ᱢᱟᱱᱟᱞᱤ, ᱦᱤᱢᱟᱪᱚᱞ ᱯᱨᱚᱫᱮᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱢᱟᱱᱟᱞᱤ
ᱥᱚᱦᱚᱨ
External view of ancient Hidimba Devi Temple in Manali
Map
CountryIndia
ᱯᱚᱱᱚᱛᱦᱤᱢᱟᱪᱚᱞ ᱯᱨᱚᱫᱮᱥ
ᱦᱚᱱᱚᱛᱠᱩᱞᱞᱩ
ᱩᱥᱩᱞ2050 ᱢᱤᱴᱚᱨ (6730 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱑)
 • ᱞᱮᱠᱷᱟᱜᱩᱴ᱘,᱐᱙᱖[᱑]
 • ᱫᱷᱟᱹᱲ ᱮᱞ22 in HP
ᱯᱟᱹᱨᱥᱤ
 • ᱚᱯᱷᱤᱥᱤᱭᱟᱞᱦᱤᱱᱫᱤ
IST (ᱭᱩᱴᱤᱥᱤ+5:30)
ᱯᱤᱱ ᱠᱳᱰ175131
Telephone code+911902
ᱜᱟᱹᱰᱤ ᱨᱤᱡᱤᱥᱴᱨᱤHP-58

ᱢᱟᱱᱟᱞᱤ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱦᱤᱢᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱠᱩᱞᱞᱩ ᱵᱮᱰᱟ ᱨᱮ ᱢᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ᱾ ᱠᱩᱞᱞᱩ ᱦᱚᱱᱚᱛ ᱨᱮ ᱢᱮᱱᱟᱜ ᱱᱚᱣᱟ ᱥᱚᱦᱚᱨ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱥᱤᱢᱞᱟ ᱠᱷᱚᱱ ᱒᱗᱐ ᱠᱤᱞᱳᱢᱤᱴᱟᱨ (᱑᱖᱘ ᱢᱟᱭᱤᱞ) ᱮᱛᱚᱢ ᱥᱮᱫ, ᱪᱚᱱᱰᱤᱜᱚᱰ ᱠᱷᱚᱱ ᱓᱐᱙ ᱠᱤᱞᱳᱢᱤᱴᱟᱨ (᱑᱙᱒ ᱢᱟᱭᱤᱞ) ᱮᱛᱚᱢᱼᱥᱟᱢᱟᱝ ᱟᱨ ᱫᱤᱥᱚᱢ ᱨᱟᱡᱽᱜᱟᱲ ᱫᱤᱞᱞᱤ ᱠᱷᱚᱱ ᱕᱔᱔ ᱠᱤᱞᱳᱢᱤᱴᱟᱨ (᱓᱓᱘ ᱢᱟᱭᱤᱞ) ᱮᱛᱚᱢᱼᱥᱟᱢᱟᱝ ᱥᱮᱫ ᱨᱮ ᱢᱮᱱᱟᱜᱼᱟ᱾ ᱦᱩᱰᱤᱝ ᱥᱚᱦᱚᱨ ᱢᱟᱱᱟᱞᱤ ᱨᱮ ᱘,᱐᱙᱖ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱱᱚᱣᱟ ᱦᱩᱰᱤᱝ ᱥᱚᱦᱚᱨ ᱞᱟᱫᱟᱠᱷ ᱟᱨ ᱚᱱᱰᱮ ᱠᱷᱚᱱ ᱠᱟᱨᱟᱠᱳᱨᱟᱢ ᱯᱟᱥ ᱯᱟᱨᱚᱢ ᱛᱟᱢᱤᱨ ᱵᱮᱥᱤᱱ ᱨᱮᱱᱟᱜ ᱭᱟᱨᱠᱟᱱᱫᱽ ᱟᱨ ᱠᱷᱳᱛᱟᱱ ᱦᱟᱹᱵᱤᱫ ᱢᱟᱬᱮ ᱵᱮᱯᱟᱨ ᱦᱚᱨ ᱨᱮᱱᱟᱜ ᱮᱛᱚᱦᱚᱵ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱫᱚ ᱢᱤᱫ ᱧᱩᱛᱩᱢᱟᱱ ᱧᱮᱧᱮᱞ ᱡᱟᱜᱟ ᱠᱟᱱᱟ ᱟᱨ ᱚᱱᱟ ᱥᱟᱶ ᱞᱟᱦᱟᱩᱞ ᱟᱨ ᱥᱯᱤᱛᱤ ᱦᱚᱱᱚᱛ ᱟᱨ ᱞᱮᱦ ᱨᱮᱱᱟᱜ ᱵᱚᱜᱚᱞ ᱫᱩᱣᱟᱹᱨ ᱞᱮᱠᱟᱛᱮ ᱵᱟᱲᱟᱭᱚᱜᱼᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱱᱟᱛᱚᱱ ᱦᱤᱱᱫᱩ ᱟᱹᱱᱟᱹᱨᱤᱭᱟᱹ ᱢᱚᱱᱩᱣᱟᱜ ᱧᱩᱛᱩᱢ ᱛᱮ ᱢᱟᱱᱟᱞᱤ ᱨᱮᱱᱟᱜ ᱧᱩᱛᱩᱢ ᱦᱩᱭ ᱟᱠᱟᱱᱟ᱾ ᱢᱟᱱᱟᱞᱤ ᱠᱩᱞᱞᱩ ᱵᱮᱰᱟ ᱨᱮᱱᱟᱜ ᱮᱛᱚᱢ ᱥᱮᱫ ᱢᱮᱱᱟᱜᱼᱟ᱾ ᱱᱚᱣᱟ ᱵᱮᱰᱟ ᱟᱭᱢᱟ ᱚᱠᱛᱚ ᱵᱚᱸᱜᱟᱼᱵᱩᱨᱩ ᱣᱟᱜ ᱵᱮᱰᱟ ᱢᱮᱱᱛᱮ ᱵᱟᱲᱟᱭᱚᱜᱼᱟ᱾ ᱢᱟᱬᱮ ᱢᱟᱱᱟᱞᱤ ᱟᱹᱛᱩ ᱨᱮ ᱢᱤᱫ ᱢᱟᱬᱮ ᱢᱚᱱᱫᱤᱨ ᱢᱮᱱᱟᱜᱼᱟ ᱡᱟᱦᱟ ᱫᱚ ᱥᱟᱜᱮ ᱢᱟᱱᱩ ᱣᱟᱜ ᱧᱩᱛᱩᱢ ᱨᱮ ᱫᱚᱦᱚᱣᱟᱠᱟᱱᱟ᱾

ᱵᱨᱤᱴᱤᱥ ᱯᱩᱭᱞᱩ ᱫᱷᱟᱣ ᱱᱚᱰᱮ ᱟᱯᱮᱞ ᱫᱟᱨᱮ ᱠᱚ ᱨᱚᱦᱚᱭ ᱞᱮᱫᱟ᱾ ᱯᱟᱴᱞᱤᱠᱩᱦᱟᱞ ᱴᱷᱮᱱ ᱯᱩᱭᱞᱩ ᱟᱯᱮᱞ ᱵᱟᱨᱜᱮ ᱠᱚ ᱵᱮᱱᱟᱣ ᱞᱮᱫᱟ, ᱱᱚᱣᱟ ᱞᱟᱦᱟ ᱱᱚᱣᱟ ᱴᱚᱴᱷᱟ ᱨᱮ ᱟᱯᱮᱞ ᱫᱟᱨᱮ ᱵᱟᱝ ᱛᱟᱦᱮ ᱠᱟᱱᱟ᱾ ᱱᱮᱛᱟᱨ ᱦᱚᱸ ᱱᱚᱰᱮᱱ ᱦᱚᱲᱟᱜ ᱟᱨᱡᱟᱣ ᱨᱮᱱᱟᱜ ᱢᱩᱬᱩᱛ ᱦᱟᱹᱴᱤᱝ ᱜᱮ ᱟᱯᱮᱞ, ᱯᱞᱟᱢ (plum) ᱟᱨ ᱱᱟᱥᱯᱟᱛᱤ (pear) ᱠᱷᱚᱱ ᱦᱤᱡᱩᱜᱼᱟ᱾

