ᱢᱚᱦᱚᱵᱩᱵᱟᱵᱟᱫᱽ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱢᱚᱦᱚᱵᱩᱵᱟᱵᱟᱫᱽ ᱦᱚᱱᱚᱛ ᱱᱚᱠᱥᱟ

ᱢᱚᱦᱚᱵᱩᱵᱟᱵᱟᱫᱽ ᱦᱚᱱᱚᱛ ᱫᱚ ᱥᱧᱚᱛ ᱫᱤᱥᱚᱢ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾[᱑][᱒] ᱱᱚᱶᱟ ᱯᱚᱱᱚᱛ ᱵᱮᱱᱟᱣᱮᱱ ᱞᱟᱦᱟ ᱨᱮ ᱱᱚᱶᱟ ᱦᱚᱱᱚᱛ ᱫᱚ ᱣᱟᱨᱟᱝᱜᱟᱞ ᱦᱚᱱᱚᱛ ᱨᱮ ᱢᱮᱥᱟ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱥᱩᱨᱯᱮᱴ, ᱠᱦᱚᱢᱢᱟᱢ, ᱵᱷᱚᱫᱽᱨᱚᱫᱽᱨᱤ ᱠᱚᱴᱦᱟᱜᱩᱰᱮᱢ, ᱣᱟᱨᱟᱝᱜᱟᱞ ᱨᱩᱨᱟᱞ, ᱡᱚᱭᱚᱥᱚᱝᱠᱚᱨ ᱵᱷᱩᱯᱟᱞᱯᱟᱞᱞᱤ ᱟᱨ ᱡᱚᱱᱜᱟᱶ ᱦᱚᱱᱚᱛ ᱥᱟᱶ ᱵᱷᱤᱲᱟᱹᱣ ᱟᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮ ᱫᱚᱨᱱᱟᱠᱟᱞ, ᱢᱚᱦᱚᱵᱩᱵᱟᱵᱟᱫᱽ, ᱢᱟᱨᱤᱯᱮᱰᱟ, ᱛᱷᱚᱨᱩᱨ ᱢᱩᱱᱤᱥᱤᱯᱟᱞᱤᱴᱤ (Municipalities) ᱢᱮᱱᱟᱜᱼᱟ ᱾


ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱫᱚ ᱒,᱘᱗᱖ᱹ᱗᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱᱟ ᱾[᱓] ᱱᱚᱶᱟ ᱮᱞᱟᱠᱟ ᱫᱚ ᱵᱟᱹᱲᱛᱤ ᱠᱟᱛᱮ ᱥᱚᱢᱟᱱ ᱜᱮᱭᱟ, ᱢᱤᱫ ᱵᱟᱨ ᱴᱷᱟᱶ ᱨᱮ ᱜᱮ ᱰᱩᱝᱜᱽᱨᱤ ᱵᱩᱨᱩ ᱫᱷᱤᱨᱤ ᱢᱮᱱᱟᱜᱼᱟ ᱾ ᱟᱹᱰᱤ ᱵᱟᱹᱲᱛᱤ ᱴᱷᱟᱶ ᱨᱮ ᱜᱮ ᱪᱟᱥᱵᱟᱥ ᱦᱩᱭᱩᱜᱼᱟ ᱾ ᱵᱟᱭᱟᱨᱟᱢ ᱟᱨ ᱜᱟᱨᱞᱟ ᱢᱚᱱᱰᱚᱞ (mandals) ᱨᱮ ᱫᱚ ᱢᱮᱬᱦᱮᱫ ᱫᱷᱤᱨᱤ ᱟᱨ ᱠᱚᱭᱞᱟ ᱟᱹᱰᱤ ᱥᱟᱥᱛᱟ ᱢᱮᱱᱟᱜᱼᱟ ᱾ ᱱᱚᱸᱰᱮ ᱵᱷᱮᱢᱩᱱᱤᱯᱟᱫᱟᱢ ᱡᱷᱚᱨᱚᱱ (waterfall) ᱟᱨ ᱮᱫᱩᱵᱟᱵᱷᱩᱞᱟ ᱡᱷᱚᱨᱚᱱ ᱢᱮᱱᱟᱜᱼᱟ ᱾ ᱵᱟᱭᱟᱨᱟᱢ ᱢᱚᱱᱰᱚᱞ ᱨᱮ ᱯᱟᱱᱰᱟᱵᱷᱩᱞᱟ ᱜᱩᱴᱟᱞᱩ ᱮᱢᱟᱱ ᱵᱩᱨᱩ ᱦᱚᱸ ᱢᱮᱱᱟᱜᱼᱟ ᱾

ᱯᱟᱱᱟᱰᱟᱵᱷᱩᱞᱟ ᱜᱩᱴᱟᱞᱩ
ᱯᱟᱱᱟᱰᱟᱵᱷᱩᱞᱟ ᱜᱩᱴᱟᱞᱩ
ᱵᱷᱮᱢᱩᱱᱤᱯᱟᱫᱟᱢ ᱡᱷᱚᱨᱚᱱ


ᱱᱚᱶᱟ ᱦᱚᱱᱚᱛ ᱫᱚ ᱠᱩᱨᱟᱵᱷᱤ ᱵᱤᱨᱵᱷᱚᱫᱽᱨᱟ ᱥᱣᱟᱢᱤ ᱢᱩᱸᱫᱽᱨᱤ ᱞᱟᱹᱜᱤᱫ ᱛᱮ ᱦᱚᱸ ᱯᱷᱮᱢᱚᱥ (famous) ᱜᱮᱭᱟ ᱾


