ᱢᱤᱱᱟᱠᱥᱤ ᱥᱮᱥᱟᱫᱽᱨᱤ
| ᱢᱤᱱᱟᱠᱥᱤ ᱥᱮᱥᱟᱫᱽᱨᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱢᱤᱱᱟᱠᱥᱤ ᱥᱮᱥᱟᱫᱽᱨᱤ ᱑᱖ ᱱᱚᱵᱷᱮᱢᱵᱚᱨ ᱑᱙᱖᱓ [᱑] Sindri, Bihar, India (now in Jharkhand, India) |
| ᱚᱲᱟᱜ | Plano, Texas, U.S.[᱒] |
| ᱠᱟᱹᱢᱤ | Film actress, dancer |
| ᱠᱟᱹᱢᱤ ᱚᱠᱛᱚ | 1981–1997 |
| ᱥᱟᱧᱩᱢ | Eve's Weekly Miss India 1981 in Japan |
| ᱡᱤᱭᱚᱱ ᱥᱚᱦᱮᱫ | Harish Mysore (m. 1995) |
| ᱦᱚᱯᱚᱱ | 2 |
ᱢᱤᱱᱟᱠᱥᱤ ᱥᱮᱥᱟᱫᱽᱨᱤ (ᱡᱟᱱᱟᱢ- ᱑᱖ ᱱᱚᱵᱷᱮᱢᱵᱚᱨ ᱑᱙᱖᱓) ᱫᱚ ᱥᱤᱧᱚᱛᱤᱭᱟ. ᱟᱠᱴᱨᱮᱥ,ᱢᱳᱰᱮᱞ ᱟᱨ ᱰᱮᱱᱥᱚᱨ ᱠᱟᱱᱟᱭ ᱾ ᱱᱩᱭ ᱫᱚ ᱵᱤᱥᱛᱤ ᱠᱟᱭᱛᱮ ᱦᱤᱱᱫᱤ,ᱛᱟᱢᱤᱞ ᱟᱨ ᱛᱮᱞᱜᱩ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫᱟᱭ ᱾ ᱟᱡ ᱫ ᱑᱙᱘᱑ ᱥᱟᱞ, ᱟᱡᱟᱜ ᱑᱗ ᱵᱚᱪᱷᱚᱨ ᱩᱢᱮᱨ ᱨᱮ ᱦᱟᱯᱛᱟ ᱢᱟᱬᱟᱝ (Eve's Weekly) ᱢᱤᱥ ᱤᱱᱰᱤᱭᱟ (Miss India) ᱡᱤᱛᱠᱟ.ᱨ ᱞᱮᱱᱟᱭ ᱾ ᱢᱤᱱᱟᱠᱥᱤ ᱫᱚ ᱯᱩᱭᱞᱩ ᱫᱷᱟᱣ ᱑᱙᱘᱓ ᱥᱟᱞ ᱨᱮᱭᱟᱜ ᱯᱮᱱᱴᱚᱨ ᱵᱟᱵᱩ (Painter Babu) ᱨᱮᱭ ᱠᱟ.ᱢᱤ ᱞᱮᱫ ᱛᱟᱦᱮᱸᱱ ᱾ ᱟᱨ ᱤᱱᱟ. ᱥᱟᱞ ᱨᱮᱜᱮ ᱦᱤᱨᱳ (Hero) ᱯᱷᱤᱞᱢ ᱨᱮᱦᱚᱸ ᱠᱟ.ᱢᱤ ᱟᱨ ᱟᱭᱢᱟ ᱦᱚᱲᱠᱚ ᱢᱟ.ᱱ ᱥᱟᱨᱦᱟᱣᱠᱚ ᱪᱟᱞ ᱟᱫᱮ ᱛᱟᱦᱮᱸᱱ ᱾ ᱑᱙᱘᱐ ᱟᱨ ᱑᱙᱙᱐ ᱜᱮᱞᱟᱝ ᱥᱮᱨᱢᱟ ᱨᱮ ᱦᱤᱱᱫᱤ ᱯᱷᱤᱞ ᱨᱤᱱ ᱢᱤᱫ ᱧᱩᱛᱩᱢᱟᱱ ᱟ.ᱜᱩᱣᱟ.ᱱ ᱟᱠᱴᱨᱮᱥ ᱛᱟᱦᱮᱸ ᱠᱟᱱᱟᱭ ᱾ ᱟᱡᱟᱜ ᱱᱤᱡᱚᱨ ᱵᱷᱚᱝ ᱮᱱᱮᱡ,ᱟᱠᱴᱤᱝ ᱟᱨ ᱪᱚᱨᱚᱠ ᱪᱮᱦᱨᱟ ᱟᱨ ᱮᱢᱟᱱ ᱦᱩᱱᱟ.ᱨᱠᱚ ᱞᱟ.ᱜᱤᱫ ᱚᱱᱟ ᱚᱠᱛᱚ ᱨᱤᱱ ᱧᱩᱢᱟᱱ ᱦᱚᱲᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱟᱭᱢᱟ ᱧᱩᱢᱟᱱ ᱯᱷᱤᱞᱢ ᱠᱚᱨᱮᱭ ᱠᱟ.ᱢᱤ ᱟᱠᱟᱫᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ, ᱑/ ᱦᱳᱥᱤᱭᱟᱨ (Hoshiyar)(᱑᱙᱘᱕), ᱒/ ᱵᱮᱣᱟᱯᱷᱟᱭᱤ (Bewafai)(᱑᱙᱘᱕), ᱓/ ᱢᱮᱨᱤ ᱡᱳᱝ (Meri Jung)(᱑᱙᱘᱕), ᱔/ᱥᱣᱟᱛᱤ (Swati)(᱑᱙᱘᱖), ᱕/ ᱵᱚᱠᱟᱭᱚᱛ (Dacait)(᱑᱙᱘᱗), ᱖/ ᱤᱱᱟᱢ ᱫᱳᱥ ᱦᱟᱡᱟᱨ (Inaam Dus Hazaar)(᱑᱙᱘᱗) ᱗/ ᱥᱟᱦᱮᱱᱥᱟᱦ (Shahenshah)(᱑᱙᱘᱘) ᱘/ ᱢᱚᱦᱟᱫᱮᱵᱷ (Mahaadev) (᱑᱙᱘᱙) ᱙/ ᱟᱣᱟᱨᱜᱤ (Awaargi)(᱑᱙᱙᱐) ᱑᱐/ᱡᱩᱨᱢ (Jurm)(᱑᱙᱙᱐)
ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱤᱱᱟᱠᱥᱤ ᱫᱚ ᱢᱤᱫ ᱛᱟᱢᱤᱞ ᱜᱷᱟᱨᱚᱸᱡᱽ, ᱥᱤᱫᱽᱨᱤ,ᱡᱷᱟᱨᱠᱷᱚᱸᱰ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡᱟᱜ ᱯᱩᱭᱞᱩ ᱧᱩᱛᱩᱢ ᱫᱚ ᱥᱚᱥᱤᱠᱚᱞᱟ ᱥᱮᱥᱟᱫᱽᱨᱤ (Shashikala Seshadri) ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱯᱩᱱᱭᱟ. ᱥᱤᱧᱚᱛ ᱠᱞᱟᱥᱤᱠᱟᱞ ᱮᱱᱮᱡ ᱥᱮᱬᱟ ᱞᱮᱫᱟᱭ, ᱚᱱᱟ ᱠᱚᱫᱚ ᱡᱮᱢᱚᱱ ᱵᱷᱟᱨᱚᱛᱱᱟᱴᱭᱚᱢ,ᱠᱩᱪᱤᱯᱩᱰᱤ,ᱳᱰᱤᱥᱥᱤ ᱟᱨ ᱠᱚᱛᱷᱚᱠ ᱾ ᱱᱚᱣᱟ ᱠᱚᱫᱚ ᱵᱷᱮᱢᱯᱚᱛᱤ ᱪᱤᱱᱱᱟ ᱥᱚᱛᱭᱚᱢ (Vempati Chinna Satyam) ᱟᱨ ᱡᱚᱭᱟ ᱨᱟᱢᱟ ᱨᱟᱣ (Jaya Rama Rao) ᱛᱤᱠᱤᱱ ᱴᱷᱮᱱ ᱠᱷᱚᱱ ᱥᱮᱬᱟ ᱞᱮᱜ-ᱟᱭ ᱾ ᱑᱙᱘᱑ ᱥᱟᱞ ᱨᱮ,ᱴᱳᱠᱭᱳ, ᱡᱟᱯᱟᱱ ᱨᱮ ᱢᱤᱥ ᱤᱱᱰᱤᱭᱟ ᱡᱟ.ᱛᱤᱭᱟ.ᱨᱤ (en:Miss International 1981) ᱦᱮᱯᱮᱨᱟᱣ ᱨᱮ ᱵᱷᱟᱨᱚᱛ ᱫᱤᱥᱚᱢ ᱠᱷᱚᱱᱮ ᱥᱮᱱ ᱞᱮᱱ ᱛᱟᱦᱮᱸᱱ ᱾
ᱱᱤᱡᱚᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱮᱥᱟᱫᱽᱨᱤ ᱫᱚ ᱑᱙᱙᱕ ᱥᱟᱞ ᱨᱮ ᱵᱮᱸᱠ ᱚᱯᱷᱤᱥᱚᱨ ᱦᱚᱨᱤᱥ ᱢᱚᱭᱥᱚ (Harish Mysore) ᱥᱟᱶ ᱵᱟᱯᱞᱟ ᱭᱮᱱ ᱛᱟᱭᱚᱢ ᱪᱚᱞᱚᱛ ᱪᱤᱛᱟ.ᱨ ᱠᱟ.ᱢᱤ ᱛᱷᱩᱠᱟᱢ ᱞᱮᱫ ᱛᱟᱭᱟ ᱾ ᱟ.ᱠᱤᱱ ᱫᱚ ᱱᱭᱩᱭᱚᱨᱠ ᱨᱮ ᱠᱳᱨᱴ ᱨᱮᱡᱮᱥᱴᱨᱤ ᱨᱮᱠᱤᱱ ᱵᱟᱯᱞᱟ ᱞᱮᱱᱟ ᱾ ᱟ.ᱠᱤᱱ ᱨᱤᱱ ᱫᱚ ᱢᱤᱫ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱜᱤᱫᱟ.ᱨ ᱢᱮᱱᱟᱜ ᱠᱤᱱᱟ ᱾ ᱢᱤᱱᱟᱠᱥᱤ ᱫᱚ ᱯᱞᱟᱱᱳ,ᱴᱮᱠᱥᱟᱥ (Plano, Texas) ᱜᱤᱨᱟ.