ᱢᱚᱱᱚᱨᱚᱱᱡᱚᱱ ᱞᱟᱦᱚᱨᱤ

ᱢᱚᱱᱚᱨᱚᱱᱡᱚᱢ ᱞᱟᱦᱚᱨᱤ (ᱟᱥᱟᱢᱤᱥᱺ মনোৰঞ্জন লাহৰী; ᱡᱟᱱᱟᱢᱺ ᱑ ᱯᱷᱮᱵᱽᱨᱩᱣᱟᱨᱤ, ᱑᱙᱓᱖) ᱫᱚᱯ ᱟᱥᱟᱢ ᱨᱮᱱ ᱵᱚᱰᱚ ᱯᱟᱹᱨᱥᱤ ᱨᱮᱱ ᱢᱤᱫᱴᱮᱱ ᱜᱟᱹᱠᱷᱩᱲ ᱥᱟᱶᱦᱮᱛᱤᱭᱟᱹᱭ ᱛᱟᱦᱮᱸ ᱠᱟᱱᱟ| ᱥᱟᱶᱦᱮᱫ ᱯᱟᱦᱴᱟ ᱨᱮ ᱩᱱᱤᱭᱟᱜ ᱟᱥᱟᱢ ᱵᱷᱮᱲ ᱮᱱᱮᱢ ᱠᱷᱟᱹᱛᱤᱨ ᱜᱩᱨ ᱛᱟᱭᱱᱚᱢ ᱒᱐᱐᱙ ᱥᱮᱨᱢᱟ ᱨᱮ ᱥᱟᱦᱤᱛᱚ ᱟᱠᱟᱫᱚᱢᱤ ᱥᱤᱨᱯᱟᱹ ᱛᱮᱠᱚ ᱢᱟᱱᱚᱛ ᱞᱮᱫᱮᱭᱟ|

ᱦᱩᱰᱤᱧ ᱡᱤᱭᱚᱱᱤ

ᱢᱚᱱᱚᱨᱚᱱᱡᱚᱢ ᱞᱟᱦᱚᱨᱤ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱠᱚᱠᱲᱟᱡᱦᱟᱲ ᱦᱚᱱᱚᱛ ᱜᱚᱥᱟᱭᱜᱟᱶ ᱢᱚᱦᱩᱠᱢᱟ ᱨᱮᱭᱟᱜ ᱵᱟᱱᱩᱢᱠᱩᱨᱟ ᱟᱹᱛᱩ ᱨᱮ ᱑ ᱯᱷᱮᱵᱽᱨᱩᱣᱟᱨᱤ ᱑᱐᱙᱓᱖ ᱢᱟᱹᱦᱤᱛ ᱨᱮᱭᱮ ᱡᱟᱱᱢ ᱞᱮᱱᱟ| ᱩᱱᱤ ᱫᱚ ᱑᱙᱕᱓ ᱥᱮᱨᱢᱟ ᱨᱮ ᱢᱮᱴᱨᱤᱠ ᱵᱤᱱᱤᱰᱮ ᱯᱟᱥ ᱞᱮᱫᱟ| ᱩᱱᱤ ᱫᱚ ᱠᱚᱴᱚᱱ ᱠᱚᱞᱮᱡᱽ ᱟᱨ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱝᱨᱟᱹᱡᱤ ᱛᱮ ᱮᱢᱹᱮᱹ ᱯᱟᱥ ᱞᱮᱫᱟ| ᱑᱙᱖᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱠᱚᱠᱨᱟᱡᱷᱟᱲ ᱠᱚᱞᱮᱡᱽ ᱨᱮ ᱤᱝᱨᱟᱹᱡᱤ ᱜᱟᱞᱚᱪᱤᱭᱟᱹ ᱞᱮᱠᱟ ᱛᱮᱠᱚ ᱵᱟᱦᱟᱞ ᱞᱮᱫᱮᱭᱟ|

