ᱢᱩᱥᱞᱟᱹ ᱜᱚᱬᱚ ᱜᱟᱶᱛᱟ (ᱳᱟᱭᱥᱤ)

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
OIC vector map

ᱫᱷᱟᱹᱨᱛᱤ ᱨᱮᱱ ᱡᱚᱛᱚ ᱢᱩᱥᱞᱟᱹ ᱠᱚᱣᱟᱜ ᱡᱟᱹᱛᱤᱭᱟᱨᱤ ᱚᱨᱜᱟᱱᱟᱭᱡᱮᱥᱚᱱ ᱠᱟᱱᱟ ᱳᱟᱭᱥᱤ[en.Organisation_of_Islamic_Cooperation]᱾ ᱳᱟᱭᱥᱤ ᱨᱮᱱᱟᱜ ᱜᱚᱴᱟ ᱢᱮᱱᱮᱫ ᱫᱚ Organization of Islamic Co-operation(OIC)᱾ ᱦᱚᱲ ᱛᱮ ᱥᱮ ᱥᱟᱱᱛᱟᱞᱤ ᱛᱮ ᱫᱚ ‘ᱢᱩᱥᱞᱟᱹ ᱜᱚᱲᱬᱚ ᱜᱟᱶᱛᱟ’ ᱵᱚ ᱢᱮᱛᱟᱜ ᱠᱟᱱᱟ᱾ᱟᱵᱚ ᱵᱚ ᱵᱟᱰᱟᱭᱟ ᱯᱟᱹᱪᱷᱤᱢ-ᱛᱟᱞᱟ(Middle East) ᱨᱮ ᱤᱥᱨᱟᱭᱮᱞ ᱫᱤᱥᱟᱹᱢ ᱵᱮᱱᱟᱣ ᱨᱟᱠᱟᱵ ᱤᱫᱤᱠᱟᱛᱮᱜ ᱤᱥᱨᱟᱭᱮᱞ ᱟᱨ ᱯᱟᱹᱪᱷᱤᱢ ᱫᱤᱥᱟᱹᱢ ᱨᱮᱱ ᱜᱟᱛᱮ ᱠᱚ ᱥᱟᱞᱟᱜ ᱯᱟᱹᱪᱷᱤᱢ-ᱛᱟᱞᱟ ᱢᱩᱥᱞᱟᱹ ᱫᱤᱥᱟᱹᱢ ᱠᱚᱣᱟᱜ ᱵᱟᱹᱭᱨᱤ ᱢᱮᱱᱟᱜᱼᱟ᱾ ᱱᱤᱭᱟᱹ ᱵᱟᱹᱭᱨᱤ ᱛᱮᱜᱮ ᱑᱙᱖᱙ ᱥᱮᱨᱢᱟ ᱨᱮᱱᱟᱜ ᱒᱑ ᱟᱜᱚᱥᱴ ᱤᱥᱨᱟᱭᱮᱞ ᱫᱚ ᱢᱩᱥᱞᱟᱹᱣᱟᱜ ᱟᱞ ᱟᱠᱥᱟ ᱧᱤᱛᱩᱢᱟᱱ ᱥᱚᱱᱚᱛ ᱢᱚᱥᱡᱤᱫᱽ ᱨᱮ ᱥᱮᱸᱜᱮᱞ ᱠᱚ ᱞᱟᱜᱟᱣ ᱠᱮᱫᱟ᱾