ᱵᱟᱥ ᱠᱟᱛᱮ ᱜᱷᱟᱨᱚᱸᱡᱽ ᱨᱮ ᱢᱮᱱᱟᱜ ᱠᱚᱣᱟ ᱾ ᱚᱸᱰᱮ ᱱᱤᱛᱚᱝ ᱟᱡ ᱫᱚ ᱵᱷᱟᱨᱚᱛᱱᱟᱴᱭᱚᱢ,ᱠᱚᱛᱷᱚᱠ,ᱳᱰᱤᱥᱥᱤ ᱮᱱᱮᱡ ᱥᱤᱠᱷᱱᱟ.ᱛ ᱪᱟᱞ ᱦᱟ.ᱴᱤᱧ ᱟᱠᱚ ᱠᱟᱱᱟᱭ ᱾ ᱟᱡ ᱨᱤᱱ ᱪᱮᱛᱮᱫᱤᱭᱟ.ᱠᱚ ᱥᱟᱶ ᱫᱟᱱ ᱞᱟ.ᱜᱤᱫ ᱟᱨ ᱯᱩᱭᱥᱟ/ᱴᱟᱠᱟ ᱯᱷᱚᱸᱰ ᱟᱨᱡᱟᱣ ᱞᱟ.ᱜᱤᱱ ᱟᱭᱢᱟ ᱦᱮᱞᱢᱮᱞ ᱯᱨᱚᱜᱨᱟᱢ ᱠᱚᱠᱚ ᱠᱚᱨᱟᱣ ᱟ.ᱜᱩᱭᱮᱫᱟ ᱾
ᱥᱤᱨᱯᱷᱟ. ᱟᱨ ᱢᱟ.ᱱᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱑᱙᱘᱖ ᱥᱟᱞ ᱨᱮ, ᱞᱳᱠᱥ ᱟᱣᱟᱨᱰ (Lux Award) ᱥᱣᱟᱛᱤ (Swati) ᱨᱮ ᱥᱚᱨᱮᱥ ᱟᱠᱴᱤᱝ ᱞᱟ.ᱦᱤᱫ ᱾
- ᱑᱙᱙᱑ ᱥᱟᱞ ᱨᱮ, ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱡᱩᱨᱢ (Jurm) ᱨᱮ ᱥᱚᱨᱮᱥ ᱟᱠᱴᱤᱝ ᱞᱟ.ᱜᱤᱫ ᱾
- ᱑᱙᱙᱔ ᱥᱟᱞ ᱨᱮ, ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱡᱩᱨᱢ ( Damini) ᱨᱮ ᱥᱚᱨᱮᱥ ᱟᱠᱴᱤᱝ ᱞᱟ.ᱜᱤᱫ ᱾
- ᱑᱙᱙᱓ ᱥᱟᱞ ᱨᱮ, ᱥᱚᱢᱤᱛᱤ ᱯᱟᱴᱤᱞ ᱢᱮᱢᱳᱨᱤᱭᱟᱞ ᱟᱣᱟᱨᱰ
(Smita Patil Memorial Award), ᱫᱟᱢᱤᱱᱤ (Damini) ᱥᱚᱨᱮᱥ ᱟᱠᱴᱤᱝ ᱞᱟ.ᱜᱤᱫ ᱾
- ᱑᱙᱙᱓ ᱥᱟᱞ ᱨᱮ,
ᱟᱱᱫᱨᱚ ᱯᱨᱚᱫᱮᱥ-ᱯᱚᱱᱚᱛ ᱟᱣᱟᱨᱰ (AndhraPradesh-State Award) ᱚᱯᱚᱫᱵᱚᱱᱫᱷᱚᱵᱷᱩᱫᱩ (Aapadbandhavudu) ᱨᱮᱱ ᱥᱚᱨᱮᱥ ᱟᱠᱴᱨᱮᱥ ᱞᱟ.ᱜᱤᱫ ᱾
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
https://en.wikipedia.org/wiki/Meenakshi_Seshadri
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Happy Birthday Meenakshi Sheshadri! The grace of the 80's!". The Free Press Journal. 16 November 2017. Retrieved 11 May 2019.
- ↑ "Hero remake packs a punch: Meenakshi Sheshadri - Times of India". The Times of India. Retrieved 17 May 2019.