᱑᱙᱘᱐ ᱛᱟᱭᱚᱢ ᱠᱟᱥᱢᱤᱨ ᱨᱮ ᱞᱚᱞᱚᱦᱟᱛᱟᱝ (Militant) ᱠᱚᱣᱟᱜ ᱦᱟᱞᱪᱟᱞ ᱰᱷᱤᱨᱮᱱ ᱠᱷᱟᱹᱛᱤᱨ ᱢᱟᱱᱟᱞᱤ ᱨᱮ ᱧᱮᱧᱮᱞᱤᱭᱟᱹ (tourist) ᱠᱚᱣᱟᱜ ᱵᱷᱤᱨ ᱞᱟᱜᱟᱣ ᱮᱱᱟ᱾ ᱢᱤᱫ ᱚᱠᱛᱚ ᱨᱮᱱᱟᱜ ᱱᱚᱣᱟ ᱦᱩᱰᱤᱝ ᱟᱹᱛᱩ ᱩᱥᱟᱹᱨᱟ ᱜᱮ ᱢᱤᱫ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱛᱟᱞᱢᱟ ᱞᱮᱠᱟᱛᱮ ᱦᱟᱨᱟ ᱨᱟᱠᱟᱯ ᱮᱱᱟ᱾ ᱰᱟᱦᱟᱨ ᱟᱨᱮ ᱟᱨᱮ ᱛᱮ ᱟᱭᱢᱟ ᱦᱳᱴᱮᱞ, ᱫᱩᱠᱟᱱ ᱮᱢᱟᱱ ᱠᱚ ᱵᱟᱹᱥᱟᱣ ᱮᱱᱟ᱾ ᱥᱤᱛᱩᱝ ᱪᱟᱸᱫᱚ ᱚᱠᱛᱚ ᱨᱮ ᱱᱚᱰᱮᱱᱟᱜ ᱦᱳᱴᱮᱞ, ᱨᱮᱥᱛᱳᱨᱟ ᱠᱚᱨᱮ ᱟᱹᱰᱤ ᱟᱭᱢᱟ ᱵᱮᱯᱟᱨ ᱧᱮᱞᱟᱜᱼᱟ᱾

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱢᱟᱱᱟᱞᱤ ᱨᱮ ᱦᱮᱢᱟᱞ ᱵᱩᱨᱩᱢᱟᱞᱟ᱾

ᱢᱟᱱᱟᱞᱤ ᱨᱮᱱᱟᱜ ᱴᱷᱟᱹᱶᱠᱟᱹ ᱓᱒.᱒᱓᱙᱖ ᱮᱛᱚᱢ, ᱗᱗.᱑᱘᱘᱗ ᱥᱟᱢᱟᱝ᱾ ᱱᱚᱣᱟ ᱥᱚᱦᱚᱨ ᱫᱤᱥᱚᱢ ᱨᱟᱡᱽᱜᱟᱲ ᱫᱤᱞᱞᱤ ᱠᱷᱚᱱ‌ ᱕᱔᱗ ᱠᱤᱞᱳᱢᱤᱴᱟᱨ (᱓᱔᱐ ᱢᱟᱭᱤᱞ) ᱮᱛᱚᱢ ᱥᱮᱫ ᱢᱮᱱᱟᱜᱼᱟ᱾

ᱰᱮᱢᱚᱜᱽᱨᱟᱯᱷᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱱᱟᱞᱤ ᱦᱩᱰᱤᱝ ᱟᱹᱛᱩ ᱠᱷᱚᱱ ᱦᱩᱰᱤᱝ ᱥᱚᱦᱚᱨ ᱛᱮ ᱦᱟᱨᱟ ᱨᱟᱠᱟᱯ ᱟᱠᱟᱱᱟ᱾ ᱒᱐᱑᱑ ᱥᱮᱨᱢᱟ ᱥᱤᱧᱚᱛᱤᱭᱟᱹ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱱᱚᱰᱮ ᱘,᱐᱙᱖ ᱜᱟᱱ ᱦᱚᱲ ᱠᱚ ᱛᱟᱦᱮ ᱠᱟᱱᱟ᱾[᱑] ᱒᱐᱐᱑ ᱥᱮᱨᱢᱟ ᱦᱚᱲᱞᱮᱠᱷᱟ ᱨᱮᱱᱚᱰᱮ ᱖.᱒᱖᱕ ᱜᱟᱱ ᱦᱚᱲ ᱠᱚ ᱛᱟᱦᱮ ᱠᱟᱱᱟ᱾ ᱦᱚᱲᱮᱞ ᱨᱮᱱᱟᱜ ᱖᱔% ᱠᱚᱲᱟ ᱟᱨ ᱓᱖% ᱠᱩᱲᱤ ᱢᱮᱱᱟᱜ ᱠᱚᱣᱟ᱾ ᱢᱟᱱᱟᱞᱤ ᱨᱮᱱᱟᱜ ᱠᱟᱜᱚᱡᱤᱭᱟᱹ ᱦᱚᱲ ᱗᱔%᱾ ᱙.᱕% ᱦᱚᱲ ᱛᱩᱨᱩᱭ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮᱱ ᱠᱟᱱᱟ ᱠᱚ᱾[᱒]

ᱦᱮᱡᱽᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱦᱚ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Himachal Tourism Official Govt Website https://himachaltourism.gov.in/destination/manali/

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ "Manali (Kullu, Himachal Pradesh, India) - population statistics, map, and location". Retrieved 1 August 2014.
  2. "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 16 June 2004. Retrieved 1 November 2008.