ᱢᱚᱱᱚᱡᱽ ᱵᱟᱡᱽᱯᱮᱭᱤ
| ᱢᱚᱱᱚᱡᱽ ᱵᱟᱡᱽᱯᱮᱭᱤ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱓ ᱮᱯᱨᱤᱞ ᱑᱙᱖᱙ ᱱᱚᱨᱠᱚᱴᱤᱭᱟᱜᱚᱸᱡᱽ, ᱯᱟᱪᱮ ᱪᱚᱢᱯᱟᱨᱚᱱ ᱦᱚᱱᱚᱛ, ᱵᱤᱦᱟᱨ, ᱥᱤᱧᱚᱛ |
| ᱮᱴᱟᱜ ᱧᱩᱛᱩᱢ | ᱢᱚᱱᱚᱡᱽ ᱵᱟᱡᱽᱯᱟᱭᱤ |
| ᱠᱟᱹᱢᱤ | ᱮᱠᱴᱚᱨ |
| ᱠᱟᱹᱢᱤ ᱚᱠᱛᱚ | 1994–present |
| ᱡᱤᱭᱚᱱ ᱥᱚᱦᱮᱫ | ᱱᱮᱦᱟ (Shabana Raza) (m. ᱦᱩᱲᱟᱹᱜ : ᱚᱢᱟᱱᱚᱛ ᱚᱠᱛᱚ ᱾) |
| ᱦᱚᱯᱚᱱ | ᱑ |
| Honours | ᱯᱚᱫᱽᱢᱚ ᱥᱨᱤ (2019) |
ᱢᱚᱱᱚᱡᱽ ᱵᱟᱡᱽᱯᱮᱭᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱮᱠᱴᱚᱨ ᱠᱟᱱᱟᱭ ᱾ ᱩᱱᱤ ᱫᱚ ᱵᱟᱹᱲᱛᱤ ᱠᱟᱛᱮ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱼᱟᱭ ᱟᱨ ᱚᱱᱟ ᱥᱟᱶᱛᱮ ᱛᱮᱞᱩᱜᱩ ᱟᱨ ᱛᱟᱢᱤᱞ ᱥᱤᱱᱮᱢᱟ ᱨᱮᱦᱚᱸ ᱠᱟᱹᱢᱤ ᱟᱠᱟᱫᱼᱟᱭ ᱾ ᱩᱱᱤ ᱫᱚ ᱵᱟᱨᱭᱟ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ (National Film Awards), ᱯᱩᱱᱭᱟᱹ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱹ (Filmfare Awards) ᱧᱟᱢ ᱟᱠᱟᱫᱼᱟᱭ ᱾ ᱒᱐᱑᱙ ᱥᱟᱹᱦᱤᱛ ᱨᱮ ᱥᱤᱧᱚᱛ ᱨᱮᱱᱟᱜ ᱯᱩᱱ ᱟᱱᱟᱜ ᱢᱟᱨᱟᱝ ᱢᱟᱹᱱ ᱥᱟᱨᱦᱟᱣ ᱯᱚᱫᱽᱢᱚ ᱥᱨᱤ ᱢᱟᱹᱱ ᱥᱟᱨᱦᱟᱣ ᱦᱚᱸᱭ ᱧᱟᱢ ᱟᱠᱟᱫᱼᱟ ᱦᱩᱱᱟᱹᱨ ᱪᱮᱛᱟᱱ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱛᱮ ᱾
ᱟᱡᱟᱜ ᱡᱟᱱᱟᱢ ᱫᱚ ᱥᱤᱧᱚᱛ ᱫᱤᱥᱚᱢ ᱛᱟᱞᱟ ᱨᱮᱱᱟᱜ ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱩᱰᱩᱧ ᱟᱹᱛᱩ ᱱᱚᱨᱠᱚᱴᱤᱭᱟᱜᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱭᱟ ᱾ ᱜᱤᱫᱽᱨᱟᱹ ᱵᱮᱲᱟ ᱠᱷᱚᱱ ᱜᱮ ᱟᱡ ᱫᱚ ᱮᱠᱴᱚᱨ ᱵᱮᱱᱟᱣᱜ ᱥᱟᱱᱟ ᱞᱮᱫᱮᱭᱟ ᱾ ᱩᱱᱤ ᱫᱚ ᱑᱗ ᱵᱚᱪᱷᱚᱨ ᱩᱢᱮᱨ ᱨᱮ ᱫᱤᱞᱞᱤ ᱪᱟᱞᱟᱣ ᱞᱮᱱ ᱛᱟᱦᱮᱸᱫ ᱟᱨ ᱚᱸᱰᱮ ᱱᱮᱥᱱᱟᱞ ᱤᱥᱠᱩᱞ ᱚᱯᱷ ᱰᱨᱟᱢ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱮ ᱨᱤᱠᱟᱹ ᱞᱮᱫᱼᱟ, ᱢᱮᱱᱠᱷᱟᱱ ᱔ ᱫᱷᱟᱣ ᱫᱚᱭ ᱵᱟᱹᱨᱜᱤᱞ ᱚᱪᱚ ᱞᱮᱱᱟ ᱾ ᱠᱚᱞᱮᱡᱽ ᱨᱮ ᱚᱞᱚᱜ ᱡᱚᱠᱷᱟᱜ ᱦᱚᱸ ᱛᱷᱤᱭᱮᱴᱚᱨ ᱨᱮ ᱮᱠᱴᱤᱝ ᱫᱚᱭ ᱛᱚᱝᱜᱮ ᱞᱮᱫ ᱛᱟᱦᱮᱸᱫ ᱜᱮ ᱾ ᱚᱱᱟ ᱛᱟᱭᱚᱢ ᱑᱙᱙᱔ ᱥᱟᱹᱦᱤᱛ ᱨᱮ ᱢᱤᱫ ᱯᱷᱤᱪᱚᱨ ᱯᱷᱤᱞᱢ "ᱫᱽᱨᱚᱦᱠᱟᱞ" ᱟᱨ ᱥᱮᱠᱷᱨᱚᱨ ᱠᱟᱹᱯᱩᱨᱟᱜ ᱯᱷᱤᱞᱢ "ᱵᱮᱱᱰᱤᱴ ᱠᱩᱭᱤᱱ" (Bandit Queen) ᱨᱮ ᱢᱤᱫ ᱰᱟᱠᱟᱛ ᱞᱮᱠᱟᱛᱮ ᱯᱟᱴ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱘᱘ ᱥᱟᱹᱦᱤᱛ ᱨᱮ ᱨᱟᱢ ᱜᱚᱯᱟᱞ ᱵᱚᱨᱢᱟ ᱦᱟᱜ ᱜᱩᱱᱟᱹᱦᱟᱹ ᱰᱨᱟᱢᱟ "ᱥᱟᱛᱭᱟ" ᱨᱮ ᱜᱮᱝᱥᱴᱟᱨ ᱵᱷᱤᱠᱩ ᱢᱟᱛᱨᱮ ᱞᱮᱠᱟᱛᱮ ᱯᱟᱴ ᱞᱮᱫ ᱛᱟᱦᱮᱸᱫ ᱾ ᱡᱟᱦᱟᱸ ᱫᱚ ᱯᱷᱤᱞᱢ ᱡᱮᱜᱮᱛ ᱨᱮ ᱴᱷᱟᱶ ᱮ ᱵᱮᱱᱟᱣ ᱠᱮᱫᱼᱟ ᱾ ᱚᱱᱟ ᱯᱷᱤᱞᱢ ᱞᱟᱹᱜᱤᱫ "ᱥᱚᱨᱮᱥ ᱥᱚᱦᱮᱫ ᱵᱟᱰᱚᱦᱤ ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ (National Film Award for Best Supporting Actor)" ᱟᱨ "ᱥᱚᱨᱮᱥ ᱮᱠᱴᱚᱨ ᱞᱮᱠᱟᱛᱮ ᱯᱷᱤᱢᱯᱷᱮᱭᱟᱨ ᱠᱨᱤᱴᱤᱠᱥ ᱥᱤᱨᱯᱷᱟᱹ (Filmfare Critics Award for Best Actor) ᱧᱟᱢ ᱞᱮᱫ ᱛᱟᱦᱮᱸᱫ ᱾
ᱚᱱᱟ ᱥᱟᱶᱛᱮ "ᱠᱚᱣᱱ (᱑᱙᱙᱙)" ᱟᱨ "ᱥᱷᱩᱞ (᱑᱙᱙᱙)" ᱠᱚᱨᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ, ᱡᱟᱦᱟᱸ ᱞᱟᱹᱜᱤᱫ ᱟᱡᱟᱜ ᱫᱚᱥᱟᱨ "ᱥᱚᱨᱮᱥ ᱮᱠᱴᱚᱨ ᱯᱷᱤᱞᱢᱯᱷᱮᱭᱟᱨ ᱠᱨᱤᱴᱤᱠᱥ ᱟᱣᱟᱨᱰ" ᱮ ᱧᱟᱢ ᱞᱮᱫᱼᱟ ᱾