ᱢᱟᱦᱟ ᱥᱤᱵᱽᱨᱟᱛᱨᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
'ᱢᱟᱦᱟ ᱥᱤᱵᱽᱨᱟᱛᱨᱤ'
02 Mahashivratree festival.JPG
Meditating Lord Shiva statue on Maha-Shivratri
ᱢᱟᱱᱟᱣᱠᱩ  ᱵᱟᱝᱞᱮᱫᱮᱥ ᱨᱮ ᱦᱤᱱᱫᱩ ᱠᱚ, ᱜᱩᱭᱟᱱᱟ, ᱥᱤᱧᱚᱛ, ᱢᱚᱣᱨᱤᱥᱚᱥ, ᱢᱭᱟᱱᱢᱟᱨ, ᱱᱮᱯᱟᱲH ᱯᱟᱠᱤᱥᱛᱟᱱ, ᱛᱨᱤᱱᱤᱫᱟᱫᱽ ᱟᱨ ᱴᱳᱵᱟᱜᱳ, ᱥᱟᱣᱩᱛᱷ ᱟᱯᱨᱤᱠᱟ
ᱞᱮᱠᱟᱱ ᱫᱷᱚᱨᱚᱢᱤᱭᱟᱹ
ᱢᱳᱦᱚᱴᱣᱚ self study, Night of marriage between Shiva and Parvati, yoga[᱑]
Observances Fasting, yoga, all night vigil, worship of Lingam[᱑]
ᱛᱤᱱᱟᱹ ᱢᱟᱦᱟᱸ ᱛᱟᱭᱚᱢ ᱥᱮᱨᱢᱟᱠᱤᱭᱟᱹ

ᱢᱟᱦᱟᱥᱤᱵᱽᱨᱟᱛᱨᱤ ᱫᱚ ᱦᱤᱱᱫᱩ ᱠᱚᱣᱟᱜ ᱢᱤᱫ ᱧᱩᱛᱩᱢᱟᱱ ᱯᱟᱨᱟᱵᱽ ᱠᱟᱱᱟ ᱾ ᱱᱚᱶᱟ ᱫᱚ ᱵᱷᱚᱜᱚᱵᱟᱱ ᱥᱤᱵᱽ ᱟᱜ ᱢᱟᱨᱟᱝ ᱯᱟᱨᱟᱵᱽ ᱠᱟᱱᱟ ᱾

ᱯᱷᱟᱹᱜᱩᱱ ᱠᱨᱩᱥᱱᱚ ᱪᱚᱛᱩᱨᱫᱚᱥᱤ ᱦᱤᱞᱚᱜ ᱢᱟᱦᱟᱥᱤᱵᱽᱨᱟᱛᱨᱤ ᱯᱟᱨᱟᱵᱽ ᱫᱚᱠᱚ ᱢᱟᱱᱟᱣᱟ ᱾ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱚᱛᱮ ᱚᱶᱟᱝ ᱨᱮᱱᱟᱜ ᱮᱛᱚᱦᱚᱵ ᱱᱚᱶᱟ ᱢᱟᱦᱟᱸ ᱠᱷᱚᱱ ᱜᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱢᱟᱨᱮ ᱠᱟᱹᱦᱱᱤ ᱞᱮᱠᱟᱛᱮ ᱱᱚᱶᱟ ᱢᱟᱦᱟᱸ ᱫᱚ ᱚᱶᱟᱝ ᱨᱮᱱᱟᱜ ᱮᱛᱚᱦᱚᱵ ᱚᱜᱽᱱᱤᱞᱤᱸᱜᱽ ( ᱡᱟᱦᱟᱸ ᱫᱚ ᱢᱟᱦᱟᱫᱮᱵᱽ ᱟᱜ ᱢᱟᱨᱟᱝ ᱢᱩᱴᱷᱟᱹᱱ ᱛᱟᱭ ) ᱟᱜ ᱚᱯᱮᱞᱚᱜ ᱠᱷᱚᱱ ᱦᱩᱭ ᱟᱠᱟᱱᱟ ᱾ ᱱᱤᱭᱟᱹ ᱦᱤᱞᱚᱜ ᱜᱮ ᱵᱷᱚᱜᱚᱵᱟᱱ ᱥᱤᱵᱽ ᱟᱜ ᱵᱟᱯᱞᱟ ᱫᱮᱵᱤ ᱯᱟᱨᱵᱚᱛᱤ ᱥᱟᱶ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱥᱮᱨᱢᱟ ᱨᱮ ᱦᱩᱭᱩᱜ ᱠᱟᱱ ᱑᱒ ᱥᱤᱵᱽᱨᱟᱛᱨᱤ ᱠᱷᱚᱱ ᱢᱟᱦᱟᱥᱤᱵᱽᱨᱟᱛᱨᱤ ᱫᱚ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱜ ᱯᱟᱨᱟᱵᱽ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱾ [᱕] ᱵᱷᱟᱨᱚᱛ ᱥᱟᱶ ᱥᱟᱶᱛᱮ ᱯᱩᱨᱟᱹ ᱜᱩᱱᱤᱭᱟᱹ ᱨᱮ ᱢᱟᱦᱟᱥᱤᱵᱽᱨᱟᱛᱨᱤ ᱟᱜ ᱥᱚᱱᱚᱛ ᱯᱟᱨᱵᱽ ᱟᱹᱰᱤ ᱜᱮ ᱨᱟᱹᱥᱠᱟᱹ ᱨᱚᱢᱚᱡᱽ ᱥᱟᱶᱛᱮ ᱠᱚ ᱢᱟᱱᱟᱭᱟ ᱾

ᱠᱟᱥᱢᱤᱨ ᱥᱮᱭᱵᱽ ᱟᱜ ᱢᱚᱱᱚᱛ ᱨᱮ ᱱᱚᱶᱟ ᱯᱟᱨᱟᱵᱽ ᱫᱚ ᱦᱟᱨ-ᱨᱟᱛᱨᱤ ᱟᱨ ᱨᱚᱲ ᱨᱚᱯᱚᱲ ᱨᱮᱫᱚ 'ᱦᱮᱨᱟᱛᱷ' ᱟᱨᱵᱟᱝ 'ᱦᱮᱨᱚᱛᱷ' ᱦᱚᱸᱠᱚ ᱢᱮᱛᱟᱦᱟᱜ-ᱟ ᱾ [᱖][᱗]

ᱠᱟᱹᱦᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱦᱟᱥᱤᱵᱽᱨᱟᱛᱨᱤ ᱥᱟᱶ ᱡᱩᱲᱟᱹᱭ ᱟᱠᱟᱱ ᱟᱹᱰᱤ ᱢᱟᱨᱮ ᱠᱟᱛᱷᱟ ᱥᱮ ᱠᱟᱹᱦᱱᱤ ᱦᱚᱸ ᱢᱮᱱᱟᱜ-ᱟ ᱺ

ᱫᱚᱨᱮᱭᱟ ᱢᱚᱱᱛᱷᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱨᱮᱭᱟ ᱢᱚᱱᱛᱷᱚᱱ ᱫᱚ ᱡᱤᱭᱟᱹᱛ ᱚᱢᱨᱩᱛ ᱞᱮᱱ ᱚᱰᱚᱠ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱞᱮᱱ ᱛᱟᱦᱮᱸᱫ, ᱤᱠᱷᱟᱹᱱ ᱚᱱᱟ ᱥᱟᱶᱛᱮ ᱜᱮ ᱦᱚᱞᱟᱦᱚᱞ ᱧᱩᱛᱩᱢᱟᱱ ᱵᱤᱥ ᱦᱚᱸ ᱚᱰᱚᱠ ᱞᱮᱱ ᱛᱟᱵᱮᱸᱫ ᱾ ᱦᱚᱞᱟᱦᱚᱞ ᱵᱤᱥ ᱨᱮᱫᱚ ᱚᱶᱟᱝ ᱱᱟᱥ ᱨᱮᱱᱟᱜ ᱫᱟᱲᱮ ᱛᱟᱦᱮᱸ ᱠᱟᱱᱟ ᱟᱨ ᱚᱱᱟ ᱠᱷᱟᱹᱛᱤᱨ ᱜᱮ ᱥᱩᱢᱩᱝ ᱵᱷᱚᱜᱚᱵᱟᱱ ᱥᱤᱵᱽ ᱜᱮ ᱱᱚᱶᱟ ᱵᱤᱥ ᱫᱚᱭ ᱪᱟᱵᱟ ᱫᱟᱧᱮᱭᱟᱜ ᱛᱟᱦᱮᱸᱫ ᱾ ᱵᱷᱚᱜᱚᱵᱟᱱ ᱥᱤᱵᱽ ᱫᱚ ᱦᱚᱞᱟᱦᱚᱞ ᱧᱩᱛᱩᱢᱟᱱ ᱵᱤᱥ ᱫᱚ ᱟᱡᱟᱜ ᱦᱚᱴᱚᱜ ᱨᱮᱭ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱵᱤᱥ ᱩᱱᱟᱹᱜ ᱫᱟᱲᱮᱭᱟᱱ ᱛᱟᱦᱮᱸ ᱠᱟᱱᱟ ᱪᱤ ᱵᱷᱚᱜᱚᱵᱟᱱ ᱥᱤᱵᱽ ᱟᱹᱰᱤ ᱵᱟᱹᱲᱛᱤ ᱦᱟᱨᱠᱮᱛ ᱥᱟᱦᱟᱣ ᱦᱩᱭ ᱟᱫᱮ ᱛᱟᱦᱮᱸᱫ ᱟᱨ ᱚᱱᱟᱛᱮ ᱩᱱᱤᱭᱟᱜ ᱦᱚᱴᱚᱜ ᱫᱚ ᱞᱤᱞ ᱜᱮ ᱧᱮᱞ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱵᱷᱤᱜᱚᱵᱟᱱ ᱥᱤᱵᱽ ᱫᱚ 'ᱱᱤᱞᱠᱚᱸᱛᱷ' ᱧᱩᱛᱩᱢ ᱛᱮᱦᱚᱸ ᱵᱷᱟᱹᱜᱤ ᱩᱯᱨᱩᱢᱢᱮᱱᱟᱜ ᱛᱟᱭᱟ ᱾ ᱛᱤᱠᱪᱷᱟᱹ ᱞᱟᱹᱜᱤᱫ ᱛᱤᱠᱪᱷᱤᱭᱟᱹ ᱠᱚᱫᱚ ᱫᱮᱵᱽᱛᱟ ᱟᱨ ᱵᱷᱚᱜᱚᱵᱟᱱ ᱥᱤᱵᱽ ᱫᱚ ᱯᱩᱨᱟᱹ ᱧᱤᱜᱟᱹ ᱵᱮᱸᱜᱟᱫ ᱛᱟᱵᱮᱸᱱ ᱨᱮᱱᱟᱜ ᱠᱚ ᱢᱮᱛᱟᱫ ᱠᱚᱣᱟ ᱾ ᱱᱚᱝᱠᱟ ᱫᱮᱵᱽᱛᱟ ᱠᱚ ᱵᱷᱚᱜᱚᱵᱟᱱ ᱥᱤᱵᱽ ᱟᱜ ᱪᱤᱱᱛᱟᱹ ᱨᱮ ᱥᱚᱱᱛᱚᱨ ᱠᱚ ᱛᱟᱦᱮᱸ ᱮᱱᱟ ᱾ ᱥᱤᱵᱽ ᱠᱚ ᱨᱟᱹᱥᱠᱟᱹ ᱚᱪᱚᱭᱮ ᱟᱨ ᱵᱮᱸᱜᱮᱜ ᱚᱪᱚᱭᱮ ᱞᱟᱹᱜᱤᱫ ᱛᱮ ᱫᱮᱵᱽᱛᱟ ᱠᱚᱫᱚ ᱞᱮᱠᱟᱱ ᱞᱮᱠᱟᱱ ᱮᱱᱮᱫ ᱟᱨ ᱨᱩ ᱚᱨᱚᱝ ᱠᱚᱠᱚ ᱨᱩ ᱠᱮᱫ-ᱟ ᱾ ᱡᱟᱦᱟᱸ ᱞᱮᱠᱟ ᱥᱮᱛᱟᱜ ᱮᱱᱟ, ᱩᱱᱠᱩᱣᱟᱜ ᱵᱷᱚᱠᱛᱤ ᱛᱮ ᱠᱩᱥᱤ ᱟᱠᱟᱱ ᱵᱷᱚᱜᱚᱵᱟᱱ ᱥᱤᱵᱽ ᱫᱚ ᱩᱱᱠᱩ ᱡᱚᱛᱚ ᱦᱚᱲ ᱛᱷᱩᱢ ᱮ ᱮᱢᱟᱫ ᱠᱚᱣᱟ ᱾ ᱥᱤᱵᱽᱨᱟᱛᱨᱤ ᱫᱚ ᱱᱚᱶᱟ ᱜᱷᱚᱴᱚᱱ ᱨᱮᱱᱟᱜ ᱯᱟᱨᱟᱵᱽ ᱜᱮ, ᱡᱟᱦᱟᱸ ᱛᱮ ᱥᱤᱵᱽ ᱫᱚ ᱯᱩᱨᱟᱹ ᱚᱶᱟᱝ ᱮ ᱵᱟᱧᱪᱟᱣ ᱠᱮᱫ-ᱟ ᱾ ᱩᱱ ᱠᱷᱚᱱ ᱜᱮ ᱥᱤᱵᱽ ᱢᱟᱱᱟᱣ ᱵᱟᱛᱟᱣ ᱮ ᱠᱟᱱ ᱦᱚᱲ ᱠᱚᱫᱚ ᱤᱱᱟᱹ ᱦᱤᱞᱚᱜ ᱩᱯᱟᱹᱥ ᱠᱚ ᱛᱟᱦᱮᱸᱱᱟ ᱾

