ᱢᱟᱫᱷᱩᱨᱤ ᱪᱟᱴᱚᱯᱟᱫᱷᱟᱭ
| ᱥᱨᱤᱢᱚᱛᱤ ᱢᱟᱫᱷᱩᱨᱤ ᱪᱟᱴᱚᱯᱟᱫᱷᱭᱟᱭ | |
|---|---|
| ᱡᱟᱱᱟᱢ | ᱑᱖ ᱰᱤᱥᱮᱢᱵᱚᱨ ᱑᱙᱓᱙ ᱠᱚᱞᱠᱟᱛᱟ, ᱵᱮᱝᱜᱚᱞ, ᱵᱨᱤᱴᱤᱥ ᱤᱱᱰᱤᱭᱟ |
| ᱵᱚᱝᱜᱟ ᱛᱟᱞᱟ | ᱑᱙ ᱚᱠᱴᱚᱵᱚᱨ ᱒᱐᱑᱓ (᱗᱓ ᱵᱚᱭᱚᱥ) ᱠᱚᱞᱠᱟᱛᱟ, ᱯᱩᱪᱷᱤᱢ ᱵᱮᱝᱜᱚᱞ, ᱥᱤᱧᱚᱛ |
| ᱡᱮᱱᱨᱮᱥ | Playback singer |
| ᱚᱠᱩᱯᱮᱥᱚᱱ | ᱥᱮᱨᱮᱧ ᱨᱩᱥᱤᱠᱟ |
ᱢᱟᱫᱷᱩᱨᱤ ᱪᱟᱴᱚᱯᱟᱫᱷᱭᱟᱭ (᱑᱖ ᱰᱤᱥᱮᱢᱵᱚᱨ ᱑᱙᱔᱐ - ᱑᱙ ᱚᱠᱴᱚᱵᱚᱨ ᱒᱐᱑᱓) ᱫᱚ ᱠᱚᱞᱠᱟᱛᱟ ᱨᱤᱱᱤᱡ ᱢᱤᱫ ᱵᱟᱝᱜᱟᱞᱤ ᱥᱮᱨᱮᱧᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱑᱙᱖᱐, ᱗᱐, ᱟᱨ ᱘᱐ ᱟᱱᱟᱜ ᱜᱮᱞᱟᱝ ᱨᱮ ᱦᱚᱲ ᱜᱚᱨᱚᱡᱽ ᱟᱠᱟᱫ ᱵᱟᱝᱜᱟᱞᱤ ᱯᱟᱹᱨᱥᱤ ᱛᱮ ᱟᱹᱰᱤ ᱜᱟᱱ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫ-ᱟ ᱾ [᱑][᱒]
ᱢᱟᱫᱷᱩᱨᱤ ᱪᱟᱴᱚᱯᱟᱫᱷᱭᱟᱭ ᱫᱚ ᱥᱮᱨᱮᱧ, ᱜᱚᱡᱚᱞ, ᱵᱟᱝᱜᱟᱞᱤ ᱟᱫᱷᱩᱱᱤᱠ ᱥᱮᱨᱮᱧ, ᱱᱟᱥᱮ ᱞᱟᱠᱪᱟᱨ ᱥᱮᱨᱮᱧ, ᱱᱚᱡᱽᱨᱩᱞ ᱥᱮᱨᱮᱧ, ᱟᱨ ᱨᱚᱵᱤᱱᱫᱽᱨᱚ ᱥᱚᱝᱜᱤᱛ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱡᱟᱭᱡᱩᱜᱽ ᱩᱭᱦᱟᱹᱨ ᱮ ᱛᱟᱦᱮᱸᱱᱟ ᱾ ᱩᱱᱤ ᱫᱚ ᱛᱤᱱᱟᱹᱝ ᱜᱟᱱ ᱵᱟᱝᱜᱟᱞᱤ ᱥᱮᱨᱮᱧ ᱞᱟᱹᱜᱤᱫ ᱞᱯᱮᱵᱮᱠ ᱥᱮᱨᱮᱧᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱛᱟᱭᱚᱢ ᱥᱮᱨᱢᱟ ᱫᱚ ᱥᱭᱟᱢᱟ ᱥᱮᱱᱮᱨᱮᱧ ᱨᱮ ᱮᱞᱵᱚᱢ ᱦᱚᱸᱭ ᱯᱟᱨᱥᱟᱞ ᱞᱮᱫ ᱛᱟᱦᱮᱸᱫ ᱾
