ᱢᱟᱛᱚᱝᱜᱤᱱᱤ ᱦᱟᱡᱽᱨᱟ
| Matangini Hazra | |
|---|---|
 | |
| ᱢᱩᱬ ᱧᱩᱛᱩᱢ | ᱢᱟᱛᱚᱝᱜᱤᱱᱤ ᱦᱟᱡᱽᱨᱟ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱗ ᱱᱚᱵᱷᱮᱢᱵᱚᱨ ᱑᱘᱖᱙ ᱛᱚᱢᱞᱩᱠ, ᱵᱮᱝᱜᱚᱞ ᱥᱚᱵᱷᱟ ᱜᱚᱢᱠᱮ ᱦᱩᱫᱟᱹ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱒᱙ ᱥᱮᱯᱴᱮᱢᱵᱚᱨ ᱑᱙᱔᱒ (᱗᱒ ᱵᱚᱭᱚᱥ) ᱛᱚᱢᱞᱩᱠ, ᱵᱮᱝᱜᱚᱞ ᱥᱚᱵᱷᱟ ᱜᱚᱢᱠᱮ ᱦᱩᱫᱟᱹ, ᱵᱨᱤᱴᱤᱥ ᱥᱤᱧᱚᱛ |
| ᱧᱩᱢᱱᱟᱢ | ᱥᱤᱧᱚᱛ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮᱱ ᱠᱟᱹᱢᱤᱭᱟᱹ |
ᱢᱟᱛᱚᱝᱜᱤᱱᱤ ᱦᱟᱡᱽᱨᱟ (᱑᱗ ᱱᱚᱵᱷᱮᱢᱵᱟᱨ ᱑᱘᱖᱙[᱑] - ᱒᱙ ᱥᱮᱯᱴᱮᱢᱵᱚᱨ ᱑᱙᱔᱒[᱒])) ᱫᱚ ᱥᱤᱧᱚᱛ ᱯᱷᱩᱨᱜᱟᱹᱞ ᱞᱟᱲᱟᱣᱟᱱᱟ ᱨᱮ ᱥᱮᱞᱮᱫ ᱞᱮᱱ ᱢᱤᱫ ᱧᱩᱛᱩᱢᱟᱱ ᱦᱩᱞᱜᱟᱹᱨᱤᱭᱟᱹ ᱱᱮᱛᱨᱤᱭ ᱛᱟᱦᱮᱸ ᱠᱟᱱᱟ᱾ ᱑᱙᱔᱒ ᱥᱟᱞᱮ ᱒᱙ ᱥᱮᱯᱴᱮᱢᱵᱚᱨ ᱩᱱ ᱡᱚᱠᱷᱟᱱ ᱛᱟᱦᱮᱸ ᱠᱟᱱ ᱢᱮᱫᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱛᱚᱢᱞᱩᱠ ᱛᱷᱟᱱᱟ ᱥᱟᱢᱟᱝ ᱨᱮ ᱵᱨᱤᱴᱤᱥ ᱥᱤᱧᱚᱛᱤᱭᱟᱹ ᱯᱩᱞᱤᱥ ᱟᱜ ᱜᱩᱞᱤ ᱛᱮ ᱠᱚ ᱜᱚᱡᱽ ᱞᱮᱫᱮᱭᱟ᱾ ᱩᱱᱤ ᱫᱚ "ᱜᱟᱱᱫᱷᱤ ᱵᱩᱲᱤ" ᱧᱩᱛᱩᱢ ᱛᱮ ᱦᱚᱸ ᱠᱚ ᱪᱤᱱᱦᱟᱹᱣ ᱮ ᱠᱟᱱ ᱛᱟᱦᱮᱸ ᱠᱟᱱᱟ᱾[᱓]
ᱢᱩᱲᱩᱛ ᱡᱤᱭᱚᱱ ᱟᱨ ᱯᱷᱩᱨᱜᱟ.ᱞ ᱞᱟᱲᱟᱣᱟᱱᱟ ᱨᱮ ᱥᱮᱞᱮᱫᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱛᱚᱝᱜᱤᱱᱤ ᱦᱟᱡᱽᱨᱟ ᱟᱜ ᱢᱩᱲᱩᱛ ᱡᱤᱭᱚᱱ ᱞᱟᱹᱭ ᱛᱮ ᱫᱚ ᱪᱮᱫ ᱦᱚᱸ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱠᱷᱟᱱ.ᱞᱤ ᱱᱤᱭᱟᱹ ᱜᱮ ᱵᱟᱰᱟᱭ ᱟᱠᱟᱱᱟ ᱡᱮ ᱑᱘᱖᱙ ᱥᱟᱞᱮ ᱑᱗ ᱱᱚᱵᱷᱮᱢᱵᱚᱨ ᱨᱮ ᱛᱚᱢᱞᱩᱠ ᱨᱮᱱᱟᱜ ᱦᱳᱜᱞᱟ ᱧᱩᱛᱩᱢᱟᱱ ᱢᱤᱫ ᱦᱩᱰᱤᱧ ᱟᱛᱳ ᱨᱮ ᱨᱮᱸᱜᱮᱡᱽ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱨᱮᱸᱜᱮᱡᱽ ᱠᱷᱟᱹᱛᱤᱨ ᱛᱮ ᱦᱩᱰᱤᱧ ᱨᱮ ᱜᱮ ᱯᱟᱲᱟᱜ ᱠᱷᱚᱱ ᱫᱚᱭ ᱪᱷᱩᱰᱟᱹᱨ ᱞᱮᱱᱟ᱾ [᱔] ᱟᱹᱰᱤ ᱦᱩᱰᱤᱧ ᱩᱢᱮᱨ ᱨᱮ ᱜᱮ ᱵᱟᱯᱞᱟ ᱦᱳᱭ ᱞᱮᱱ ᱛᱟᱭᱟ᱾ ᱢᱟᱛᱨᱚ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱜᱮ ᱜᱤᱫᱽᱨᱟᱹ ᱵᱟᱝ ᱛᱮ ᱜᱮᱭ ᱨᱟᱺᱰᱤ ᱞᱮᱱᱟ᱾[᱓] ᱢᱮᱫᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮ ᱢᱤᱫ ᱴᱟᱝ ᱜᱩᱱᱢᱟᱱ ᱛᱟᱦᱮᱸ ᱠᱟᱱᱟ ᱛᱤᱨᱞᱟᱹ ᱠᱚ ᱱᱚᱣᱟ ᱞᱟᱲᱟᱣᱱᱟ ᱨᱮ ᱥᱮᱞᱮᱫᱚᱜ᱾[᱕] ᱑᱙᱐᱕ ᱥᱟᱞᱮ ᱨᱮ ᱟᱭᱟᱜ ᱚᱱᱛᱚᱨ ᱠᱷᱚᱱ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮᱭ ᱢᱮᱥᱟ ᱞᱮᱱᱟ᱾[᱔] ᱑᱙᱓᱒ ᱥᱟᱞᱮ ᱨᱮ ᱟᱭᱤᱱ ᱚᱢᱟᱱᱭᱚ ᱟᱱᱫᱳᱞᱚᱱ ᱨᱮᱭ ᱢᱮᱥᱟ ᱞᱮᱱᱟ᱾ ᱩᱱ ᱚᱠᱛᱚ ᱨᱮ ᱞᱚᱜᱚᱱ ᱟᱭᱤᱱ ᱵᱟᱝ ᱢᱟᱱᱟᱣ ᱠᱷᱟᱹᱛᱤᱨ ᱯᱩᱞᱤᱥ ᱴᱷᱮᱱ ᱮ ᱥᱟᱵ ᱦᱚᱪᱚ ᱞᱮᱱᱟ᱾ ᱠᱤᱪᱷᱩ ᱢᱟᱦᱟ ᱛᱟᱭᱚᱢ ᱜᱮ ᱠᱚ ᱟᱲᱟᱜ ᱠᱟᱫᱮᱭᱟ᱾ ᱢᱮᱱᱠᱷᱟᱱ ᱮᱱᱛᱮ ᱨᱮ ᱦᱚᱸ ᱩᱱᱤ ᱫᱚ ᱠᱚᱨ ᱵᱚᱱᱫᱷᱚ ᱞᱟᱹᱜᱤᱫ ᱛᱮ ᱞᱟᱲᱟᱣᱱᱟᱭ ᱛᱚᱸᱜᱮ ᱤᱫᱤ ᱞᱮᱫᱟ᱾ ᱚᱱᱟ ᱛᱮ ᱟᱨ ᱦᱚᱸ ᱩᱱᱤ ᱫᱚ ᱡᱤᱦᱚᱞ ᱨᱮ ᱠᱚ ᱵᱚᱞᱚ ᱠᱮᱫᱮᱭᱟ᱾ ᱩᱱ ᱚᱠᱛᱚ ᱩᱱᱤ ᱫᱚ ᱖ ᱪᱟᱸᱫᱳ ᱵᱚᱦᱚᱨᱚᱢᱯᱩᱨ ᱡᱤᱦᱚᱞ ᱨᱮᱭ ᱛᱟᱦᱮᱸ ᱠᱟᱱᱟ᱾[᱓] ᱦᱤᱡᱞᱤ ᱡᱤᱦᱚᱞ ᱨᱮ ᱦᱚᱸ ᱠᱤᱪᱷᱩ ᱢᱟᱦᱟᱭ ᱛᱟᱦᱮᱸ ᱠᱟᱱᱟ᱾ ᱚᱸᱰᱮ ᱠᱷᱚᱱ ᱞᱟᱲᱟ ᱛᱟᱭᱚᱢ ᱜᱮ ᱥᱤᱧᱚᱛᱤᱭᱟᱹ ᱡᱟᱛᱤᱭᱚ ᱠᱚᱝᱜᱨᱮᱥ ᱨᱮᱱ ᱥᱚᱫᱚᱥᱼᱥ ᱞᱮᱠᱟᱛᱮ ᱴᱷᱟᱣ ᱮ ᱧᱟᱢ ᱠᱮᱫᱟ᱾ ᱟᱢᱟᱜ ᱛᱮ ᱜᱮ ᱪᱚᱨᱠᱟ ᱜᱮᱫ ᱠᱟᱛᱮᱫ ᱠᱷᱟᱫᱤ ᱨᱮᱱᱟᱜ ᱞᱩᱜᱽᱲᱤᱡ ᱵᱮᱱᱟᱣ ᱮ ᱮᱦᱚᱵ ᱠᱮᱫᱟ᱾ ᱑᱙᱓᱓ ᱥᱟᱞᱮ ᱨᱮ ᱥᱨᱤᱨᱟᱢᱯᱩᱱ ᱢᱚᱦᱚᱠᱩᱢᱟ ᱠᱚᱝᱜᱨᱮᱥ ᱚᱫᱷᱤᱵᱮᱥᱚᱱ ᱨᱮ ᱥᱮᱞᱮᱫ ᱞᱮᱱ ᱚᱠᱛᱚ ᱯᱩᱞᱤᱥ ᱟᱜ ᱫᱟᱞ ᱠᱷᱟᱹᱛᱤᱨ ᱮ ᱵᱟᱡᱟᱣ ᱞᱮᱱᱟ᱾[᱓]
