ᱢᱟᱞᱠᱟᱱᱜᱤᱨᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱟᱞᱠᱟᱱᱜᱤᱨᱤ
ᱵᱟᱡᱟᱨ
ᱢᱟᱞᱠᱟᱱᱜᱤᱨᱤ is located in Odisha
ᱢᱟᱞᱠᱟᱱᱜᱤᱨᱤ
ᱢᱟᱞᱠᱟᱱᱜᱤᱨᱤ
ᱢᱟᱞᱠᱟᱱᱜᱤᱨᱤ is located in ᱥᱤᱧᱚᱛ
ᱢᱟᱞᱠᱟᱱᱜᱤᱨᱤ
ᱢᱟᱞᱠᱟᱱᱜᱤᱨᱤ
Location in Odisha, India
Coordinates: 18°21′N 81°54′E / 18.35°N 81.90°E / 18.35; 81.90Coordinates: 18°21′N 81°54′E / 18.35°N 81.90°E / 18.35; 81.90
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱳᱰᱤᱥᱟ
ᱦᱚᱱᱚᱛ ᱢᱟᱞᱠᱟᱱᱜᱤᱨᱤ
ᱩᱥᱩᱞ 178 ᱢᱤᱴᱚᱨ (584 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)
 • ᱞᱮᱠᱷᱟᱜᱩᱴ ᱓᱑,᱐᱐᱗
ᱯᱟᱹᱨᱥᱤ
 • ᱟᱹᱢᱟᱹᱞᱮᱛ ᱳᱰᱤᱭᱟᱹ
IST (UTC+5:30)
ᱯᱤᱱ ᱠᱳᱰ 7640XX
ᱜᱟᱹᱰᱤ ᱨᱤᱡᱤᱥᱴᱨᱤ OD-30
ᱣᱮᱵᱽᱥᱟᱭᱤᱴ www.Malkangiri.Nic.in

ᱢᱟᱞᱠᱟᱱᱜᱤᱨᱤ ᱫᱚ ᱫᱩᱠᱷᱤᱱ ᱳᱰᱤᱥᱟ ᱨᱮᱭᱟᱜ ᱢᱟᱞᱠᱟᱱᱜᱤᱨᱤ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱖᱑᱑᱕ ᱥᱠᱚᱭᱟᱨ ᱠᱤᱞᱚ ᱢᱤᱴᱚᱨ ᱮᱨᱤᱭᱟ ᱨᱮ ᱯᱟᱥᱱᱟᱣ ᱠᱟᱛᱮ ᱢᱮᱱᱟᱜ-ᱟ ᱾ ᱳᱰᱤᱥᱟ ᱨᱮᱭᱟᱜ ᱱᱚᱣᱟ ᱱᱟᱣᱟ ᱵᱮᱱᱟᱣ ᱦᱚᱱᱚᱛ ᱫᱚ ᱑᱙᱙᱒ ᱨᱮ ᱯᱚᱱᱚᱛ ᱨᱮᱭᱟᱜ ᱵᱮᱱᱟᱣ ᱟᱹᱨᱩ ᱛᱟᱭᱚᱢ ᱥᱟᱹᱨᱤ ᱢᱩᱴᱷᱟᱹᱱ ᱛᱮᱫᱚ ᱦᱮᱡ ᱮᱱᱟ ᱾ ᱯᱟᱞᱮ ᱯᱩᱨᱟᱹ ᱦᱚᱱᱚᱛ ᱜᱮ ᱵᱤᱨ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱯᱳᱴᱮᱨᱩ, ᱥᱳᱵᱮᱨᱤ, ᱥᱤᱞᱮᱨᱩ, ᱠᱳᱞᱟᱵᱽ ᱟᱨ ᱢᱚᱪᱷᱠᱩᱸᱰᱟ ᱱᱚᱰᱮ ᱠᱷᱚᱱ ᱞᱤᱸᱜᱤᱱ ᱠᱟᱱ ᱢᱩᱠᱷᱤᱭᱟᱹ ᱱᱟᱹᱭ ᱠᱟᱱᱟ ᱾ ᱱᱚᱰᱮ ᱫᱚ ᱵᱚᱰᱟᱦᱤᱞᱥ, ᱵᱷᱚᱭᱨᱚᱵᱤ ᱢᱩᱫᱽᱨᱤ, ᱟᱢᱟᱠᱩᱱᱰᱟ, ᱢᱟᱱᱭᱚᱢᱠᱳᱰᱟ, ᱢᱳᱴᱩ ᱥᱳᱛᱤᱜᱩᱰᱟ ᱵᱟᱸᱫᱽ ᱮᱢᱟᱱ ᱦᱚᱲ ᱠᱩᱥᱤᱭᱟᱜ ᱧᱮᱢᱮᱞ ᱴᱚᱴᱷᱟ ᱠᱟᱱᱟ ᱾

