ᱢᱤᱨᱟᱴ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱢᱤᱨᱟᱴ ᱦᱚᱱᱚᱛ
मेरठ जिला
ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ
India Uttar Pradesh districts 2012 Meerut.svg
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱩᱛᱛᱚᱨ ᱯᱨᱚᱫᱮᱥ
ᱦᱮᱰᱠᱩᱣᱟᱴᱚᱨ ᱢᱤᱨᱟᱴ ᱱᱟᱝᱜᱽᱨᱟᱦᱟ
ᱮᱨᱤᱭᱟ
 • ᱜᱩᱴ 2522 ᱠᱤᱢᱤ (974 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • ᱜᱩᱴ ᱓,᱔᱔᱓,᱖᱘᱙
 • ᱰᱮᱱᱥᱤᱴᱤ 1400/ᱠᱤᱢᱤ2 (3500/ᱜᱟᱺᱴ ᱢᱟᱹᱭᱤᱞ)
ᱦᱚᱲ ᱮᱞ
IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴ http://meerut.nic.in/

ᱢᱤᱨᱟᱴ ᱦᱚᱱᱚᱛ ᱫᱚ ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱨᱮᱭᱟᱜ ᱮᱭᱟᱭᱼᱜᱮ ᱢᱚᱬᱮ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱟᱨ ᱢᱤᱨᱟᱴ ᱱᱟᱝᱜᱽᱨᱟᱦᱟ ᱜᱮ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱠᱟᱱᱟ ᱾ ᱢᱤᱨᱟᱴ ᱦᱚᱱᱚᱛ ᱫᱚ ᱢᱤᱨᱟᱴ ᱠᱷᱚᱱᱰ ᱨᱮᱭᱟᱜ ᱢᱤᱫ ᱴᱮᱱ ᱦᱟᱹᱴᱤᱧ ᱠᱟᱱᱟ ᱾ ᱜᱚᱴᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱒,᱕᱒᱒ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱨᱟᱴ ᱦᱚᱱᱚᱛ ᱫᱚ ᱵᱨᱤᱴᱤᱥ ᱟ.ᱱ ᱦᱚᱛᱮ ᱛᱮ ᱥᱤᱨᱡᱟᱹᱣ ᱞᱮᱱᱟ ᱑᱘᱑᱘ ᱥᱮᱨᱢᱟ ᱨᱮ ᱟᱨ ᱱᱤᱭᱟᱹ ᱨᱮᱭᱟᱜ ᱭᱟᱦᱥᱤᱞ ᱠᱚᱠᱚ ᱵᱮᱱᱟᱣ ᱞᱮᱫᱟᱼ ᱜᱷᱟᱡᱷᱤᱭᱟᱵᱟᱫᱽ, ᱢᱤᱨᱟᱴ, ᱢᱟᱣᱟᱱᱟ, ᱵᱷᱟᱜᱽᱯᱟᱛ, ᱥᱟᱨᱫᱷᱟᱱᱟ ᱟᱨ ᱦᱟᱯᱩᱨ ᱾[᱑][᱒] ᱱᱤᱭᱟᱹ ᱛᱟᱦᱥᱤᱞ ᱠᱚ ᱫᱚ ᱱᱟᱦᱟᱜ ᱡᱩᱫᱟᱹ ᱡᱩᱫᱟᱹ ᱦᱚᱱᱚᱛ ᱛᱮ ᱩᱛᱱᱟᱹᱣ ᱨᱟᱠᱟᱵ ᱮᱱᱟ, ᱡᱮᱞᱮᱠᱟᱼ ᱢᱤᱨᱟᱴ, ᱜᱷᱟᱡᱤᱭᱟᱵᱟᱫᱽ, ᱦᱟᱯᱩᱨ, ᱵᱟᱜᱽᱯᱟᱛ, ᱢᱩᱡᱟᱯᱷᱟᱨ ᱱᱟᱜᱟᱨ, ᱵᱩᱞᱟᱱᱫᱽ ᱥᱟᱦᱟᱨ ᱟᱨ ᱜᱟᱣᱛᱟᱢ ᱵᱳᱫᱷ ᱱᱟᱜᱟᱨ ᱦᱚᱱᱚᱛ ᱨᱮᱭᱟᱜ ᱢᱤᱫ ᱦᱤᱥ ᱾

ᱚᱛᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟ ᱦᱚᱱᱚᱛ ᱨᱮᱭᱟᱜ ᱠᱚᱭᱮ ᱱᱟᱠᱷᱟ ᱨᱮ ᱢᱩᱡᱟᱯᱷᱟᱨ ᱯᱩᱨ ᱱᱟᱜᱟᱨ ᱦᱚᱱᱚᱛ ᱢᱮᱱᱟᱜᱼᱟ, ᱮᱛᱚᱢ ᱱᱟᱠᱷᱟ ᱨᱮ ᱫᱚ ᱵᱩᱞᱟᱱᱫᱽ ᱥᱟᱦᱟᱨ ᱦᱚᱱᱚᱛ ᱟᱨ ᱮᱛᱚᱢ ᱯᱟᱪᱮ ᱱᱟᱠᱷᱟ ᱨᱮ ᱫᱚ ᱜᱷᱟᱡᱤᱭᱟᱵᱟᱫᱽ ᱦᱚᱱᱚᱛ ᱟᱨ ᱵᱟᱜᱷᱯᱟᱛ ᱦᱚᱱᱚᱛ ᱾ ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱜᱟᱝᱱᱟᱹᱭ ᱜᱟᱰᱟ ᱵᱮᱜᱟᱨ ᱠᱟᱫᱟ ᱢᱚᱨᱟᱫᱟᱵᱟᱫᱽ ᱦᱚᱱᱚᱛ ᱟᱨ ᱵᱤᱡᱽᱱᱚᱨ ᱦᱚᱱᱚᱛ ᱾ ᱯᱟᱪᱮ ᱱᱟᱠᱷᱟ ᱨᱮ ᱫᱚ ᱵᱟᱜᱷᱯᱟᱛ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱱᱤᱭᱟᱹ ᱦᱚᱱᱚᱛ ᱨᱮ ᱫᱚ ᱫᱷᱤᱨᱤ ᱵᱟᱹᱱᱩᱜᱼᱟ , ᱵᱩᱨᱩ ᱦᱚ ᱵᱟᱹᱱᱩᱜᱼᱟ ᱾ ᱱᱚᱱᱰᱮᱱᱟᱜ ᱦᱟᱥᱟ ᱟᱹᱰᱤ ᱢᱚᱡᱽ ᱦᱟᱥᱟ ᱠᱟᱱᱟ, ᱜᱩᱦᱩᱢ, ᱟᱸᱠ ᱟᱨ ᱩᱛᱩᱭ ᱡᱤᱥᱩᱥ ᱫᱚ ᱟᱹᱰᱤ ᱵᱟᱹᱲᱛᱤ ᱦᱩᱭᱩᱜᱼᱟ ᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ, ᱜᱚᱴᱟ ᱦᱚᱱᱚᱛ ᱨᱮᱭᱟᱜ ᱥᱟᱭ ᱠᱟᱲᱟ ᱘᱖.᱕᱕% ᱦᱤᱥ ᱦᱚᱲ ᱫᱚ ᱟᱠᱚᱣᱟᱜ ᱫᱤᱱᱟᱹᱢ ᱫᱤᱱ ᱡᱤᱭᱚᱱ ᱨᱮ ᱦᱤᱱᱫᱤ ᱯᱟᱹᱨᱥᱤ ᱠᱚ ᱵᱮᱵᱷᱟᱨᱟ, ᱥᱟᱭ ᱠᱟᱲᱟ ᱑᱒.᱔᱓% ᱦᱤᱥ ᱫᱚ ᱩᱨᱫᱩ ᱯᱟᱹᱨᱥᱤ ᱠᱚ ᱨᱚᱲᱟ ᱟᱨ ᱥᱟᱨᱮᱡ ᱐.᱔᱗% ᱦᱚᱲ ᱫᱚ ᱯᱟᱧᱡᱟᱵᱤ ᱯᱟᱹᱨᱥᱤ ᱠᱚ ᱨᱚᱲᱮᱫᱟ ᱾ [᱓]

ᱨᱟᱡᱽᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱨᱟᱴ ᱫᱚ ᱢᱤᱨᱟᱴ-ᱦᱟᱯᱩᱨ ᱥᱤᱧᱚᱛ ᱞᱚᱠ ᱥᱟᱵᱷᱟ ᱴᱚᱴᱷᱟ ᱛᱟᱵᱮ ᱨᱮ ᱯᱟᱲᱟᱣ ᱟᱠᱟᱱᱟ ᱾