ᱜᱚᱴᱟ ᱫᱷᱟᱹᱨᱛᱤ ᱨᱮᱱ ᱢᱩᱥᱞᱟᱹ ᱱᱤᱭᱟᱹ ᱜᱷᱚᱴᱚᱱᱟ ᱨᱮ ᱠᱚ ᱨᱟᱸᱜᱟᱣ ᱮᱱᱟ᱾ ᱱᱤᱭᱟᱹ ᱜᱷᱚᱴᱚᱱᱟ ᱤᱫᱤ ᱠᱟᱛᱮᱜ ᱜᱮ ᱑᱔ ᱜᱚᱴᱟᱝ ᱢᱩᱥᱞᱟᱹ ᱫᱤᱥᱟᱹᱢ ᱨᱮᱱ ᱢᱩᱠᱷᱤᱭᱟᱹ ᱠᱚ ᱢᱤᱫ ᱥᱣᱢᱞᱮᱫ ᱨᱮ ᱠᱚ ᱫᱩᱲᱩᱵ ᱮᱱᱟ᱾ᱚᱱᱟ ᱥᱮᱢᱞᱮᱫ ᱨᱮ ᱢᱩᱥᱞᱟᱹ ᱫᱤᱥᱟᱹᱢ ᱨᱮᱱ ᱢᱟᱨᱟᱝ ᱢᱩᱠᱷᱤᱭᱟᱹ ᱠᱚ ᱱᱤᱭᱮ ᱢᱟᱨᱟᱝ ᱥᱮᱢᱞᱮᱥ ᱨᱮᱱᱟᱜ ᱠᱚ ᱜᱚᱴᱟ ᱠᱮᱫᱟ᱾ ᱚᱱᱟ ᱞᱮᱠᱟᱛᱮ ᱑᱙᱖᱙ ᱥᱮᱨᱢᱟ ᱨᱮᱱᱟᱜ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱨᱮᱱᱟ ᱒᱒ ᱠᱷᱚᱱ ᱒᱕ ᱛᱟᱹᱨᱤᱠᱷ ᱨᱮ ᱒᱔ ᱜᱚᱴᱟᱝ ᱢᱩᱥᱞᱟᱹ ᱫᱤᱥᱟᱹᱢ ᱨᱮᱱ ᱢᱩᱠᱷᱤᱭᱟᱹ ᱱᱤᱭᱮ ᱢᱚᱨᱚᱠᱠᱚ ᱨᱮᱱᱟᱜ ᱨᱟᱡᱽᱫᱷᱟᱱᱤ ᱨᱟᱵᱟᱛ ᱨᱮ ᱢᱟᱨᱟᱝ ᱥᱮᱢᱞᱮᱥ ᱦᱩᱭᱮᱱᱟ᱾ ᱚᱱᱟ ᱥᱮᱢᱞᱮᱫ ᱨᱮ ᱢᱩᱥᱞᱟᱹ ᱫᱤᱥᱟᱹᱢ ᱠᱚ ᱨᱮᱱᱟᱜ ᱥᱟᱨᱛᱷᱚ ᱨᱩᱠᱷᱤᱭᱟᱹ ᱞᱟᱹᱜᱤᱫ ᱛᱮ ᱢᱤᱫᱴᱟᱝ ᱥᱚᱝᱜᱚᱴᱷᱚᱱ ᱨᱮᱱᱟᱜ ᱡᱟᱹᱨᱩᱲ ᱠᱚ ᱢᱚᱱᱮ ᱠᱮᱫᱟ᱾ ᱟᱨ ᱒᱕ ᱥᱮᱯᱴᱮᱢᱵᱚᱨ ᱨᱮ ᱳᱟᱭᱥᱤ ᱵᱮᱱᱟᱣ ᱦᱩᱭᱮᱱᱟ᱾ ᱢᱟᱞᱚᱭᱥᱤᱭᱟ ᱨᱮᱱ ᱢᱩᱠᱷᱤᱭᱟᱹ ᱴᱤᱝᱠᱩ ᱟᱵᱽᱫᱩᱨ ᱨᱚᱚᱢᱟᱱ ᱮ ᱦᱩᱭᱩᱜ ᱠᱟᱱᱟ ᱯᱟᱦᱤᱞ ᱥᱮᱠᱨᱮᱴᱟᱨᱤ᱾ ᱱᱚᱠᱟ ᱛᱮᱜᱮ ᱳᱟᱭᱥᱤ ᱨᱮᱱᱟᱜ ᱛᱟᱲᱟᱢ ᱫᱚ ᱮᱦᱚᱵ ᱮᱱᱟ᱾ ᱯᱟᱹᱦᱤᱞ ᱫᱚ ᱒᱓ ᱜᱚᱴᱟᱝ ᱢᱮᱢᱵᱟᱨ ᱠᱚ ᱛᱟᱦᱮ ᱠᱟᱱᱟ᱾ ᱧᱮᱛᱚᱜ ᱫᱚ ᱳᱟᱭᱥᱤ ᱨᱮᱱ ᱕᱗ ᱜᱚᱴᱟᱝ ᱢᱮᱢᱵᱟᱨ ᱢᱮᱵᱟᱜ ᱠᱚᱣᱟ᱾ ᱫᱷᱟᱹᱨᱛᱤ ᱨᱮᱱ ᱢᱩᱥᱞᱟᱹ ᱫᱤᱥᱟᱹᱢ ᱜᱮ ᱱᱤᱭᱟᱹ ᱨᱮᱱ ᱢᱮᱢᱵᱟᱨ ᱠᱟᱱᱟ ᱠᱚ᱾ ᱳᱟᱭ ᱥᱤ ᱨᱮᱱᱜ ᱥᱚᱫᱚᱨᱫᱚᱯᱛᱚᱨ ᱫᱚ ᱥᱳᱣᱫᱤ ᱟᱨᱤᱵᱽ ᱨᱮᱱᱟᱜ ᱡᱮᱫᱽᱫᱟ ᱨᱮ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]