ᱢᱚᱫᱷᱩᱨᱟᱢ ᱵᱚᱨᱚ
ᱢᱩᱫᱦᱩᱨᱟᱢ ᱵᱚᱨᱚ ᱫᱚ ᱠᱚᱸᱭᱮᱸ ᱥᱟᱢᱟᱝ ᱥᱤᱧᱚᱛ ᱛᱟᱸᱦᱟᱸ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱜᱟᱹᱠᱷᱩᱲ ᱥᱟᱶᱦᱮᱛᱤᱭᱟᱹ, ᱥᱟᱥᱟᱯᱲᱟᱣᱤᱡ ᱟᱨ ᱪᱮᱪᱮᱫᱤᱡ ᱠᱟᱱᱟᱭ| ᱩᱱᱤ ᱫᱚ ᱠᱚᱸᱭᱮᱸ ᱥᱟᱢᱟᱝ ᱥᱤᱧᱚᱛ ᱨᱮᱱ ᱯᱟᱹᱦᱤᱞ ᱯᱟᱹᱨᱥᱤ ᱥᱟᱬᱮᱥ ᱛᱮ ᱮᱢᱹ ᱮᱹ ᱰᱤᱜᱽᱨᱤ ᱦᱟᱛᱟᱣ ᱦᱚᱲᱮ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱒᱐᱐᱒ ᱥᱮᱨᱢᱟ ᱨᱮ ᱥᱟᱦᱤᱛᱭᱚ ᱟᱠᱟᱫᱚᱢᱤ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ| ᱚᱱᱟ ᱵᱮᱜᱚᱨ ᱦᱚᱸ ᱩᱱᱤ ᱫᱚ ᱒᱐᱐᱒ ᱥᱮᱨᱢᱟ ᱨᱮ ᱟᱥᱟᱢ ᱯᱚᱱᱚᱛ ᱥᱚᱨᱠᱟ ᱟᱜ ᱥᱟᱶᱦᱮᱛᱤᱭᱟᱹ ᱯᱮᱱᱥᱚᱱ ᱦᱚᱭ ᱦᱟᱢᱮᱴ ᱞᱮᱫᱟ| ᱩᱱᱤ ᱫᱚ ᱒᱐᱑᱔ ᱥᱮᱨᱢᱟ ᱨᱮ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱫᱚᱭ ᱵᱟᱹᱜᱤᱭᱟᱫ ᱛᱟᱦᱮᱸᱠᱟᱱᱟ|
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱓᱘ ᱥᱮᱨᱢᱟ ᱨᱮᱭᱟᱜ ᱑ ᱱᱚᱵᱷᱮᱢᱵᱚᱨ ᱢᱟᱹᱦᱤᱛ ᱦᱤᱞᱚᱜ ᱨᱮ ᱢᱚᱫᱷᱩᱨᱟᱢ ᱵᱚᱨᱚ ᱫᱚ ᱠᱟᱹᱢᱨᱩᱯ ᱦᱚᱱᱚᱛ ᱨᱮᱭᱟᱜ ᱦᱟᱨᱩ ᱧᱩᱛᱩᱢᱟᱱ ᱡᱟᱭᱜᱟ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱰᱚ ᱑᱙᱕᱕ ᱥᱮᱨᱢᱟ ᱨᱮ ᱢᱮᱴᱨᱤᱠ ᱵᱤᱱᱤᱰᱮ ᱯᱟᱥ ᱞᱮᱫᱟ| ᱟᱨ ᱑᱙᱕᱗ ᱥᱮᱨᱢᱟ ᱨᱮ ᱩᱪᱪᱚ ᱢᱟᱫᱷᱭᱚᱢᱤᱠ ᱵᱤᱱᱤᱰ ᱯᱟᱥ ᱠᱟᱛᱮ ᱑᱙᱕᱙ ᱥᱮᱨᱢᱟ ᱨᱮ ᱫᱚ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮᱭᱮ ᱵᱷᱩᱨᱛᱤ ᱞᱮᱱᱟ ᱟᱨ ᱵᱤᱹ ᱮᱹ ᱰᱤᱜᱽᱨᱤᱭᱮ ᱦᱟᱢᱮᱴ ᱞᱮᱫᱟ ᱚᱱᱰᱮ ᱠᱷᱚᱱ| ᱤᱱᱟᱹ ᱛᱟᱭᱱᱚᱢ ᱑᱙᱖᱕ ᱥᱮᱨᱢᱟ ᱨᱮ ᱯᱩᱱᱮ ᱛᱮ ᱥᱮᱱ ᱠᱟᱛᱮ ᱯᱩᱱᱮ ᱡᱮᱜᱮᱫ ᱵᱤᱨᱫᱟ,ᱹ ᱜᱟᱲ ᱨᱮᱭᱮ ᱵᱷᱩᱨᱛᱤ ᱞᱮᱱᱟ ᱟᱨ ᱮᱢᱹ ᱮᱹ ᱰᱤᱜᱽᱨᱤ ᱫᱚ ᱚᱱᱰᱮ ᱜᱮᱭᱮ ᱯᱩᱨᱟᱹᱣ ᱞᱮᱫᱟ| ᱚᱱᱰᱮ ᱯᱩᱱᱮ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱜᱮ ᱩᱱᱤ ᱫᱚ ᱥᱟᱝᱥᱠᱨᱤᱛ ᱱᱨᱤᱛᱚᱛᱛᱚ (ᱠᱟᱞᱪᱟᱨᱮᱞ ᱮᱱᱛᱷᱚᱯᱚᱞᱚᱡᱤ) ᱥᱟᱛᱷᱟᱢ ᱨᱮ ᱰᱤᱯᱞᱚᱢᱟ ᱥᱟᱶ ᱛᱮ ᱟᱨ ᱡᱟᱨᱢᱟᱱ ᱟᱨ ᱯᱷᱮᱧᱪ ᱯᱟᱹᱨᱥᱤ ᱛᱮ ᱥᱮᱪᱮᱫ ᱪᱟᱨᱴᱤᱯᱷᱤᱠᱮᱴᱮ ᱦᱟᱢᱮᱴ ᱞᱮᱫᱟ|
ᱠᱟᱹᱢᱤ ᱠᱟᱹᱥᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱪᱮᱫ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱚᱫᱷᱩᱨᱟᱢ ᱵᱚᱨᱚ ᱫᱚ ᱢᱚᱱᱤᱭᱟᱫᱤ ᱦᱟᱭ ᱢᱟᱫᱽᱨᱟᱥᱟ ᱨᱮ ᱢᱟᱪᱮᱛ ᱞᱮᱠᱟ ᱛᱮ ᱟᱡᱟᱜ ᱠᱟᱹᱢᱤ ᱠᱟᱹᱥᱱᱤ ᱡᱤᱭᱚᱱ ᱫᱚᱭ ᱮᱛᱚᱦᱚᱵ ᱞᱮᱫ ᱛᱟᱭᱟ| ᱛᱟᱭᱱᱚᱢ ᱫᱟᱨᱟᱢ ᱩᱱᱤ ᱫᱚ ᱨᱟᱢᱫᱟᱭᱟ ᱪᱮᱛᱟᱱ ᱤᱝᱨᱟᱹᱡᱤ ᱵᱤᱨᱫᱟᱹ ᱜᱟᱟᱲ ᱨᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ, ᱤᱱᱟᱹ ᱛᱟᱭᱱᱚᱢ ᱦᱟᱡᱚ ᱨᱮᱭᱟᱜ ᱦᱚᱡᱩ ᱪᱮᱛᱟᱱ ᱩᱛᱟᱹᱨ ᱢᱟᱫᱷᱭᱚᱢᱤᱠ ᱵᱤᱨᱫᱟᱹ ᱜᱟᱲ ᱨᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ, ᱤᱱᱟᱹ ᱛᱟᱭᱱᱚᱢ ᱩᱛᱟᱹᱨ ᱜᱩᱣᱟᱦᱟᱴᱤ ᱨᱮᱭᱟᱜ ᱮᱠᱮ ᱤᱱᱥᱴᱤᱴᱩᱣᱩᱰ ᱨᱮ ᱦᱚᱸ ᱜᱚᱯᱚᱲᱚ ᱢᱟᱪᱮᱛ ᱞᱮᱠᱟ ᱛᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ, ᱟᱨ ᱤᱱᱟᱹ ᱛᱟᱭᱱᱚᱢ ᱨᱚᱝᱤᱭᱟ ᱨᱮᱭᱟᱜ ᱢᱚᱫᱷᱩᱠᱩᱥᱤ ᱨᱮᱭᱟᱜ ᱠᱟᱥᱟᱨᱤ ᱢᱚᱦᱚᱞ ᱦᱟᱭ ᱤᱥᱠᱩᱞ ᱨᱮᱱ ᱢᱟᱨᱟᱝ ᱢᱟᱪᱮᱛ ᱞᱮᱠᱟ ᱛᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ| ᱑᱙᱗᱕ ᱥᱮᱨᱢᱟ ᱨᱮ ᱩᱱᱤ ᱫᱚ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮᱭᱟᱜ ᱯᱟᱹᱨᱥᱤ ᱰᱤᱯᱟᱹᱴ ᱨᱮ ᱢᱟᱪᱮᱛ ᱞᱮᱠᱟ ᱛᱮᱭᱮ ᱵᱚᱞᱚ ᱞᱮᱱᱟ| ᱑᱙᱙᱘ ᱥᱮᱨᱢ ᱟᱨᱮᱭᱟᱜ ᱓᱑ ᱚᱠᱴᱚᱵᱚᱨ ᱢᱟᱹᱦᱤᱛ ᱨᱮ ᱢᱚᱫᱷᱩᱨᱟᱢ ᱵᱚᱨᱚ ᱫᱚ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱵᱚᱨᱚ ᱯᱟᱹᱨᱥᱤ ᱨᱮᱱ ᱢᱟᱪᱮᱛ ᱞᱮᱠᱟ ᱛᱮ ᱡᱤᱨᱟᱹᱣ ᱮᱱᱟ|
ᱥᱟᱶᱦᱮᱫ ᱠᱦᱚᱱᱫᱽᱨᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱚᱫᱷᱩᱨᱟᱢ ᱵᱚᱨᱚ ᱫᱚ ᱗᱐ ᱜᱚᱴᱟᱝ ᱵᱚᱨᱚ , ᱟᱥᱟᱢᱤᱥ ᱥᱟᱶᱴᱮ ᱤᱝᱨᱟᱹᱡᱤ ᱯᱟᱹᱨᱥᱤ ᱛᱮ ᱯᱚᱛᱚᱵ ᱠᱚᱭ ᱚᱞ ᱞᱮᱫᱟ| ᱚᱱᱟ ᱵᱮᱜᱚᱨ ᱦᱚᱸ ᱢᱚᱬᱮ ᱜᱚᱴᱟᱝ ᱵᱮᱣᱨᱟ ᱥᱥᱟᱠᱟᱢ ᱟᱨᱨ ᱯᱟᱛᱷᱟᱢ ᱠᱚᱭ ᱥᱟᱯᱲᱟᱣᱮᱫ ᱠᱟᱱ ᱛᱟᱦᱮᱸᱠᱟᱱᱟ ᱟᱨ ᱚᱱᱟ ᱨᱮ ᱕᱐᱐ ᱥᱟᱭ ᱠᱷᱚᱱ ᱦᱚᱸ ᱵᱟᱹᱲᱛᱤ ᱚᱱᱚᱞ ᱠᱚᱭ ᱚᱞ ᱟᱠᱟᱫᱟ|
ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱔ ᱥᱮᱨᱢᱟ ᱨᱮᱭᱟᱜ ᱒᱔ ᱢᱟᱨᱪ ᱢᱟᱹᱦᱤᱛ ᱦᱤᱞᱚᱜ ᱩᱱᱤ ᱫᱚ ᱗᱖ ᱥᱮᱨᱢᱟ ᱩᱢᱮᱨ ᱨᱮ ᱱᱚᱣᱟ ᱫᱷᱩᱲᱤ ᱫᱷᱟᱹᱛᱤᱭᱮ ᱵᱟᱹᱜᱤᱭᱟᱫᱟ| ᱜᱩᱡᱩᱜ ᱚᱠᱛᱮ ᱨᱮ ᱩᱱᱤ ᱰᱚ ᱟᱪ ᱨᱮᱱ ᱮᱨᱟᱛ ᱟᱨ ᱵᱟᱨᱭᱟ ᱦᱚᱯᱚᱱ ᱮᱨᱟᱭ ᱵᱟᱹᱜᱤ ᱩᱴᱩᱣᱟᱫ ᱠᱤᱱᱟᱹ |