ᱜᱷᱟᱨᱚᱸᱡᱽ ᱥᱚᱦᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱫᱚ ᱥᱤᱵᱽᱱᱟᱛᱷ ᱵᱟᱱᱫᱭᱚᱯᱟᱫᱷᱭᱟᱭ ᱾ ᱟᱡ ᱡᱟᱶᱟᱭᱟᱜ ᱧᱩᱛᱩᱢ ᱫᱚ ᱚᱨᱩᱱ ᱠᱩᱢᱟᱨ ᱪᱟᱴᱚᱯᱟᱫᱷᱭᱟᱭ ᱟᱨ ᱦᱚᱯᱚᱱ ᱮᱨᱟ ᱟᱜ ᱧᱩᱛᱩᱢ ᱫᱚ ᱨᱩᱯᱟ ᱪᱟᱴᱚᱯᱟᱫᱷᱭᱟᱭ ᱠᱟᱱ ᱛᱟᱠᱚᱣᱟ ᱾
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱚᱝᱠᱚᱨᱞᱟᱞ ᱵᱷᱚᱴᱟᱪᱟᱨᱭᱚ ᱟᱜ ᱠᱷᱟᱛᱟ ᱞᱮᱠᱟᱛᱮ ᱫᱚ,[᱓] ᱢᱟᱫᱷᱩᱨᱤᱭᱟᱜ ᱡᱟᱱᱟᱢ ᱫᱚ ᱯᱟᱨᱠ ᱥᱴᱨᱤᱴ ᱨᱮᱱᱟᱜ ᱢᱤᱫ ᱱᱚᱨᱥᱤᱝ ᱦᱳᱢᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱟᱨ ᱩᱱᱤ ᱫᱚ ᱮᱛᱚᱦᱚᱵ ᱠᱷᱚᱱ ᱜᱮ ᱩᱛᱚᱨ ᱠᱚᱞᱠᱟᱛᱟ ᱨᱮ ᱵᱟᱞᱟᱨᱟᱢ ᱵᱳᱥ ᱜᱷᱟᱴ ᱦᱚᱨ ᱨᱮ ᱟᱡ ᱢᱟᱢᱚ ᱚᱲᱟᱜ ᱨᱮ ᱟᱡᱟᱜ ᱦᱟᱨᱟᱵᱩᱨᱩ ᱫᱚ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱢᱟᱱᱚᱛᱟᱱ ᱥᱤᱵᱽᱱᱟᱛᱷ ᱵᱚᱱᱫᱭᱚᱯᱟᱫᱷᱭᱟᱭ ᱫᱚ ᱢᱤᱫ ᱧᱩᱛᱩᱢᱟᱱ ᱠᱤᱨᱛᱚᱱᱤᱭᱟᱹ (ᱠᱤᱨᱛᱚᱱ ᱟᱛᱮ ᱥᱮᱨᱮᱧ) ᱤᱡ ᱮ ᱛᱟᱦᱮᱸ ᱠᱟᱱᱟ, ᱟᱨ ᱟᱡ ᱯᱟᱹᱪᱷᱞᱟᱹ ᱨᱮ ᱢᱤᱫ ᱩᱫᱽᱜᱟᱹᱣᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱚᱱᱠᱟ ᱫᱚ ᱩᱱᱤᱭᱟᱜ ᱮᱛᱚᱦᱚᱵ ᱥᱮᱨᱢᱟ ᱠᱷᱚᱱ ᱜᱮ ᱢᱟᱫᱷᱩᱨᱤ ᱫᱚ ᱦᱤᱱᱫᱩᱥᱛᱟᱱ ᱠᱞᱟᱥᱤᱠᱚᱞ ᱥᱮᱱᱮᱨᱮᱧ ᱨᱮ ᱥᱮᱨᱮᱧᱤᱭᱟᱹ ᱩᱢᱟ ᱰᱮ, ᱩᱥᱛᱟᱫᱽ ᱠᱮᱨᱟᱢᱛᱩᱞᱞᱟ ᱠᱷᱟᱱ ᱟᱨ ᱯᱚᱱᱰᱤᱛ ᱦᱚᱨᱤᱦᱚᱨ ᱥᱩᱠᱞᱟᱡᱤ ᱞᱮᱠᱟᱱ ᱧᱩᱛᱩᱢᱟᱱ ᱵᱟᱰᱚᱦᱤᱭᱟᱹ ᱠᱚ ᱦᱚᱛᱮᱛᱮ ᱥᱮᱪᱮᱫ ᱚᱪᱚ ᱞᱮᱫᱮ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱪᱷᱟᱰᱟ ᱠᱟᱛᱮ ᱩᱱᱤ ᱫᱚ ᱧᱩᱛᱩᱢᱟᱱ ᱥᱮᱨᱮᱧᱤᱭᱟᱹ ᱢᱟᱱᱚᱛᱟᱱ ᱨᱚᱛᱷᱤᱱ ᱜᱷᱳᱥ ᱴᱷᱮᱱ ᱠᱷᱚᱱ ᱠᱤᱨᱛᱚᱱ ᱫᱚᱭ ᱥᱮᱪᱮᱫ ᱥᱮᱬᱟ ᱞᱮᱫ ᱛᱟᱦᱮᱸᱫ ᱾ [᱓]
