ᱢᱟᱨᱠᱚ ᱯᱚᱞᱚ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱧᱩᱛᱩᱢ ᱢᱟᱨᱠᱚ ᱯᱚᱞᱚ
ᱡᱤᱭᱚᱱ
ᱡᱟᱱᱟᱢ ᱑᱒᱕᱔
ᱜᱩᱨ ᱢᱟᱺᱦᱤᱛ ᱘ ᱡᱟᱱᱩᱣᱟᱨᱤ ᱑᱓᱒᱔
ᱟᱯᱟᱛ ᱱᱤᱠᱠᱚᱞᱚ ᱯᱚᱞᱚ
ᱮᱸᱜᱟᱛ ᱟᱱᱱᱟ ᱰᱮᱯᱷᱩᱥᱮ
ᱠᱟᱹᱢᱤ ᱵᱮᱯᱟᱨ

ᱢᱟᱨᱠᱚ ᱯᱚᱞᱚ ᱫᱚ ᱢᱤᱫ ᱵᱮᱯᱟᱨᱤ ᱟᱨ ᱫᱤᱥᱚᱢ ᱫᱟᱬᱟᱱᱤᱡ ᱛᱟᱦᱮᱸᱠᱟᱱᱟᱭ ᱾[1] ᱩᱱᱤ ᱫᱚ ᱵᱷᱮᱱᱤᱥ ᱜᱟᱬᱟᱨᱟᱡᱽ ᱨᱤᱱᱤᱡ ᱱᱟᱜᱟᱨᱤᱭᱟᱹᱭ ᱛᱟᱦᱮᱸᱠᱟᱱᱟ ᱾[2][3][4][5][6] ᱩᱱᱤ ᱛᱟᱞᱢᱟ ᱮᱥᱤᱭᱟ ᱟᱨ ᱪᱤᱱ ᱫᱤᱥᱚᱢ ᱪᱟᱞᱟᱣ ᱠᱟᱛᱮ, ᱚᱱᱟ ᱨᱮᱱᱟᱜ ᱫᱟᱬᱟ ᱠᱟᱹᱦᱱᱤ ᱞᱤᱵᱽᱨᱮᱥ ᱰᱮᱥ ᱢᱟᱨᱵᱷᱮᱞᱞᱮᱥ ᱰᱩ ᱢᱚᱱᱫᱮ (Livres des merveilles du monde) ᱧᱩᱛᱩᱢᱟᱱ ᱯᱚᱛᱚᱵ ᱨᱮ ᱠᱷᱚᱫᱟ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱯᱚᱛᱚᱵ ᱤᱝᱜᱽᱞᱤᱥ ᱛᱮ ᱛᱚᱨᱡᱚᱢᱟ ᱠᱟᱛᱮ Book of the Marvels of the World ᱟᱨ The Travels of Marco Polo ᱧᱩᱛᱩᱢ ᱛᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ ᱾ ᱱᱚᱶᱟ ᱯᱚᱛᱚᱵ ᱫᱟᱨᱟᱭ ᱛᱮ ᱤᱣᱨᱚᱯᱤᱭᱟᱹ ᱠᱚ ᱫᱚ ᱯᱩᱭᱞᱩᱠᱟᱛᱮ ᱮᱥᱤᱭᱟ ᱢᱟᱦᱟᱫᱮᱥ ᱨᱮᱱᱟᱜ ᱛᱟᱞᱢᱟ ᱮᱥᱤᱭᱟ ᱟᱨ ᱪᱤᱱ ᱫᱤᱥᱚᱢ ᱵᱟᱵᱚᱫᱽ ᱛᱮ ᱠᱚ ᱵᱟᱰᱟᱭ ᱞᱮᱫ ᱛᱟᱦᱮᱸᱫ ᱾ ᱢᱟᱨᱠᱚ ᱯᱚᱞᱚ ᱟᱡ ᱟᱯᱟᱛ ᱱᱤᱠᱠᱚᱞᱚ ᱟᱨ ᱟᱡ ᱠᱟᱠᱟ ᱢᱟᱯᱷᱤᱭᱚ ᱜᱚ ᱫᱟᱬᱟ ᱵᱮᱯᱟᱨᱤ ᱠᱤᱱ ᱛᱟᱦᱮᱸ ᱠᱟᱱᱟ ᱟᱨ ᱮᱥᱤᱭᱟ ᱥᱮᱫ ᱫᱟ ᱫᱟᱬᱟ ᱠᱟᱛᱮ ᱵᱚᱲᱚᱭ ᱠᱷᱟᱱ ᱠᱷᱟᱱ ᱥᱟᱶ ᱦᱚᱸ ᱠᱤᱱ ᱧᱟᱯᱟᱢ ᱞᱮᱱᱟ ᱾ ᱑᱒᱗᱙ ᱥᱟᱞᱮ ᱨᱮ ᱩᱱᱠᱤᱱ ᱵᱷᱮᱱᱤᱥ ᱛᱮ ᱨᱩᱣᱟᱹᱲᱮᱱ ᱛᱟᱭᱚᱢ ᱥᱟᱶ ᱨᱮ ᱢᱟᱨᱠᱚ ᱯᱚᱞᱚ ᱦᱚᱸ ᱠᱤᱱ ᱤᱫᱤ ᱛᱟᱨᱟ ᱠᱮᱫᱮᱭᱟ ᱮᱥᱤᱭᱟ ᱛᱮ ᱫᱟᱬᱟ ᱵᱮᱯᱟᱨ ᱞᱟᱹᱜᱤᱫ ᱟᱨ ᱒᱔ ᱵᱚᱪᱷᱚᱨ ᱛᱟᱭᱚᱢ ᱵᱷᱮᱱᱤᱥ ᱛᱮ ᱠᱚ ᱨᱩᱣᱟᱹᱲ ᱞᱮᱱᱛᱟᱦᱮᱸᱫ ᱾ ᱩᱱ ᱡᱚᱠᱷᱚᱫ ᱫᱚ ᱵᱷᱮᱱᱤᱥ ᱫᱤᱥᱚᱢ ᱟᱨ ᱜᱚᱱᱣᱟ ᱫᱤᱥᱚᱢ ᱛᱟᱞᱟᱨᱮ ᱟᱹᱰᱤ ᱩᱥᱛᱟᱹᱭ ᱛᱩᱯᱩᱫ ᱪᱟᱹᱞᱩ ᱞᱮᱱ ᱛᱟᱦᱮᱸᱫ ᱾ ᱢᱟᱨᱠᱚᱣᱟᱜ ᱡᱮᱞ ᱥᱮᱱᱚᱜ ᱦᱩᱭᱮᱱ ᱛᱟᱭᱟ ᱾ ᱡᱮᱞ ᱵᱷᱤᱛᱤᱨ ᱨᱮ ᱛᱟᱦᱮᱸ ᱚᱛᱠᱛᱮ ᱟᱡᱤᱡ ᱢᱤᱫ ᱠᱚᱭᱫᱤ (ᱢᱩᱡᱽᱨᱤᱢ) ᱜᱟᱛᱮ ᱦᱚᱦᱚ ᱠᱟᱛᱮ ᱚᱱᱟ ᱫᱟᱬᱟ ᱠᱟᱹᱦᱱ ᱞᱟᱹᱭ ᱟᱫᱮ ᱛᱟᱦᱮᱸᱫ ᱟᱨ ᱚᱱᱟ ᱠᱚᱭ ᱚᱞ ᱠᱷᱚᱫᱟ ᱫᱚᱦᱚ ᱚᱪᱚ ᱠᱮᱫᱮᱭᱟ ᱾ ᱢᱟᱨᱠᱚ ᱫᱚ ᱑᱒᱙᱙ ᱥᱟᱞᱮ ᱨᱮ ᱡᱮᱞ ᱠᱷᱚᱱ ᱨᱟᱲᱟ ᱠᱟᱛᱮ ᱫᱚᱲᱦᱟ ᱵᱮᱯᱟᱨ ᱠᱟᱛᱮ ᱠᱤᱥᱟᱹᱬ ᱞᱮᱱ ᱛᱟᱦᱮᱸᱫ ᱟᱨ ᱵᱟᱯᱞᱟ ᱠᱟᱛᱮ ᱓ ᱜᱚᱴᱟᱝ ᱜᱤᱫᱽᱨᱟᱹ ᱟᱯᱟᱛᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱓᱒᱔ ᱥᱟᱞᱮᱨᱮ ᱢᱟᱨᱠᱚ ᱫᱚ ᱡᱟᱭ ᱡᱩᱜᱽ ᱞᱟᱹᱜᱩᱫ ᱱᱚᱶᱟ ᱫᱷᱟᱹᱨᱛᱤ ᱫᱷᱩᱲᱤ ᱫᱚᱭ ᱵᱟᱹᱜᱤᱭᱟᱫ ᱛᱟᱦᱮᱸᱫ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱨᱠᱚ ᱯᱚᱞᱚ ᱫᱚ ᱑᱙᱕᱔ ᱥᱟᱞᱮ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ [7]

