ᱢᱚᱱᱤᱨᱟᱢ ᱫᱮᱣᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱢᱚᱱᱤᱨᱟᱢ ᱫᱚᱛᱛᱚ ᱵᱚᱨᱩᱣᱟ, ᱚᱠᱚᱭ ᱫᱚ ᱢᱚᱱᱤᱨᱟᱢ ᱫᱮᱣᱟᱱ (ᱤᱝᱨᱟᱹᱡᱤᱺ Maniram Dewan; ᱡᱟᱱᱟᱢᱺ ᱑᱗ ᱮᱯᱨᱤᱞ ᱑᱘᱐᱖ - ᱒᱖ ᱯᱷᱮᱵᱽᱨᱩᱣᱟᱨᱤ ᱑᱘᱕᱘) ᱢᱮᱱᱛᱮ ᱱᱟᱢᱰᱟᱠᱮ ᱛᱟᱦᱮᱸᱠᱟᱱ, ᱩᱱᱤ ᱫᱚ ᱵᱽᱨᱤᱴᱤᱥ ᱤᱱᱰᱤᱭᱟ ᱚᱠᱛᱮ ᱨᱮ ᱢᱤᱫᱴᱮᱱ ᱟᱥᱟᱢᱤᱥ ᱱᱚᱵᱮᱞ ᱦᱚᱲᱮ ᱛᱟᱦᱮᱸᱠᱟᱱᱟ| ᱩᱱᱤ ᱰᱚ ᱟᱥᱟᱢ ᱨᱮᱱ ᱟᱥᱟᱢᱤᱥ ᱦᱚᱲ ᱠᱟᱱᱟᱭ ᱚᱠᱭ ᱫᱚ ᱯᱟᱹᱦᱤᱞ ᱫᱷᱟᱣ ᱟᱥᱟᱢ ᱨᱮ ᱪᱟ ᱵᱟᱜᱽᱣᱟᱱᱮ ᱵᱟᱱᱫᱷᱟᱣ ᱞᱮᱫ| ᱩᱱᱤ ᱫᱚ ᱵᱽᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱥᱚᱨᱠᱟᱨ ᱛᱟᱹᱨᱤ ᱨᱮ ᱟᱹᱰᱤ ᱢᱚᱱ ᱞᱟᱜᱟᱣ ᱠᱟᱛᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ ᱢᱟᱲᱟᱝ ᱫᱚ, ᱢᱮᱱᱠᱷᱟᱱ ᱩᱱᱤ ᱫᱚ ᱵᱽᱨᱤᱴᱤᱥ ᱥᱚᱨᱠᱟᱨ ᱠᱚ ᱯᱟᱹᱥᱤ ᱞᱮᱫᱮᱭᱟ ᱑᱘᱕᱗ ᱥᱮᱨᱢᱟ ᱨᱮ ᱵᱽᱨᱤᱴᱤᱥ ᱵᱤᱨᱩᱫᱽ ᱦᱩᱞ ᱮᱛᱚᱦᱚᱵ ᱠᱷᱟᱹᱛᱤᱨ ᱛᱮ| ᱩᱱᱤ ᱫᱚ ᱪᱮᱛᱟᱱ ᱟᱥᱟᱢ ᱨᱮᱱ ᱦᱚᱲ ᱠᱚ ᱛᱟᱞᱟ ᱨᱮ ᱠᱚᱞᱤᱛᱟ ᱨᱟᱡᱟ ᱢᱮᱱᱛᱮᱭᱮ ᱵᱟᱰᱟᱭᱚᱜ ᱠᱟᱱᱟ|

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱱᱤᱨᱟᱢ ᱫᱮᱣᱟᱱ ᱚᱠᱟ ᱜᱷᱟᱨᱚᱧᱡᱽ ᱨᱮᱭᱮ ᱡᱟᱱᱟᱢ ᱞᱮᱱ ᱚᱱᱟ ᱜᱷᱟᱨᱚᱧᱡᱽ ᱨᱮᱱ ᱦᱚᱲ ᱫᱚ ᱑᱖ ᱥᱟᱭᱟᱱᱜ ᱥᱮᱨᱢᱟ ᱠᱚ ᱨᱮ ᱠᱳᱣᱱᱚᱡᱽ ᱠᱷᱚᱱ ᱟᱥᱟᱢ ᱛᱮ ᱠᱚ ᱦᱮᱡ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱦᱟᱲᱟᱢᱵᱟ ᱛᱟᱠᱚ ᱫᱚ ᱟᱦᱚᱢ ᱨᱟᱡᱽ ᱫᱚᱨᱵᱟᱨ ᱨᱮ ᱪᱮᱛᱟᱱ ᱴᱷᱟᱶ ᱛᱟᱦᱮᱸᱠᱟᱱ ᱛᱟᱠᱚᱣᱟ| ᱑᱗᱖᱙ - ᱑᱘᱐᱖ ᱥᱮᱨᱢᱟ ᱦᱟᱹᱵᱤᱡ ᱨᱮᱭᱟᱜ ᱢᱚᱣᱟᱢᱚᱨᱤᱭᱟ ᱦᱩᱞ ᱠᱷᱟᱹᱛᱤᱨ ᱛᱮ ᱟᱦᱚᱢ ᱨᱟᱡᱚᱥᱴᱷᱤ ᱫᱚ ᱪᱷᱤᱱ ᱪᱷᱟᱹᱛᱩᱨ ᱪᱟᱵᱟ ᱟᱠᱟᱱ ᱛᱷᱮᱸᱠᱟᱱᱟ| ᱢᱚᱱᱤᱨᱟᱢ ᱛᱟᱠᱚ ᱜᱷᱟᱨᱚᱧᱡᱽ ᱫᱚ ᱵᱮᱝᱜᱚᱞ ᱨᱮ ᱟᱥᱨᱟᱭ ᱠᱚ ᱦᱟᱛᱟᱣ ᱞᱮᱫᱟ, ᱚᱠᱟ ᱫᱚ ᱵᱽᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱛᱟᱵᱮ ᱨᱮ ᱛᱟᱦᱮᱸᱠᱟᱱ| ᱩᱱᱠᱚ ᱜᱷᱟᱨᱚᱧᱡᱽ ᱫᱚ ᱵᱽᱨᱤᱴᱤᱥ ᱨᱩᱠᱷᱭᱟᱹ ᱛᱮ ᱟᱥᱟᱢ ᱠᱚ ᱨᱩᱣᱟᱹᱲ ᱞᱮᱱᱟ, ᱥᱤᱧᱚᱛ- ᱵᱚᱨᱢᱟ ᱞᱟᱹᱲᱦᱟᱹᱭ ᱢᱟᱲᱟᱝ ᱨᱮ (᱑᱘᱒᱔ - ᱑᱘᱒᱖)| ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱫᱚ ᱵᱩᱨᱢᱤᱥ ᱠᱚ ᱦᱟᱨᱟᱣ ᱠᱮᱫ ᱠᱚᱣᱟ ᱟᱨ ᱟᱥᱟᱢ ᱫᱤᱥᱚᱢ ᱨᱮ ᱮᱠᱛᱤᱭᱟᱹᱨᱤ ᱠᱚ ᱦᱮᱡ ᱮᱱᱟ ᱑᱘᱒᱖ ᱥᱮᱨᱢᱟ ᱨᱮᱭᱟᱜ ᱤᱭᱟᱱᱰᱟᱵᱩ ᱥᱩᱠᱛᱤ ᱛᱟᱞᱟ ᱛᱮ|

ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱒᱘ ᱥᱮᱨᱢᱟ ᱨᱮ ᱪᱮᱛᱟᱱ ᱟᱥᱟᱢ ᱨᱮᱱ ᱯᱚᱞᱤᱴᱤᱠᱮᱞ ᱮᱡᱮᱱᱴ ᱱᱤᱣ ᱵᱷᱤᱞᱤ ᱫᱚ ᱤᱝᱨᱟᱹᱡᱽ ᱛᱟᱵᱮ ᱨᱮ ᱢᱚᱱᱤᱨᱟᱢ ᱫᱮᱣᱟᱱ ᱫᱚ ᱪᱤᱨᱚᱥᱛᱚᱫᱟᱨ ᱟᱨ ᱛᱟᱦᱞᱤᱥ ᱫᱟᱨ ᱢᱮᱱᱛᱮ ᱠᱠᱚ ᱵᱟᱦᱟᱞ ᱞᱮᱫᱮᱭᱟ| ᱑᱘᱓᱓ ᱥᱮᱨᱢᱟ ᱠᱷᱚᱱ ᱑᱘᱓᱗ ᱥᱮᱨᱢᱟ ᱦᱟᱹᱵᱤᱡ ᱵᱽᱨᱤᱴᱤᱥ ᱛᱟᱵᱮ ᱨᱮᱱ ᱨᱟᱡᱟ ᱯᱩᱨᱵᱚᱱᱫᱚᱨ ᱥᱤᱝ ᱞᱟᱛᱟᱨ ᱨᱮ ᱵᱚᱨᱵᱦᱟᱱᱰᱟᱨ ᱵᱚᱨᱩᱣᱟ ᱞᱮᱠᱟ ᱛᱮᱭᱮ ᱠᱟᱹᱢᱤ ᱞᱮᱫᱟ| ᱯᱩᱨᱚᱱᱫᱚᱨ ᱥᱤᱝᱦᱚ ᱫᱚ ᱨᱟᱡᱽ ᱯᱟᱴ ᱟᱫ ᱠᱟᱛᱮ ᱕᱐ ᱴᱟᱠᱟ ᱠᱩᱲᱟᱹᱭ ᱛᱮ ᱱᱟᱦᱟᱜ ᱨᱮᱭᱟᱜ (᱒᱐᱑᱒ ᱥᱮᱨᱢᱟ) ᱥᱤᱵᱽ ᱥᱟᱜᱚᱨ ᱦᱚᱱᱚᱛ ᱨᱮᱭᱟᱜ ᱪᱮᱨᱮᱠᱟᱯᱟᱨ, ᱠᱚᱶᱚᱨᱯᱩᱨ ᱟᱨ ᱢᱮᱴᱮᱠᱟ ᱢᱳᱣᱡᱟ ᱨᱮᱱ ᱢᱳᱣᱡᱟᱫᱟᱨᱮ ᱦᱚᱭ ᱞᱮᱱᱟ| ᱑᱘᱓᱙ ᱥᱮᱨᱢᱟ ᱨᱮ ᱢᱚᱣᱡᱟᱫᱟᱨ ᱠᱟᱹᱢᱤ ᱵᱟᱹᱜᱤ ᱠᱟᱛᱮ ᱵᱽᱨᱤᱴᱤᱥ ᱠᱚᱣᱟᱜ ᱟᱥᱟᱢ ᱴᱤ ᱠᱚᱢᱯᱟᱱᱤ ᱨᱮ ᱰᱮᱣᱟᱱ ᱦᱩᱫᱟᱹ ᱪᱟᱹᱠᱨᱤᱭᱮ ᱮᱛᱚᱦᱚᱵ ᱮᱱᱟ| ᱑᱘᱔᱕ ᱥᱮᱨᱢᱟ ᱨᱮ ᱠᱚᱢᱯᱟᱱᱤ ᱨᱮᱭᱟᱜ ᱪᱟᱹᱠᱨᱤ ᱵᱟᱹᱜᱤ ᱠᱟᱛᱮ ᱱᱟᱦᱟᱜ ᱡᱚᱨᱦᱟᱴ ᱦᱚᱱᱚᱛ ᱨᱮᱭᱟᱜ ᱥᱮᱱᱤᱢᱟᱨ ᱨᱮ ᱟᱨ ᱥᱤᱵᱽ ᱥᱟᱟᱜᱚᱨ ᱦᱚᱱᱚᱛ ᱨᱮᱭᱟᱜ ᱥᱤᱞᱳᱣᱝ ᱨᱮ ᱵᱟᱨᱭᱟ ᱪᱟᱵᱟᱱᱮ ᱵᱟᱱᱫᱷᱟᱣ ᱞᱮᱫᱟ|

ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱕᱘ ᱥᱮᱨᱢᱟ ᱨᱮᱭᱟᱜ ᱒᱖ ᱯᱷᱮᱵᱽᱨᱩᱣᱟᱨᱤ ᱢᱟᱹᱦᱤᱛ ᱦᱤᱞᱚᱜ ᱡᱚᱨᱦᱟᱴ ᱱᱟᱝᱜᱽᱨᱟᱦᱟ ᱨᱮ ᱤᱝᱨᱟᱹᱡᱽ ᱥᱚᱨᱠᱟᱨ ᱦᱚᱛᱮ ᱛᱮ ᱯᱟᱹᱥᱤ ᱠᱟᱛᱮ ᱠᱚ ᱜᱚᱡ ᱞᱮᱫᱮᱭᱟ|[᱑]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Guptajit Pathak (2008). Assamese Women in Indian Independence Movement: With a Special Emphasis on Kanaklata Barua. Mittal Publications. p. 75. ISBN 978-81-8324-233-2. Retrieved 21 ᱮᱯᱨᱤᱞ 2012.