ᱵᱷᱟᱨᱚᱛ ᱪᱷᱟᱲᱳ ᱞᱟᱲᱟᱣᱱᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱪᱷᱟᱲᱳ ᱞᱟᱲᱟᱣᱱᱟ ᱚᱠᱛᱚ ᱠᱚᱝᱜᱨᱮᱥ ᱨᱮᱱ ᱥᱚᱫᱚᱥᱼᱥ ᱠᱚ ᱢᱮᱫᱱᱤᱯᱩᱨ ᱦᱚᱱᱚᱛ ᱨᱮᱱᱟᱜ ᱛᱷᱟᱱᱟ ᱟᱨ ᱥᱟᱱᱟᱢ ᱥᱚᱨᱠᱟᱨᱤ ᱠᱟᱹᱢᱤ ᱴᱷᱟᱣ ᱠᱚ ᱮᱥᱮᱫ ᱟ ᱢᱮᱱ ᱛᱮ ᱯᱚᱨᱤᱠᱚᱞᱯᱚᱱᱟ ᱠᱚ ᱦᱟᱛᱟᱣ ᱞᱮᱫᱟ᱾[᱓] ᱱᱚᱣᱟ ᱯᱚᱨᱤᱠᱚᱞᱯᱚᱱᱟ ᱨᱮᱱᱟᱜ ᱢᱩᱲᱩᱛ ᱡᱚᱥ ᱫᱚ ᱛᱟᱦᱮᱸ ᱠᱟᱱᱟ ᱚᱱᱟ ᱦᱚᱱᱚᱛ ᱠᱷᱚᱱ ᱵᱨᱤᱴᱤᱥ ᱠᱚ ᱞᱟᱜᱟᱣ ᱠᱟᱛᱮᱫ ᱢᱤᱫᱴᱟᱝ ᱯᱷᱩᱨᱜᱟᱹᱞ ᱨᱟᱥᱴᱨᱚ ᱵᱮᱱᱟᱣ᱾ ᱛᱤᱨᱞᱟᱹ ᱦᱚᱯᱚᱱ ᱠᱚ ᱢᱮᱥᱟ ᱛᱩᱨᱩᱭ ᱦᱟᱡᱟᱨ ᱜᱟᱱ ᱦᱚᱲ ᱛᱚᱢᱞᱩᱠ ᱛᱷᱟᱱᱟ ᱮᱥᱮᱫ ᱞᱟᱹᱜᱤᱫ ᱛᱮ ᱢᱤᱪᱷᱤᱞ ᱨᱮ ᱠᱚ ᱳᱰᱳᱠ ᱞᱮᱱᱟ᱾ ᱱᱚᱣᱟ ᱢᱤᱪᱷᱤᱞ ᱨᱮ ᱟᱭᱩᱨᱤᱡ ᱫᱚᱭ ᱛᱟᱦᱮᱸ ᱠᱟᱱᱟ ᱗᱒ ᱥᱮᱨᱢᱟ ᱩᱢᱮᱨ ᱨᱮᱱ ᱢᱟᱛᱚᱝᱜᱤᱱᱤ ᱦᱟᱡᱽᱨᱟ᱾ ᱩᱱ ᱚᱠᱛᱚ ᱚᱱᱟ ᱢᱤᱪᱷᱤᱞ ᱥᱚᱦᱚᱨ ᱵᱟᱡᱟᱨ ᱛᱮ ᱥᱮᱴᱮᱨ ᱮᱱ ᱠᱷᱟᱱ ᱥᱤᱧᱚᱛ ᱨᱮᱱᱟᱜ ᱫᱚᱱᱰᱚᱵᱤᱫᱷᱤ ᱞᱮᱠᱟ ᱛᱮ ᱑᱔᱔ ᱫᱷᱟᱨᱟ ᱡᱟᱹᱨᱤ ᱠᱟᱛᱮᱫ ᱚᱱᱟ ᱜᱟᱫᱮᱞ ᱨᱟᱹᱯᱩᱫ ᱢᱟᱠᱚ ᱢᱮᱱ ᱛᱮ ᱟᱹᱪᱩ ᱠᱮᱫ ᱠᱚᱣᱟ ᱠᱚ᱾ ᱢᱮᱱᱠᱷᱟᱱ ᱢᱟᱛᱚᱝᱜᱤᱱᱤ ᱦᱟᱡᱨᱟ ᱫᱚ ᱩᱱᱠᱩᱣᱟᱜ ᱚᱠᱟ ᱠᱟᱛᱷᱟ ᱜᱮ ᱵᱟᱝ ᱟᱸᱡᱚᱢ ᱠᱟᱛᱮᱫ ᱟᱨ ᱦᱚᱸ ᱡᱚᱠᱷᱚᱱ ᱮ ᱞᱟᱦᱟ ᱤᱫᱤᱭᱮᱱᱟ ᱩᱱ ᱫᱚ ᱩᱱᱤ ᱫᱚ ᱠᱚ ᱜᱩᱞᱤ ᱠᱮᱫᱮᱭᱟ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱟᱨ ᱦᱚᱸᱭ ᱞᱟᱦᱟ ᱤᱫᱤᱭᱮᱱᱟ ᱟᱨ ᱯᱩᱞᱤᱥ ᱮ ᱢᱮᱛᱟᱫ ᱠᱚᱣᱟ ᱢᱮᱱᱠᱷᱟᱱ ᱩᱱᱠᱩ ᱜᱟᱫᱮᱞ ᱟᱠᱟᱱ ᱠᱚ ᱢᱟᱹᱱᱢᱤ ᱪᱮᱛᱟᱱ ᱨᱮ ᱫᱚ ᱡᱮᱢᱚᱱ ᱜᱩᱞᱤ ᱵᱟᱝ ᱪᱟᱞᱟᱣ ᱢᱟ᱾ ᱛᱟᱢᱨᱚᱞᱤᱯᱛᱚ ᱡᱟᱛᱤᱭᱚ ᱥᱚᱨᱠᱟᱨ ᱟᱜ ᱵᱤᱯᱞᱚᱵᱤ ᱯᱟᱛᱷᱟᱢ ᱨᱮᱱᱟᱜ ᱵᱚᱨᱱᱚᱱᱟ ᱞᱮᱠᱟ ᱛᱮ ᱵᱟᱰᱟᱭ ᱧᱟᱢᱚᱜ ᱟ, ᱯᱷᱳᱣᱡᱚᱫᱟᱨᱤ ᱟᱫᱟᱞᱚᱛ ᱵᱷᱚᱵᱚᱱ ᱨᱣᱱᱟᱜ ᱠᱚᱸᱭᱮ ᱥᱮᱫ ᱠᱷᱚᱱ ᱢᱟᱛᱚᱝᱜᱤ ᱫᱚ ᱢᱤᱫᱴᱟᱝ ᱢᱤᱪᱷᱤᱞ ᱨᱮᱱᱟᱜ ᱱᱮᱛᱨᱤᱛᱚᱭ ᱮᱢ ᱞᱮᱫᱟ᱾ ᱯᱩᱞᱤ ᱜᱩᱞᱤ ᱠᱚ ᱪᱟᱞᱟᱣ ᱠᱮᱫ ᱠᱷᱟᱱ ᱟᱡ ᱨᱮᱱ ᱜᱚᱲᱚᱭᱤᱡ ᱠᱚ ᱛᱟᱭᱚᱢ ᱨᱮ ᱫᱚᱦᱚ ᱦᱚᱴᱚ ᱠᱟᱛᱮᱫ ᱟᱡ ᱮᱠᱞᱟ ᱜᱮᱭ ᱞᱟᱦᱟ ᱤᱫᱤ ᱞᱮᱱᱟ᱾ ᱯᱩᱞᱤᱥ ᱩᱱᱤ ᱫᱚ ᱯᱮ ᱫᱷᱟᱣ ᱠᱚ ᱜᱩᱞᱤ ᱠᱮᱫᱮᱭᱟ᱾ ᱜᱩᱞᱤ ᱛᱮ ᱚᱟᱡᱟᱜ ᱢᱚᱞᱚᱝ ᱨᱮ ᱟᱨ ᱵᱟᱱᱟᱨ ᱛᱤ ᱨᱮᱭ ᱵᱟᱡᱟᱣ ᱮᱱᱟ᱾ ᱮᱱᱛᱮ ᱨᱮᱦᱚᱸ ᱩᱱᱤ ᱫᱚᱭ ᱞᱟᱦᱟ ᱤᱫᱤ ᱞᱮᱱᱟ᱾ ᱱᱚᱣᱟ ᱛᱟᱭᱚᱢ ᱟᱨ ᱦᱚᱸ ᱟᱭᱢᱟ ᱫᱷᱟᱣ ᱠᱚ ᱜᱩᱞᱤ ᱠᱮᱫᱮᱭᱟ᱾ ᱩᱱᱤ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱦᱟᱛᱤᱭᱚ ᱯᱚᱛᱟᱠᱟ ᱟᱡᱟᱜ ᱛᱤ ᱨᱮ ᱟᱹᱰᱤ ᱠᱮᱴᱮᱡ ᱛᱮ ᱥᱤᱫᱷᱟᱹ ᱠᱟᱛᱮᱫ ᱥᱟᱵ ᱩᱨᱤᱡ ᱠᱟᱛᱮᱫ ᱟ ᱦᱟᱱᱟᱯᱩᱨᱤᱭᱮᱱᱟ᱾
ᱩᱛᱚᱨᱟᱫᱷᱤᱠᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱟᱢᱨᱚᱞᱤᱯᱛᱚ ᱡᱟᱛᱤᱭᱚ ᱥᱚᱨᱠᱟᱨ ᱥᱚᱫᱮᱥ ᱞᱟᱹᱜᱤᱫ ᱛᱮ ᱢᱟᱛᱚᱝᱜᱤᱱᱤ ᱦᱟᱡᱨᱟᱣᱟᱜ ᱱᱚᱝᱠᱟ ᱠᱟᱛᱮᱫ ᱦᱟᱱᱟᱯᱩᱨᱤ ᱛᱮ ᱢᱚᱸᱦᱰᱟ ᱨᱮᱱᱟᱜ ᱪᱤᱛᱟᱹᱨ ᱟᱠᱚᱣᱟᱜ ᱢᱮᱫ ᱥᱟᱢᱟᱝ ᱨᱮ ᱧᱮᱞ ᱠᱟᱛᱮᱫ ᱩᱱᱠᱩ ᱫᱚ ᱟᱨ ᱦᱚᱸ ᱱᱚᱣᱟ ᱞᱟᱹᱲᱦᱟᱹᱭ ᱨᱮ ᱞᱟᱦᱟ ᱦᱮᱡ ᱞᱮᱱᱟ ᱠᱚ᱾ ᱢᱮᱱ ᱜᱟᱱᱚᱜ ᱟ ᱱᱚᱣᱟ ᱛᱟᱭᱚᱢ ᱫᱚ ᱩᱱᱠᱩ ᱥᱚᱨᱠᱟᱨ ᱫᱚ ᱑᱙᱔᱔ ᱥᱟᱞ ᱦᱟᱹᱵᱤᱡ ᱜᱮ ᱵᱷᱟᱷᱮ ᱞᱮᱠᱟ ᱟᱠᱚᱣᱟᱜ ᱥᱟᱥᱚᱱ ᱠᱚ ᱪᱟᱞᱟᱣ ᱫᱚᱦᱚ ᱫᱟᱲᱮᱭᱟᱫ ᱛᱟᱦᱮᱸ ᱠᱟᱱᱟ᱾ ᱛᱟᱭᱚᱢ ᱛᱮ ᱜᱟᱱᱫᱷᱤᱡᱤᱭᱟᱜ ᱱᱮᱦᱚᱨ ᱛᱮ ᱩᱱᱠᱩ ᱥᱟᱨᱠᱟᱨ ᱫᱚ ᱟᱠᱚᱣᱟᱜ ᱥᱟᱥᱚᱱ ᱠᱚ ᱵᱟᱜᱤᱭᱟᱫ ᱛᱟᱦᱮᱸ ᱠᱟᱱᱟ᱾ ᱑᱙᱔᱗ ᱥᱟᱞᱮ ᱨᱮ ᱥᱤᱧᱚᱛ ᱫᱤᱥᱚᱢ ᱫᱚ ᱯᱷᱩᱨᱜᱟᱹᱞ ᱞᱮᱱᱟ᱾ ᱟᱭᱢᱟ ᱜᱟᱱ ᱥᱠᱩᱱ, ᱴᱚᱞᱟ ᱟᱨ ᱨᱟᱥᱛᱟ ᱠᱚ ᱢᱟᱛᱚᱝᱜᱤᱱᱤ ᱟᱜ ᱧᱩᱛᱩᱢ ᱛᱮ ᱦᱳᱭ ᱞᱮᱱᱟ᱾ ᱠᱳᱞᱠᱟᱛᱟ ᱱᱟᱜᱟᱨ ᱨᱮ ᱯᱳᱭᱞᱳ ᱛᱮ ᱡᱟᱦᱟ ᱛᱤᱨᱞᱟᱹ ᱦᱚᱯᱚᱱ ᱟᱜ ᱴᱩᱴᱷᱟᱱ ᱵᱟᱹᱭᱥᱟᱹᱣ ᱦᱳᱭ ᱞᱮᱱᱟ ᱚᱱᱟ ᱫᱚ ᱢᱟᱛᱚᱝᱜᱤᱱᱤ ᱦᱟᱡᱨᱟᱣᱟᱜ᱾ ᱑᱙᱗᱗ ᱥᱟᱞᱮ ᱨᱮ ᱠᱳᱞᱠᱟᱛᱟ ᱨᱮ ᱱᱚᱣᱟ ᱢᱩᱴᱷᱟᱹᱱ ᱫᱚ ᱵᱟᱹᱭᱥᱟᱹᱣ ᱦᱳᱭ ᱞᱮᱱᱟ᱾ ᱛᱚᱢᱞᱩᱠ ᱨᱮᱱᱟᱜ ᱡᱟᱦᱟ ᱴᱷᱟᱶ ᱨᱮ ᱩᱱᱤᱭ ᱦᱟᱱᱟᱯᱩᱨᱤ ᱞᱮᱱᱟ ᱟᱸᱰᱮ ᱦᱚᱸ ᱢᱤᱫ ᱴᱟᱝ ᱟᱡᱟᱜ ᱢᱩᱴᱷᱟᱹᱱ ᱢᱮᱱᱟᱜ ᱛᱟᱭᱟ᱾ ᱒᱐᱐᱒ ᱥᱟᱞᱮ ᱨᱮ ᱵᱷᱟᱨᱚᱛ ᱪᱷᱟᱲᱳ ᱞᱟᱲᱟᱣᱱᱟ ᱟᱨ ᱛᱟᱢᱨᱚᱞᱤᱯᱛᱚ ᱥᱚᱨᱠᱟᱨ ᱛᱮᱭᱟᱨ ᱨᱮᱱᱟᱜ ᱖᱐ ᱥᱮᱨᱢᱟ ᱯᱩᱨᱛᱤ ᱨᱮ ᱥᱤᱧᱚᱛ ᱨᱮᱱᱟᱜ ᱰᱟᱠ ᱵᱤᱵᱷᱟᱜ ᱢᱟᱛᱚᱝᱜᱤ ᱦᱟᱡᱨᱟ ᱟᱜ ᱪᱤᱛᱟᱹᱨ ᱮᱢᱟᱜ ᱢᱚᱲᱮ ᱴᱟᱠᱟ ᱨᱮᱱᱟᱜ ᱯᱳᱥᱴᱟᱞ ᱥᱴᱮᱢᱯ ᱮ ᱪᱟᱞᱟᱣ ᱞᱮᱫᱟ᱾
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "বিপŕ§?ŕŚ˛ŕŚŹŕ§€ ŕŚŽŕŚžŕŚ¤ŕŚ™ŕ§?ŕŚ—ŕŚżŕŚ¨ŕ§€ ŕŚšŕŚžŕŚœŕŚ°ŕŚž". Biplobiderkotha.com. 17 ᱱᱚᱵᱷᱮᱢᱵᱚᱨ 2010. Archived from the original on 15 ᱚᱜᱚᱥᱴ 2021. Retrieved 3 ᱚᱠᱴᱚᱵᱚᱨ 2012.
- ↑ "মাতঙ্গিনী হাজরা". Amardeshonline.com. 29 ᱥᱮᱯᱴᱮᱢᱵᱚᱨ 2010. Retrieved 3 ᱚᱠᱴᱚᱵᱚᱨ 2012.
- ↑ ᱓.᱐ ᱓.᱑ ᱓.᱒ ᱓.᱓ ᱓.᱔ Amin, Sonia (2012). "Hazra, Matangini". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.
- ↑ ᱔.᱐ ᱔.᱑ Maity, Sachindra (1975). Freedom Movement in Midnapore. Calcutta: Firma, K.L. pp. 112–113.
- ↑ Chakrabarty, Bidyut (1997). Local Politics and Indian Nationalism: Midnapur (1919-1944). New Delhi: Manohar.