ᱢᱤᱱᱟᱠᱥᱤ ᱫᱤᱠᱥᱤᱛ
| ᱢᱤᱱᱟᱠᱥᱤ ᱫᱤᱠᱥᱤᱛ | |
|---|---|
 Lakme Fashion Week – 2019 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | 12 October 1993 Raebareli, Uttar Pradesh, India |
| ᱚᱲᱟᱜ | Mumbai, India |
| ᱫᱤᱥᱚᱢᱤᱭᱟᱹ | Indian |
| ᱥᱮᱪᱮᱫ ᱟᱠᱷᱲᱟ | Kanpur University |
| ᱠᱟᱹᱢᱤ | Actress |
| ᱠᱟᱹᱢᱤ ᱚᱠᱛᱚ | 2008 – Present |
| ᱩᱥᱩᱞ | 1.67 m (5 ft 6 in) |
| ᱟᱯᱟᱛ ᱮᱸᱜᱟᱛ | Ishwar Chandra Dixit Geeta Dixit |
| ᱣᱮᱵᱽᱥᱟᱭᱤᱴ | meenakshidixit |
ᱢᱤᱱᱟᱠᱥᱤ ᱫᱤᱠᱥᱤᱛ ᱫᱚ ᱢᱤᱫ ᱴᱮᱱ ᱥᱤᱧᱚᱛ ᱫᱤᱥᱚᱢ ᱨᱮᱱ ᱥᱤᱱᱮᱢᱟ ᱮᱴᱨᱮᱥ ᱠᱟᱱᱟᱭ, ᱚᱠᱚᱭ ᱫᱚ ᱱᱛᱮᱞᱮᱜᱩ, ᱛᱟᱢᱤᱞ, ᱦᱤᱱᱫᱤ, ᱢᱟᱞᱟᱭᱟᱞᱟᱢ ᱟᱨ ᱠᱟᱱᱱᱟᱲᱟ ᱥᱤᱱᱮᱢᱟ ᱮᱢᱟᱱ ᱠᱚ ᱨᱮᱭᱮ ᱠᱟᱹᱢᱤ ᱟᱠᱟᱫᱟ|
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱱᱟᱠᱥᱤ ᱫᱤᱠᱥᱤᱛ ᱫᱚ ᱩᱛᱟᱹᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱨᱟᱭᱵᱟᱨᱮᱞᱤ ᱦᱚᱱᱚᱛ ᱴᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱫᱚ ᱤᱥᱚᱨ ᱪᱚᱱᱫᱽᱨᱚ ᱫᱤᱠᱥᱤᱛ ᱨᱮᱱ ᱦᱚᱯᱚᱱ ᱮᱨᱟᱭ ᱛᱟᱦᱮᱱ ᱠᱟᱱᱟ,ᱚᱠᱚᱭ ᱫᱚ ᱨᱟᱭᱵᱟᱨᱮᱞᱤ ᱥᱤᱵᱤᱞ ᱠᱚᱨᱴ ᱨᱮᱱ ᱥᱮᱱᱤᱚᱭᱚᱨ ᱩᱠᱤᱞᱮ ᱛᱟᱦᱮᱱ ᱠᱟᱱ ᱟᱨ ᱮᱝᱜᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱜᱤᱛᱟ ᱫᱤᱠᱥᱤᱛ ᱛᱟᱦᱮᱸ ᱠᱟᱱᱟ| ᱩᱱᱤ ᱫᱚ ᱥᱟᱬᱮᱥ ᱛᱮ ᱵᱮᱪᱞᱚᱨ ᱰᱤᱜᱽᱨᱤ ᱦᱟᱢᱮᱴ ᱟᱠᱟᱫᱟ, ᱩᱱᱤᱭᱟᱜ ᱥᱟᱛᱷᱟ ᱠᱚ ᱫᱚ ᱵᱚᱴᱟᱱᱤ, ᱡᱚᱞᱚᱡᱤ ᱟᱨ ᱠᱮᱢᱤᱥᱴᱨᱤ ᱮᱢᱟᱱ ᱛᱟᱦᱮᱱ ᱠᱟᱱᱟ| ᱩᱱᱤ ᱫᱚ ᱠᱟᱛᱷᱟᱠ ᱟᱨ ᱣᱮᱥᱴᱨᱱ ᱮᱱᱮᱡ ᱠᱚᱭ ᱪᱮᱫ ᱞᱮᱫᱟ|
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱘ ᱥᱮᱨᱢᱟ ᱨᱮ, ᱢᱤᱱᱟᱠᱥᱤ ᱫᱤᱠᱥᱤᱛ ᱫᱚ ᱮᱱ,ᱰᱤᱹᱴᱤ,ᱵᱤ, ᱤᱢᱟᱡᱤᱱ ᱰᱟᱱᱥ ᱨᱤᱭᱮᱞᱤᱴᱤ ᱥᱚ ᱱᱟᱪᱞᱮ ᱣᱮ ᱨᱮ ᱥᱟᱨᱚᱡᱽ ᱠᱷᱟᱱ ᱥᱚᱝᱜᱮ ᱦᱤᱸᱥᱮ ᱦᱟᱛᱟᱣ ᱞᱮᱫᱟ, ᱟᱨ ᱚᱱᱟ ᱯᱨᱚᱜᱽᱨᱟᱢ ᱫᱚ ᱥᱟᱨᱚᱡᱽ ᱠᱷᱟᱱ ᱜᱮ ᱦᱚᱥᱴ ᱞᱮᱫᱟ| ᱱᱤᱭᱟᱹ ᱥᱚ ᱦᱚᱛᱮ ᱛᱮ ᱜᱮ ᱢᱤᱱᱟᱠᱥᱤ ᱫᱮᱠᱥᱤᱛ ᱫᱚ ᱥᱤᱧᱚᱛᱤᱭᱟᱟᱹ ᱥᱤᱱᱮᱢᱟ ᱨᱮ ᱥᱩᱛᱩᱜ ᱟᱫᱮᱨ ᱚᱪᱚ ᱞᱮᱱᱟ| ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱢᱚᱰᱮᱞᱤᱝ ᱨᱮᱭᱮ ᱵᱚᱞᱚᱭᱮᱱᱟ, ᱫᱮᱥᱤ ᱟᱨ ᱡᱟᱹᱡᱟᱹᱛᱨᱤᱭᱟᱹ ᱵᱽᱨᱮᱱᱰ ᱡᱮᱞᱮᱠᱟ ᱺ ᱡᱚᱭᱟ ᱞᱩᱠᱠᱟᱥ ᱡᱮᱣᱮᱞᱟᱨᱤ, ᱢᱟᱭᱠᱨᱚ ᱥᱚᱯᱷᱴ ᱣᱤᱱᱰᱚᱥ, ᱯᱷᱮᱭᱟᱨ ᱮᱱᱰ ᱦᱮᱱᱥᱟᱢ ᱠᱨᱤᱢ, ᱪᱮᱱᱱᱟᱭ ᱥᱤᱞᱠᱥ, ᱥᱟᱝᱠᱟᱨᱟᱱ ᱰᱟᱭᱢᱚᱱᱰ ᱡᱮᱣᱮᱞᱟᱨᱤ, ᱵᱽᱨᱳᱠ ᱵᱚᱱᱰ ᱛᱟᱡᱟ ᱪᱟ, ᱯᱟᱱᱤᱨᱤ ᱥᱟᱨᱤ, ᱞᱤ ᱠᱚᱯᱟᱨ, ᱨᱮᱰ ᱥᱠᱩᱣᱟᱨ ᱮᱱᱟᱨᱡᱤ ᱰᱨᱤᱝᱠ, ᱨᱮᱰᱤᱭᱚ ᱢᱤᱨᱪᱤ, ESSAR, ᱮᱱᱤ ᱴᱟᱭᱤᱢ ᱯᱷᱤᱴᱱᱮᱥ ᱡᱤᱢ ᱟᱨ ᱟᱠᱚᱣᱟ ᱜᱟᱨᱰ ᱮᱢᱟᱱ ᱡᱤᱱᱤᱥ ᱠᱚ ᱨᱮᱱᱟᱜ ᱯᱚᱨᱪᱟᱨ ᱨᱮᱭᱮ ᱠᱟᱹᱢᱤ ᱞᱮᱫᱟ| ᱩᱱᱤ ᱫᱚ ᱥᱤᱧᱚᱛ ᱨᱮᱭᱟᱜ ᱯᱷᱮᱥᱚᱱ ᱥᱟᱶ ᱥᱟᱶᱛᱮ ᱥᱤᱧᱚᱛᱤᱭᱟᱹ ᱯᱟᱛᱷᱟᱢ ᱠᱚ ᱨᱮ ᱦᱚᱸ ᱢᱚᱰᱮᱞᱮ ᱛᱟᱦᱮᱸ ᱦᱮᱡ ᱟᱠᱟᱱᱟ|