ᱥᱮᱨᱮᱧ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱫᱷᱩᱨᱤ ᱫᱚ ᱑᱙᱕᱕ ᱨᱮ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮ ᱚᱰᱤᱥᱚᱱ ᱮ ᱮᱢ ᱠᱮᱫ-ᱟ ᱟᱨ ᱜᱮᱯᱩᱱ ᱵᱚᱪᱷᱚᱨ ᱩᱢᱮᱨ ᱨᱮ ᱢᱤᱫ ᱥᱮᱨᱮᱧᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤᱭ ᱮᱛᱚᱦᱚᱵ ᱠᱮᱫ-ᱟ ᱾ ᱑᱙᱕᱙ ᱨᱮ ᱩᱱᱤ ᱫᱚ ᱯᱩᱡᱟ ᱮᱞᱵᱚᱢ ᱞᱮᱠᱟᱛᱮ ᱢᱮᱜᱟᱯᱷᱳᱱ ᱠᱷᱚᱱ ᱟᱡᱟᱜ ᱯᱩᱭᱞᱩ ᱨᱮᱠᱚᱨᱰ ᱮ ᱯᱟᱨᱥᱟᱞ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾ ᱵᱟᱨᱭᱟ ᱥᱮᱨᱮᱧ ᱞᱟᱹᱜᱤᱫ ᱥᱮᱱᱮᱨᱮᱧ ᱱᱚᱪᱤᱠᱮᱛᱟ ᱜᱷᱳᱥ ᱫᱚᱭ ᱥᱟᱯᱲᱟᱣ ᱞᱮᱫ ᱛᱟᱦᱮᱸᱫ ᱾ "ᱳᱞᱤ ᱳᱢᱚᱱ ᱠᱳᱨᱮ ᱱᱟᱭ" ᱟᱨ "ᱛᱳᱢᱮ ᱟᱢᱮ ᱯᱨᱚᱛᱷᱚᱢ ᱫᱮᱠᱷᱟ", ᱱᱚᱶᱟ ᱵᱟᱨᱭᱟ ᱥᱮᱨᱮᱧ ᱟᱡᱟᱜ ᱯᱩᱭᱞᱩ ᱥᱟᱯᱲᱟᱣ ᱨᱮ ᱵᱷᱟᱹᱜᱤ ᱩᱯᱨᱩᱢ ᱮ ᱟᱢᱮᱴ ᱠᱮᱫ-ᱟ ᱟᱨ ᱵᱟᱝᱜᱟᱞᱤ ᱠᱚᱣᱟᱜ ᱨᱚᱢᱟᱱᱴᱤᱠ ᱥᱮᱨᱮᱧ ᱨᱮ ᱢᱤᱫ ᱛᱷᱚᱭ ᱛᱷᱟᱱ ᱮ ᱵᱮᱱᱟᱣ ᱠᱮᱫ-ᱟ ᱾ [᱓] ᱯᱩᱭᱞᱩ ᱰᱤᱥᱠ ᱨᱮᱫᱚ ᱟᱡᱟᱜ ᱧᱩᱛᱩᱢ ᱢᱟᱫᱷᱩᱨᱤ ᱵᱟᱱᱫᱷᱭᱚᱯᱟᱫᱷᱭᱟᱭ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Renowned Musician Madhuri Chattopadhyay Died". Retrieved 12 January 2018.
- ↑ "Renowned Musician Madhuri Chattopadhyay Died". 20 October 2013. Retrieved 12 January 2018.
- ↑ ᱓.᱐ ᱓.᱑ ᱓.᱒ "নিজেরে হারায়ে খুঁজি". Retrieved 12 January 2018.