ᱢᱚᱦᱟᱱᱚᱫᱤ
ᱢᱚᱦᱟᱱᱚᱫᱤ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱟᱰᱟ ᱠᱟᱱᱟ ᱾ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱨᱮᱱᱟᱜ ᱫᱷᱚᱢᱚᱛᱤᱨ ᱡᱤᱞᱞᱟᱹ ᱠᱷᱚᱱ ᱱᱚᱶᱟ ᱜᱟᱰᱟ ᱫᱚ ᱞᱤᱸᱡᱤ ᱦᱤᱡᱩᱜ ᱠᱟᱱᱟ ᱟᱨ ᱳᱰᱤᱥᱟ ᱨᱮᱱᱟᱜ ᱡᱷᱟᱨᱥᱩᱜᱚᱰᱟ ᱡᱤᱞᱞᱟᱹ ᱨᱮ ᱵᱚᱞᱚ ᱟᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱡᱤᱞᱤᱧ ᱫᱚ ᱘᱕᱘ ᱠᱤᱞᱚᱢᱤᱴᱚᱨ ᱾ [᱑] ᱱᱚᱶᱟ ᱫᱚ ᱯᱟᱨᱟᱫᱤᱯ ᱥᱩᱨ ᱵᱟᱹᱛᱤ ᱚᱲᱟᱜ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱵᱚᱝᱜᱚᱯ ᱥᱟᱜᱚᱨ ᱨᱮ ᱧᱚᱨ ᱟᱠᱟᱱᱟ ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱛᱩᱨᱩᱭ ᱟᱱᱟᱜ ᱢᱟᱨᱟᱝ ᱜᱟᱰᱟ ᱠᱟᱱᱟ ᱾ ᱳᱰᱤᱥᱟ ᱨᱮ ᱱᱚᱶᱟ ᱨᱮᱱᱟᱜ ᱡᱤᱞᱤᱧ ᱫᱚ ᱔᱙᱔ ᱠᱤᱞᱚᱢᱤᱴᱚᱨ ᱾ ᱵᱚᱣᱫᱷᱚ ᱡᱤᱞᱞᱟᱹ ᱨᱮᱱᱟᱜ ᱥᱩᱱᱟᱠᱷᱚᱬᱤᱭᱟ ᱠᱷᱚᱱ ᱫᱚᱥᱚᱯᱚᱞᱞᱟ ᱨᱮᱱᱟᱜ ᱵᱚᱰᱚᱢᱩᱞ ᱜᱷᱟᱹᱴᱤ ᱛᱟᱞᱟ ᱨᱮ ᱟᱹᱰᱤ ᱢᱟᱨᱟᱝ ᱰᱷᱚᱰᱟᱭ ᱛᱮᱭᱟᱨ ᱟᱠᱟᱫᱟ ᱾ ᱡᱟᱦᱟᱸ ᱫᱚ ᱥᱟᱛᱠᱚᱥᱤᱭᱟ ᱰᱷᱚᱰᱟ ᱠᱚ ᱢᱮᱛᱟᱜ ᱠᱟᱱᱟ ᱾ ᱳᱰᱤᱥᱟ ᱨᱮ ᱛᱮᱞ ᱟᱨ ᱤᱵᱽ ᱱᱚᱶᱟ ᱨᱮᱱᱟᱜ ᱪᱟᱸᱜᱽᱲᱟ ᱜᱟᱰᱟ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱰᱟᱹᱨ ᱜᱟᱰᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱠᱟᱴᱷᱚᱡᱚᱰᱤ, ᱠᱩᱣᱟᱠᱷᱟᱭᱤ, ᱵᱤᱨᱩᱯᱟ, ᱞᱩᱬᱤ, ᱫᱷᱚᱱᱩᱣᱟ, ᱪᱤᱛᱨᱚᱯᱚᱲᱟ, ᱠᱩᱥᱚᱵᱷᱚᱫᱽᱨᱟ, ᱵᱷᱟᱨᱜᱚᱵᱤ, ᱫᱚᱭᱟ, ᱫᱮᱵᱤ ᱮᱢᱟᱱ ᱠᱚ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱞᱟᱹᱭᱟᱠᱚ ᱢᱚᱦᱟᱱᱚᱫᱤ ᱨᱮᱱᱟᱜ ᱥᱮᱫᱟᱭ ᱧᱩᱛᱩᱢ ᱫᱚ ᱪᱤᱛᱨᱚᱛᱯᱚᱲᱟ ᱛᱟᱦᱮᱸ ᱠᱟᱱᱟ ᱾ ᱥᱮᱫᱮᱭ ᱠᱟᱛᱷᱟ ᱞᱮᱠᱟᱛᱮ ᱢᱚᱦᱟᱱᱚᱫᱤ ᱟᱨ ᱟᱡᱟᱜ ᱪᱟᱸᱜᱟ ᱜᱟᱰᱟ ᱫᱚ ᱢᱟᱨᱮ ᱥᱩᱠᱲᱚᱢᱚᱛ ᱵᱩᱨᱩ ᱠᱷᱚᱱ ᱚᱰᱚᱠ ᱞᱮᱱᱟ ᱾ ᱯᱩᱨᱟᱬ ᱯᱩᱛᱷᱤ ᱠᱚ ᱨᱮ ᱚᱞ ᱢᱮᱱᱟᱜᱼᱟ ᱪᱤ ᱢᱚᱦᱟᱵᱷᱟᱨᱚᱛ ᱚᱠᱛᱚ ᱨᱮ ᱫᱚ ᱢᱚᱦᱟᱱᱚᱫᱤ ᱥᱩᱨ ᱨᱮ ᱟᱨᱭᱚ ᱠᱚ ᱫᱚ ᱠᱚ ᱵᱟᱥᱟᱜ ᱠᱟᱱ ᱛᱟᱦᱮᱸᱫ ᱾