᱒᱐᱑᱑ ᱥᱮᱨᱢᱟ ᱨᱮ ᱛᱮᱞᱮᱜᱩ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱱᱟᱣ ᱟᱠᱟᱫ ᱯᱷᱤᱞᱢ ᱰᱩᱠᱩᱰᱩ ᱨᱮ, ᱩᱱᱤ ᱫᱚ ᱢᱤᱫᱴᱮᱱ ᱥᱯᱮᱥᱤᱭᱟᱞ ᱟᱭᱴᱮᱢ ᱮᱱᱮᱡ ᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ| ᱰᱩᱠᱩᱰᱩ ᱛᱟᱭᱚᱢ, ᱩᱱᱤ ᱫᱚ ᱟᱨᱦᱚᱸ ᱵᱚᱰᱤ ᱜᱟᱨᱰ ᱯᱷᱤᱞᱢ ᱨᱮᱱ ᱨᱤᱢᱮᱠ ᱯᱨᱚᱰᱤᱭᱩᱥᱟᱨ ᱦᱚᱛᱮ ᱛᱮ ᱟᱭᱴᱮᱢ ᱰᱟᱱᱥ ᱞᱟᱹᱜᱤᱫ-ᱮ ᱵᱟᱪᱷᱟᱣ ᱚᱪᱚ ᱞᱮᱱᱟ| ᱟᱸᱥ ᱛᱟᱦᱮᱸ ᱠᱟᱱᱟ ᱱᱤᱭᱟᱹ ᱫᱷᱟᱣ ᱟᱜ ᱟᱭᱴᱮᱢ ᱥᱮᱨᱮᱧ ᱨᱮ ᱦᱚᱸ ᱰᱩᱠᱩᱰᱩ ᱨᱮ ᱞᱮᱠᱟ ᱚᱨᱡᱚ ᱠᱚ ᱦᱟᱢᱮᱴᱟ| ᱤᱱᱟᱹ ᱛᱟᱭᱚᱢ ᱟᱨᱦᱚᱸ ᱩᱱᱤ ᱫᱚ ᱛᱟᱢᱤᱞ ᱥᱤᱱᱮᱢᱟ ᱵᱤᱞᱞᱟ ᱴᱩ ᱨᱮ ᱟᱭᱴᱮᱢ ᱥᱮᱨᱮᱧᱮ ᱩᱫᱩᱜ ᱥᱚᱫᱚᱨ ᱞᱮᱫᱟ, ᱱᱤᱭᱟᱹ ᱫᱚ ᱩᱱᱤᱭᱟᱜ ᱢᱟᱨᱟᱝ ᱢᱟᱨᱟᱝ ᱶᱯᱨᱚᱡᱮᱠᱴ ᱠᱚ ᱢᱩᱫᱽ ᱨᱮ ᱢᱤᱫᱴᱮᱱ ᱢᱟᱨᱟᱝ ᱟᱜ ᱜᱮ ᱧᱩᱢᱚᱜ ᱠᱟᱱᱟ| ᱒᱐᱑᱔ ᱥᱮᱨᱢᱟ ᱨᱮ ᱩᱱᱤ ᱫᱚ ᱵᱟᱨᱭᱟ ᱥᱮᱬᱟ ᱥᱤᱱᱮᱢᱟ ᱨᱮᱭᱮ ᱧᱮᱞ ᱞᱮᱱᱟ| ᱩᱱᱤ ᱫᱚ ᱛᱟᱢᱤᱞ ᱠᱚᱢᱮᱰᱤ ᱯᱷᱤᱞᱢ ᱛᱮᱞᱟᱞᱤ ᱨᱟᱱᱟᱢ ᱨᱮ ᱯᱨᱤᱱᱥᱮᱥ ᱨᱮᱭᱟᱜ ᱪᱟᱹᱨᱤᱛᱮ ᱦᱟᱛᱟᱣ ᱞᱮᱫᱟ| ᱢᱮᱱ ᱠᱷᱟᱱ ᱛᱷᱨᱤᱞᱟᱨ ᱰᱨᱟᱢᱟ ᱟᱣᱫᱤ ᱠᱟᱪᱤᱱᱟ ᱣᱮᱱᱮᱞᱟ ᱨᱮ ᱩᱱᱤ ᱫᱚ ᱢᱤᱫᱴᱮᱱ ᱥᱟᱨᱯ ᱥᱩᱴᱟᱨ ᱪᱟᱹᱨᱤᱛ ᱞᱮᱠᱟ ᱛᱮᱭᱮ ᱧᱮᱞ ᱞᱮᱱᱟ|