ᱢᱮᱨᱤ ᱠᱚᱢ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱢᱮᱨᱤ ᱠᱚᱢ
Mary Kom - British High Commission, Delhi, 27 July 2011.jpg
ᱵᱨᱤᱴᱤᱥ ᱦᱟᱭ ᱠᱚᱢᱤᱥᱳᱱ ᱱᱟᱣᱟ ᱫᱤᱞᱞᱤ, ᱒᱐᱑᱑ ᱨᱮ ᱠᱚᱢ ᱟᱜ ᱜᱟᱞᱚᱪ
ᱯᱟᱨᱞᱤᱭᱟᱢᱮᱴ ᱥᱚᱦᱮᱛ, ᱨᱟᱡᱽᱭᱚ ᱥᱚᱵᱷᱟ
(nominated)
Assumed office
᱒᱕ ᱮᱯᱨᱤᱞ ᱒᱐᱑᱖
ᱵᱟᱪᱷᱚᱱᱤᱭᱟᱹ ᱯᱨᱚᱬᱚᱵᱽ ᱢᱩᱠᱷᱚᱨᱡᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱑ ᱢᱟᱨᱪ ᱑᱙᱘᱓
ᱢᱚᱬᱤᱯᱩᱨ, ᱥᱤᱧᱚᱛ
ᱡᱟᱹᱛᱤᱭᱟᱹᱨᱤ ᱥᱤᱧᱚᱛᱤᱭᱟ.
ᱡᱤᱭᱚᱱ ᱥᱚᱦᱮᱫ ᱠᱟᱨᱚᱝ ᱚᱸᱠᱷᱞᱚᱨ ᱠᱚᱢ
Awards ᱯᱚᱫᱽᱢᱚ ᱥᱨᱤ (᱒᱐᱐᱖)
ᱯᱚᱫᱽᱢᱚ ᱵᱷᱩᱥᱚᱬ ᱑᱙᱑᱓)

ᱢᱮᱜᱽᱛᱮ ᱪᱚᱸᱜᱽᱱᱮᱭᱡᱮᱸᱝ ᱢᱮᱨᱤ ᱠᱚᱢ (ᱮᱢ. ᱥᱤ. ᱢᱮᱨᱤ ᱠᱚᱢ) (ᱡᱟᱱᱟᱢ ᱑ ᱢᱟᱨᱪ ᱑᱙᱘᱓) ᱡᱟᱦᱟᱸᱭ ᱫᱚ ᱢᱮᱨᱤ ᱠᱚᱢ ᱧᱩᱛᱩᱢ ᱛᱮᱦᱚᱸ ᱩᱯᱨᱩᱢ ᱛᱟᱭ ᱢᱮᱱᱟᱜᱼᱟ ᱾ ᱢᱤᱫ ᱥᱤᱧᱚᱛᱤᱭᱟ. ᱛᱤᱨᱞᱟ. ᱵᱚᱠᱥᱚᱨ ᱠᱟᱱᱟᱭ ᱾ ᱟᱡ ᱫᱚ ᱢᱚᱬᱤᱯᱩᱨ ᱥᱤᱧᱚᱛ ᱨᱤᱱᱤᱡ ᱵᱩᱱᱤᱭᱟ.ᱫᱽ ᱵᱚᱥᱠᱚᱫᱤᱭᱟ. ᱠᱟᱱᱟᱭ ᱾ ᱢᱮᱨᱤ ᱠᱚᱢ ᱫᱚ ᱛᱩᱨᱩᱭ ᱫᱷᱟᱣ ᱡᱮᱜᱮᱛ ᱵᱚᱠᱥᱤᱝ ᱦᱮᱯᱨᱟᱣ ᱨᱮ ᱡᱤᱛᱠᱟ.ᱨᱤᱭᱟ. ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾[᱑]᱒᱐᱑᱒ ᱨᱮᱭᱟᱜ ᱞᱚᱱᱰᱚᱱ ᱳᱞᱤᱢᱯᱤᱠ ᱨᱮ ᱟᱡ ᱫᱚ ᱠᱟᱸᱥᱟ ᱦᱤᱥᱤᱨ ᱮ ᱡᱤᱛᱠᱟ.ᱨ ᱮᱱᱟ ᱾ ᱒᱐᱑᱐ ᱥᱟᱞᱮ ᱨᱮᱭᱟᱜ ᱮᱥᱤᱭᱟᱱ ᱠᱷᱮᱞᱚᱸᱰ ᱨᱮ ᱠᱟᱸᱥᱟ ᱥᱟᱶᱛᱮ ᱒᱐᱑᱔ ᱨᱮ ᱮᱥᱤᱭᱟᱱ ᱠᱷᱮᱞᱚᱸᱰ ᱨᱮ ᱟᱡ ᱫᱚ ᱥᱚᱱᱟ ᱦᱤᱥᱤᱨ ᱮ ᱟᱢᱮᱴ ᱠᱮᱫ-ᱟ ᱾[᱒]

