ᱢᱮᱫ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Schematic diagram of the human eye en.svg

ᱢᱮᱫ ᱫᱚ ᱦᱩᱭᱩᱜ ᱠᱟᱱᱟ ᱢᱟᱹᱱᱢᱤ ᱟᱨ ᱪᱮᱬᱮ ᱪᱤᱯᱨᱩᱡ ᱟᱨ ᱡᱤᱣᱤ ᱡᱤᱭᱟᱹᱞᱤ ᱠᱚᱣᱟᱜ ᱦᱚᱲᱢᱚ ᱨᱮᱱᱟᱜ ᱢᱤᱫ ᱟᱹᱰᱤ ᱞᱟᱹᱠᱛᱤᱭᱟᱱ ᱦᱟᱹᱴᱤᱧ ᱠᱟᱱᱟ ᱾ ᱱᱚᱣᱟ ᱫᱚ ᱧᱮᱞ ᱨᱮ ᱜᱚᱲᱚᱭ ᱮᱢᱟ ᱠᱚᱣᱟ ᱾ ᱢᱮᱫ ᱨᱮᱱᱟᱫ ᱥᱟᱢᱟᱝ ᱯᱟᱨᱫᱟ ᱠᱟᱸᱪ ᱞᱮᱠᱟ ᱥᱟᱯᱷᱟ ᱾ ᱚᱸᱰᱮ ᱫᱟᱜ ᱞᱮᱠᱟᱱᱟᱜ ᱯᱮᱨᱮᱡ ᱠᱚᱜ-ᱟ ᱟᱨ ᱚᱱᱟ ᱯᱟᱹᱪᱷᱞᱟᱹ ᱨᱮᱱᱟᱜ ᱯᱟᱨᱫᱟ ᱡᱟᱦᱟᱸ ᱫᱚ ᱟᱭᱨᱤᱥ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱚᱱᱟ ᱯᱟᱨᱫᱟ ᱨᱮᱱᱟᱜ ᱛᱟᱞᱟ ᱨᱮ ᱢᱤᱫᱴᱟᱝ ᱯᱷᱟᱝᱠᱟ ᱛᱟᱦᱮᱸᱱᱟ, ᱚᱱᱟ ᱫᱚ ᱯᱤᱣᱯᱩᱞ ᱠᱚ ᱢᱮᱛᱟᱜ-ᱟ ᱾ ᱱᱚᱶᱟ ᱯᱤᱣᱯᱩᱞ ᱫᱚ ᱠᱮᱢᱨᱟ ᱨᱮᱱᱟᱜ ᱥᱚᱴᱚᱨ ᱞᱮᱠᱟᱭ ᱠᱟᱹᱢᱤᱭᱟ ᱾ ᱰᱮᱦᱮᱨ ᱢᱟᱨᱥᱟᱞ ᱨᱮ ᱫᱚ ᱦᱩᱰᱤᱧᱚᱜ-ᱟ ᱟᱨ ᱢᱟᱨᱥᱟᱞ ᱠᱚᱢ ᱜᱮ ᱠᱷᱟᱱ ᱢᱟᱨᱟᱝᱚᱜ-ᱟ ᱾ ᱚᱱᱟ ᱯᱟᱹᱪᱷᱞᱟᱹ ᱨᱮ ᱫᱚ ᱞᱮᱱᱥ ᱟᱨ ᱞᱮᱱᱥ ᱯᱟᱹᱪᱷᱞᱟᱹ ᱨᱮ ᱫᱚ ᱵᱷᱤᱴᱨᱤᱭᱟᱥ ᱦᱭᱩᱢᱟᱨ ᱟᱨ ᱚᱱᱟ ᱯᱟᱹᱪᱷᱞᱟᱹ ᱨᱮ ᱫᱚ ᱨᱮᱴᱤᱱᱟ ᱛᱟᱦᱮᱸᱱᱟ ᱾ ᱢᱟᱨᱥᱟᱞ ᱮᱛᱚᱦᱚᱵ ᱢᱮᱫ ᱨᱮᱱᱟᱜ ᱠᱚᱨᱚᱱᱩᱭᱟ ᱥᱮᱫ ᱛᱚ ᱞᱮᱱᱥ ᱨᱮ ᱯᱟᱨᱚᱢ ᱞᱮᱱᱠᱷᱟᱱ ᱡᱚᱛᱚ ᱢᱟᱨᱟᱞ ᱥᱚᱡᱷᱚᱜ-ᱟ ᱾ ᱚᱱᱟ ᱚᱱᱟ ᱥᱚᱡᱷᱮ ᱢᱟᱨᱥᱟᱞ ᱨᱮᱴᱤᱱᱟ ᱪᱮᱛᱟᱱ ᱨᱮ ᱧᱩᱨ ᱞᱮᱱ ᱠᱷᱟᱱ ᱨᱮᱴᱤᱱᱟ ᱨᱤᱱ ᱡᱤᱣᱤᱫ ᱜᱟᱱᱛᱷᱟᱨ ᱠᱚ ᱪᱮᱸᱜᱷᱟ ᱨᱟᱠᱟᱵ-ᱟ ᱾

