ᱢᱚᱫᱚᱱ ᱢᱳᱦᱚᱱ ᱢᱩᱨᱢᱩ
 | ᱱᱚᱣᱟ ᱥᱟᱛᱟᱢ ᱣᱤᱠᱤ ᱞᱚᱵᱽᱥ ᱞᱤᱴᱮᱨᱮᱪᱚᱨ ᱒᱐᱒᱒ ᱞᱟᱹᱜᱤᱫ ᱵᱮᱨᱮᱫ ᱟᱠᱟᱱᱟ । |  |
| ᱢᱚᱫᱚᱱ ᱢᱳᱦᱚᱱ ᱢᱩᱨᱢᱩ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱩᱞᱟᱭ ᱒᱑, ᱑᱙᱔᱗ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱧᱩᱢᱱᱟᱢ | ᱚᱱᱚᱞᱤᱭᱟᱹ, ᱥᱟᱥᱟᱯᱲᱟᱣᱤᱡ |
| ᱧᱩᱢᱦᱟᱞᱟᱝ ᱠᱟᱹᱢᱤ | "ᱞᱟᱸᱫᱟᱭ ᱞᱮᱠᱟ", "ᱦᱟᱯᱲᱟᱢ ᱠᱚᱣᱟᱜ ᱩᱭᱦᱟᱹᱨ" |
ᱚᱱᱚᱞᱤᱭᱟᱹ ᱢᱚᱫᱚᱱ ᱢᱳᱦᱚᱱ ᱢᱩᱨᱢᱩ ᱫᱚ ᱑᱙᱔᱗ ᱥᱮᱨᱢᱟ ᱨᱮᱭᱟᱜ ᱒᱑ ᱡᱩᱞᱟᱭ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱤᱵᱽᱲᱚᱫᱟ ᱰᱟᱠ ᱚᱲᱟᱜ ᱨᱮᱭᱟᱜ ᱠᱟᱞᱤᱭᱟᱛᱤ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾[᱑] ᱟᱡ ᱨᱮᱱ ᱟᱯᱟᱛ ᱮᱸᱜᱟᱛ ᱥᱟᱶᱛᱮ ᱟᱡᱟᱜ ᱚᱞᱚᱜ ᱯᱟᱲᱦᱟᱜ ᱟᱨ ᱠᱟᱹᱢᱤ ᱡᱤᱭᱚᱱ ᱵᱟᱵᱚᱛ ᱵᱟᱹᱲᱛᱤ ᱠᱟᱛᱷᱟ ᱵᱟᱝ ᱵᱟᱲᱟᱭ ᱧᱟᱢ ᱟᱠᱟᱱᱟ᱾
ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱨᱪᱟ ᱨᱮ ᱢᱚᱫᱚᱱ ᱢᱳᱦᱚᱱ ᱫᱚ ᱟᱡᱟᱜ ᱧᱩᱛᱩᱢ ᱛᱟᱭᱚᱢ ᱞᱟᱝᱛᱤᱛᱤ ᱟᱹᱲᱟᱹ ᱦᱚᱸᱭ ᱵᱮᱵᱷᱟᱨ ᱟᱠᱟᱫᱟ᱾ ᱟᱨᱦᱚᱸ ᱟᱫᱚᱢ ᱡᱚᱠᱷᱮᱡᱽ ᱫᱚ ᱵᱟᱦᱟᱱᱟ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱫᱚᱭ ᱵᱮᱵᱷᱟᱨ ᱟᱠᱟᱫᱟ᱾
ᱥᱟᱶᱦᱮᱫ ᱪᱟᱨᱪᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱞᱟᱹᱭᱼᱞᱟᱠᱪᱟᱨ ᱮᱱᱮᱡ ᱥᱮᱨᱮᱧ ᱧᱮᱞ ᱛᱮᱭ ᱦᱟᱨᱟ ᱵᱩᱨᱩ ᱟᱠᱟᱱ, ᱢᱚᱫᱚᱱ ᱢᱳᱦᱚᱱ ᱢᱩᱨᱢᱩ ᱫᱚ ᱥᱟᱱᱛᱟᱲ ᱥᱟᱶᱛᱟ, ᱡᱤᱭᱚᱱ ᱨᱮᱭᱟᱜ ᱪᱤᱛᱟᱹᱨ ᱜᱮ ᱟᱡᱟᱜ ᱚᱱᱚᱬᱦᱮᱸ, ᱠᱟᱹᱦᱱᱤ ᱛᱟᱞᱟ ᱛᱮᱭ ᱥᱟᱵ ᱨᱟᱠᱟᱵ ᱟᱠᱟᱫᱟ᱾ ᱟᱡᱟᱜ ᱚᱞ ᱨᱮ ᱥᱟᱶᱛᱟ ᱨᱮ ᱥᱚᱲᱚ ᱵᱚᱞᱚᱱ ᱠᱟᱱ ᱵᱮᱼᱵᱟᱹᱲᱤᱡ ᱚᱨᱥᱚᱝ ᱠᱚ ᱡᱮᱞᱮᱠᱟᱭ ᱡᱷᱟᱞᱠᱟᱣ ᱨᱟᱠᱟᱵ ᱟᱠᱟᱫᱟ, ᱚᱱᱠᱟ ᱜᱮ ᱩᱛᱷᱱᱟᱹᱣ ᱨᱮᱭᱟᱜ ᱩᱭᱦᱟᱹᱨ ᱰᱟᱦᱟᱨ ᱦᱚᱸᱭ ᱩᱫᱩᱜᱽ ᱟᱠᱟᱫᱟ᱾ ᱟᱡᱟᱜ ᱚᱞ ᱠᱟᱹᱦᱱᱤ, ᱚᱱᱚᱬᱦᱮᱸ ᱨᱮ ᱱᱮᱵᱮᱛᱟᱨ ᱨᱮᱭᱟᱜ ᱚᱨᱥᱚᱝ ᱦᱚᱸ ᱧᱮᱞ ᱧᱟᱢᱚᱜᱼᱟ᱾
ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱪᱟᱞᱟᱜ ᱰᱟᱦᱟᱨ ᱨᱮ ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟᱹ ᱢᱚᱫᱚᱱ ᱢᱳᱦᱚᱱ ᱢᱩᱨᱢᱩ ᱫᱚ ᱥᱟᱶᱦᱮᱫ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱦᱚᱸᱭ ᱵᱟᱲᱟᱭᱚᱜᱼᱟ᱾ ᱑᱙᱘᱙ ᱥᱮᱨᱢᱟ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱯᱮᱼᱪᱟᱸᱫᱚᱠᱤᱭᱟᱹ "ᱥᱟᱨ ᱥᱟᱹᱜᱩᱱ" ᱥᱟᱶᱦᱮᱫ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ᱾ ᱚᱱᱟ ᱥᱟᱶᱛᱮ, ᱒᱐᱐᱒ ᱥᱮᱨᱢᱟ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ "ᱠᱷᱮᱨᱣᱟᱞ ᱜᱚᱰᱮᱛ" ᱥᱟᱶᱦᱮᱫᱼᱞᱟᱠᱪᱟᱨ ᱯᱟᱛᱷᱟᱢ ᱨᱮᱱ ᱜᱚᱲᱚ ᱥᱟᱥᱟᱯᱲᱟᱣᱤᱡ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱫᱚ ᱵᱟᱸᱠᱩᱲᱟ ᱨᱮᱱᱟᱜ ᱪᱚᱴᱤ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱᱟ᱾
ᱚᱞ ᱯᱚᱛᱚᱵ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- "ᱞᱟᱸᱫᱟᱭ ᱞᱮᱠᱟ" - ᱑᱙᱘᱖ (ᱚᱱᱚᱬᱦᱮᱸ)
- "ᱦᱟᱯᱲᱟᱢ ᱠᱚᱣᱟᱜ ᱩᱭᱦᱟᱹᱨ" - ᱑᱙᱘᱖ (ᱜᱟᱭᱟᱱ)
- "ᱡᱷᱤᱱᱤᱠ ᱡᱷᱤᱯᱤᱨ" - (ᱛᱩᱢᱟᱹᱞ ᱠᱟᱹᱦᱱᱤ)
- "ᱥᱩᱪ ᱰᱟᱹᱰᱤ ᱫᱟᱜ" - (ᱚᱱᱚᱬᱦᱮᱸ)
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱯᱚᱨᱤᱢᱚᱞ ᱦᱮᱢᱵᱽᱨᱚᱢ. ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ.