ᱢᱩᱰᱨᱩᱡ ᱟᱡᱟᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱢᱩᱰᱨᱩᱡ ᱟᱡᱟᱨ

᱒᱔ ᱵᱚᱭᱚᱥ ᱨᱤᱱᱤᱡ ᱢᱩᱰᱨᱩᱡ ᱟᱡᱟᱨ ᱦᱚᱲ

ᱢᱩᱰᱨᱩᱡ ᱟᱡᱟᱨ (Leprosy) ᱫᱚ ᱟᱵᱚ ᱫᱚ ᱢᱟᱨᱟᱝ ᱟᱡᱟᱨ ᱵᱚᱱ ᱢᱮᱛᱟᱜᱼᱟ ᱾ ᱱᱚᱶᱟ ᱫᱚ ᱟ.ᱰᱤ ᱢᱟᱨᱟᱝ ᱵᱮᱢᱟᱨ ᱠᱟᱱᱟ ᱾ ᱱᱚᱶᱟ ᱟᱡᱟᱨ ᱫᱚ ᱟ.ᱰᱤ ᱫᱚᱱ ᱛᱟᱦᱮᱸᱱᱟ ᱾ ᱱᱚᱶᱟ ᱟᱡᱟᱨ ᱫᱚ ᱵᱟᱨ ᱥᱮᱫ ᱛᱮ ᱦᱩᱭᱩᱜᱼᱟ ᱾ ᱢᱤᱫ ᱫᱚ ᱥᱱᱟᱭᱩ (Neural) ᱥᱮᱫᱛᱮ ᱟᱨ ᱢᱤᱫ ᱫᱚ ᱦᱟᱨᱛᱟ (Lepromatous) ᱥᱮᱫᱛᱮ ᱾ ᱥᱱᱟᱭᱩ ᱠᱷᱚᱱ ᱦᱟᱨᱛᱟ ᱥᱮᱫᱟᱜ ᱟᱡᱟᱨ ᱫᱚ ᱟ.ᱰᱤ ᱢᱟᱨᱟᱝᱼᱟ ᱾

ᱱᱚᱶᱟ ᱟᱡᱟᱨ ᱨᱮᱫᱚ ᱢᱟᱬᱟᱝ ᱛᱮ ᱰᱮᱠᱮ ᱟᱨ ᱛᱤ ᱡᱟᱸᱜᱟ ᱠᱚᱨᱮ ᱯᱩᱭᱥᱟ. ᱞᱮᱠᱟ ᱜᱩᱞ ᱜᱩᱞ ᱫᱟᱜᱽ ᱧᱮᱞᱚᱜᱼᱟ ᱾ ᱛᱟᱭᱚᱢ ᱛᱮ ᱚᱱᱟ ᱪᱟᱠ ᱨᱟᱠᱟᱵ ᱴᱷᱟᱶ ᱨᱮ ᱢᱮᱱᱟᱜ ᱩᱵ ᱫᱚ ᱧᱩᱨᱩᱜ ᱛᱮ ᱚᱸᱰᱮ ᱠᱷᱚᱱ ᱩᱫᱽᱜᱟ.ᱨ ᱫᱟᱜ ᱦᱚᱸ ᱵᱟᱝ ᱚᱰᱚᱠᱚᱜᱼᱟ ᱾ ᱥᱱᱟᱭᱩ ᱥᱮᱫ ᱛᱮ ᱯᱟᱥᱱᱟᱣᱜ ᱠᱟᱱ ᱟᱡᱟᱨ ᱛᱮᱫᱚ ᱥᱱᱟᱭᱩ ᱠᱚ ᱯᱷᱩᱞᱟ.ᱣ ᱠᱟᱛᱮ ᱠᱚ ᱢᱚᱴᱟᱜᱼᱟ ᱾ ᱚᱱᱟ ᱛᱟᱭᱚᱢ ᱛᱮ ᱠᱟ.ᱴᱩᱵ ᱠᱚ ᱠᱟ.ᱲᱵᱩᱝ ᱚᱜᱼᱟ ᱾ ᱟᱨ ᱵᱟ.ᱭ ᱵᱟ.ᱭ ᱛᱮ ᱚᱱᱟ ᱠᱚ ᱜᱷᱟᱣᱜ ᱛᱮ ᱚᱸᱰᱮ ᱠᱷᱟᱺᱰᱤᱭᱟ.ᱜᱼᱟ ᱾ ᱦᱟᱨᱛᱟ ᱥᱮᱫ ᱛᱮ ᱯᱟᱥᱱᱟᱣᱜ ᱟᱡᱟᱨ ᱛᱮᱫᱚ ᱢᱚᱪᱟ, ᱢᱩ, ᱞᱩᱛᱩᱨ ᱠᱚᱨᱮ ᱜᱩᱞᱤ ᱞᱮᱠᱟ ᱯᱷᱩᱞᱟ.ᱣ ᱚᱰᱚᱠᱚᱜᱼᱟ ᱟᱨ ᱚᱱᱟ ᱛᱟᱭᱚᱢ ᱚᱱᱟ ᱠᱚ ᱯᱚᱥᱟᱜᱚᱜ ᱛᱮ ᱜᱷᱟᱣᱜᱼᱟ ᱾

ᱚᱠᱟ ᱞᱮᱠᱟᱨᱮ ᱱᱚᱣᱟ ᱟᱡᱟᱨ ᱦᱩᱭᱩᱜᱼᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱡᱚᱯᱚᱴᱮᱫ ᱛᱮ ᱯᱟᱥᱱᱟᱣᱜᱼᱟ ᱾ ᱟ.ᱰᱤ ᱫᱤᱱ ᱨᱩᱜᱤ ᱥᱟᱶ ᱛᱟᱦᱮᱸ ᱞᱮᱱ ᱠᱷᱟᱱ ᱱᱚᱣᱟ ᱢᱩᱰᱨᱩᱡ ᱟᱡᱟᱨ ᱫᱚ ᱯᱟᱥᱱᱟᱣᱜᱼᱟ ᱾ ᱱᱚᱣᱟ ᱟᱡᱟᱨ ᱨᱤᱱ ᱡᱤᱵᱟᱬᱩ ᱠᱚᱫᱚ ᱨᱩᱜᱤᱭᱟᱜ ᱦᱟᱨᱛᱟ ᱠᱚᱨᱮ ᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱦᱟᱨᱛᱟ ᱥᱟᱞᱟᱜ ᱵᱮᱥ ᱦᱟᱨᱛᱟ ᱥᱟ.ᱜᱟ.ᱭ ᱨᱮ ᱦᱮᱡ ᱞᱮᱱ ᱠᱷᱟᱱ ᱱᱚᱣᱟ ᱟᱡᱟᱨ ᱠᱚᱫᱚ ᱧᱟᱧᱟᱢᱟ ᱾

ᱟᱡᱟᱨ ᱴᱮᱠᱟᱣ ᱫᱟᱨᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑. ᱱᱮᱛᱟᱨ ᱱᱚᱣᱟ ᱟᱡᱟᱨ ᱵᱟᱠᱷᱨᱟ ᱱᱟᱣᱟ ᱱᱟᱣᱟ ᱨᱟᱱ ᱚᱰᱚᱠ ᱟᱠᱟᱱᱟ ᱾ ᱱᱚᱣᱟ ᱠᱚ ᱢᱟᱺᱫᱽᱨᱮ M. D. T ᱢᱤᱫᱴᱟᱹᱝ ᱾ ᱱᱚᱣᱟ ᱟᱡᱟᱨ ᱮᱛᱚᱦᱚᱵ ᱥᱟᱶᱛᱮ ᱱᱚᱣᱟ ᱨᱟᱱ ᱡᱚᱢ ᱞᱮᱠᱷᱟᱱ ᱱᱚᱣᱟ ᱟᱡᱟᱨ ᱯᱩᱨᱟ.ᱯᱩᱨᱤ ᱵᱮᱥ ᱩᱛᱟ.ᱨᱚᱜᱼᱟ ᱾ ᱱᱚᱣᱟ ᱨᱟᱱ ᱫᱚ ᱡᱚᱛᱚ ᱰᱟᱠᱛᱚᱨ ᱠᱷᱟᱱᱟ ᱨᱮ ᱯᱚᱞᱟ ᱛᱮ ᱧᱟᱢᱚᱜ ᱠᱟᱱᱟ ᱾

᱒. ᱱᱚᱣᱟ ᱟᱡᱟᱨ ᱨᱤᱱᱤᱡ ᱨᱳᱜᱤ ᱛᱤᱠᱪᱷᱟ. ᱮ ᱠᱷᱟᱱ ᱩᱱᱤ ᱫᱚ ᱵᱷᱮᱜᱟᱨ ᱨᱮ ᱫᱚᱦᱚ ᱞᱟ.ᱠᱛᱤᱜ ᱠᱟᱱᱟ ᱾ ᱟᱡ ᱵᱮᱵᱷᱟᱨᱟᱜ ᱞᱩᱜᱽᱲᱤ ᱞᱟᱯᱚ ᱠᱚ ᱵᱷᱮᱜᱟᱨ ᱨᱮ ᱫᱚᱦᱚ ᱞᱟ.ᱠᱛᱤᱜ ᱠᱟᱱᱟ ᱾ ᱚᱱᱠᱟ ᱠᱷᱟᱱ ᱱᱚᱣᱟ ᱟᱡᱟᱨ ᱵᱟᱝ ᱯᱟᱥᱱᱟᱣ ᱫᱟᱲᱮᱭᱟᱜᱼᱟ ᱾

ᱱᱚᱣᱟ ᱟᱡᱟᱨ ᱨᱮ ᱯᱟᱲᱟᱣ ᱟᱠᱟᱱ ᱦᱚᱲ ᱫᱚ ᱟ.ᱰᱤ ᱵᱟᱝ ᱴᱷᱤᱠ ᱠᱚ ᱧᱮᱞᱚᱜᱼᱟ ᱾ ᱚᱱᱟᱛᱮ ᱱᱚᱣᱟ ᱫᱚ ᱟ.ᱰᱤ ᱵᱚᱛᱚᱨᱟᱱ ᱟᱡᱟᱨ ᱠᱟᱱᱟ ᱾ ᱚᱱᱟᱛᱮ ᱱᱚᱣᱟ ᱠᱷᱚᱱ ᱫᱩᱜ ᱫᱚᱦᱚ ᱫᱚ ᱮᱠᱟᱞ ᱜᱮ ᱞᱟ.ᱠᱛᱤ ᱢᱮᱱᱟᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.thefreedictionary.com/leprosy https://doi.org/10.1111/j.1346-8138.2011.01370.x http://www.who.int/mediacentre/factsheets/fs101/en/ https://www.sciencedaily.com/releases/2008/11/081124141047.htm https://www.ncbi.nlm.nih.gov/pubmed/26773620 https://www.ncbi.nlm.nih.gov/pmc/articles/PMC5055577

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://curlie.org/Health/Conditions_and_Diseases/Infectious_Diseases/Mycobacterial/Hansen's_Disease/ http://www.who.int/lep/resources/en/