ᱵᱟᱨ ᱥᱮᱨᱢᱟ ᱯᱟᱲᱦᱟᱣ ᱠᱷᱚᱱ ᱰᱤᱜᱟ. ᱠᱟᱛᱮ ᱨᱩᱣᱟ.ᱲ ᱛᱟᱭᱚᱢ ᱞᱮᱛᱟᱲ ᱯᱩᱱ ᱫᱷᱟᱣ ᱣᱟᱞᱰ ᱱᱳᱱ-ᱯᱨᱚᱯᱷᱮᱥᱚᱱᱟᱞ ᱵᱚᱠᱥᱤᱝ ᱨᱮ ᱥᱚᱱᱟᱭ ᱡᱤᱛᱠᱟ.ᱨ ᱟᱠᱟᱱᱟ ᱾ ᱩᱱᱤᱭᱟᱜ ᱱᱚᱝᱠᱟᱱ ᱠᱷᱟ.ᱴᱟ.ᱲᱤ ᱮᱱᱮᱢ ᱧᱮᱞ ᱛᱮ ᱢᱩᱦᱤᱛ ᱠᱟᱛᱮ ᱮᱟᱭᱤᱵᱤᱮ ᱫᱚ ᱟᱡ ᱢᱮᱜᱽᱱᱤᱯᱷᱤᱥᱮᱸᱴ ᱢᱮᱨᱤ (ᱯᱨᱚᱛᱟᱯᱤ ᱢᱮᱨᱤ) ᱢᱮᱱᱛᱮ ᱠᱚ ᱵᱤᱠᱱᱟ.ᱣ ᱠᱮᱫᱮᱭᱟ ᱾[᱑][᱓]

ᱟᱡᱟᱜ ᱡᱤᱭᱚᱱᱤ ᱪᱮᱛᱟᱱ ᱨᱮ ᱢᱤᱫ ᱯᱷᱤᱞᱤᱢ ᱦᱚᱸ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱩᱫᱩᱜ ᱥᱚᱫᱚᱨ ᱫᱚ ᱒᱐᱑᱔ ᱨᱮ ᱦᱩᱭ ᱮᱱᱟ ᱾ ᱱᱚᱣᱟ ᱯᱷᱤᱞᱤᱢ ᱨᱮ ᱟᱡᱟᱜ ᱴᱷᱟᱶ ᱫᱚ ᱯᱨᱤᱭᱚᱝᱠᱟ ᱪᱚᱯᱨᱟᱭ ᱛᱚᱨᱟᱣ ᱠᱮᱜ-ᱟ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱨᱤ ᱠᱚᱢ ᱟᱜ ᱡᱟᱱᱟᱢ ᱫᱚ ᱑ ᱢᱟᱨᱪ ᱑᱙᱘᱓ ᱥᱟᱞᱮᱨᱮ ᱦᱩᱭ ᱟᱠᱟᱱᱟ ᱾ ᱢᱚᱬᱤᱯᱩᱨ ᱨᱮᱭᱟᱜ ᱪᱩᱨᱟᱪᱟᱸᱫᱽᱯᱩᱨ ᱦᱚᱱᱚᱛ ᱨᱮ ᱢᱤᱫ ᱨᱮᱸᱜᱮᱡ ᱪᱟᱹᱥᱤ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱟᱡᱟᱜ ᱯᱩᱭᱞᱩ ᱥᱮᱪᱮᱫ ᱫᱚ ᱞᱳᱠᱳᱢᱚᱴᱤᱵᱽ ᱠᱨᱤᱥᱴᱤᱭᱟᱱ ᱢᱳᱰᱮᱞ ᱟᱥᱲᱟ ᱠᱷᱚᱱ ᱟᱨ ᱥᱮᱸᱴ ᱦᱮᱵᱤᱭᱚᱨ ᱟᱥᱲᱟ ᱠᱷᱚᱱ ᱮ ᱥᱟ.ᱛ ᱟᱠᱟᱫ-ᱟ ᱾ ᱱᱚᱣᱟ ᱨᱮᱭᱟᱜ ᱞᱟᱦᱟ ᱥᱮᱫ ᱯᱚᱲᱦᱚᱱ ᱞᱟ.ᱜᱤᱫ ᱫᱚ ᱟᱡ ᱟᱹᱫᱤᱢᱡᱟᱹᱛᱤ ᱩᱱᱩᱥᱩᱞ ᱟᱥᱲᱟ, ᱤᱢᱯᱷᱟᱞ ᱮ ᱥᱮᱱ ᱮᱱᱟ ᱤᱠᱷᱟ.ᱱ ᱚᱸᱰᱮ ᱵᱤᱱᱤᱰ ᱨᱮᱭ ᱯᱷᱮᱞ ᱮᱱ ᱛᱟᱭᱚᱢ ᱩᱱᱤ ᱫᱚ ᱟᱥᱲᱟᱭ ᱵᱟ.ᱜᱤᱭᱟᱫ-ᱟ ᱟᱨ ᱦᱚᱸ ᱱᱮᱥᱱᱟᱞ ᱳᱯᱮᱱ ᱟᱥᱲᱟ ᱠᱷᱚᱱ ᱵᱤᱱᱤᱰ ᱮ ᱮᱢ ᱠᱮᱜ-ᱟ ᱾ ᱢᱮᱨᱤ ᱠᱚᱢ ᱟᱜ ᱨᱟ.ᱥᱠᱟ. ᱫᱚ ᱜᱤᱫᱽᱨᱟ. ᱠᱷᱚᱱ ᱜᱮ ᱟᱛᱷᱞᱮᱴᱤᱠᱥ ᱨᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤᱭᱟᱜ ᱢᱚᱱᱮᱨᱮ ᱵᱚᱠᱥᱤᱝ ᱨᱮᱭᱟᱜ ᱨᱟ.ᱥᱠᱟ. ᱫᱚ ᱑᱙᱙᱙ ᱥᱟᱞᱮᱨᱮ ᱩᱱ ᱡᱚᱦᱚᱜ ᱥᱟᱨᱥᱟᱣ ᱮᱱᱟ ᱛᱤᱱ ᱡᱚᱦᱚᱜ ᱟᱡ ᱫᱚ ᱞᱩᱢᱪᱟᱠ ᱥᱯᱚᱴᱥ ᱠᱚᱢᱯᱞᱮᱠᱥ ᱨᱮ ᱛᱤᱱᱟ.ᱝ ᱜᱟᱱ ᱠᱩᱲᱤ ᱜᱤᱫᱽᱨᱟ. ᱠᱚ ᱵᱚᱠᱥᱤᱝ ᱨᱤᱝ ᱨᱮ ᱠᱚᱲᱟ ᱜᱤᱫᱽᱨᱟ. ᱠᱚ ᱥᱟᱶ ᱠᱷᱮᱞᱚᱸᱰ ᱮ ᱧᱮᱞ ᱠᱮᱫ ᱠᱚᱣᱟ ᱾ ᱢᱮᱨᱤ ᱠᱚᱢ ᱮ ᱢᱮᱱᱟ ᱫᱚ

