ᱢᱟᱞᱤᱱᱤ ᱟᱣᱟᱥᱛᱷᱤ
ᱢᱟᱞᱤᱱᱤ ᱟᱣᱟᱥᱛᱷᱤ (ᱤᱝᱨᱟᱹᱡᱤ ᱺ Malini Awasthi; ᱡᱟᱱᱟᱢᱺ ᱑᱑ ᱯᱷᱮᱵᱽᱨᱩᱣᱟᱨᱤ, ᱑᱙᱕᱗) ᱫᱚ ᱢᱤᱫᱴᱮᱱ ᱵᱷᱟᱨᱚᱛᱤᱭᱚ ᱥᱮᱨᱣᱟ ᱥᱮᱨᱮᱧ ᱜᱟᱭᱱᱟᱦᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱦᱤᱱᱫᱤ ᱯᱟᱹᱨᱥᱤ ᱥᱟᱶᱛᱮ ᱵᱷᱚᱡᱽᱯᱩᱨᱤ, ᱟᱣᱟᱫᱷᱤ ᱟᱨ ᱵᱩᱱᱫᱮᱞᱠᱷᱚᱱᱰᱤ ᱯᱟᱹᱨᱥᱤ ᱛᱮ ᱥᱮᱨᱮᱧᱟ᱾ ᱩᱱᱤ ᱫᱚ ᱠᱟᱡᱽᱨᱤ ᱟᱨ ᱛᱷᱩᱢᱨᱤ ᱦᱚᱸᱭ ᱥᱮᱨᱮᱧ ᱜᱮᱭᱟ᱾ ᱩᱱᱤ ᱫᱚ ᱟᱹᱰᱤ ᱟᱭᱢᱟ ᱥᱤᱱᱮᱢᱟ ᱞᱟᱹᱜᱤᱫ ᱦᱚᱸᱭ ᱥᱮᱨᱮᱧ ᱟᱠᱟᱫᱟ᱾ ᱱᱤᱭᱟᱹ ᱠᱚ ᱢᱩᱫᱽ ᱨᱮ ' ᱫᱩᱨᱜᱟᱢᱩᱛᱤ: ᱫᱟ ᱢᱤᱛᱷ (᱒᱐᱒᱐), ' ᱞᱤᱯᱤᱥᱴᱤᱠ ᱟᱱᱰᱟᱨ ᱢᱟᱭ ᱵᱩᱨᱠᱷᱟ (᱒᱐᱑᱗), 'ᱞᱤᱞᱟ ᱠᱤ ᱥᱟᱫᱤ ᱢᱮᱭ ᱞᱟᱰᱰᱩ ᱫᱤᱣᱟᱱᱟ' (᱒᱐᱑᱗), 'ᱪᱟᱨᱯᱷᱩᱴᱤᱭᱟ ᱪᱚᱣᱠᱨᱮ' (᱒᱐᱑᱓), 'ᱟᱛᱟ ᱯᱟᱛᱟ ᱞᱟᱯᱟᱛᱟ' (᱒᱐᱑᱑) ᱮᱢᱟᱱ ᱧᱩᱢᱩᱜᱚᱜ ᱞᱮᱠᱠᱟᱱᱟ᱾ 'ᱫᱩᱨᱜᱟᱢᱩᱛᱤ: ᱫᱟ ᱥᱢᱤᱛᱷ' ᱥᱤᱱᱮᱢᱟ ᱨᱮ ᱩᱱᱤ ᱫᱚ ᱥᱮᱨᱮᱧ ᱪᱟᱪᱟᱞᱟᱣ ᱟᱨ 'ᱤᱥᱠ' ᱥᱤᱱᱮᱢᱟ ᱨᱮᱫᱚᱭ ᱮᱠᱴᱤᱝ ᱞᱮᱫᱟ᱾ ᱒᱐᱑᱖ ᱨᱮ ᱢᱟᱨᱮ ᱫᱤᱥᱚᱢ ᱜᱚᱢᱠᱮ ᱯᱨᱚᱱᱚᱵᱽ ᱢᱩᱠᱷᱟᱨᱡᱤ ᱫᱤᱞᱞᱤ ᱨᱮᱭᱟᱜ ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ ᱨᱮ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱯᱩᱱᱥᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱚᱥᱟᱢᱚᱨᱤᱠ ᱢᱟᱱᱚᱛ ᱯᱚᱫᱽᱢᱚᱥᱨᱤ ᱛᱮᱠᱚ ᱢᱟᱱᱚᱛ ᱠᱮᱫᱮᱭᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱛᱛᱚᱨ ᱯᱨᱟᱫᱮᱥ ᱨᱮ ᱢᱟᱞᱤᱱᱤ ᱟᱣᱟᱥᱛᱷᱤᱭᱟᱜ ᱡᱟᱱᱟᱢ ᱦᱩᱭ ᱞᱮᱱᱟ᱾ ᱞᱟᱠᱷᱱᱟᱣ ᱨᱮᱭᱟᱜ ᱵᱷᱟᱛᱠᱷᱟᱱᱰᱮ ᱥᱮᱨᱮᱧ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱢ.ᱮ. ᱟᱨ ᱥᱚᱱᱟ ᱦᱩᱫᱟᱹᱭ ᱧᱟᱢ ᱞᱮᱫᱟ᱾ ᱚᱱᱟ ᱪᱷᱟᱰᱟ ᱩᱱᱤ ᱫᱚ ᱞᱟᱠᱷᱱᱟᱣ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱦᱟᱜ ᱱᱟᱜᱟᱢ ᱨᱮ ᱮᱢ.ᱮ. ᱨᱮ ᱥᱚᱱᱟ ᱦᱩᱫᱟᱹᱭ ᱦᱟᱢᱮᱴ ᱞᱮᱫᱟ