ᱰᱮᱢᱚᱜᱨᱟᱯᱷᱤᱠᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱗᱗᱔,᱕᱔᱙ ᱦᱚᱲ ᱠᱚ ᱛᱟᱦᱮᱸ ᱞᱮᱱᱟ ᱾[᱓] ᱚᱱᱟ ᱢᱩᱸᱫᱽ ᱠᱷᱚᱱ ᱕᱐ᱹ᱑᱐% ᱠᱚᱲᱟ ᱟᱨ ᱑᱙ᱹ᱙% ᱫᱚ ᱠᱩᱲᱤ ᱠᱟᱱᱟ ᱠᱚ ᱾ ᱱᱚᱶᱟ ᱦᱚᱱᱚᱛ ᱨᱤᱱ ᱵᱟᱹᱲᱛᱤᱜᱟᱱ ᱦᱚᱲ ᱜᱮ ᱟᱹᱛᱩ ᱫᱤᱥᱚᱢ ᱨᱮ ᱠᱚ ᱛᱟᱦᱮᱸᱱ ᱠᱟᱱᱟ, ᱚᱱᱠᱟᱛᱮ ᱟᱹᱛᱩ ᱫᱤᱥᱚᱢ ᱨᱮ ᱙᱐ᱹ᱑᱔% ᱦᱚᱲ ᱟᱨ ᱥᱚᱦᱚᱨ ᱱᱟᱜᱽᱨᱟᱦᱟ ᱨᱮ ᱙ᱹ᱘᱖% ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮ ᱥᱤᱠᱷᱱᱟᱹᱛ ᱥᱟᱭᱠᱚᱨᱟ ᱫᱚ ᱕᱗ᱹ᱑% ᱢᱮᱱᱟᱜᱼᱟ , ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱᱟᱜ ᱫᱚ ᱖᱖ᱹ᱖᱕% ᱠᱷᱚᱱ ᱫᱚ ᱠᱚᱢ ᱜᱮᱭᱟ ᱾ ᱱᱚᱶᱟ ᱨᱮ ᱟᱹᱫᱤᱵᱟᱹᱥᱤ ᱦᱚᱲ ᱜᱮ ᱰᱮᱦᱮᱨ ᱢᱮᱱᱟᱜ ᱠᱚᱣᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱞᱟᱢᱵᱟᱰᱟ ᱟᱹᱫᱤᱢ ᱡᱟᱹᱛ ᱓᱗ᱹ᱘% ᱢᱮᱱᱟᱜ ᱠᱚᱣᱟ ᱾

ᱪᱟᱪᱞᱟᱣ ᱠᱷᱚᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱨᱮ ᱵᱟᱨᱭᱟ ᱠᱷᱟᱡᱽᱱᱟ ᱠᱷᱚᱸᱰ ᱢᱮᱱᱟᱜᱼᱟ, ᱢᱚᱦᱚᱱᱩᱵᱟᱵᱟᱫᱽ ᱟᱨ ᱛᱷᱚᱨᱩᱨ ᱾ ᱱᱚᱶᱟ ᱟᱨᱦᱚᱸ ᱑᱖ ᱜᱚᱴᱟᱝ ᱦᱩᱰᱤᱧ-ᱠᱷᱚᱸᱰ (mandal) ᱨᱮ ᱦᱟᱹᱛᱤᱧ ᱟᱠᱟᱱᱟ ᱾

ᱦᱩᱰᱤᱧ ᱠᱷᱚᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱨᱮ ᱑᱖ ᱜᱚᱴᱟᱝ ᱦᱩᱰᱤᱧ-ᱠᱷᱳᱸᱰ ᱢᱮᱱᱟᱜᱼᱟ, ᱚᱱᱟ ᱨᱮᱱᱟᱜ ᱞᱤᱥᱴᱤ ᱞᱟᱛᱟᱨ ᱨᱮ ᱮᱢ ᱮᱱᱟ ᱾

  • ᱢᱚᱦᱚᱵᱩᱵᱟᱵᱟᱫᱽ
  • ᱠᱩᱨᱟᱵᱷᱤ
  • ᱠᱮᱥᱟᱢᱩᱫᱽᱨᱟᱢ
  • ᱫᱚᱨᱱᱟᱠᱟᱞ
  • ᱜᱩᱫᱩᱨ
  • ᱠᱚᱴᱷᱟᱜᱩᱫᱟ
  • ᱜᱚᱝᱜᱟᱨᱟᱢ
  • ᱵᱟᱭᱭᱟᱨᱟᱢ
  • ᱜᱟᱨᱞᱟ
  • ᱪᱤᱱᱱᱟᱜᱩᱫᱩᱨ
  • ᱫᱟᱱᱛᱷᱟᱞᱟᱯᱟᱞᱮ
  • ᱛᱷᱚᱨᱩᱨ
  • ᱱᱮᱞᱤᱠᱩᱫᱩᱨ
  • ᱢᱟᱨᱤᱯᱮᱫᱟ
  • ᱱᱟᱨᱥᱤᱢᱦᱩᱞᱟᱯᱮᱴ
  • ᱯᱮᱫᱽᱫᱟᱵᱷᱟᱝᱜᱟᱨᱟ


ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Mahabubabad district" (PDF). Chief Commissioner of Land Administration. Retrieved 22 ᱚᱜᱚᱥᱴ 2016. 
  2. "New districts map". newdistrictsformation.telangana.gov.in. Retrieved 22 ᱚᱜᱚᱥᱴ 2016. [permanent dead link]
  3. ᱓.᱐ ᱓.᱑ "New districts". Andhra Jyothy.com. ᱢᱟᱨᱪ 2017. Retrieved 8 ᱢᱟᱨᱪ 2017. 

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]