ᱢᱟᱡᱩᱞᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱡᱚᱨᱦᱟᱴ ᱱᱟᱝᱜᱽᱨᱟᱦᱟ ᱠᱷᱚᱱ ᱢᱟᱡᱩᱞᱤ ᱥᱮᱱᱚᱜ ᱦᱚᱨ

ᱢᱟᱡᱩᱞᱤ ᱫᱚ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱛᱟᱞᱟ ᱨᱮ ᱢᱮᱱᱟᱜ ᱜᱟᱰᱟ ᱴᱟᱹᱯᱩ ᱟᱨ ᱟᱥᱟᱢ ᱯᱚᱱᱚᱛ ᱱᱟᱣᱟ ᱵᱮᱱᱟᱣ ᱡᱤᱞᱟᱹ ᱠᱟᱱᱟ ᱾ ᱒᱗ ᱡᱩᱱ ᱒᱐᱑᱖ ᱢᱟᱹᱦᱤᱛ ᱦᱤᱞᱚᱜ ᱢᱩᱠᱷᱭᱟᱹ ᱢᱚᱱᱛᱨᱤ ᱥᱚᱨᱵᱟᱱᱚᱱᱫᱚ ᱥᱚᱱᱣᱟᱞ ᱜᱚᱢᱠᱮ ᱢᱟᱡᱩᱞᱤ ᱫᱚ ᱢᱤᱫ ᱴᱮᱱ ᱡᱤᱞᱟᱹ ᱢᱮᱱ ᱛᱮ ᱞᱟᱹᱭ ᱡᱟᱹᱦᱤᱨ ᱠᱮᱫ ᱛᱮ ᱢᱟᱡᱩᱞᱤ ᱥᱤᱧᱩᱛ ᱨᱮᱱᱟᱜ ᱯᱟᱹᱦᱤᱞ ᱜᱟᱰᱟ ᱴᱟᱹᱯᱩ ᱡᱤᱞᱟᱹ ᱦᱩᱭᱮᱱᱟ ᱟᱨ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱓᱓ ᱜᱚᱴᱟᱝ ᱦᱩᱭᱮᱱᱟ ᱾[᱑] ᱢᱟᱲᱟᱝ ᱫᱚ ᱱᱚᱣᱟ ᱡᱚᱨᱦᱟᱴ ᱡᱤᱞᱟᱹ ᱨᱮᱱᱟᱜ ᱢᱤᱫ ᱢᱚᱦᱩᱠᱢᱟ ᱛᱟᱦᱮᱸ ᱠᱟᱱᱟ ᱾ ᱢᱟᱡᱚᱞᱤ ᱫᱚ "ᱥᱚᱛᱨᱚ ᱱᱟᱝᱜᱽᱨᱟᱦᱟ" ᱦᱚ ᱠᱚ ᱢᱮᱛᱟᱣᱟᱜ ᱜᱮᱭᱟ, ᱪᱮᱫᱟᱜ ᱥᱮ ᱱᱚᱣᱟ ᱡᱟᱭᱜᱟ ᱠᱷᱚᱱ ᱱᱚᱵᱚ-ᱵᱚᱭᱥᱱᱚᱵᱽ ᱫᱷᱚᱨᱚᱢ ᱨᱮᱱ ᱵᱟᱵᱟᱱᱫᱷᱟᱣᱤᱡ ᱥᱷᱨᱤ ᱢᱚᱱᱛᱚ ᱥᱚᱝᱠᱚᱨ ᱫᱮᱣ ᱟᱨ ᱩᱱᱤ ᱨᱮᱱ ᱪᱮᱞᱟ ᱢᱟᱫᱷᱚᱵᱽ ᱫᱮᱣ ᱫᱷᱚᱨᱚᱢ ᱠᱤᱱ ᱯᱟᱥᱱᱟᱣ ᱞᱮᱫᱟ ᱾ ᱟᱨ ᱟᱹᱰᱤ ᱟᱭᱢᱟ ᱱᱚᱵᱚ-ᱵᱚᱭᱥᱱᱚᱵᱽ ᱫᱷᱚᱨᱚᱢ ᱨᱮᱭᱟᱜ ᱫᱮᱣᱟ ᱚᱲᱟᱜ ᱛᱟᱸᱦᱟᱸ "ᱥᱚᱛᱨᱚ" ᱠᱤᱱ ᱵᱮᱱᱟᱣ ᱞᱮᱫᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱡᱩᱞᱤ ᱜᱟᱪᱟ ᱴᱟᱹᱯᱩ ᱜᱚᱬᱦᱚᱱᱚᱜ ᱢᱟᱲᱟᱝ ᱨᱮ ᱫᱤᱦᱤᱝ ᱟᱨ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱛᱟᱞᱟ ᱨᱮᱭᱟᱜ ᱡᱟᱭᱜᱟ ᱜᱮ ᱢᱟᱡᱟᱞᱤ ᱥᱮ ᱢᱚᱡᱟᱞᱤ ᱠᱚ ᱢᱮᱛᱟᱣᱟᱜ ᱠᱟᱱ ᱛᱟᱸᱦᱮᱱᱟ ᱾ "ᱢᱟᱡᱩᱞᱤ" ᱧᱩᱛᱩᱢ ᱚᱢᱚᱱ ᱥᱟᱶᱦᱮᱫ ᱯᱟᱥᱴᱟ ᱠᱷᱚᱱ ᱚᱛᱤᱞ ᱪᱚᱱᱫᱽᱨᱚ ᱦᱟᱡᱚᱨᱤᱠᱟ ᱫᱮᱣ ᱥᱚᱱᱫᱷᱤ ᱠᱮᱪᱮᱫ ᱠᱟᱛᱮ ᱩᱫᱩᱜ ᱟᱠᱟᱫᱟ ᱡᱮᱞᱮᱠᱟ - "ᱢᱟ" + "ᱡᱩᱞᱤ" = ᱢᱟᱡᱩᱞᱤ ᱫᱚ ᱦᱩᱭ ᱟᱠᱟᱱᱟ ᱵᱚᱞᱮ ᱾ ᱚᱠᱟ ᱨᱮ ᱫᱚ "ᱢᱟ" = ᱜᱚᱜᱚ ᱞᱩᱠᱷᱤ ᱟᱨ "ᱡᱩᱞᱤ" = ᱡᱚᱞᱳᱝᱟ/ᱢᱩᱨᱟᱹᱭ ᱾ ᱢᱤᱫ ᱚᱠᱛᱮ ᱪᱟᱥ ᱵᱟᱥ ᱛᱮ ᱟᱥᱮᱡ ᱛᱟᱥᱮ ᱚᱵᱚᱥᱛᱟ ᱦᱩᱭ ᱞᱮᱱ ᱛᱮ ᱢᱥᱡᱩᱞᱤ ᱫᱚ ᱜᱚᱜᱚ ᱞᱚᱠᱷᱤ ᱭᱟᱜ ᱢᱩᱨᱟᱹᱭ ᱢᱮᱱ ᱛᱮ ᱠᱚ ᱞᱮᱠᱷᱟᱭᱮᱫ ᱛᱟᱦᱮᱸᱱᱟ ᱾ ᱱᱚᱠᱩᱞ ᱪᱚᱱᱫᱽᱨᱚ ᱵᱷᱩᱸᱭᱟ ᱣᱟᱜ ᱵᱟᱨᱚ ᱵᱷᱩᱸᱭᱟ ᱦᱩᱰᱤᱧ ᱱᱟᱜᱟᱢ ᱨᱮ ᱥᱚᱨᱜᱚ ᱫᱮᱣ ᱡᱚᱭᱫᱷᱚᱢᱽ ᱥᱤᱝᱦᱚ ᱨᱟᱡᱚᱜ ᱠᱟᱱ ᱚᱠᱛᱮ ᱨᱮ ᱜᱮ ᱠᱟᱹᱴᱤᱡ ᱴᱟᱹᱯᱩ ᱠᱷᱚᱱ ᱢᱟᱨᱟᱝ ᱴᱟᱹᱯᱩ ᱜᱚᱲᱦᱚᱱ ᱞᱮᱱᱟ [᱒] ᱾ Gazetter of Bengal and North East India ᱨᱮᱭᱟᱜ ᱰᱚᱜᱚᱨ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱵᱟᱝᱢᱟ ᱑᱙᱐᱑ ᱥᱮᱨᱢᱟ ᱨᱮ ᱢᱟᱡᱩᱞᱤ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱔᱘᱕ ᱪᱟᱹᱣᱠᱟᱹ ᱢᱟᱭᱮᱞ ᱛᱟᱦᱮᱸ ᱠᱟᱱᱟ ᱾

