ᱢᱟᱸᱰᱳᱞᱤ

ᱢᱟᱸᱰᱳᱞᱤ

ᱢᱟᱸᱰᱳᱞᱤ ᱫᱚ ᱟᱵᱚ ᱥᱟᱱᱛᱟᱲ ᱥᱟᱶᱛᱟ ᱨᱮᱱᱟᱜ ᱟᱰᱤ ᱱᱟᱯᱟᱭ ᱢᱤᱫ ᱱᱮᱢᱟᱪᱟᱨ ᱠᱟᱱᱟ᱾ ᱫᱤᱱᱟᱹᱢ ᱜᱮ ᱥᱮᱛᱟᱜᱚᱜ ᱚᱠᱛᱚ ᱵᱮᱲᱟᱭ ᱨᱟᱠᱟᱵ ᱢᱟᱲᱟᱝ ᱨᱮ ᱛᱟᱞᱟ ᱨᱟᱪᱟ ᱟᱨ ᱫᱩᱣᱟᱨ ᱠᱚᱨᱮ ᱜᱩᱨᱤᱪ ᱟᱨ ᱫᱟᱜ ᱛᱮ ᱡᱟᱸᱦᱟ ᱜᱳᱞ ᱪᱤᱛᱟᱹᱨ ᱵᱚᱱ ᱵᱮᱱᱟᱣ-ᱟ ᱚᱱᱟ ᱜᱮ ᱢᱟᱸᱰᱳᱞᱤ ᱵᱚᱱ ᱢᱮᱛᱟᱜ ᱟ᱾ ᱦᱟᱯᱲᱟᱢ ᱠᱚᱣᱟᱜ ᱠᱟᱛᱷᱟ ᱞᱮᱠᱟᱛᱮ ᱵᱟᱲᱟᱭ ᱧᱟᱢ ᱟᱠᱟᱱᱟ ᱡᱮ ᱱᱚᱣᱟ ᱢᱟᱸᱰᱳᱞᱤ ᱨᱮᱫᱚ ᱫᱷᱚᱨᱚᱢ ᱵᱚᱸᱜᱟ ᱵᱚᱱ ᱛᱷᱟᱯᱚᱱ ᱠᱟᱭᱟ ᱾ ᱱᱚᱣᱟ ᱢᱟᱸᱰᱳᱞᱤ ᱨᱮ ᱛᱤᱸᱜᱩ ᱠᱟᱛᱮᱜ ᱩᱱᱤ ᱫᱚ ᱟᱵᱚᱣᱟᱜ ᱜᱷᱟᱨᱚᱸᱡᱽ ᱨᱮᱱᱟᱜ ᱵᱩᱜᱤ-ᱵᱟᱲᱤᱪ ᱫᱩᱠ-ᱥᱩᱠ ᱥᱟᱱᱟᱢᱟᱜ ᱮ ᱧᱮᱞ ᱥᱟᱸᱜᱮ ᱛᱟᱵᱚᱱᱟ ᱾