   "ᱤᱧ ᱚᱱᱟ ᱧᱮᱱᱮᱞ ᱧᱮᱞ ᱠᱟᱛᱮ 
   ᱦᱟᱦᱟᱲᱟ ᱨᱤᱧ ᱛᱟᱦᱮᱸ ᱞᱮᱱᱟ ᱾ 
   ᱤᱧᱤᱧ ᱟ.ᱭᱠᱟ.ᱣ ᱠᱮᱫ-ᱟ ᱫᱚ, 
  ᱛᱤᱱ ᱡᱚᱦᱚᱜ ᱱᱩᱠᱩ ᱠᱩᱲᱤ ᱜᱤᱫᱽᱨᱟ.
  ᱠᱚ ᱵᱚᱠᱥᱤᱝ ᱫᱟᱲᱮᱭᱟᱜ ᱠᱟᱱᱟ, 
  ᱛᱚᱵᱮ ᱤᱧ ᱪᱮᱫᱟᱜ ᱵᱟᱝ-ᱟ ?"

ᱟᱡᱤᱡ ᱢᱚᱬᱤᱯᱩᱨ ᱨᱤᱱᱤᱡ ᱵᱚᱠᱥᱤᱝ ᱡᱚᱴᱟᱣ ᱰᱤᱝᱠᱚ ᱥᱤᱝ ᱟᱜ ᱡᱤᱛᱠᱟ.ᱨ ᱧᱮᱞ ᱠᱟᱛᱮ ᱦᱚᱸ ᱟ.ᱰᱤ ᱡᱩᱨ ᱜᱮ ᱟᱡ ᱫᱚ ᱵᱚᱠᱥᱤᱝ ᱥᱮᱫ ᱮ ᱢᱩᱦᱤᱛ ᱞᱮᱱᱟ ᱾[᱔][᱕]

ᱢᱮᱨᱤ ᱠᱚᱢ ᱫᱚ ᱳᱱᱞᱚᱨ ᱠᱚᱢ ᱥᱟᱶ ᱵᱟᱯᱞᱟ ᱛᱟᱭ ᱦᱤᱭ ᱟᱠᱟᱱᱟ ᱾ ᱟ.ᱠᱤᱱ ᱨᱤᱱ ᱫᱚ ᱡᱟᱣᱲᱟ ᱜᱤᱫᱽᱨᱟ. ᱢᱮᱱᱟᱜ ᱠᱤᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]