᱒᱕ ᱡᱟᱱᱩᱣᱟᱨᱤ ᱒᱐᱑᱗ ᱥᱮᱨᱢᱟ ᱦᱟᱹᱵᱤᱡ ᱛᱮ, ᱱᱤᱭᱟᱹ ᱦᱚᱱᱚᱛ ᱨᱮ ᱮᱭᱟᱭ ᱜᱚᱴᱟᱝ ᱵᱤᱫᱷᱟᱱ ᱥᱚᱵᱷᱟ ᱯᱟᱲᱟᱣ ᱟᱠᱟᱱᱟ, ᱱᱚᱣᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ- ᱥᱤᱣᱟᱞᱠᱟᱥ, ᱥᱟᱨᱫᱷᱟᱱᱟ, ᱦᱟᱥᱛᱤᱱᱟᱯᱩᱨ (ᱚᱠᱟ ᱫᱚ ᱥᱤᱰᱩᱞ ᱠᱟᱥᱴ ᱠᱚ ᱞᱟᱹᱜᱤᱫ ᱨᱟᱠᱷᱟ ᱫᱚ ᱟᱠᱟᱱᱟ), ᱠᱤᱛᱷᱚᱨᱮ, ᱢᱤᱨᱟᱴᱠᱮᱱᱴᱚᱱᱢᱮᱱᱴ, ᱢᱤᱨᱟᱴ ᱟᱨ ᱮᱛᱚᱢ ᱢᱤᱨᱟᱴ ᱾

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱢᱤᱨᱟᱴ ᱦᱚᱱᱚᱛ ᱨᱮ ᱫᱚ ᱞᱮᱠᱷᱟ ᱜᱩᱴ ᱓,᱔᱔᱓,᱖᱘᱙ ᱡᱚᱱᱟ ᱦᱚᱲ ᱠᱚ ᱛᱟᱦᱮ ᱠᱟᱱᱟ, ᱚᱠᱟ ᱫᱚ ᱦᱚᱲ ᱞᱮᱠᱷᱟ ᱦᱤᱥᱟᱹᱵᱽ ᱛᱮ ᱯᱟᱱᱟᱢᱟ ᱫᱤᱥᱚᱢ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱟᱨ ᱵᱟᱝ ᱟᱢᱮᱨᱤᱠᱟ ᱨᱮᱭᱟᱜ ᱠᱚᱱᱮᱠᱴᱤᱠᱟᱴ ᱯᱚᱱᱚᱛ ᱩᱱᱟᱹᱜ ᱢᱟᱨᱟᱝ ᱦᱩᱭᱩᱜᱼᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱖᱔᱐ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱙᱔ ᱮᱞᱟᱱ ᱦᱚᱱᱚᱛ ᱞᱮᱠᱷᱟᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱠᱤᱞᱚ ᱢᱤᱴᱟᱨ ᱨᱮ ᱑,᱓᱔᱖ ᱡᱚᱱᱟ ᱦᱚᱲ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮ ᱥᱮᱨᱢᱟ ᱨᱮ ᱦᱚᱲ ᱞᱮᱠᱷᱟ ᱵᱟᱹᱰᱚᱜ ᱨᱮᱭᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ: ᱑᱔.᱘᱙% ᱛᱟᱦᱮ ᱠᱟᱱᱟ ᱾ ᱢᱤᱨᱟᱴ ᱨᱮ ᱢᱤᱫ ᱜᱮ ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱘᱙᱙ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ᱾ ᱟᱨ ᱥᱮᱪᱮᱫ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱖᱒.᱘᱔ % ᱦᱤᱥ ᱾

᱒00᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ, ᱩᱛᱛᱚᱨ ᱯᱨᱚᱫᱮᱥ ᱨᱮᱭᱟᱜ ᱜᱷᱚᱱᱮ ᱦᱚᱲ ᱜᱤᱨᱟᱹᱵᱟᱥ ᱟᱠᱟᱱᱟ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱛᱩᱨᱩᱭ ᱟᱜ ᱮᱞ ᱨᱮ ᱛᱟᱦᱮ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱮᱵᱷᱟᱨᱮᱡᱽ ᱚᱞ ᱯᱟᱲᱦᱟᱣ ᱦᱚᱲ ᱠᱚᱣᱟᱜ ᱞᱮᱠᱷᱟ ᱖᱕.᱙᱖% ᱛᱟᱦᱮ ᱠᱟᱱᱟ, ᱚᱠᱟ ᱫᱚ ᱡᱟᱹᱛᱨᱤᱭᱟᱹ ᱮᱵᱷᱟᱨᱮᱡᱽ ᱖᱔.᱘% ᱠᱷᱚᱱ ᱦᱚ ᱰᱷᱮᱨ ᱜᱮ ᱛᱟᱦᱮ ᱠᱟᱱᱟ ᱟᱨ ᱯᱚᱱᱚᱛ ᱮᱵᱷᱟᱨᱮᱡᱟ ᱗᱕.᱓᱖% ᱛᱟᱦᱮ ᱠᱟᱱᱟ ᱾ ᱑᱖.᱖᱖% ᱦᱚᱲ ᱞᱮᱠᱷᱟ ᱫᱚ ᱖ ᱥᱮᱨᱢᱟ ᱠᱷᱚᱱ ᱦᱚ ᱠᱚᱢ ᱜᱮ ᱛᱟᱦᱮ ᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]