ᱢᱟᱨᱥᱟᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱢᱟᱨᱥᱟᱞ ᱫᱚ ᱢᱤᱫ ᱞᱮᱠᱟᱱ ᱫᱟᱲᱮ ᱠᱟᱱᱟ ᱾ ᱱᱚᱶᱟ ᱫᱚ ᱟᱵᱚᱶᱟᱜ ᱢᱮᱫ ᱮ ᱪᱤᱱᱦᱟᱣ ᱫᱟᱲᱮᱭᱟᱜ ᱠᱟᱱ ᱵᱤᱡᱽᱞᱤ-ᱪᱩᱢᱵᱚᱠ ᱛᱚᱨᱚᱝᱜᱚ ᱠᱟᱱᱟ ᱾ ᱡᱟᱜ ᱥᱟᱬᱮᱥ ᱨᱮᱫᱚ ᱱᱚᱶᱟ ᱟᱹᱰᱤ ᱚᱠᱛᱚ ᱨᱮ ᱧᱮᱧᱟᱢᱚᱜ ᱵᱟᱝ ᱧᱮᱧᱟᱢᱚᱜ ᱵᱤᱡᱽᱞᱤ-ᱪᱩᱢᱵᱚᱠ ᱛᱚᱨᱚᱝᱜᱚ ᱢᱮᱱᱛᱮ ᱵᱩᱡᱷᱟᱹᱜᱼᱟ ᱾ ᱢᱟᱨᱥᱟᱞ ᱫᱚ ᱦᱩᱰᱤᱧ ᱧᱤᱸᱫᱟ ᱞᱮᱠᱟ ᱛᱟᱦᱮᱸ ᱠᱚᱜᱼᱟ ᱾ ᱱᱚᱶᱟ ᱫᱚ ᱵᱟᱱᱟᱨ ᱛᱚᱨᱚᱝᱜᱚ ᱟᱨ ᱡᱤᱱᱤᱥ ᱨᱮᱭᱟᱜ ᱜᱩᱱ ᱮ ᱥᱚᱫᱚᱨᱟ ᱾ ᱢᱟᱨᱥᱟᱞ ᱥᱟᱬᱮᱥ ᱱᱮᱛᱟᱨ ᱫᱚ ᱡᱟᱜ ᱥᱟᱬᱮᱥ ᱨᱮᱭᱟᱜ ᱟᱹᱰᱤ ᱜᱩᱨᱩᱛ ᱯᱩᱨᱩᱱ ᱚᱝᱥᱚ ᱠᱟᱱᱟ ᱾

ᱢᱟᱨᱥᱟᱞ ᱨᱮᱭᱟᱜ ᱜᱚᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱱᱟᱝ ᱨᱮ ᱡᱩᱫᱤ ᱪᱮᱫ ᱫᱷᱩᱲᱤ ᱦᱚᱸ ᱢᱟᱨᱥᱟᱞ ᱵᱟᱫᱷᱟ ᱵᱟᱠᱚ ᱮᱢᱟᱭᱟ ᱮᱱᱠᱷᱟᱱ ᱢᱤᱫ ᱥᱮᱠᱮᱸᱰ ᱨᱮ ᱱᱚᱶᱟ ᱒᱙᱙,᱗᱙᱒,᱔᱕᱘ ᱢᱤᱴᱚᱨ ᱵᱟᱝ ᱢᱟ ᱑᱘᱖,᱒᱘᱒ ᱢᱟᱭᱤᱞ ᱮ ᱥᱮᱱ ᱠᱮᱭᱟ ᱾ ᱱᱚᱶᱟ ᱞᱮᱠᱟᱛᱮ ᱢᱟᱨᱥᱟᱞ ᱥᱤᱧ ᱪᱟᱸᱫᱚ ᱴᱷᱮᱱ ᱠᱷᱚᱱ ᱫᱷᱟᱹᱨᱛᱤ ᱛᱮ ᱥᱮᱴᱮᱨᱚᱜ ᱞᱟᱹᱜᱤᱫ ᱘ ᱢᱤᱱᱤᱴ ᱚᱠᱛᱚᱭ ᱦᱟᱛᱟᱶᱟ ᱾ ᱠᱟᱸᱪ ᱨᱮᱫᱚ ᱢᱟᱨᱥᱟᱞᱟᱜ ᱜᱚᱛᱤ "ᱵᱟᱨ ᱯᱮᱭᱟᱝ"(᱒/᱓) ᱛᱮ ᱠᱚᱢᱚᱜᱼᱟ ᱾

ᱢᱟᱨᱥᱟᱞ ᱫᱚ ᱥᱚᱡᱷᱮ ᱥᱮᱱᱚᱜᱼᱟ ᱾ ᱵᱟᱫᱷᱟᱭ ᱧᱟᱢ ᱠᱷᱟᱱ ᱫᱚ ᱩᱢᱩᱞ ᱮ ᱵᱮᱱᱟᱶᱟ ᱾ ᱠᱮᱴᱮᱡ ᱡᱤᱱᱤᱥ ᱫᱚ ᱦᱮᱸᱫᱮ ᱩᱢᱩᱞ ᱮ ᱵᱮᱱᱟᱶᱟ ᱟᱨ ᱠᱟᱸᱪ ᱞᱮᱠᱟᱱᱟᱜ ᱥᱟᱯᱷᱟ ᱡᱤᱱᱤᱥ ᱫᱚ ᱱᱟᱥᱮ ᱩᱢᱩᱞ ᱮ ᱵᱮᱱᱟᱶᱟ ᱵᱟᱠᱷᱟᱱ ᱱᱟᱥᱮ ᱦᱚᱸ ᱩᱢᱩᱞ ᱵᱟᱭ ᱵᱮᱱᱟᱶᱟ ᱾ ᱥᱟᱯᱷᱟ/ᱯᱷᱹᱨᱭᱟᱹ ᱡᱤᱱᱤᱥ ᱛᱟᱞᱟ ᱛᱮᱫᱚ ᱢᱟᱨᱥᱟᱞ ᱵᱤᱱ ᱵᱟᱰᱷᱟ ᱛᱮᱜᱮ ᱯᱟᱨᱚᱢ ᱠᱮᱭᱟ ᱾ ᱟᱵᱚ ᱢᱤᱫᱴᱟᱝ ᱡᱤᱱᱤᱥ ᱵᱚ ᱧᱮᱧᱟᱢᱮᱜᱼᱟ ᱨᱮᱭᱟᱜ ᱢᱮᱱᱮᱛ ᱫᱚ ᱠᱟᱱᱟ ᱟᱵᱚ ᱚᱱᱟ ᱡᱤᱱᱤᱥ ᱮ ᱟᱲᱟᱜᱮᱫ/ᱯᱟᱹᱥᱤᱨ ᱨᱩᱶᱟᱲᱮᱫ ᱢᱟᱨᱥᱟᱞ ᱵᱚ ᱧᱮᱞ ᱮᱫᱟ ᱾ ᱫᱟᱹᱭᱠᱟᱹ - ᱵᱟᱹᱛᱤ ᱫᱚ ᱢᱟᱨᱥᱟᱞ ᱮ ᱮᱢᱚᱜᱼᱟ ᱤᱠᱷᱟᱹᱱ ᱚᱱᱟ ᱚᱲᱟᱜ ᱨᱮᱭᱟᱜ ᱡᱤᱱᱤᱥ ᱠᱚᱫᱚ ᱚᱱᱟ ᱢᱟᱨᱥᱟᱞ ᱠᱚ ᱛᱟᱹᱠᱤᱡ ᱨᱩᱶᱟᱲᱟ ᱾

ᱢᱟᱨᱥᱟᱞ ᱨᱮᱭᱟᱜ ᱱᱟᱜᱟᱢᱟᱱᱟᱜ ᱢᱚᱛᱚᱵᱟᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱫᱟᱭ ᱵᱷᱟᱨᱚᱛᱤᱭᱟᱹ ᱢᱚᱛᱚᱵᱟᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱫᱟᱭ ᱜᱨᱤᱠ ᱢᱚᱛᱚᱵᱟᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱨᱥᱟᱞ ᱰᱷᱮᱣ ᱨᱮᱭᱟᱜ ᱨᱩᱯ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱨᱥᱟᱞ ᱫᱚ ᱫᱟᱲᱮ ᱨᱮᱭᱟᱜ ᱢᱤᱫᱴᱟᱝ ᱞᱤᱧᱡᱤ ᱠᱟᱱᱟ ᱾ ᱫᱟᱲᱮ ᱨᱮᱭᱟᱜ ᱞᱤᱧᱡᱤ ᱫᱚ ᱰᱷᱮᱶ ᱵᱚ ᱢᱮᱛᱟᱜᱼᱟ ᱾ ᱚᱱᱛᱮ ᱢᱟᱨᱥᱟᱞ ᱫᱚ ᱢᱤᱫᱴᱟᱝ ᱰᱷᱮᱶ ᱢᱮᱛᱟᱜ ᱠᱷᱟᱱ ᱜᱟᱱᱚᱜᱼᱟ ᱾ ᱛᱚᱵᱮ ᱥᱟᱨ ᱟᱭᱡᱟᱠ ᱱᱤᱣᱴᱚᱱᱟᱜ ᱯᱟᱹᱛᱭᱟᱹᱶ ᱛᱟᱦᱮᱸ ᱠᱟᱱᱟ ᱡᱮ ᱢᱟᱨᱥᱟᱞ ᱫᱚ ᱛᱤᱱᱟᱹᱜ ᱜᱟᱱ ᱠᱚᱱᱤᱠᱟ ᱛᱮ ᱵᱮᱱᱟᱶ ᱟᱠᱟᱱᱟ ᱾ ᱟᱹᱨᱥᱤ ᱨᱮ ᱢᱟᱨᱥᱟᱞ ᱛᱟᱹᱠᱤᱡ ᱞᱮᱱᱠᱷᱟᱱ ᱯᱟᱹᱥᱤᱨ ᱨᱩᱶᱟᱲᱚᱜᱼᱟ ᱟᱨ ᱦᱚᱭ ᱠᱷᱚᱱᱟᱜ ᱠᱟᱸᱪ ᱵᱷᱤᱛᱤᱨ ᱛᱮ ᱵᱚᱞᱚᱱ ᱡᱷᱚᱜ ᱠᱟᱹᱲᱵᱩᱝᱚᱜᱼᱟ ᱢᱮᱱᱛᱮ ᱱᱤᱣᱴᱚᱱ ᱮ ᱵᱩᱡᱷᱟᱶ ᱰᱟᱲᱮᱭᱟᱫ ᱵᱚᱱᱟ ᱾ ᱢᱟᱨᱥᱟᱞ ᱵᱟᱵᱚᱫ ᱛᱮ ᱜᱩᱨᱩᱛᱯᱩᱨᱩᱱ ᱠᱷᱚᱸᱫᱽᱨᱚᱫᱽ ᱠᱚᱫᱚ ᱱᱤᱣᱴᱚᱱ ᱟᱡᱟᱜ ᱚᱯᱴᱤᱠᱥ (Optics) ᱯᱩᱛᱷᱤ ᱨᱮᱭ ᱚᱞ ᱫᱚᱦᱚ ᱟᱠᱟᱫᱟ ᱾ ᱱᱤᱣᱴᱚᱱ ᱚᱠᱛᱚ ᱨᱮᱱᱤᱡ ᱥᱟᱬᱮᱥᱤᱭᱟᱹ ᱠᱷᱨᱤᱥᱴᱤᱭᱟᱱ ᱦᱟᱭᱡᱮᱱᱥ ᱫᱚ ᱤᱠᱷᱟᱹᱱ ᱢᱟᱨᱥᱟᱞ ᱫᱚ ᱵᱷᱮᱜᱟᱨ ᱨᱩᱯ ᱛᱮ ᱧᱮᱞᱮᱫ ᱛᱟᱦᱮᱸᱫ ᱾ ᱩᱱᱤ ᱢᱟᱨᱥᱟᱞ ᱫᱚ ᱰᱷᱮᱶ ᱢᱮᱱᱛᱮᱭ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱢᱮᱱᱮ ᱛᱟᱦᱮᱸᱫ ᱮ ᱥᱟᱰᱮ ᱞᱮᱠᱟ ᱢᱟᱨᱥᱟᱞ Do ᱰᱷᱮᱶ ᱠᱟᱱᱟ ᱡᱟᱦᱟᱸ ᱪᱮ ᱤᱛᱷᱚᱨ ᱫᱟᱨᱟᱭ ᱛᱮ ᱞᱤᱧᱡᱤᱜᱼᱟ ᱾ ᱤᱠᱷᱟᱹᱱ ᱱᱤᱣᱴᱚᱱᱟᱜ ᱠᱟᱛᱷᱟ ᱜᱮ ᱦᱚᱲ ᱜᱩᱨᱩᱛ ᱠᱚ ᱮᱢᱟᱜ ᱠᱟᱱ ᱛᱟᱦᱮᱸᱫ ᱾ ᱑᱐᱐ ᱥᱮᱨᱢᱟ ᱜᱟᱱ ᱛᱟᱭᱚᱢ ᱥᱟᱬᱮᱥᱤᱭᱟᱹ ᱛᱷᱚᱢᱟᱥ ᱭᱚᱝ (Thomas young) ᱱᱤᱡᱚᱨᱟᱜ ᱜᱩᱨᱩᱛ ᱯᱩᱨᱩᱱ ᱵᱟᱨ ᱵᱩᱜᱟᱹᱜ (Double slit) ᱵᱤᱱᱤᱰ ᱫᱟᱨᱟᱭ ᱛᱮ ᱯᱚᱨᱢᱟᱬ ᱠᱮᱜᱼᱟ ᱡᱮ ᱢᱟᱨᱥᱟᱞ ᱫᱚ ᱢᱤᱫᱴᱟᱝ ᱰᱷᱮᱶ ᱠᱟᱱᱟ ᱾

ᱢᱟᱨᱥᱟᱞ ᱨᱮᱭᱟᱜ ᱫᱷᱩᱲᱤ ᱨᱩᱯ-ᱯᱷᱚᱴᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱣᱟᱱᱴᱚᱢ ᱢᱚᱛᱚᱵᱟᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱹᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]