᱟᱥᱚᱠᱟᱭᱛᱮ, ᱚᱠᱟ ᱤᱢᱟᱨᱟᱛ ᱥᱮ ᱴᱷᱟᱹᱭ ᱨᱮ ᱢᱩᱥᱞᱤᱢ ᱠᱚ ᱡᱟᱣᱜᱮ ᱢᱤᱫ ᱠᱟᱛᱮ ᱢᱚᱬᱮ ᱫᱷᱟᱣ ᱨᱮᱭᱟᱜ ᱱᱟᱢᱟᱡᱽ ᱠᱚ ᱯᱟᱲᱦᱟᱣᱟ ᱚᱱᱟ ᱜᱮ ᱢᱩᱥᱡᱤᱫᱽ ᱠᱚ ᱢᱮᱛᱟᱜ-ᱟ᱾ ᱟᱨᱦᱚᱸ ᱚᱠᱟ ᱠᱚ ᱢᱟᱨᱟᱝ ᱢᱟᱨᱟᱝ ᱢᱩᱥᱡᱤᱫᱽ ᱨᱮ ᱡᱟᱣᱜᱮ ᱥᱟᱶᱛᱮ ᱡᱟᱹᱨᱩᱢ ᱢᱟᱦᱟ ᱨᱮᱭᱟᱜ ᱱᱟᱢᱟᱡᱽ ᱠᱚ ᱯᱟᱲᱦᱟᱣᱟ ᱟᱨ ᱮᱴᱟᱜ ᱤᱥᱞᱟᱢᱤᱠ ᱠᱟᱹᱢᱤᱦᱚᱨᱟ (ᱡᱮᱞᱮᱠᱟᱺ ᱠᱚᱨᱟᱱ ᱥᱮᱪᱮᱫ ᱮᱢᱠᱚ) ᱦᱩᱭᱩᱜ-ᱟ, ᱚᱱᱟ ᱢᱩᱥᱡᱤᱫ ᱠᱚᱫᱚ ᱡᱟᱢᱮ ᱢᱩᱥᱡᱤᱫᱽ (مسجد جامع) ᱠᱚ ᱢᱮᱛᱟᱣᱟᱜ-ᱟ᱾ ᱤᱢᱟᱱ ᱫᱚ ᱱᱟᱢᱟᱡᱽ ᱨᱮᱭᱟᱜ ᱤᱢᱟᱢᱤᱛᱤ ᱥᱮ ᱟᱹᱭᱩᱨᱟᱭ᱾

ᱢᱩᱥᱡᱤᱫᱽ ᱫᱚ ᱢᱩᱥᱞᱤᱢ ᱠᱚᱣᱟᱜ ᱟᱭᱢᱟ ᱞᱮᱠᱟᱱ ᱫᱷᱚᱨᱚᱢ ᱠᱟᱹᱢᱤᱦᱚᱨᱟ ᱨᱮᱭᱟᱜ ᱟᱣᱛᱟᱱᱜᱟᱲ ᱠᱟᱱᱟ᱾ ᱱᱤᱭᱟᱹ ᱡᱟᱭᱜᱟ ᱨᱮ ᱫᱚ ᱥᱮᱣᱟ ᱥᱟᱨᱦᱟᱣ ᱥᱟᱶᱛᱮ ᱪᱮᱪᱮᱫ, ᱰᱚᱜᱚᱨ ᱦᱟᱹᱴᱤᱧ ᱟᱨ ᱵᱤᱵᱟᱹᱫᱽ ᱯᱷᱟᱱᱰᱟᱟᱣ ᱦᱚᱸ ᱦᱩᱭᱩᱜ-ᱟ᱾