ᱢᱟᱨᱠᱚᱣᱟᱜ ᱫᱟᱬᱟ ᱠᱟᱹᱦᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱟᱬᱟ ᱨᱮᱱᱟᱜ ᱱᱚᱠᱥᱟ

ᱵᱟᱨᱦᱮ ᱡᱚᱲᱟᱣ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite news|title=Marco Polo, Il Milione|date=1965|language=Italian|newspaper=Istituto Geografico DeAgostini|last=Benedetto|first=Luigi Foscolo
  2. cite web|title=Marco Polo – Exploration – HISTORY.com|url=http://www.history.com/topics/exploration/marco-polo%7Caccessdate=January 9, 2017
  3. cite web|title=Marco Polo – New World Encyclopedia|url=http://www.newworldencyclopedia.org/entry/Marco_Polo%7Caccessdate=January 9, 2017
  4. cite web|title=BBC - History - Historic Figures: Marco Polo (c.1254 - 1324)|url=http://www.bbc.co.uk/history/historic_figures/polo_marco.shtml%7Caccessdate=January 9, 2017
  5. Citation|title=Tait's Edinburgh magazine, Volume 10 |last=William Tait (publisher), Christian Isobel Johnstone |year=1843 |place=Edinburgh
  6. Citation|title=Venice and Its Merchant Empire|first= Kathryn|last= Hinds|year=2002 |place=New York
  7. Italiani nel sistema solare di Michele T. Mazzucato