ᱢᱚᱦᱮᱥ ᱜᱟᱣᱞᱤ
ᱢᱚᱦᱮᱥ ᱜᱟᱣᱞᱤ (ᱡᱟᱱᱟᱢ ᱒᱓ ᱡᱟᱱᱩᱣᱟᱨᱤ ᱑᱙᱘᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱩᱴᱵᱚᱞ ᱠᱚᱪ ᱟᱨ ᱢᱟᱲᱟᱝ ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱪᱮᱱᱴᱟᱨ-ᱵᱮᱠ ᱨᱮ ᱠᱷᱮᱞ ᱛᱟᱦᱮᱸᱫ ᱟᱨ ᱒᱐᱐᱐ ᱠᱷᱚᱱ ᱒᱐᱑᱑ ᱢᱟᱹᱫᱽ ᱨᱮ ᱖᱘ ᱫᱷᱟᱣ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱯᱷᱩᱴᱵᱚᱞ ᱫᱚᱞ ᱨᱮ ᱠᱷᱮᱞ ᱟᱠᱟᱫᱟᱭ ᱾[᱑][᱒]
ᱠᱞᱚᱵᱽ ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱟᱣᱞᱤ ᱫᱚ ᱜᱚᱣᱟ ᱨᱮ ᱡᱟᱱᱟᱢ ᱞᱮᱱᱟ ᱟᱨ ᱘ ᱥᱮᱨᱢᱟ ᱵᱚᱭᱚᱥ ᱠᱷᱚᱱ ᱜᱮ ᱯᱷᱩᱴᱵᱚᱞ ᱠᱷᱮᱞ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱜᱟᱣᱞᱤ ᱟᱜ ᱴᱮᱞᱮᱱᱴ ᱫᱚ ᱩᱥᱟᱹᱨᱟ ᱜᱮ ᱠᱚᱪ ᱠᱚ ᱪᱤᱱᱦᱟᱹᱣ ᱞᱮᱫ ᱛᱟᱦᱮᱸᱫ ᱾ ᱑᱙᱙᱑-᱙᱒ ᱥᱟᱞᱮ ᱨᱮ ᱜᱚᱣᱟ ᱠᱷᱚᱱ U-12 ᱫᱚᱞ ᱨᱮ ᱮᱱᱮᱡ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱡᱟᱯᱟᱱ U-12 ᱴᱷᱮᱱ ᱠᱷᱚᱱ ᱠᱚ ᱦᱮᱨᱟᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱴᱟᱴᱟ ᱯᱷᱩᱴᱵᱚᱞ ᱮᱠᱟᱰᱮᱢᱤ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾
ᱜᱚᱣᱞᱤ ᱫᱚ ᱟᱡᱟᱜ ᱠᱮᱨᱤᱭᱚᱨ ᱮᱯᱷ.ᱥᱤ. ᱠᱚᱪᱤᱱ ᱨᱮ ᱮᱛᱚᱦᱚᱵ ᱞᱮᱫᱟᱭ ᱾ ᱴᱟᱴᱟ ᱯᱷᱩᱴᱵᱚᱞ ᱮᱠᱟᱰᱮᱢᱤ ᱠᱷᱚᱱ ᱥᱚᱱᱮᱨ ᱥᱟᱹᱛ ᱠᱟᱛᱮ ᱑᱙᱙᱘ ᱨᱮ ᱩᱱᱤ ᱫᱚ ᱮᱯᱷᱹᱥᱤᱹ ᱠᱚᱪᱤᱱ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱪᱚᱨᱪᱤᱞ ᱵᱽᱨᱚᱫᱚᱨᱥ ᱨᱮ ᱥᱮᱞᱮᱫᱚᱜ ᱢᱟᱬᱟᱝ ᱩᱱᱤ ᱫᱚ ᱠᱚᱪᱤᱱ ᱥᱟᱶ ᱠᱮᱨᱟᱞᱟ ᱞᱤᱜᱽ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱾
᱒᱐᱐᱐ ᱠᱷᱚᱱ ᱒᱐᱐᱒ ᱢᱟᱹᱫᱽ ᱨᱮ ᱯᱮ ᱫᱷᱟᱣ ᱪᱚᱨᱪᱤᱞ ᱨᱮ ᱛᱟᱦᱮᱸ ᱠᱟᱱᱟᱭ ᱟᱨ ᱯᱮ ᱫᱷᱟᱣ ᱜᱳᱣᱟ ᱯᱨᱚᱯᱷᱮᱥᱚᱱᱟᱞ ᱞᱤᱜᱽ ᱡᱤᱛᱠᱟ. ᱞᱮᱱᱟᱭ᱾ ᱱᱮᱥᱱᱟᱞ ᱯᱷᱩᱴᱵᱚᱞ ᱞᱤᱜ (ᱥᱤᱧᱚᱛ) ᱨᱮᱱᱟᱜ ᱒᱐᱐᱑-᱒᱐᱐᱒ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱵᱤᱜᱽᱡᱤ ᱤᱥᱴ ᱵᱮᱝᱜᱚᱞ ᱨᱮ ᱥᱮᱞᱮᱫᱚᱜ ᱢᱟᱬᱟᱝ ᱨᱮ ᱩᱱᱤ ᱫᱚ ᱨᱟᱱᱚᱨᱥ-ᱟᱯ ᱢᱮᱰᱟᱞ ᱠᱚ ᱦᱟᱛᱟᱣ ᱨᱮ ᱜᱚᱲᱚ ᱞᱮᱫ ᱛᱟᱦᱮᱸᱫ ᱾
ᱜᱟᱣᱞᱤ ᱫᱚ ᱱᱮᱥᱱᱟᱞ ᱞᱤᱜᱽ ᱡᱤᱛᱠᱟᱹᱨ ᱫᱚ ᱯᱩᱭᱞᱩ ᱫᱷᱟᱣ ᱒᱐᱐᱓-᱐᱔ ᱥᱮᱥᱚᱱ ᱨᱮ ᱪᱟᱠᱷᱟ ᱞᱮᱫ ᱛᱟᱦᱮᱸᱫ, ᱤᱥᱴ ᱵᱮᱝᱜᱚᱞ ᱨᱮᱭ ᱩᱪᱟᱹᱲ ᱞᱮᱱ ᱛᱟᱭᱚᱢ ᱾ ᱩᱱᱤ ᱫᱚ ᱢᱟᱱᱚᱛᱟᱱ ᱒᱐᱐᱓ ᱮᱥᱤᱭᱟᱱ ᱠᱞᱚᱵᱽ ᱡᱤᱛᱠᱟᱹᱨ ᱚᱠᱛᱚ ᱨᱮᱦᱚᱸ ᱤᱥᱴ ᱵᱮᱝᱜᱚᱞ ᱨᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱨᱮ ᱯᱷᱤᱞᱤᱯᱤᱱ ᱟᱨᱢᱤ ᱵᱤᱨᱩᱫᱽ ᱨᱮ ᱢᱤᱫ ᱴᱟᱝ ᱜᱳᱞ ᱦᱚᱸᱭ ᱮᱢ ᱞᱮᱫ ᱛᱟᱦᱮᱸᱫ ᱟᱨ ᱚᱱᱟ ᱥᱮᱥᱚᱱ ᱨᱮ ᱠᱚᱞᱠᱟᱛᱟ ᱞᱤᱜᱽ ᱠᱨᱟᱣᱱ ᱦᱚᱸᱭ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾
- ↑ "Mahesh Gawli Profile". iloveindia.com. Archived from the original on 30 November 2021. Retrieved 13 December 2021.
- ↑ Ghoshal, Amoy (23 November 2016). "All time Indian XI". sportskeeda.com. Sportskeeda. Archived from the original on 24 June 2021. Retrieved 21 June 2021.