ᱢᱚᱫᱚᱨ ᱴᱮᱨᱮᱥᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱟᱫᱟᱨ ᱛᱮᱨᱮᱥᱟ

ᱢᱚᱫᱚᱨ ᱴᱮᱨᱮᱥᱟ, ᱠᱟᱛᱷᱚᱞᱤᱠ ᱪᱚᱨᱪ ᱠᱚᱨᱮᱫᱚ ᱠᱚᱞᱠᱟᱛᱟ ᱨᱤᱱᱤᱡ ᱥᱚᱱᱛᱷᱢᱮᱱᱛᱮᱫᱽ ᱦᱚᱸᱠᱚ ᱵᱟᱰᱟᱭᱟ ᱾ [1] (ᱡᱟᱱᱟᱢ ᱡᱚᱦᱚᱜ ᱟᱡᱟᱜ ᱧᱩᱛᱩᱢ ᱟᱧᱮᱡ ᱜᱚᱸᱠᱥᱮ ᱵᱚᱡᱟᱠᱥᱩᱭᱤᱛᱟᱦᱮᱸ ᱠᱟᱱᱟ . ᱟᱡ ᱒᱖ ᱚᱜᱚᱥᱴ ᱑᱙᱑᱐ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱕ ᱥᱮᱯᱴᱮᱢᱵᱚᱨ ᱑᱙᱙᱗ ᱨᱮ ᱵᱚᱸᱜᱟ ᱮᱱᱟᱭ, ᱡᱟᱱᱟᱢ ᱡᱟᱹᱛᱤ ᱟᱞᱵᱟᱱᱤᱭᱟᱱ ᱠᱟᱱᱛᱟᱭᱟ᱾ ᱟᱡ ᱥᱠᱳᱯᱡᱤ ᱨᱮ ᱡᱟᱱᱟᱢ ᱞᱮᱱᱟᱭ ( ᱱᱤᱛᱚᱜᱼᱟ ᱢᱤᱥᱚᱰᱚᱱᱤᱭᱟ ᱨᱮᱱᱟᱜ ᱨᱟᱡᱜᱟᱲ), ᱳᱴᱚᱢᱟᱱ ᱥᱟᱥᱚᱱ ᱨᱮᱱᱟᱜ ᱠᱚᱥᱚᱵᱷᱚ ᱵᱷᱤᱞᱟᱭᱮᱴ ᱨᱮᱱᱟᱜ ᱢᱤᱫ ᱵᱷᱟᱜ ᱛᱟᱦᱮᱸᱠᱟᱱᱟ.ᱢᱟᱥᱮᱰᱳᱱᱤᱭᱟ ᱨᱮ ᱑᱘ ᱥᱮᱨᱢᱟ ᱛᱟᱦᱮᱱ ᱛᱟᱭᱚᱢ ᱟᱡ ᱟᱭᱟᱨᱞᱟᱸᱰ ᱮ ᱩᱪᱟᱹᱲ ᱞᱮᱱᱟ,ᱚᱱᱟ ᱛᱟᱭᱟᱢ ᱥᱤᱧᱚᱛ ᱫᱤᱥᱚᱢ ᱨᱮ ᱵᱟᱹᱠᱤ ᱡᱤᱭᱚᱱ ᱜᱷᱟᱸᱰᱟᱣ ᱠᱮᱫᱟ ᱾

᱑᱙᱕᱐ ᱥᱟᱞ ᱨᱮ ᱴᱮᱨᱮᱥᱟ ᱢᱤᱥᱱᱟᱨᱤᱡ ᱚᱯᱷ ᱪᱟᱨᱤᱴᱤ ᱠᱤᱱ ᱵᱮᱨᱮᱫ ᱞᱮᱫᱟᱭ , ᱱᱚᱣᱟ ᱫᱚ ᱨᱳᱢᱟᱱ ᱠᱟᱛᱷᱞᱤᱠ ᱠᱚᱣᱟᱜ ᱢᱤᱫ ᱥᱮᱱᱮᱞᱮᱫ ᱠᱟᱱᱟ ᱡᱟᱦᱟᱸᱨᱮ ᱒᱐᱑᱒ ᱫᱷᱟᱹᱵᱤᱡ ᱛᱮ ᱑᱓᱓ ᱜᱟᱴᱟᱝ ᱫᱤᱥᱚᱢ ᱨᱮ ᱔,᱕᱐᱐ ᱵᱩᱦᱤᱱ ᱪᱷᱩᱴᱟᱹᱣ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱥᱮᱱᱮᱞᱮᱫ ᱮᱪᱹᱟᱭᱹᱵᱷᱤ/ᱮᱰᱽᱥ,ᱠᱩᱥᱴᱷᱚ ᱛᱮ ᱡᱟᱦᱟᱸᱭ ᱠᱚ ᱯᱟᱲᱟᱣ ᱛᱟᱦᱮᱸᱫ ᱩᱱᱠᱩ ᱞᱟᱹᱜᱤᱫ ᱚᱲᱟᱜ ᱠᱚ,ᱦᱩᱰᱤᱧ ᱦᱟᱥᱯᱟᱛᱟᱞ, ᱟᱥᱮᱱ ᱦᱟᱥᱯᱟᱛᱟᱞ (mobile clinics) , ᱴᱩᱣᱟᱹᱨ ᱵᱟᱥᱟ ᱟᱨ ᱟᱥᱲᱟ ᱮᱢᱟᱱ ᱠᱚ ᱵᱮᱱᱟᱣ ᱛᱟᱦᱮᱸᱫ ᱾ᱨᱮᱸᱜᱮᱡ ᱠᱷᱚᱱ ᱨᱮᱸᱜᱮᱡᱤᱡ ᱞᱟᱹᱜᱤᱫ ᱫᱚ ᱯᱚᱞᱟ ᱛᱮ ᱛᱤᱠᱪᱷ ᱱᱤᱭᱚᱢ ᱛᱟᱦᱮᱸ ᱠᱟᱱ ᱛᱟᱦᱮᱹᱫ ᱾[2]


ᱴᱮᱨᱮᱥᱟ ᱟᱹᱰᱤᱜᱟᱱ ᱢᱟᱱ ᱟᱨ ᱥᱤᱨᱯᱟᱹᱭ ᱧᱟᱢ ᱞᱮᱫᱟᱭ ᱑᱙᱖᱒ ᱨᱮᱱᱟᱜ ᱨᱚᱢᱚᱱ ᱢᱟᱜᱟᱥᱟᱭᱥᱮ ᱥᱟᱹᱱᱛᱤ ᱥᱤᱨᱯᱟᱹ , ᱑᱙᱗᱙ ᱨᱮ ᱱᱳᱵᱮᱞ ᱥᱟᱹᱱᱛᱤ ᱥᱤᱨᱯᱟᱹ ᱚᱱᱟᱨᱮ ᱥᱟᱶ ᱢᱮᱱᱟᱜᱼᱟ ᱾ ᱟᱡᱟᱜ ᱜᱩᱨ ᱢᱟᱦᱟᱸ ᱥᱮᱨᱢᱟ ᱯᱩᱨᱟᱹᱣ ᱢᱤᱫ ᱫᱤᱱ ᱢᱟᱬᱟᱸ ᱐᱔ ᱥᱮᱯᱴᱮᱢᱵᱚᱨ ᱒᱐᱑᱖ ᱥᱟᱞ ᱨᱮ ᱥᱚᱱᱛᱷᱚ ᱢᱮᱱᱛᱮᱫ ᱢᱟᱱ ᱠᱚ ᱮᱢᱟ ᱦᱟᱫᱮᱭᱟ ᱾

ᱢᱚᱫᱚᱨ ᱴᱮᱨᱮᱥᱟ ᱟᱡᱟᱜ ᱡᱤᱭᱚᱱ ᱵᱷᱩᱨ ᱨᱮ ᱟᱨ ᱡᱤᱭᱚᱱ ᱛᱟᱭᱚᱢ ᱦᱚᱸ ᱵᱤᱵᱟᱹᱫ ᱨᱮ ᱛᱟᱦᱮᱸ ᱠᱟᱱᱟᱭ ,ᱚᱱᱠᱟ ᱜᱮ ᱥᱟᱨᱦᱟᱣ ᱦᱚᱸ ᱟᱭᱢᱟ ᱫᱷᱟᱨᱟ ᱜᱮ ᱧᱟᱢ ᱦᱟᱠᱟᱫᱟᱭ᱾Anti-abortion movements ᱞᱟᱹᱜᱤᱫ ᱥᱟᱨᱦᱟᱣ ᱟᱨ ᱥᱚᱢᱟᱞᱳᱪᱱᱟ ᱞᱮᱫᱮ ᱛᱟᱦᱮᱸᱫ ᱠᱚ,ᱜᱩᱡᱩᱜ ᱡᱚᱦᱚᱫ ᱟᱡᱟᱜ ᱱᱟᱪᱟᱨ ᱚᱵᱚᱥᱛᱟ ᱠᱷᱟᱹᱛᱤᱨ ᱦᱚᱸ ᱟᱹᱰᱤᱜᱟᱱ ᱠᱚ ᱥᱚᱢᱟᱞᱳᱪᱚᱱᱟ ᱞᱮᱫᱟ᱾ ᱑᱙᱙᱒ ᱥᱟᱞ ᱨᱮ ᱱᱚᱵᱤᱱ ᱪᱟᱣᱞᱟ ᱴᱮᱨᱮᱥᱟ ᱦᱟᱜ ᱡᱤᱭᱚᱱ ᱯᱚᱴᱚᱵ ᱮ ᱩᱪᱷᱟᱹᱱ ᱞᱮᱫᱟ, ᱚᱱᱟ ᱧᱮᱞ ᱛᱮ ᱟᱹᱰᱤᱜᱟᱱ ᱯᱚᱛᱚᱵ,ᱥᱟᱶᱦᱮᱫ ᱟᱨ ᱯᱷᱤᱞᱢ ᱠᱚ ᱵᱮᱱᱟᱣ ᱮᱱᱟ ᱾ ᱖ ᱥᱮᱯᱴᱮᱢᱵᱚᱨ ᱒᱐᱑᱗ ᱨᱮ ᱴᱮᱨᱮᱥᱟ ᱥᱚᱱᱛᱷ ᱯᱷᱟᱨᱱᱥᱤᱥ ᱡᱟᱵᱷᱤᱭᱚᱨ ᱥᱟᱶ Roman Catholic Archdiocese of Calcutta ᱨᱤᱱᱤᱡ co-patron , ᱞᱮᱠᱟᱚᱮ ᱠᱚ ᱜᱷᱚᱥᱬᱟ ᱠᱮᱫᱟ ᱾

ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱱᱟᱢ ᱡᱚᱦᱚᱜ ᱟᱡᱟᱜ ᱧᱩᱛᱩᱢ ᱟᱧᱮᱡ ᱜᱚᱸᱠᱥᱮ ᱵᱚᱡᱟᱠᱥᱩᱭᱤᱛᱟᱦᱮᱸ ᱠᱟᱱᱟ ᱾ᱟᱡ ᱒᱖ ᱚᱜᱚᱥᱴ ᱑᱙᱑᱐ ᱥᱟᱞ ᱨᱮ ᱳᱴᱚᱢᱟᱱ ᱥᱟᱥᱚᱱ ᱨᱮᱱᱟᱜ ᱥᱠᱳᱯᱡᱤ ( ᱱᱤᱛᱚᱜᱼᱟ ᱢᱤᱥᱚᱰᱚᱱᱤᱭᱟ ᱨᱮᱱᱟᱜ ᱨᱟᱡᱜᱟᱲ)ᱵᱟᱡᱟᱨ ᱨᱮ ᱠᱳᱥᱳᱵᱷᱟᱨ ᱟᱞᱵᱟᱱᱤᱭᱟᱱ ᱜᱷᱟᱨᱚᱸᱡ ᱨᱮ ᱡᱟᱱᱟᱢ ᱞᱮᱱᱟᱭ᱾[3][4][5] ᱟᱡ ᱡᱟᱱᱟᱢ ᱫᱚᱥᱟᱨ ᱦᱤᱞᱚᱜ ᱜᱮ ᱥᱠᱳᱯᱡᱤ ᱨᱮ ᱵᱟᱯᱴᱟᱭᱤᱡ ᱮᱱᱟᱭ ᱾ ᱛᱟᱭᱚᱢ ᱛᱮ ᱟᱡ ᱟᱡᱟᱜ ᱵᱟᱯᱴᱟᱭᱤᱡ ᱦᱟᱠᱟᱱ ᱢᱟᱦᱟᱸ ᱜᱮ ᱟᱡᱟᱜ ᱥᱟᱹᱨᱤ ᱡᱟᱱᱟᱢ ᱢᱟᱦᱟᱸ ᱢᱟᱱᱛᱮᱫ ᱮ ᱥᱚᱫᱚᱨ ᱠᱮᱫᱟ ᱾[6] ᱱᱤᱠᱚᱞᱮ ᱟᱡ ᱟᱯᱟᱛ ᱟᱨ ᱰᱨᱟᱱᱟᱯᱷᱟᱭᱤᱞ ᱵᱚᱡᱟᱠᱥᱤᱭᱩ (ᱵᱮᱨᱱᱟᱭ) ᱮᱸᱜᱟᱛ ᱛᱤᱠᱤᱱᱤᱡ ᱦᱩᱰᱤᱧ ᱦᱚᱯᱚᱱ ᱮᱨᱟ ᱠᱟᱱᱟ ᱛᱟᱦᱮᱸᱫ ᱾ ᱟᱡ ᱟᱯᱟᱛ ᱢᱟᱥᱮᱰᱚᱱᱤᱭᱟ ᱨᱮ ᱟᱞᱵᱟᱱᱤᱭᱟ ᱥᱟᱶᱛᱟ ᱞᱟᱹᱜᱤᱫ ᱨᱟᱡᱟᱹᱨᱤ ᱠᱟᱹᱢᱤᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱴᱮᱨᱮᱥᱟ ᱟᱨᱮ ᱥᱮᱨᱢᱟ ᱚᱠᱛᱚ ᱨᱮᱜᱮ ᱟᱡ ᱟᱯᱟᱛ ᱫᱚ ᱥᱮᱨᱬᱟ ᱫᱤᱥᱚᱬ ᱮᱱᱟᱭ, ᱟᱯᱟᱛ ᱫᱚ ᱠᱳᱥᱳᱵᱷᱳ ᱨᱮᱱᱟᱜ ᱯᱨᱟᱭᱡᱮᱨᱮᱱ ᱠᱷᱚᱱ ᱮ ᱦᱮᱡ ᱠᱚᱣᱟᱜ ᱟᱨ ᱟᱡ ᱟᱭᱚ ᱫᱚ ᱜᱡᱚᱠᱳᱵᱷᱟ ᱟᱹᱛᱩ ᱨᱮᱱᱤᱡ ᱠᱟᱱᱭ ᱢᱮᱱᱛᱮᱫ ᱠᱚ ᱢᱮᱱᱟ᱾ ᱡᱳᱟᱱ ᱜᱨᱟᱯᱷ ᱦᱟᱜ ᱚᱞ ᱦᱟᱠᱟᱱ ᱡᱤᱭᱚᱱ ᱯᱚᱛᱚᱵ ᱨᱮ ᱚᱞ ᱦᱟᱠᱟᱱᱟ ᱡᱮ ᱴᱮᱨᱮᱥᱟ ᱟᱡᱟᱜ ᱟᱬᱜᱟᱛ ᱡᱤᱭᱚᱱ ᱠᱷᱚᱱ ᱜᱮ ᱢᱤᱥᱱᱟᱨᱤᱡ ᱠᱚᱣᱟᱜ ᱡᱤᱭᱚᱱ ᱠᱟᱹᱦᱱᱤ ᱟᱨ ᱟᱠᱚᱣᱟ ᱵᱮᱸᱜᱚᱞ ᱨᱮ ᱥᱩᱥᱚᱢ ᱨᱮ ᱥᱩᱥᱟᱹᱨ ᱠᱟᱹᱢᱤ ᱤᱫᱤᱟᱛᱮ ᱟᱹᱰᱤ ᱨᱟᱹᱥᱠᱟᱹ ᱞᱮᱱᱟᱭ ᱾ ᱑᱒ ᱥᱟᱞ ᱩᱢᱮᱨ ᱨᱮᱜᱮ ᱟᱡ ᱢᱚᱱᱮ ᱠᱮᱫᱟ ᱟᱡ ᱫᱚ ᱫᱷᱚᱨᱚᱢ ᱠᱟᱹᱢᱤ ᱨᱮᱜᱮ ᱟᱬᱜᱚᱱᱟᱭ ᱾ᱱᱚᱣᱟ ᱠᱟᱛᱷᱟ ᱫᱚ ᱑᱕ ᱚᱜᱚᱥᱴ ᱑᱙᱒᱘ ᱨᱮ ᱥᱟᱹᱥᱤ ᱮᱱᱛᱟᱭᱟ ᱡᱚᱠᱷᱚᱱ ᱟᱡ ᱵᱷᱤᱴᱤᱱᱟ ᱼ ᱞᱮᱴᱮᱱᱥᱤ ᱨᱮᱱᱟᱜ ᱵᱞᱟᱠ ᱢᱟᱰᱚᱱᱟ ᱫᱷᱚᱨᱚᱢ ᱜᱟᱲ ᱨᱮ ᱱᱮᱦᱚᱨᱚᱜ ᱠᱟᱱ ᱛᱟᱦᱮᱸᱫ ᱡᱟᱣᱟᱸᱨᱮ ᱟᱡ ᱞᱮᱴᱟᱲ ᱫᱷᱚᱨᱚᱢ ᱫᱟᱸᱲᱟᱱ ᱞᱮᱠᱟᱭ ᱪᱟᱞᱟᱜ ᱛᱟᱦᱮᱸᱫ ᱾

ᱴᱮᱨᱮᱥᱟ ᱢᱤᱥᱱᱟᱨᱤ ᱦᱩᱭᱩᱜ ᱞᱟᱜᱤᱫ ᱟᱨ ᱤᱸᱜᱞᱤᱥ ᱪᱮᱫᱚᱜ ᱦᱤᱥᱟᱹᱵ ᱛᱮ ᱟᱭᱟᱨᱞᱟᱸᱰ ᱫᱤᱥᱚᱢ ᱨᱟᱛᱷᱯᱷᱟᱱᱟᱢ ᱨᱮᱱᱟᱜ ᱥᱤᱥᱴᱮᱨ ᱳᱯᱷ ᱞᱳᱨᱮᱴᱳ ᱨᱮ ᱥᱮᱞᱮᱫᱚᱜ ᱞᱮᱜᱤᱫ ᱑᱙᱒᱘ ᱥᱟᱞ ᱨᱮ ᱑᱘ ᱩᱢᱮᱨ ᱨᱮ ᱚᱲᱟᱜ ᱮ ᱵᱟᱹᱜᱤ ᱠᱮᱫᱟ ᱾ ᱥᱤᱧᱚᱛ ᱨᱮᱱᱟᱜ ᱥᱤᱥᱴᱚᱨ ᱳᱯᱷ ᱞᱳᱨᱮᱴᱳ ᱨᱮ ᱤᱸᱜᱞᱤᱥ ᱜᱮ ᱨᱚᱲ ᱨᱮᱱᱟᱜ ᱨᱟᱭ ᱛᱟᱦᱮᱸ ᱠᱟᱱᱟ ᱾ᱚᱱᱟ ᱛᱟᱭᱚᱢ ᱟᱡ ᱟᱡ ᱵᱚᱭᱦᱟ ᱟᱨ ᱵᱟᱝ ᱟᱡ ᱟᱭᱚ ᱥᱟᱶ ᱵᱟᱭ ᱧᱟᱯᱟᱢ ᱦᱟᱠᱟᱱᱟ ᱾ ᱑᱙᱓᱔ ᱨᱮ ᱟᱠᱚ ᱚᱲᱟᱜ ᱦᱚᱲ ᱛᱤᱨᱟᱱᱟ ᱚᱮᱠᱚ ᱩᱪᱟᱹᱲ ᱮᱱᱟ ᱾