ᱥᱤᱠᱟᱹᱨᱤᱭᱟᱹ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫ ᱫᱷᱟᱣ ᱯᱟᱨᱵᱚᱛᱤ ᱫᱚ ᱵᱷᱚᱜᱚᱵᱟᱱ ᱥᱤᱵᱽ ᱥᱚᱝᱠᱚᱨ ᱮ ᱠᱩᱞᱤ ᱠᱮᱫᱮᱭᱟ, ᱚᱱᱠᱟ ᱫᱚ ᱚᱠᱟ ᱡᱚᱛᱚ ᱠᱷᱚᱱ ᱢᱟᱨᱟᱝ ᱤᱠᱷᱟᱹᱱ ᱟᱞᱜᱟ ᱩᱯᱟᱹᱥ ᱵᱚᱜᱟ ᱵᱳᱨᱳ ᱠᱟᱹᱢᱤ ᱦᱚᱨᱟ ᱠᱟᱱᱟ, ᱡᱟᱦᱟᱸᱛᱮ ᱜᱩᱨᱚᱜ ᱴᱚᱴᱷᱟ ᱨᱤᱱ ᱡᱤᱵᱽ ᱠᱚ ᱟᱢᱟᱜ ᱛᱷᱩᱢ ᱟᱹᱰᱤ ᱟᱞᱜᱟ ᱛᱮᱠᱚ ᱟᱢᱮᱴ ᱫᱟᱲᱮᱭᱟᱜ ᱠᱟᱱᱟ ? ᱛᱮᱞᱟ ᱨᱮ ᱥᱤᱵᱽ ᱫᱚ ᱯᱟᱨᱵᱚᱛᱤᱭ ᱢᱮᱛᱟ ᱟᱫᱮᱭᱟ ᱪᱤ 'ᱥᱤᱵᱽᱨᱟᱛᱨᱤ' ᱨᱮ ᱯᱟᱹᱥ ᱨᱮᱱᱟᱜ ᱱᱤᱭᱚᱢ ᱞᱟᱹᱭ ᱠᱟᱛᱮ ᱱᱚᱶᱟ ᱠᱟᱛᱷᱟᱭ ᱟᱸᱡᱚᱢ ᱟᱫᱮᱭᱟ - ᱢᱤᱫ ᱫᱷᱟᱣ ᱪᱤᱛᱨᱚᱵᱷᱟᱱᱩ ᱧᱩᱛᱩᱢᱟᱱ ᱢᱤᱫ ᱥᱤᱠᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱡᱟᱱᱣᱟ ᱠᱚ ᱜᱚᱡ ᱠᱟᱛᱮ ᱩᱱᱤ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱮ ᱪᱚᱲᱟᱣ ᱮᱫ ᱛᱟᱦᱮᱸᱫ, ᱩᱱᱤ ᱫᱚ ᱢᱤᱫ ᱥᱟᱦᱩᱠᱟᱨ ᱴᱷᱮᱱ ᱫᱷᱟᱹᱨᱛᱤᱭ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱩᱱᱤᱭᱟᱜ ᱫᱷᱟᱹᱨᱛᱤ ᱚᱠᱛᱚ ᱨᱮ ᱵᱟᱭ ᱦᱟᱞᱟ ᱫᱟᱲᱮᱭᱟᱫ-ᱟ ᱾ ᱨᱟᱹᱜᱤ ᱟᱠᱟᱱ ᱥᱟᱵᱩᱠᱟᱨ ᱫᱚ ᱥᱤᱠᱟᱹᱨᱤᱭᱟᱹ ᱥᱤᱵᱽᱢᱚᱴᱷ ᱨᱮ ᱦᱟᱹᱲᱤ ᱠᱟᱛᱮᱭ ᱫᱚᱦᱚ ᱠᱮᱫᱮᱭᱟ ᱾ ᱤᱱᱟᱹ ᱦᱤᱞᱚᱜ ᱫᱚ ᱥᱤᱵᱽᱨᱟᱛᱨᱤ ᱛᱟᱦᱮᱸ ᱠᱟᱱᱟ ᱾

ᱥᱤᱠᱟᱹᱨᱤᱭᱟᱹ ᱫᱚ ᱫᱷᱮᱭᱟᱱ ᱢᱚᱱᱮᱨᱮ ᱛᱟᱦᱮᱸ ᱠᱟᱛᱮ ᱥᱤᱵᱽ ᱥᱟᱶ ᱡᱩᱲᱟᱹᱭ ᱫᱷᱚᱨᱚᱢᱤᱭᱟᱹ ᱠᱟᱛᱷᱟ ᱟᱸᱡᱚᱢ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱪᱚᱛᱩᱨᱫᱚᱥᱤ ᱦᱤᱞᱚᱜ ᱫᱚ ᱩᱱᱤ ᱥᱤᱵᱽᱨᱟᱛᱨᱤ ᱵᱽᱨᱚᱛ ᱠᱟᱛᱷᱟ ᱦᱚᱸᱭ ᱟᱸᱫᱚᱢ ᱠᱮᱫ-ᱟ ᱾ ᱟᱹᱭᱩᱵ ᱮᱱ ᱠᱷᱟᱱ ᱜᱮ ᱥᱟᱦᱩᱠᱟᱨ ᱫᱚ ᱩᱱᱤ ᱟᱡ ᱴᱷᱮᱱ ᱮ ᱦᱚᱦᱚ ᱟᱫᱮᱭᱟ ᱟᱨ ᱫᱷᱟᱹᱨᱛᱤ ᱦᱟᱞᱟᱭ ᱨᱮᱱᱟᱜ ᱠᱟᱛᱷᱟᱭ ᱢᱮᱛᱟ ᱟᱫᱮᱭᱟ ᱾ ᱥᱤᱠᱟᱹᱨᱤᱭᱟᱹ ᱫᱚᱥᱟᱨ ᱦᱤᱞᱚᱜ ᱡᱚᱛᱚ ᱫᱷᱟᱹᱨᱛᱤᱭ ᱦᱟᱞᱟ ᱨᱩᱣᱟᱹᱲᱟ ᱢᱮᱱᱛᱮ ᱠᱟᱛᱷᱟᱭ ᱫᱚᱦᱚ ᱠᱮᱫ-ᱟ ᱟᱨ ᱛᱚᱞ ᱨᱷᱚᱱ ᱫᱚᱭ ᱨᱟᱲᱟ ᱫᱩᱜ ᱮᱱᱟ ᱾ ᱟᱡᱟᱜ ᱫᱤᱱᱟᱹᱢ ᱟ ᱠᱟᱹᱢᱤ ᱞᱮᱠᱟᱛᱮ ᱜᱮ ᱵᱤᱨ ᱛᱮ ᱥᱮᱸᱫᱽᱨᱟ ᱞᱟᱹᱜᱤᱫ ᱮ ᱚᱰᱚᱠ ᱮᱱᱟ ᱾ᱤᱠᱷᱟᱹᱱ ᱫᱤᱱ ᱥᱟᱨᱟ ᱵᱚᱸᱫᱽ ᱚᱲᱟᱜ ᱨᱮᱭ ᱛᱟᱦᱮᱸ ᱠᱟᱱ ᱠᱷᱟᱹᱛᱤᱨ ᱨᱮᱸᱦᱮᱡ ᱛᱮᱛᱟᱝ ᱛᱮᱭ ᱠᱟᱹᱦᱤᱞ ᱪᱟᱵᱟᱭᱮᱱᱟ ᱾ ᱥᱮᱸᱫᱽᱨᱟ ᱞᱟᱹᱜᱤᱫ ᱩᱱᱤ ᱫᱚ ᱢᱫ ᱯᱩᱠᱷᱨᱤ ᱥᱩᱨ ᱨᱮ ᱵᱮᱞ ᱫᱟᱨᱮ ᱴᱷᱮᱱ ᱮ ᱡᱤᱨᱟᱹᱣ ᱮᱱᱟ ᱾ ᱵᱮᱞ ᱫᱟᱨᱮ ᱞᱟᱛᱟᱨ ᱨᱮ ᱢᱤᱜ ᱥᱤᱵᱽ ᱞᱤᱸᱜᱽ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱥᱟᱠᱟᱢ ᱛᱮ ᱮᱥᱮᱫ ᱟᱠᱟᱱ ᱛᱟᱦᱮᱸᱫ ᱾ ᱥᱤᱠᱟᱹᱨᱤᱭᱟᱹ ᱫᱚ ᱚᱱᱟ ᱵᱟᱭ ᱵᱟᱰᱟᱭ ᱫᱟᱲᱮᱭᱟᱫ-ᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ Melton, J. Gordon (2011). Religious Celebrations: An Encyclopedia of Holidays, Festivals, Solemn Observances, and Spiritual Commemorations. ABC-CLIO. pp. 541–542. ISBN 978-1-59884-206-7. 
  2. "National Portal of India". www.india.gov.in. Retrieved 18 ᱰᱤᱥᱮᱢᱵᱚᱨ 2019. 
  3. "National Portal of India". www.india.gov.in. Retrieved 18 ᱰᱤᱥᱮᱢᱵᱚᱨ 2019. 
  4. LLP, Adarsh Mobile Applications. "2021 Maha Shivaratri | Shivratri Date and Time for New Delhi, NCT, India". Drikpanchang. 
  5. ShivShankar.in. "Maha Shivaratri". Maha Shivaratri. ShivShankar.in. Archived from the original on 3 ᱢᱟᱨᱪ 2016. Retrieved 7 ᱢᱟᱨᱪ 2016.  Unknown parameter |url-status= ignored (help)
  6. Stanley D. Brunn (2015). The Changing World Religion Map: Sacred Places, Identities, Practices and Politics. Springer. pp. 402–403. ISBN 978-94-017-9376-6. Archived from the original on 22 ᱯᱷᱮᱵᱽᱨᱩᱣᱟᱨᱤ 2017. Retrieved 23 ᱯᱷᱮᱵᱽᱨᱩᱣᱟᱨᱤ 2017.  Unknown parameter |url-status= ignored (help)
  7. Asim Maitra (1986). Religious Life of the Brahman: A Case Study of Maithil Brahmans. Munshilal. p. 125. ISBN 978-81-210-0171-7. Archived from the original on 22 ᱯᱷᱮᱵᱽᱨᱩᱣᱟᱨᱤ 2017. Retrieved 23 ᱯᱷᱮᱵᱽᱨᱩᱣᱟᱨᱤ 2017.  Unknown parameter |url-status= ignored (help)

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]