ᱚᱛᱱᱚᱛ ᱰᱚᱜᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱡᱩᱞᱤ ᱒᱖° ᱔᱘' ᱠᱷᱚᱱ ᱒᱗° ᱑᱒' ᱠᱚᱸᱭᱮᱸ ᱚᱠᱷᱟᱝᱥᱚ ᱟᱨ ᱙᱓° ᱓᱙' ᱫᱨᱟᱜᱷᱤᱢᱟᱝᱥᱚ ᱨᱮ ᱢᱮᱱᱟᱜᱼᱟ ᱾ ᱟᱥᱟᱢ ᱨᱮᱭᱟᱜ ᱡᱚᱨᱦᱟᱴ ᱡᱤᱞᱟᱹ ᱨᱮᱭᱟᱜ ᱠᱚᱸᱭᱮᱸ ᱯᱟᱥᱴᱟ ᱨᱮ ᱢᱟᱡᱩᱞᱤ ᱫᱚ ᱢᱮᱱᱟᱜᱼᱟ ᱾ ᱢᱟᱡᱩᱞᱤ ᱨᱮᱭᱟᱜ ᱴᱟᱹᱱᱰᱤᱚᱛ ᱨᱮᱭᱟᱜ ᱢᱩᱴᱷᱟᱹᱱ ᱫᱚ ᱠᱟᱨᱞᱟ ᱡᱚ ᱞᱮᱠᱟ ᱧᱮᱞᱚᱜᱼᱟ ᱾ ᱢᱤᱫ ᱚᱠᱛᱮ ᱢᱟᱡᱩᱞᱤ ᱚᱛᱱᱚᱛ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱑᱒᱕᱐ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱛᱟᱸᱦᱮᱸ ᱠᱟᱱᱟ, ᱢᱮᱱ ᱠᱷᱟᱱ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱫᱷᱟᱥᱟᱣᱚᱜ ᱠᱷᱟᱠᱟᱱ ᱛᱮ ᱒᱐᱑᱒ ᱥᱮᱨᱢᱟ ᱕᱐᱘ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱫᱷᱟᱥᱟᱣ ᱥᱟᱨᱮᱡ ᱠᱟᱱ ᱛᱟᱦᱮᱱᱟ ᱾ ᱱᱚᱣᱟ ᱨᱮᱭᱟᱜ ᱠᱚᱸᱭᱮᱸ ᱱᱟᱠᱷᱟ ᱨᱮ ᱞᱚᱠᱷᱤᱢ ᱯᱩᱨ ᱡᱤᱞᱟᱹ ᱟᱨ ᱫᱷᱮᱢᱟᱡᱤ ᱡᱤᱞᱟᱹ, ᱮᱛᱚᱢ ᱨᱮ ᱡᱚᱨᱦᱟᱴ ᱡᱤᱞᱟᱹ, ᱥᱟᱢᱟᱝ ᱨᱮ ᱥᱤᱵᱥᱟᱜᱚᱨ ᱡᱤᱞᱟᱹ, ᱯᱟᱪᱷᱮ ᱨᱮ ᱜᱚᱞᱟᱜᱷᱟᱴ ᱟᱨ ᱥᱩᱱᱤᱛᱯᱩᱨ ᱦᱤᱞᱟᱹ ᱾

ᱦᱚᱭ ᱦᱤᱥᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱡᱩᱞᱤ ᱨᱮᱭᱟᱜ ᱦᱚᱭ ᱦᱤᱥᱤᱫ ᱢᱮᱱ ᱞᱮᱠᱷᱟᱱ ᱢᱳᱭᱥᱩᱢᱤ ᱦᱚᱭ ᱦᱤᱥᱤᱫ ᱠᱟᱱᱟ ᱾ ᱦᱚᱭ ᱦᱤᱥᱤᱫ ᱥᱟᱬᱮᱥ ᱯᱟᱥᱴᱟ ᱠᱷᱚᱱ ᱢᱮᱱ ᱞᱮᱠᱷᱟᱱ ᱩᱯᱚᱥᱚᱝᱠᱨᱟᱱᱛᱤᱭᱚ ᱢᱳᱣᱥᱩᱢᱤ ᱦᱚᱭ ᱦᱤᱥᱤᱫ ᱠᱚ ᱢᱮᱛᱟᱜᱼᱟ ᱾ ᱨᱤᱛᱩ ᱞᱮᱠᱥᱴᱟ ᱛᱮ ᱩᱛᱛᱟᱯ ᱵᱚᱱᱚᱫᱚᱞ ᱚᱜ ᱛᱮ ᱪᱟᱯ ᱟᱹᱨᱩ ᱯᱷᱮᱨᱟᱣ ᱦᱩᱭᱩᱜ ᱛᱮ ᱢᱳᱣᱥᱩᱢᱤ ᱦᱚᱭ ᱦᱤᱡᱩᱜᱼᱟ ᱾ ᱢᱟᱡᱩᱞᱤ ᱨᱮᱭᱟᱜ ᱦᱚᱭ ᱦᱤᱥᱤᱫ ᱟᱥᱚᱠᱟᱭ ᱛᱮ ᱞᱚᱞᱚ ᱟᱨ ᱩᱨᱜᱚᱢ ᱜᱮᱭᱟ ᱾ ᱨᱟᱵᱟᱝ ᱫᱤᱱ ᱨᱮ ᱫᱟᱜ ᱟᱨ ᱞᱚᱞᱚ ᱨᱮᱭᱟᱜ ᱢᱟᱛᱨᱟ ᱠᱚᱢᱚᱜ ᱥᱨᱡ ᱛᱮ ᱨᱮᱭᱟᱲ ᱵᱟᱹᱰᱚᱜᱼᱟ ᱾ ᱞᱚᱞᱚ ᱫᱤᱱ ᱨᱮ ᱢᱟᱡᱩᱞᱤ ᱞᱚᱞᱚ-ᱨᱟᱵᱟᱝ ᱨᱮᱭᱟᱜ ᱡᱚᱠᱷᱟ ᱫᱚ ᱒᱒° ᱠᱷᱚᱱ ᱓᱔° ᱥᱮᱞᱥᱤᱭᱟᱥ ᱛᱟᱦᱮᱱᱟ ᱟᱨ ᱨᱮᱭᱟᱲ ᱫᱤ ᱑᱒° ᱠᱷᱚᱱ ᱑᱐° ᱦᱟᱹᱵᱤᱡ ᱾ ᱞᱮᱛᱟᱲ ᱜᱮ ᱢᱳᱣᱥᱩᱢᱤ ᱦᱚᱭ ᱚᱴᱟᱝᱚᱜ ᱛᱮ ᱢᱟᱡᱩᱞᱤ ᱨᱮ ᱓᱐᱐ ᱥᱮᱢᱴᱤᱢᱤᱴᱟᱨ ᱫᱚᱜ ᱧᱩᱨᱩᱜᱼᱟ ᱾

ᱫᱩᱥᱣᱟᱹ ᱜᱟᱛᱷᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱡᱩᱞᱤ ᱨᱮ ᱱᱟᱦᱟᱜ ᱦᱚᱲ ᱞᱮᱠᱷᱟ ᱑᱔᱐,᱐᱐᱐ ᱢᱮᱱᱟᱜ ᱠᱚᱣᱟ ᱾ ᱢᱟᱡᱩᱞᱤ ᱨᱮ ᱫᱤᱥᱣᱟᱹ ᱜᱟᱛᱷᱟᱣ ᱢᱮᱥᱟ ᱜᱮᱭᱟ, ᱱᱚᱣᱟ ᱴᱷᱟᱺᱭ ᱨᱮ ᱟᱭᱢᱟ ᱡᱟᱹᱛ ᱨᱮᱱ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱᱟ ᱾ ᱢᱤᱥᱤᱝ ᱡᱟᱹᱛ ᱵᱟᱹᱲᱛᱤ ᱢᱮᱱᱟᱜ ᱠᱚ ᱨᱮ ᱦᱚᱸ, ᱥᱟᱫᱷᱟᱨᱚᱱ ᱜᱟᱛᱟᱠ ᱨᱮᱱ ᱦᱚᱲ ᱦᱚ ᱢᱮᱱᱟᱜ ᱠᱚ ᱜᱮᱭᱟ, ᱥᱚᱱᱣᱟᱞ ᱠᱟᱥᱟᱨᱤ, ᱫᱮᱣᱨᱤ ᱟᱨ ᱥᱟᱶᱛᱮ ᱟᱫᱚᱢ ᱦᱤᱱᱫᱩ ᱵᱟᱝᱟᱞᱤ ᱟᱨ ᱱᱮᱯᱟᱞᱤ ᱜᱟᱛᱟᱠ ᱨᱮᱱ ᱦᱚᱲ ᱦᱚ" ᱢᱮᱱᱟᱜ ᱠᱚᱣᱟ ᱾

ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱡᱩᱞᱤ ᱦᱟᱹᱵᱤᱡᱤ ᱡᱚᱨᱦᱟᱴ ᱟᱨ ᱞᱚᱠᱷᱤᱢ ᱯᱩᱨ ᱵᱟᱱᱟᱨ ᱱᱟᱠᱷᱟ ᱛᱮᱢ ᱥᱮᱱ ᱫᱟᱲᱮᱭᱟᱜᱼᱟ ᱾ ᱡᱚᱨᱦᱟᱴ ᱠᱷᱚᱱ ᱥᱮᱱᱚᱜ ᱞᱟᱹᱜᱤᱫ ᱱᱟᱝᱜᱨᱟᱦᱟ ᱨᱮᱭᱟᱜ ᱩᱯᱚᱠᱚᱱᱴᱷᱚ ᱱᱤᱢᱟᱛ ᱜᱷᱟᱴ ᱠᱷᱚᱱ ᱯᱷᱮᱨᱤ ᱨᱮ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱛᱮ ᱟᱹᱰᱤ ᱨᱟᱹᱥᱠᱟᱹ ᱥᱟᱝᱜᱷᱟᱨ ᱦᱩᱭᱩᱜᱼᱟ ᱾ ᱱᱤᱢᱟᱛᱤ ᱠᱷᱚᱱ ᱢᱥᱡᱩᱞᱤ ᱨᱮᱭᱟᱜ ᱠᱚᱢᱞᱟᱵᱟᱨᱤ, ᱫᱚᱠᱷᱤᱱᱟ ᱯᱚᱴ, ᱥᱚᱢᱩᱭᱢᱟᱨᱤ, ᱚᱯᱷᱚᱞᱟᱢᱩᱠᱷ, ᱥᱟᱞᱢᱟᱨᱟ, ᱯᱷᱩᱞᱚᱱᱤ (ᱵᱚᱜᱚᱨᱤ ᱜᱩᱨᱤ) ᱮᱢᱟᱱ ᱜᱷᱟᱴ ᱠᱚ ᱛᱮ ᱵᱚᱱ ᱥᱮᱱ ᱫᱟᱲᱮᱭᱟᱜᱼᱟ ᱾ ᱥᱟᱝᱜᱷᱟᱨᱤᱭᱟᱹ ᱠᱚ ᱥᱟᱶᱛᱮ ᱦᱚᱸ ᱦᱩᱰᱤᱧ ᱜᱟᱹᱰᱤ ᱯᱟᱨᱚᱢ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱯᱷᱮᱨᱤ ᱨᱮ ᱾ ᱱᱷᱟᱛᱮ, ᱞᱚᱠᱷᱤᱢᱯᱩᱨ ᱠᱷᱚᱱ ᱞᱩᱭᱤᱛ ᱟᱨ ᱠᱷᱟᱵᱚᱞᱩ ᱧᱩᱛᱩᱢᱟᱱ ᱵᱟᱨᱭᱟ ᱜᱷᱟᱴ ᱯᱟᱨᱚᱢ ᱦᱩᱭᱩᱜᱼᱟ ᱾ ᱞᱚᱠᱷᱤᱢᱯᱩᱨ ᱡᱤᱞᱟᱹ ᱨᱮᱭᱟᱜ ᱵᱤᱦᱯᱩᱨᱤᱭᱟ ᱥᱮᱡ ᱞᱮᱠᱟ ᱛᱮ ᱢᱟᱡᱩᱞᱤ ᱥᱮᱱᱚᱜ ᱢᱤᱫ ᱴᱮᱱ ᱰᱟᱦᱟᱨ ᱦᱚᱸ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Assam: Majuli becomes 1st river island district of India". Hindustan Times. Guwahati. 27 ᱡᱩᱱ 2016. Retrieved 28 ᱡᱩᱱ 2016. 
  2. নকুল চন্দ্ৰ ভূঞা ৰচনা সমগ্ৰ