ᱥᱟᱶᱦᱮᱫ ᱨᱮ ᱮᱱᱮᱢ

ᱢᱚᱱᱚᱨᱚᱱᱡᱚᱱ ᱞᱟᱦᱚᱨᱤ ᱫᱚ ᱯᱟᱹᱴᱦᱜᱩᱣᱟᱹ ᱠᱚᱲᱟ ᱠᱩᱲᱤ ᱠᱚ ᱞᱟᱹᱜᱤᱫ ᱵᱚᱰᱚ ᱯᱟᱹᱨᱥᱤ ᱛᱮ ᱯᱮᱭᱟ ᱩᱥᱟᱹᱨᱟ ᱯᱩᱛᱷᱤᱭᱮ ᱚᱞ ᱞᱮᱫᱟ| ᱟᱥᱟᱢᱤᱥ ᱯᱟᱹᱨᱥᱤ ᱛᱮᱦᱚᱸ ᱟᱭᱢᱟ ᱜᱮ ᱯᱟᱛᱷᱟᱢ ᱟᱨ ᱫᱤᱱᱤᱥᱟᱹ ᱥᱟᱠᱟᱢ ᱠᱚ ᱨᱮᱦᱚᱸ ᱩᱱᱤᱭᱟᱜ ᱚᱱᱚᱞ ᱠᱚ ᱩᱪᱷᱟᱹᱱ ᱥᱚᱫᱚᱨᱚᱜ ᱛᱟᱭᱟ| ᱚᱱᱟ ᱵᱮᱜᱚᱨ ᱦᱚᱸ ᱤᱝᱨᱟᱹᱡᱤ ᱯᱟᱹᱨᱥᱤ ᱛᱮ ’My Verses' ᱧᱩᱛᱩᱢᱟᱱ ᱚᱱᱚᱲᱦᱮ ᱜᱟᱛᱷᱟᱣ ᱟᱨ "ᱦᱤᱥᱴᱚᱨᱤ ᱚᱯᱷ ᱵᱚᱰᱚ ᱞᱤᱴᱟᱨᱤᱪᱟᱨ" (᱑᱙᱙᱑) ᱧᱩᱛᱩᱢᱟᱱ ᱯᱚᱛᱚᱵ ᱩᱱᱪᱷᱟᱹᱱ ᱥᱚᱫᱚᱨ ᱟᱠᱟᱱ ᱛᱟᱭᱟ| ᱑᱙᱗᱔ ᱥᱮᱨᱢᱟ ᱠᱷᱚᱱ ᱜᱩᱣᱟᱦᱟᱴᱤ ᱠᱷᱚᱱ ᱩᱪᱷᱟᱹᱱᱚᱜ ᱠᱟᱱ "ᱟᱦᱚᱢᱚᱨ ᱡᱚᱱᱚᱡᱟᱛᱤ" ᱧᱩᱛᱩᱢᱟᱱ ᱟᱥᱟᱢᱤᱥ ᱯᱟᱛᱷᱟᱢ ᱞᱟᱦᱚᱨᱤ ᱫᱚ ᱯᱮ ᱥᱮᱨᱢᱟ ᱦᱟᱹᱵᱤᱡ ᱥᱟᱥᱟᱯᱲᱟᱣᱤᱡ ᱞᱮᱠᱟ ᱛᱮ ᱫᱟᱭᱤᱠ ᱵᱷᱟᱨᱮ ᱜᱚᱜ ᱞᱮᱫᱟ| ᱩᱱᱤᱭᱟᱜ ᱞᱮᱠᱷᱟ ᱜᱩᱴ ᱤᱨᱟᱹᱞ ᱜᱚᱴᱟᱝ ᱜᱟᱢᱟᱢ, ᱵᱟᱨᱭᱟ ᱦᱩᱰᱤᱧ ᱜᱚᱞᱯᱚ, ᱛᱩᱨᱩᱭ ᱜᱚᱴᱟᱝ ᱱᱟᱴᱚᱠ, ᱢᱚᱬᱮ ᱜᱚᱴᱟᱝ ᱚᱱᱚᱲᱦᱮ ᱯᱚᱛᱚᱵ ᱟᱨ ᱯᱮᱭᱟ ᱡᱟᱹᱲ ᱯᱩᱛᱷᱤ ᱥᱚᱫᱚᱨ ᱟᱠᱟᱱ ᱛᱟᱭᱟ|