ᱢᱚᱴᱟᱜ ᱵᱮᱢᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱢᱚᱴᱟᱜ ᱵᱮᱢᱟᱨ ᱰᱟᱸᱫᱟ ᱡᱚᱠᱷᱟ

ᱢᱚᱴᱟᱜ ᱵᱮᱢᱟᱨ ᱵᱟᱝ ᱤᱸᱞᱤᱥ ᱛᱮ ᱫᱚ ᱳᱵᱮᱥᱤᱴᱤ ᱠᱚ ᱢᱮᱛᱟ ᱦᱟᱜᱼᱟ ᱾ᱦᱚᱲᱢᱚ ᱨᱮ ᱡᱟᱹᱥᱛᱤ ᱤᱛᱤᱞ ᱡᱟᱨᱣᱟ ᱞᱮᱱᱠᱷᱟᱱ ᱱᱚᱣᱟ ᱵᱮᱢᱟᱨ ᱥᱤᱨᱡᱟᱹᱣᱼᱟ, ᱟᱨ ᱦᱚᱲᱢᱚ ᱪᱮᱛᱟᱱ ᱨᱮ ᱵᱟᱹᱲᱤᱡ ᱚᱨᱥᱚᱝ ᱯᱟᱲᱟᱣᱼᱟ ᱿ᱡᱟᱦᱟᱸᱭᱼᱟ ᱵᱚᱰᱤ ᱢᱟᱥ ᱤᱱᱰᱮᱠᱥ(ᱵᱤ ᱮᱢ ᱟᱭᱤ) (ᱢᱤᱫ ᱦᱚᱲᱼᱟ ᱩᱡᱩᱱ ᱟᱨ ᱟᱡᱟᱜ ᱩᱥᱩᱞ ᱨᱮᱱᱟᱜ ᱦᱟᱴᱟᱬ ᱚᱨᱡᱚ ᱨᱮᱱᱟᱜ ᱵᱚᱨᱜᱚ) ᱓᱐ᱠᱷᱚᱱ ᱡᱟᱹᱥᱛᱤᱜ ᱠᱷᱟᱱ ᱢᱚᱴᱟᱜ ᱵᱮᱢᱟᱨ ᱵᱚᱱ ᱢᱮᱛᱟ ᱦᱟᱜᱼᱟ ᱾ ᱛᱤᱱᱟᱹᱜ ᱜᱟᱱ ᱥᱟᱢᱝ ᱮᱥᱤᱭᱟ ᱫᱤᱥᱚᱢ ᱨᱮ ᱱᱚᱣᱟ ᱠᱷᱚᱱ ᱠᱚᱢ ᱦᱚᱸᱠᱚ ᱡᱚᱠᱷᱟᱭᱟ ᱾[᱑] ᱢᱚᱴᱟᱜ ᱵᱮᱢᱟᱨ ᱥᱟᱶ ᱟᱨ ᱦᱚᱸ ᱮᱴᱟᱜ ᱵᱮᱢᱟᱨ ᱦᱩᱭᱩᱜ ᱨᱮᱱᱟᱜ ᱛᱟᱠ ᱛᱟᱦᱮᱸᱱᱟ ᱡᱮᱢᱚᱱ; ᱡᱤᱣᱤ , ᱰᱟᱭᱵᱮᱴᱤᱥ, ᱚᱵᱥᱴᱨᱚᱠᱴᱤᱵ ᱥᱞᱤᱯ ᱟᱯᱱᱤᱭᱟ,ᱛᱤᱱᱟᱹᱜ ᱜᱟᱱ ᱠᱮᱱᱥᱚᱨ ᱟᱨ ᱳᱥᱴᱤᱭᱳᱛᱷᱟᱭᱤᱴᱥ[᱒]ᱢᱚᱴᱟᱜ ᱵᱮᱢᱟᱨ ᱨᱮᱱᱟᱜ ᱮᱴᱟᱜ ᱧᱩᱛᱩᱢ ᱦᱩᱭᱩᱜ ᱠᱟᱱᱟ: ᱤᱛᱤᱞᱵᱟᱹᱲᱛᱤ, ᱞᱩᱫᱵᱩᱫ[᱓]
ᱢᱚᱴᱟᱜ ᱵᱮᱢᱟᱨ ᱨᱮᱱᱟᱜ ᱟᱹᱰᱤᱜᱟᱱ ᱠᱟᱨᱚᱬ ᱦᱩᱭᱩᱜ ᱠᱟᱱᱟ ᱡᱟᱹᱥᱛᱤ ᱫᱟᱲᱮ ᱮᱢᱚᱜ ᱡᱚᱢ ᱠᱚ ᱡᱚᱢ,ᱦᱚᱲᱢᱚ ᱨᱮᱱᱟᱜ ᱠᱷᱟᱴᱟᱣ ᱨᱮᱱᱟᱜ ᱚᱵᱷᱟᱵ,ᱡᱮᱱᱮᱴᱤᱠ ᱥᱟᱹᱜᱟᱹᱭ ᱮᱢᱟᱱ᱿ ᱛᱤᱱᱟᱹᱜ ᱜᱟᱱ ᱠᱮᱥ ᱨᱮ ᱡᱤᱱ, ᱢᱟᱱᱚᱥᱤᱠ ᱵᱮᱢᱟᱨ,ᱨᱟᱱ, ᱵᱟᱹᱲᱤᱡ ᱮᱱᱰᱳᱠᱨᱟᱭᱤᱱ ᱠᱷᱟᱹᱛᱤᱨ ᱦᱚᱸ ᱦᱩᱭ ᱫᱟᱲᱮ ᱦᱟᱜᱼᱟ ᱾ ᱛᱤᱱᱟᱹᱜ ᱜᱟᱱ ᱠᱚᱣᱟᱜ ᱢᱮᱱ ᱞᱮᱠᱟᱛᱮ ᱱᱟᱥᱮ ᱡᱚᱢ ᱛᱮ ᱦᱚᱸ ᱱᱚᱣᱟ ᱵᱮᱢᱟᱨ ᱦᱩᱭᱩᱜ ᱜᱮᱭᱟ ᱤᱠᱷᱟᱹᱱ ᱱᱚᱣᱟ ᱨᱮᱱᱟᱜ ᱩᱱᱟᱹᱜ ᱯᱟᱹᱛᱭᱟᱹᱣ ᱫᱚ ᱵᱟᱹᱱᱩᱜ ᱟᱹᱱᱤᱡ ᱾ ᱟᱥᱚᱠᱟᱭᱛᱮ ᱢᱚᱴᱟᱜ ᱵᱮᱢᱟᱨ ᱦᱚᱲ ᱠᱚᱣᱟᱜ ᱫᱟᱲᱮ ᱡᱟᱹᱥᱛᱤ ᱪᱟᱵᱟᱜᱼᱟ ᱪᱮᱫᱟᱜᱥᱮ ᱟᱠᱚᱣᱟᱝ ᱩᱱ ᱥᱮᱬᱟ ᱦᱚᱲᱢᱚ ᱞᱟᱹᱜᱤᱫ ᱡᱟᱹᱥᱛᱤ ᱫᱟᱲᱮ ᱞᱟᱹᱠᱛᱤᱜᱼᱟ ᱟᱨ ᱞᱟᱜᱟᱣᱼᱟ । ᱟᱵᱚᱣᱟᱜ ᱫᱤᱱᱟᱹᱢ ᱡᱤᱭᱚᱱ ᱨᱮᱱᱟᱜ ᱯᱟᱹᱨᱠᱟᱹᱣ ᱵᱚᱫᱚᱞ ᱞᱮᱱᱠᱷᱟᱱ ᱱᱚᱣᱟ ᱵᱮᱢᱟᱨ ᱟᱴᱠᱟᱣ ᱜᱟᱱᱚᱜᱼᱟ, ᱡᱮᱢᱚᱱ ᱡᱚᱢ ᱧᱩ ᱟᱨ ᱠᱟᱹᱢᱤ ᱱᱚᱣᱟ ᱠᱚ ᱥᱩᱥᱟᱹᱨ ᱞᱟᱹᱠᱛᱤᱜ ᱠᱟᱱᱟ᱾ ᱵᱭᱟᱢ ᱫᱟᱹᱲ ᱫᱚᱱ ᱠᱚ ᱞᱮᱛᱟᱲ ᱞᱟᱹᱠᱛᱤᱜ ᱠᱟᱱᱟ ᱾ ᱤᱛᱤᱞ ᱡᱟᱹᱛ ᱨᱮᱱᱟᱜ ᱡᱚᱢ ᱠᱚ ᱵᱟᱹᱜᱤ ᱠᱟᱛᱮᱫ ᱛᱚᱱᱛᱩ ᱡᱟᱹᱛ ᱨᱮᱱᱟᱜ ᱡᱚᱢᱟᱜ ᱠᱚ ᱡᱚᱢ ᱞᱮᱠᱷᱟᱱ ᱡᱚᱢ ᱠᱚ ᱥᱩᱥᱟᱹᱨᱚᱜᱼᱟ ᱥᱟᱶᱛᱮ ᱚᱠᱛᱚ ᱡᱟᱹᱱᱤ ᱨᱟᱱ ᱠᱚ ᱵᱮᱵᱷᱟᱨ ᱞᱮᱠᱷᱟᱱ ᱦᱚᱲᱢᱚ ᱨᱮᱱᱟᱜ ᱤᱛᱤᱞ ᱠᱚ ᱢᱟᱞᱚᱴ ᱤᱫᱤᱼᱟ ᱾ ᱱᱚᱣᱟ ᱵᱟᱫ ᱠᱟᱛᱮᱫ ᱡᱩᱫᱤ ᱨᱟᱱ, ᱡᱚᱢᱟᱜ ᱟᱨ ᱵᱭᱟᱢ ᱛᱮ ᱦᱚᱲᱢᱚ ᱨᱮᱱᱟᱜ ᱤᱛᱤᱞ ᱵᱟᱝ ᱪᱟᱵᱟ ᱞᱮᱱᱟ ᱮᱱᱠᱷᱟᱱ ᱜᱭᱟᱥᱴᱤᱠ ᱵᱮᱞᱩᱱ ᱟᱨ ᱵᱟᱝ ᱚᱯᱨᱮᱥᱚᱱ ᱠᱟᱛᱮᱫ ᱞᱟᱡ ᱱᱟᱞᱟ ᱨᱮᱱᱟᱜ ᱚᱥᱟᱨ ᱟᱨ ᱡᱤᱞᱤᱧ ᱠᱚᱢ ᱠᱟᱛᱮᱫ ᱦᱚᱲᱢᱚ ᱴᱷᱤᱠ ᱫᱟᱲᱮ ᱦᱟᱜᱼᱟ ।

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Kanazawa, M; Yoshiike, N; Osaka, T; Numba, Y; Zimmet, P; Inoue, S (2005). "Criteria and classification of obesity in Japan and Asia-Oceania". World review of nutrition and dietetics. 94: 1–12. doi:10.1159/000088200. PMID 16145245.
  2. Haslam DW, James WP (2005). "Obesity". Lancet (Review). 366 (9492): 1197–209. doi:10.1016/S0140-6736(05)67483-1. PMID 16198769.
  3. "Purnachandra Ordia Bhashakosha,ᱥᱟᱦᱴᱟ᱔᱔᱔᱐".[permanent dead link]