ᱱᱟᱦᱟᱜ ᱫᱚ ᱟᱭᱢᱟ ᱞᱮᱠᱟᱱ ᱢᱩᱥᱡᱤᱫᱽ ᱠᱚ ᱧᱮᱞᱚᱜ-ᱟ᱾ ᱟᱫᱚᱢ ᱫᱚ ᱢᱟᱨᱟᱝ ᱜᱚᱢᱵᱩᱡᱽ, ᱩᱥᱩᱥᱞ ᱢᱤᱱᱟᱨ ᱟᱨ ᱢᱟᱨᱟᱝ ᱢᱟᱨᱟᱝ ᱠᱚ ᱵᱮᱱᱟᱣ ᱠᱚᱜ-ᱟ᱾ ᱢ ᱩᱥᱡᱤᱫᱽ ᱨᱮᱭᱟᱜ ᱚᱢᱚᱱ ᱫᱚ ᱟᱨᱟᱵᱽ ᱨᱮ ᱦᱚᱸ ᱜᱚᱴᱟ ᱫᱷᱟᱹᱨᱛᱤ ᱨᱮᱜᱮ ᱧᱮᱞᱚᱜ-ᱟ᱾

ᱟᱥᱟᱢ ᱨᱮᱭᱟᱜ ᱡᱚᱛᱚ ᱠᱦᱚᱱ ᱢᱟᱨᱟᱝ ᱢᱚᱥᱡᱤᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱱᱵᱟᱨᱤ ᱢᱚᱥᱡᱤᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱟᱜᱟᱢᱤᱭᱟᱹ ᱯᱟᱱᱵᱟᱨᱤ ᱢᱚᱥᱡᱤᱫᱽ ᱫᱚ ᱫᱷᱩᱵᱽᱲᱤ ᱱᱟᱝᱜᱽᱨᱟᱦᱟ ᱠᱷᱚᱱ ᱒᱕ ᱠᱤᱹᱢᱤᱹ ᱥᱟᱝᱜᱤᱧ ᱥᱟᱢᱟᱝ ᱯᱟᱱᱵᱟᱲᱤ ᱟᱨ ᱨᱟᱝᱜᱟᱢᱟᱴᱤ ᱥᱩᱨ ᱨᱮ ᱢᱮᱱᱟᱜ-ᱟ, ᱑᱓ ᱮᱞ ᱡᱟᱹᱛᱨᱤᱭᱟᱹ ᱰᱟᱦᱟᱨ ᱟᱲᱮ ᱨᱮ᱾ ᱱᱤᱭᱟᱹ ᱢᱚᱥᱡᱤᱫᱽ ᱫᱚ ᱟᱥᱟᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱩᱛᱟᱹᱨ ᱢᱚᱥᱡᱤᱫᱽ ᱢᱮᱱᱛᱮ ᱠᱚ ᱞᱮᱠᱷᱟᱭᱮᱫᱟ᱾ ᱱᱤᱭᱟᱹ ᱵᱚᱝᱵᱚ ᱨᱮᱱ ᱥᱟᱥᱚᱱᱤᱭᱟᱹ ᱦᱩᱥᱮᱭᱱ ᱥᱟᱦ ᱑᱔᱙᱓-᱑᱕᱑᱙ ᱥᱮᱨᱢᱟ ᱨᱮᱭᱮ ᱵᱮᱱᱟᱣ ᱞᱮᱫᱟ᱾ ᱱᱤᱭᱟᱹ ᱢᱚᱥᱡᱤᱫᱽ ᱫᱚ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱯᱷᱟᱹᱫᱽ ᱠᱚ ᱫᱮᱣᱟ ᱥᱮᱣᱟ ᱚᱲᱟᱜ ᱢᱮᱱᱛᱮ ᱠᱚ ᱵᱮᱣᱦᱟᱨᱮᱫ ᱠᱟᱱ ᱛᱟᱦᱮᱸᱠᱟᱱᱟ᱾ ᱢᱚᱥᱡᱤᱫᱽ ᱥᱟᱶᱛᱮ ᱤᱫᱽᱜᱟᱦ ᱴᱟᱹᱱᱰᱤ ᱟᱨ ᱠᱩᱧ ᱦᱚᱸ ᱚᱱᱟ ᱚᱠᱛᱮ ᱨᱮᱜᱮ ᱵᱮᱱᱟᱣ ᱞᱮᱱᱟ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]