ᱢᱩᱠᱷᱤᱭᱟᱹ ᱢᱩᱦᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱹᱞᱤᱢᱮᱲᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱵᱽᱞᱟᱠ ᱢᱟᱞᱠᱟᱱᱜᱤᱨᱤ ᱠᱷᱚᱱ ᱓᱕ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱟᱸᱫᱷᱨᱚ ᱯᱨᱚᱫᱮᱥ ᱟᱨ ᱳᱰᱤᱥᱟ ᱥᱚᱨᱠᱟᱨᱟᱜ ᱱᱟᱯᱟᱭ ᱵᱮᱵᱷᱟᱨ ᱠᱷᱚᱱ ᱱᱟᱜᱟᱨ ᱥᱩᱨ ᱨᱮ ᱦᱟᱭᱰᱨᱚ ᱤᱞᱮᱠᱴᱨᱤᱠ ᱯᱨᱚᱡᱮᱠᱴ ᱛᱷᱟᱯᱚᱱ ᱟᱠᱟᱱᱟ ᱾ ᱱᱚᱰᱮᱱᱟᱜ ᱥᱤᱞᱮᱨᱤ ᱱᱟᱹᱭ ᱨᱮ ᱵᱮᱱᱟᱣ ᱟᱠᱟᱱ ᱵᱟᱹᱞᱤᱢᱮᱲᱟ ᱵᱟᱸᱫᱽ ᱥᱩᱨ ᱥᱩᱯᱩᱨ ᱨᱮᱭᱟᱜ ᱴᱚᱴᱷᱟᱨᱮ ᱫᱟᱜ ᱯᱟᱴᱟᱱ ᱨᱮᱭᱟᱜ ᱢᱩᱠᱷᱤᱭᱟᱹ ᱰᱟᱦᱟᱨ ᱠᱟᱱᱟ ᱾

ᱥᱚᱛᱤᱜᱩᱰᱟ ᱵᱟᱸᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱞᱠᱟᱱᱜᱤᱨᱤ ᱱᱟᱜᱟᱨ ᱠᱷᱚᱱ ᱘ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱥᱳᱛᱤᱜᱩᱰᱟ ᱵᱟᱸᱫᱽ ᱠᱷᱚᱱ ᱯᱩᱨᱟᱹ ᱥᱮᱨᱢᱟ ᱥᱩᱨ ᱥᱩᱯᱩᱨ ᱨᱮᱭᱟᱜ ᱠᱤᱨᱥᱤ ᱚᱛ ᱦᱟᱥᱟ ᱫᱚ ᱫᱟᱜ ᱡᱚᱜᱟᱣᱟᱜ ᱦᱩᱭᱩᱜ ᱠᱟᱱᱟ ᱾ ᱱᱚᱣᱟ ᱵᱟᱸᱫᱽ ᱫᱚ ᱙᱔᱓ ᱢᱤᱴᱚᱨ ᱡᱤᱞᱤᱧ ᱟᱨ ᱑᱗ ᱢᱤᱴᱚᱨ ᱩᱥᱩᱞ ᱢᱮᱱᱟᱜ-ᱟ ᱾ ᱵᱟᱸᱫᱽ ᱨᱮᱭᱟᱜ ᱜᱚᱴᱟᱯᱟᱲᱟ ᱨᱮ ᱢᱮᱱᱟᱜ ᱵᱩᱨᱩ ᱠᱚ ᱱᱚᱣᱟ ᱫᱚ ᱢᱤᱫ ᱥᱚᱨᱮᱥ ᱵᱤᱨᱥᱳᱲᱮ ᱴᱚᱴᱷᱟᱭ ᱥᱟᱡᱟᱣᱟ ᱾ ᱵᱟᱸᱫᱽ ᱨᱮᱭᱟᱜ ᱫᱟᱜ ᱨᱮ ᱞᱟᱹᱣᱠᱟᱹ ᱪᱟᱹᱞᱩᱭ ᱨᱮᱭᱟᱜ ᱨᱟᱹᱥᱠᱟᱹ ᱟᱢᱮᱴ ᱜᱟᱱᱚᱜ-ᱟ ᱾ ᱚᱱᱟ ᱥᱟᱶᱛᱮ ᱥᱩᱨ ᱨᱮ ᱵᱮᱱᱟᱣ ᱟᱠᱟᱱ ᱥᱤᱵᱽ ᱟᱜ ᱜᱚᱸᱜᱷᱚᱨ ᱢᱩᱫᱽᱨᱤ ᱱᱚᱰᱮ ᱠᱚ ᱦᱤᱡᱩᱜ ᱦᱚᱲ ᱠᱚᱣᱟᱜ ᱢᱤᱫ ᱢᱩᱠᱷᱤᱭᱟᱹ ᱢᱩᱦᱤᱛ ᱛᱟᱞᱢᱟ ᱞᱮᱠᱟᱛᱮ ᱢᱮᱱᱟᱜ-ᱟ ᱾

ᱵᱚᱰᱟ ᱦᱤᱞᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱵᱩᱨᱩ ᱠᱚᱫᱚ ᱢᱟᱞᱠᱟᱱᱜᱤᱨᱤ ᱨᱮᱭᱟᱜ ᱡᱷᱳᱭᱤᱨᱯᱩᱴᱯᱩᱴ ᱵᱽᱞᱚᱠ ᱨᱮ ᱴᱷᱟᱶ ᱮ ᱧᱟᱢᱟ ᱾ ᱜᱚᱴᱟᱯᱟᱲᱟ ᱠᱷᱚᱱ ᱜᱟᱡᱟᱲ ᱵᱤᱨ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱ ᱱᱚᱣᱟ ᱴᱚᱴᱷᱟ ᱫᱚ ᱱᱚᱰᱮᱱ ᱠᱚ ᱟᱹᱫᱤᱵᱟᱹᱥᱤ ᱢᱩᱲ ᱜᱩᱴ ᱠᱚᱣᱟᱜ ᱵᱟᱥᱟ ᱢᱮᱱᱟᱜ-ᱟ ᱾ ᱱᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱫᱚ ᱫᱮᱵᱤ ᱥᱤᱛᱟ ᱦᱟᱜ ᱛᱩᱯᱩᱱ ᱚᱠᱛᱚ ᱨᱮ ᱩᱱᱤ ᱠᱚ ᱞᱟᱸᱫᱟ ᱟᱫᱮ ᱠᱷᱟᱹᱛᱤᱨ ᱩᱱᱠᱩ ᱫᱚ ᱥᱤᱛᱟ ᱥᱨᱟᱯ ᱮ ᱮᱢᱟᱦᱟᱫ ᱠᱚ ᱛᱟᱦᱮᱸᱫ ᱾ ᱯᱩᱥ ᱵᱚᱸᱜᱟ ᱨᱮ ᱚᱸᱰᱮ ᱫᱚ ᱯᱚᱴᱠᱷᱚᱸᱰᱟ ᱡᱟᱛᱨᱟ ᱯᱟᱨᱟᱵᱽ ᱟᱹᱰᱤ ᱨᱟᱹᱥᱠᱟᱹ ᱨᱚᱢᱚᱡᱽ ᱛᱮ ᱢᱟᱱᱟᱣ ᱵᱟᱛᱟᱣ ᱦᱩᱭᱩᱜ-ᱟ ᱾ ᱱᱚᱣᱟ ᱯᱟᱨᱟᱵᱽ ᱨᱮᱫᱚ ᱛᱟᱨᱣᱟᱲᱮ ᱠᱚ ᱵᱚᱸᱜᱟ ᱦᱟᱜ-ᱟ ᱾

ᱟᱢᱢᱟᱠᱩᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱦᱚᱲ ᱜᱚᱨᱚᱡᱽ ᱧᱮᱢᱮᱞ ᱴᱚᱴᱷᱟ ᱫᱚ ᱦᱚᱱᱚᱛ ᱦᱮᱰᱠᱣᱟᱴᱚᱨ ᱠᱷᱚᱱ ᱗᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱠᱚᱭᱤᱨᱯᱩᱴ ᱵᱽᱞᱟᱠ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱯᱩᱨᱠᱩᱛᱤᱭᱟᱹ ᱡᱷᱟᱨᱱᱟ ᱟᱨ ᱛᱚᱝᱜᱽ ᱜᱷᱟᱹᱴᱤ ᱞᱟᱹᱜᱤᱫ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱡᱟᱦᱟᱸ ᱫᱚ ᱱᱟᱹᱭ ᱨᱮᱭᱟᱜ ᱞᱟᱛᱟᱨ ᱨᱮ ᱞᱤᱸᱜᱤ ᱟᱬᱜᱚ ᱟᱠᱟᱱ ᱠᱷᱟᱹᱛᱤᱨ ᱵᱮᱱᱟᱣ ᱟᱠᱟᱱᱟ ᱾ ᱜᱟᱡᱟᱲ ᱵᱤᱨ ᱟᱨ ᱠᱟᱹᱴᱤᱡ ᱠᱟᱹᱴᱤᱡ ᱵᱩᱨᱩ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱ ᱱᱚᱣᱟ ᱥᱤᱨᱤᱡᱽ ᱨᱮᱭᱟᱜ ᱴᱚᱴᱷᱟ ᱨᱮ ᱱᱟᱥᱮ ᱚᱠᱛᱚ ᱠᱷᱮᱢᱟᱣ ᱞᱟᱹᱜᱤᱫ ᱟᱹᱰᱤ ᱜᱮ ᱥᱚᱨᱮᱥᱟ ᱾

ᱢᱚᱱᱭᱚᱢᱠᱚᱸᱰᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱨᱟᱝ ᱵᱚᱸᱜᱟᱦᱟᱜ ᱢᱩᱫᱽᱨᱤ ᱞᱟᱹᱜᱤᱫ ᱜᱟᱺᱦᱤᱨ ᱩᱯᱨᱩᱢ ᱢᱮᱱᱟᱜ ᱱᱚᱣᱟ ᱴᱚᱴᱷᱟ ᱫᱚ ᱢᱟᱞᱠᱟᱱᱜᱤᱨᱤ ᱠᱷᱚᱱ ᱙᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱯᱷᱟᱹᱜᱩᱱ-ᱪᱟᱹᱛ ᱵᱚᱸᱜᱟᱨᱮ ᱚᱸᱰᱮ ᱫᱚ ᱢᱟᱨᱟᱝ ᱡᱟᱛᱨᱟ ᱧᱩᱛᱩᱢᱟᱱ ᱢᱤᱫ ᱯᱟᱨᱟᱵᱽ ᱥᱟᱯᱲᱟᱣ ᱦᱩᱭᱩᱜ-ᱟ ᱡᱟᱦᱟᱸᱨᱮ ᱜᱮᱥᱟᱭ ᱦᱚᱲ ᱠᱷᱚᱱ ᱦᱚᱸ ᱵᱟᱹᱲᱛᱤ ᱥᱮᱴᱮᱨ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱯᱟᱨᱟᱵᱽ ᱫᱚ ᱢᱮᱭᱞᱤ ᱟᱭᱳ ᱢᱩᱫᱽᱨᱤ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱢᱚᱱᱭᱚᱢᱠᱚᱱᱰᱟ ᱫᱷᱟᱹᱵᱤᱡ ᱪᱟᱞᱟᱣ ᱠᱟᱛᱮ ᱢᱩᱪᱟᱹᱫᱚᱜ-ᱟ ᱾ ᱱᱚᱣᱟ ᱯᱟᱨᱟᱵᱽ ᱨᱮᱫᱚ ᱠᱟᱱᱚᱢ ᱨᱟᱡᱩ, ᱯᱳᱴᱟ ᱨᱟᱡᱩ, ᱟᱨ ᱵᱟᱞ ᱨᱟᱡᱩ ᱧᱩᱛᱩᱢᱟᱱ ᱠᱩᱲᱤ ᱵᱚᱸᱜᱟ ᱠᱚᱠᱚ ᱵᱚᱸᱜᱟ ᱟᱠᱚᱣᱟ ᱾ ᱠᱟᱱᱚᱢ ᱨᱟᱡᱩ ᱫᱚ ᱵᱚᱸᱜᱟ ᱠᱨᱤᱥᱱᱟ, ᱯᱳᱴᱟ ᱨᱟᱡᱩ ᱫᱚ ᱵᱷᱤᱢ ᱟᱨ ᱵᱟᱞ ᱨᱟᱡᱩ ᱫᱚ ᱟᱹᱨᱡᱩᱱ ᱞᱮᱠᱟ ᱠᱚ ᱢᱟᱱᱟᱣ ᱵᱟᱛᱟᱣ ᱠᱚᱣᱟ ᱾

ᱢᱳᱴᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱴᱚᱴᱷᱟ ᱫᱚ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱑᱕᱐ ᱯᱷᱩᱴ ᱩᱥᱩᱞᱨᱮ ᱢᱮᱱᱟᱜ ᱢᱟᱞᱠᱟᱱᱜᱤᱨᱤ ᱨᱮᱭᱟᱜ ᱯᱩᱨᱟᱹ ᱫᱩᱠᱷᱤᱱ ᱯᱟᱦᱴᱟ ᱨᱮ ᱢᱮᱱᱟᱜ-ᱟ ᱾ ᱱᱚᱰᱮ ᱥᱚᱵᱽᱨᱤ ᱟᱨ ᱥᱤᱞᱮᱨᱩ ᱱᱟᱹᱭ ᱨᱮᱭᱟᱜ ᱢᱤᱞᱚᱱ ᱦᱩᱭᱩᱜ-ᱟ ᱾ ᱱᱚᱣᱟ ᱫᱚ ᱵᱟᱡᱟᱨ ᱨᱮᱭᱟᱜ ᱦᱮᱰᱠᱣᱟᱴᱚᱨ ᱵᱚᱸᱜᱟ ᱡᱚᱜᱚᱱᱟᱛᱷ ᱟᱜ ᱟᱹᱰᱤ ᱪᱚᱨᱚᱠ ᱢᱩᱫᱽᱨᱤ ᱠᱷᱟᱹᱛᱤᱨ ᱦᱚᱱᱚᱛ ᱨᱮᱭᱟᱜ ᱦᱚᱲ ᱜᱚᱨᱚᱡᱽ ᱵᱚᱸᱜᱟ ᱛᱷᱟᱱ ᱢᱮᱱᱛᱮ ᱦᱚᱸ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱾ ᱱᱚᱰᱮᱱᱟᱜ ᱢᱩᱜᱤ ᱯᱚᱭᱮᱸᱴ ᱦᱚᱸ ᱟᱹᱰᱤ ᱪᱟᱨᱪᱟ ᱨᱮ ᱢᱮᱱᱟᱜ-ᱟ ᱾

ᱵᱷᱮᱭᱨᱚᱵᱤ ᱢᱩᱫᱽᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱞᱠᱱᱜᱤᱨᱤ ᱠᱷᱚᱱ ᱓ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱱᱚᱣᱟ ᱢᱩᱫᱽᱨᱤ ᱫᱚ ᱢᱤᱫ ᱵᱩᱨᱩ ᱪᱮᱛᱟᱱ ᱨᱮ ᱢᱮᱱᱟᱜ-ᱟ ᱾ ᱵᱩᱨᱩ ᱨᱤᱱᱤᱡ ᱵᱚᱸᱜᱟ ᱫᱚ ᱢᱟᱞᱠᱟᱱᱜᱤᱨᱤ ᱨᱤᱱᱤᱡ ᱨᱟᱡᱟ ᱦᱚᱛᱮᱛᱮ ᱵᱚᱸᱜᱟ ᱵᱩᱨᱩ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾ ᱱᱚᱰᱮ ᱫᱚ ᱫᱮᱵᱤ ᱢᱟᱱᱟᱣ ᱵᱟᱛᱟᱣ ᱦᱚᱲ ᱠᱚᱣᱟᱜ ᱜᱷᱟᱱᱮ ᱜᱮ ᱵᱮᱡ ᱥᱮᱱ ᱛᱚᱸᱜᱮ ᱛᱟᱦᱮᱸᱱᱟ ᱾ ᱢᱩᱫᱽᱨᱤ ᱥᱩᱨ ᱨᱮᱜᱮ ᱨᱟᱡᱟ ᱨᱟᱹᱱᱤ ᱵᱩᱨᱩ ᱨᱮ ᱢᱟᱞᱠᱟᱱᱜᱤᱨᱤ ᱨᱟᱡᱟᱦᱟᱜ ᱢᱚᱦᱚᱞ ᱨᱮᱭᱟᱜ ᱨᱟᱹᱯᱩᱫ ᱥᱟᱨᱮᱡ ᱧᱮᱞ ᱡᱚᱝ ᱨᱮᱭᱟᱜ ᱛᱟᱠ ᱧᱟᱢᱚᱜ-ᱟ ᱾

ᱦᱮᱡᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱭ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱤᱥᱟᱠᱷᱟᱯᱟᱴᱱᱟᱢ ᱨᱮᱭᱟᱜ ᱩᱰᱟᱹᱱ ᱟᱰᱟ ᱫᱚ ᱢᱟᱞᱠᱟᱱᱜᱤᱨᱤ ᱨᱮᱭᱟᱜ ᱥᱩᱨ ᱩᱰᱟᱹᱱ ᱟᱰᱟ ᱠᱟᱱᱟ ᱾ ᱡᱟᱦᱟᱸ ᱫᱚ ᱫᱤᱥᱚᱢ ᱨᱮᱭᱟᱜ ᱮᱴᱟᱜ ᱟᱹᱰᱤᱜᱟᱱ ᱢᱟᱨᱟᱝ ᱵᱟᱡᱟᱨ ᱥᱟᱶ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾ ᱫᱤᱞᱤ, ᱵᱚᱢᱵᱮ, ᱠᱳᱞᱠᱟᱛᱟ, ᱪᱮᱱᱟᱭ ᱮᱢᱟᱱ ᱵᱟᱡᱟᱨ ᱠᱷᱚᱱ ᱱᱚᱰᱮ ᱞᱟᱹᱜᱤᱫ ᱫᱤᱱᱟᱹᱢ ᱦᱤᱞᱚᱜᱟᱜᱟ ᱯᱷᱞᱟᱭᱤᱴ ᱢᱮᱱᱟᱜ-ᱟ ᱾

ᱨᱮᱞ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱩᱠᱷᱤᱱ ᱯᱩᱨᱩᱵᱽ ᱨᱮᱞ ᱦᱚᱨ ᱨᱮᱭᱟᱜ ᱠᱚᱨᱟᱯᱩᱴ ᱨᱮᱞᱣᱮ ᱥᱴᱮᱥᱚᱱ ᱢᱟᱞᱠᱟᱱᱜᱤᱨᱤ ᱨᱮᱭᱟᱜ ᱥᱩᱨ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱨᱮᱞᱣᱮ ᱥᱴᱮᱥᱚᱱ ᱦᱚᱛᱮᱛᱮ ᱢᱟᱞᱠᱟᱱᱜᱤᱨᱤ ᱫᱚ ᱫᱤᱥᱚᱢ ᱨᱮᱭᱟᱜ ᱟᱹᱰᱤᱜᱟᱱ ᱴᱚᱴᱷᱟ ᱥᱟᱶ ᱡᱩᱲᱟᱹᱭ ᱠᱟᱛᱮᱭ ᱫᱚᱦᱚᱭᱟ ᱾

ᱥᱚᱲᱚᱠ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱞᱠᱟᱱᱜᱤᱨᱤ ᱳᱰᱤᱥᱟ ᱟᱨ ᱥᱩᱨ ᱥᱩᱯᱩᱨ ᱯᱚᱱᱚᱛ ᱨᱮᱭᱟᱜ ᱟᱹᱡᱤ ᱜᱟᱱ ᱴᱚᱴᱷᱟ ᱥᱟᱶ ᱡᱩᱲᱟᱹᱭ ᱨᱮᱭ ᱫᱚᱦᱚᱭᱟ ᱾ ᱟᱹᱡᱤᱜᱟᱱ ᱢᱟᱨᱟᱝ ᱵᱟᱡᱟᱨ ᱥᱟᱶ ᱥᱚᱲᱚᱠ ᱦᱚᱨ ᱦᱚᱛᱮᱛᱮ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜ-ᱟ ᱾ ᱥᱴᱮᱴ ᱴᱨᱟᱸᱱᱥᱯᱚᱨᱴ ᱠᱚᱨᱯᱚᱨᱮᱥᱚᱱ ᱵᱚᱥ ᱠᱚ ᱟᱹᱰᱤ ᱜᱟᱱ ᱵᱟᱡᱟᱨ ᱠᱷᱚᱱ ᱱᱚᱰᱮ ᱞᱟᱹᱜᱤᱫ ᱛᱮ ᱫᱤᱱᱟᱹᱢ ᱦᱤᱞᱚᱜ ᱦᱤᱡᱩᱜ ᱥᱮᱱᱚᱜ ᱢᱮᱱᱟᱜ-ᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]