ᱟᱡ ᱑᱙᱒᱙ ᱨᱮ ᱥᱤᱧᱚᱛ ᱮ ᱥᱮᱴᱮᱨ ᱮᱱᱟ ᱟᱨ ᱦᱤᱢᱟᱞᱚᱭ ᱞᱟᱛᱟᱨ ᱰᱟᱨᱡᱤᱞᱤᱝᱜ ᱨᱮ ᱠᱟᱹᱢᱤ ᱮᱛᱚᱦᱚᱵ ᱠᱮᱫᱟᱭ ᱾ᱚᱸᱰᱮ ᱟᱡ ᱵᱟᱝᱞᱟᱭ ᱪᱮᱫ ᱮᱱᱟ ᱟᱨ ᱥᱮᱸᱴ ᱴᱮᱨᱮᱥᱟ ᱟᱥᱲᱟ ᱨᱮ ᱯᱟᱲᱦᱟᱣ ᱮᱱᱟᱭ ᱾ ᱒᱔ ᱢᱮ ᱑᱙᱓᱑ ᱨᱮ ᱟᱡ ᱟᱡᱟᱜ ᱯᱩᱭᱞᱩ ᱫᱷᱚᱨᱚᱢ ᱥᱚᱯᱚᱛᱷ ᱮ ᱦᱟᱛᱟᱣ ᱠᱮᱫᱟᱭ ᱾ ᱟᱡ ᱥᱟᱢᱟᱝ ᱠᱟᱞᱠᱟᱛᱟ ᱮᱱᱴᱟᱞᱤ ᱨᱮᱱᱟᱜ ᱞᱳᱨᱮᱴᱳ ᱠᱚᱱᱵᱷᱮᱸᱴ ᱟᱥᱲᱟ ᱨᱮ ᱢᱟᱪᱮᱛᱟᱹᱱᱤ ᱛᱟᱦᱮᱸ ᱡᱚᱠᱷᱚᱡ ᱥᱩᱥᱟᱹᱨ ᱠᱟᱹᱢᱤ ᱞᱟᱹᱜᱤᱫ ᱥᱚᱯᱚᱛᱷ ᱮ ᱤᱫᱤ ᱠᱮᱫᱟ ᱾ᱴᱮᱨᱮᱥᱟ ᱟᱡ ᱜᱤᱫᱨᱟᱹ ᱯᱟᱲᱦᱟᱣ ᱨᱮ ᱨᱟᱥᱠᱟᱹᱭ ᱵᱩᱡᱷᱟᱹᱣ ᱛᱟᱦᱮᱸᱫ ᱤᱠᱷᱟᱹᱱ ᱵᱮᱸᱜᱚᱞ ᱥᱩᱨ ᱨᱮ ᱢᱮᱱᱟᱜ ᱨᱮᱸᱜᱮᱡ ᱡᱟᱞᱟ ᱵᱟᱭ ᱧᱮᱞ ᱥᱟᱦᱟᱣ ᱫᱟᱲᱮ ᱦᱟᱫᱟ ᱾᱑᱙᱔᱓ ᱨᱮᱱᱟᱜ ᱟᱠᱟᱞ ᱟᱨ ᱑᱙᱔᱖ ᱨᱮᱱᱟᱜ ᱦᱤᱸᱫᱩ ᱟᱨ ᱢᱩᱥᱞᱟᱹ ᱛᱟᱯᱟᱢ ᱛᱮ ᱟᱹᱰᱤ ᱫᱩᱠᱷ ᱞᱮᱱ ᱛᱟᱦᱮᱸᱫ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Cite news|url=https://www.britannica.com/biography/Mother-Teresa%7Ctitle=Mother Teresa | Canonization, Awards, Facts, & Feast Day|work=Encyclopedia Britannica|access-date=2017-05-18|language=en
  2. Muggeridge (1971), chapter 3, "Mother Teresa Speaks", pp. 105, 113
  3. cite book|last=Group|first=Salisbury|title=The Salisbury Review, Volumes 19–20|date=28 January 2011|publisher=InterVarsity Press|isbn=978-0-8308-3472-3|page=2|url=https://books.google.com/?id=lf6BAAAAMAAJ&q=%22Mother+Teresa+Albanian%22&dq=%22Mother+Teresa+Albanian%22%7Cquote=Mother Teresa, Albanian by birth
  4. Cite web|url=https://www.nytimes.com/books/first/s/sebba-teresa.html%7Ctitle=Mother Teresa|website=www.nytimes.com|access-date=2017-05-18
  5. cite book|last1=Alpion|first1=Gëzim|date=2006|publisher=Taylor & Francis|title=Mother Teresa: Saint or Celebrity? |isbn=0-203-08751-8|url=https://books.google.com/?id=rq6S6qCWCbUC&pg=PT266&lpg=PT266&dq=mother+teresa+kosovo+prizren#v=onepage&q=mother%20teresa%20kosovo%20prizren&f=false%7Caccessdate=15 November 2014|quote="the nun's mother was born in Prizren in Kosova, her family came originally from the Gjakova region, also in Kosova"
  6. (2002) "Mother Teresa of Calcutta (1910–1997)". Vatican News Service. Retrieved 30 May 2007.