ᱟᱹᱲᱟᱹ ᱥᱤᱨᱡᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱚᱦᱟᱱᱚᱫᱤ ᱟᱹᱲᱟᱹ ᱫᱚ ᱥᱚᱸᱥᱠᱨᱩᱛ ᱯᱟᱹᱨᱥᱤ ᱨᱮᱱᱟᱜ ᱢᱚᱦᱟ ᱟᱨ ᱱᱚᱫᱤ ᱟᱹᱲᱟᱹ ᱢᱮᱥᱟ ᱠᱟᱛᱮ ᱦᱩᱭ ᱟᱠᱟᱱᱟ ᱾ ᱢᱚᱦᱟ ᱢᱮᱱ ᱞᱮᱠᱷᱟᱱ ᱢᱟᱨᱟᱝ ᱟᱨ ᱱᱚᱫᱤ ᱢᱮᱱ ᱞᱮᱠᱷᱟᱱ ᱜᱟᱰᱟ ᱢᱮᱱᱛᱮ ᱵᱩᱡᱷᱟᱹᱣᱼᱟ, ᱚᱱᱟᱛᱮ ᱱᱚᱶᱟ ᱫᱚ ᱢᱟᱨᱟᱝ ᱜᱟᱰᱟ ᱢᱮᱱᱛᱮ ᱦᱚᱸ ᱵᱚᱱ ᱢᱮᱛᱟᱜ ᱠᱟᱱᱟ ᱾
ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱱ ᱥᱟᱢᱵᱽᱲᱟᱣ ᱟᱨ ᱫᱟᱜ ᱛᱮ ᱵᱤᱡᱽᱞᱤ ᱠᱚᱨᱮᱸᱴ ᱛᱮᱭᱟᱨ ᱞᱟᱹᱜᱤᱫ ᱥᱟᱶᱛᱮ ᱫᱟᱜ ᱠᱚ ᱪᱟᱥᱵᱟᱥ ᱨᱮ ᱵᱮᱵᱷᱟᱨ ᱞᱟᱹᱜᱤᱫ ᱦᱤᱨᱟᱠᱩᱫᱽ ᱨᱮ ᱢᱤᱫ ᱰᱮᱢ ᱟᱨ ᱡᱚᱵᱨᱟ ᱧᱩᱛᱩᱢᱟᱱ ᱴᱷᱟᱶ ᱨᱮ ᱢᱤᱫ ᱵᱮᱨᱮᱡᱽ ᱠᱚ ᱵᱮᱱᱟᱣ ᱟᱠᱟᱫᱟ ᱾
ᱵᱟᱹᱲᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- Bargarh district topography
- Burnt paddy and dead fish Archived ᱒᱐᱐᱘-᱑᱒-᱐᱓ at the Wayback Machine.
- Orissa Govt. blamed for declining quality of river water Archived ᱒᱐᱑᱑-᱐᱑-᱒᱐ at the Wayback Machine.
- Mahanadi River Archived ᱒᱐᱐᱔-᱑᱑-᱐᱔ at the Wayback Machine.
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
 |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱢᱚᱦᱟᱱᱚᱫᱤ ᱜᱟᱰᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |