ᱢᱟᱞᱟᱯᱯᱩᱨᱟᱢ ᱦᱚᱱᱚᱛ
ᱢᱟᱞᱟᱯᱯᱩᱨᱟᱢ ᱦᱚᱱᱚᱛ ᱫᱚ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱜᱮᱼᱯᱚᱱ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫ ᱴᱮᱱ ᱦᱚᱱᱚᱛ ᱠᱟᱱᱟ ᱟᱨ ᱢᱟᱞᱟᱯᱯᱩᱨᱟᱢ ᱱᱟᱝᱜᱽᱨᱟᱦᱟ ᱱᱤᱭᱟᱹ ᱜᱮ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱠᱟᱱᱟ ᱾ ᱜᱚᱴᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱓,᱕᱕᱐ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ᱾ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱞᱮᱠᱷᱟ ᱜᱩᱴ : ᱔,᱑᱑᱐,᱙᱕᱖ ᱡᱚᱱᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ᱾ᱱᱤᱭᱟ ᱦᱚᱱᱚᱛ ᱫᱚ ᱑᱖ ᱡᱩᱱ ᱑᱙᱖᱙ ᱥᱮᱨᱢᱟ ᱨᱮ ᱵᱟᱬᱴᱱᱫᱷᱟᱣ ᱦᱩᱭ ᱞᱮᱱᱟ᱾ ᱢᱟᱞᱟᱯᱯᱩᱨᱟᱢ ᱦᱚᱱᱚᱛ ᱫᱚ ᱢᱟᱛᱮ ᱯᱟᱞᱟᱠᱠᱟᱲ ᱦᱚᱱᱚᱛ ᱟᱨ ᱠᱚᱡᱤᱠᱚᱲ ᱦᱚᱱᱚᱛ ᱢᱤᱞᱟᱹᱣ ᱠᱟᱛᱮ ᱛᱮᱭᱟᱨ ᱟᱠᱟᱱᱟ᱾ ᱠᱚᱡᱤᱠᱚᱲ ᱦᱚᱱᱚᱛ ᱨᱮᱭᱟᱜ ᱮᱨᱱᱟᱰ ᱛᱟᱞᱩ ᱢᱤᱫ ᱦᱤᱥ ᱟᱨ ᱛᱤᱨᱩᱨ ᱛᱟᱞᱩᱠ ᱨᱮᱭᱟᱜ ᱢᱤᱫ ᱦᱤᱥ ᱟᱨ ᱱᱷᱟᱛᱮ ᱯᱟᱞᱟᱠᱠᱟᱲ ᱦᱚᱱᱚᱛ ᱨᱮᱛᱟᱜ ᱯᱤᱨᱤᱱᱫᱟᱞ ᱢᱟᱱᱱᱟᱟ ᱟᱨ ᱯᱚᱱᱱᱟᱱᱤ ᱛᱟᱞᱩᱠ ᱴᱚᱴᱷᱟ ᱤᱫᱤ ᱠᱟᱛᱮ ᱵᱟᱱᱫᱷᱟᱣ ᱟᱠᱟᱱᱟ᱾
ᱯᱟ.ᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱞᱟᱭᱟᱞᱟᱢ ᱯᱟᱹᱨᱥᱤ ᱫᱚ ᱱᱤᱭᱟᱹ ᱯᱚᱱᱚᱛ ᱨᱮᱭᱟᱜ ᱢᱩᱠᱷᱭᱟᱹ ᱯᱟᱹᱨᱥᱤ ᱠᱟᱱᱟ᱾ ᱟᱫᱚᱢ ᱮᱛᱟᱝ ᱮᱴᱟᱜ ᱫᱽᱨᱟᱵᱤᱲ ᱯᱟᱹᱨᱥᱤ ᱨᱚᱨᱚᱲ ᱦᱚᱲ ᱦᱚᱸ ᱱᱤᱭᱟᱹ ᱯᱱᱚᱛ ᱨᱮ ᱢᱮᱱᱟᱜ ᱠᱚ ᱜᱮᱭᱟ ᱡᱮᱞᱮᱠᱟᱼ ᱟᱞᱞᱟᱨ ᱯᱟᱹᱨᱥᱤ ᱚᱠᱟ ᱢᱟᱛᱨᱚ ᱓᱕᱐ ᱡᱚᱱᱟ ᱦᱚᱲ ᱠᱚ ᱵᱮᱵᱷᱟᱨᱮᱫ ᱠᱟᱱ ᱟᱨ ᱟᱨᱟᱱᱟᱫᱟᱱ ᱯᱟᱹᱨᱥᱤ ᱚᱠᱟ ᱫᱚ ᱒᱐᱐ ᱦᱚᱲ ᱠᱚ ᱵᱨᱵᱷᱟᱨᱮᱫ ᱠᱟᱱᱟ, ᱱᱤᱭᱟᱹ ᱠᱤᱱ ᱯᱟᱹᱨᱥᱤ ᱫᱚ ᱞᱟᱛᱟᱨ ᱥᱮᱪᱮᱫ ᱛᱷᱚᱠ ᱠᱷᱟᱹᱛᱤᱨ ᱛᱮ ᱡᱤᱣᱮᱫ ᱢᱮᱱᱟᱜ ᱟᱠᱫᱟ᱾ ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱟᱫᱚᱢ ᱟᱫᱚᱢ ᱴᱚᱴᱷᱟ ᱨᱮ ᱛᱟᱢᱤᱞ ᱯᱟᱹᱨᱥᱤ ᱦᱚᱲ ᱠᱚ ᱵᱮᱵᱷᱟᱨ ᱜᱮᱭᱟ᱾
ᱚᱛᱱᱚᱛ ᱩᱱᱩᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱭᱟᱹ ᱢᱟᱞᱟᱯᱯᱩᱨᱟᱢ ᱦᱚᱱᱚᱛ ᱫᱚ ᱠᱚᱭᱮ ᱠᱮᱨᱟᱞᱟ ᱨᱮ ᱢᱮᱱᱟᱜ ᱟᱠᱟᱫᱟ, ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱠᱚᱭᱮᱼᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱣᱟᱭᱟᱱᱟᱲ ᱦᱚᱱᱚᱛ ᱢᱮᱱᱟᱜ ᱟᱠᱟᱫᱟ, ᱠᱚᱭᱮᱼ ᱯᱟᱪᱷᱮ ᱱᱟᱠᱷᱟ ᱫᱚ ᱠᱚᱡᱤᱠᱚᱲ ᱦᱚᱱᱚᱛ ᱛᱮ ᱜᱷᱮᱨᱟ2 ᱮᱥᱮᱫ ᱟᱠᱟᱱᱟ, ᱠᱚᱭᱮᱼ ᱥᱟᱢᱟᱝ ᱱᱟᱠᱷᱟ ᱫᱚ ᱛᱟᱢᱤᱞ ᱟᱰᱩ ᱯᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱟᱨ ᱱᱷᱟᱛᱮ ᱮᱛᱚᱢ ᱥᱟᱢᱟᱝ ᱟᱨ ᱮᱛᱚᱢ ᱱᱟᱠᱷᱟ ᱫᱚ ᱯᱟᱞᱟᱠᱠᱟᱲ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱮᱚᱢᱚᱢ ᱯᱟᱪᱷᱮ ᱱᱟᱠᱷᱟ ᱫᱚ ᱛᱷᱨᱤᱥᱩᱨ ᱦᱚᱱᱚᱛ ᱛᱮ ᱜᱷᱨᱨᱟᱣ ᱮᱥᱨᱫ ᱟᱠᱟᱱᱟ ᱟᱨ ᱯᱟᱪᱷᱮ ᱱᱟᱠᱷᱟ ᱫᱚ ᱟᱨᱟᱵᱤᱭᱟᱱ ᱫᱚᱨᱭᱟ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ᱾
ᱦᱚᱲ ᱞᱮᱠᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱢᱟᱞᱟᱯᱯᱩᱨᱟᱢ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱔,᱑᱑᱐,᱙᱕᱖ ᱡᱚᱱᱟ[᱑]|align=right}} ᱾ ᱱᱤᱭᱟᱹ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔0 ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱕᱐ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱑,᱑᱕᱘ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮᱼᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱑᱓.᱓᱙%᱾ ᱢᱟᱞᱟᱯᱯᱩᱨᱟᱢ ᱦᱚᱱᱚᱛ ᱨᱮ ᱢᱤᱫ ᱜᱮᱼ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱑,᱐᱙᱓ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱙᱓.᱕᱕% ᱦᱤᱥ᱾