ᱠᱟᱹᱢᱤ ᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱫ ᱨᱮ ᱢᱟᱨᱥᱟᱞ ᱥᱟᱵ ᱞᱟᱹᱜᱤᱫ ᱨᱮᱴᱤᱱᱟ ᱨᱮ ᱑᱓᱗ ᱜᱮᱞᱥᱟᱭ ᱥᱟᱥᱟᱭ ᱡᱤᱣᱤᱫ ᱜᱟᱱᱛᱷᱟᱨ ᱛᱟᱦᱮᱸᱱᱟ ᱾ ᱚᱱᱟ ᱢᱩᱸᱫᱽ ᱠᱷᱚᱱ ᱑᱓᱐ ᱜᱮᱞᱥᱟᱭ ᱥᱟᱥᱟᱭ ᱫᱚ ᱦᱮᱸᱫᱮ ᱟᱨ ᱯᱩᱸᱰ ᱪᱤᱱᱦᱟᱹᱣ ᱵᱟᱠᱷᱨᱟ ᱡᱤᱞᱤᱧ ᱡᱤᱞᱤᱧ ᱡᱤᱣᱤᱫ ᱜᱟᱱᱛᱷᱟᱨ ᱟᱨ ᱗ ᱜᱮᱞᱥᱟᱭ ᱥᱟᱥᱟᱭ ᱯᱤᱨᱟᱢᱤᱰ ᱞᱮᱠᱟᱱ ᱡᱤᱣᱤᱫ ᱜᱟᱱᱛᱷᱟᱨ ᱨᱩᱝᱜᱤᱱ ᱢᱟᱨᱥᱟᱞ ᱥᱟᱵ ᱞᱟᱹᱜᱤᱫ ᱾ ᱡᱤᱞᱤᱧ ᱡᱤᱞᱤᱧ ᱡᱤᱣᱤᱫ ᱜᱟᱱᱛᱷᱟᱨ ᱫᱚ ᱨᱮᱴᱤᱱᱟ ᱨᱮ ᱠᱚ ᱟᱴᱮᱫ ᱠᱚᱜ-ᱟ ᱟᱨ ᱯᱤᱨᱟᱢᱤᱰ ᱞᱮᱠᱟᱱᱟᱜ ᱫᱚ ᱢᱤᱫᱴᱷᱮᱱ ᱰᱩᱢᱵᱩᱜ ᱠᱚᱜ-ᱟ ᱾ ᱚᱱᱟ ᱴᱷᱟᱶ ᱫᱚ ᱠᱚ ᱢᱮᱛᱟᱜ ᱠᱟᱱᱟ ᱯᱷᱚᱵᱤᱭᱟ ᱾ ᱢᱮᱫ ᱢᱤᱫ ᱫᱤᱱ ᱨᱮ ᱑᱐,᱐᱐᱐ ᱫᱷᱟᱣ-ᱮ ᱟᱹᱪᱣᱨᱚᱜ-ᱟ ᱾

ᱡᱤᱨᱟᱹᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱹᱯᱤᱫ ᱠᱮᱫ ᱛᱟᱭᱚᱢ ᱢᱮᱫ ᱫᱚ ᱯᱩᱨᱟᱹᱭ ᱡᱤᱨᱟᱹᱣᱜ-ᱟ ᱾ ᱟᱨ ᱵᱮᱸᱜᱮᱫ ᱠᱟᱜ ᱡᱚᱠᱷᱟᱜ ᱫᱚ ᱱᱟᱥᱮ ᱱᱟᱥᱮ, ᱡᱚᱠᱷᱚᱱ ᱟᱵᱚ ᱢᱮᱫ ᱠᱩᱴᱤ ᱵᱚ ᱫᱷᱩᱞᱩᱯᱟ ᱩᱱ ᱡᱚᱠᱷᱟᱜ ᱾ ᱢᱤᱢᱤᱫ ᱫᱷᱟᱣ ᱵᱟᱱᱟᱨ ᱢᱮᱫ ᱯᱟᱹᱨᱤ ᱯᱟᱹᱨᱤ ᱠᱤᱱ ᱠᱟᱹᱢᱤᱭᱟ ᱾ ᱢᱤᱫ ᱢᱮᱫ ᱠᱩᱴᱤ ᱙᱐ ᱥᱟᱭᱠᱚᱨᱟᱭ ᱠᱟᱹᱢᱤ ᱠᱸᱟᱱ ᱟᱨ ᱢᱤᱫ ᱫᱚᱭ ᱞᱟᱢᱟᱴ ᱧᱚᱜᱚᱜ-ᱟ ᱾ ᱱᱚᱜ-ᱚᱭ ᱱᱚᱝᱠᱟ ᱵᱟᱱᱟᱨ ᱢᱮᱫ ᱦᱚᱲᱢᱚ ᱞᱟᱹᱜᱩᱫ ᱠᱟᱹᱢᱤ ᱨᱮ ᱪᱷᱩᱴᱟᱹᱣ ᱠᱚᱜ-ᱟ ᱾

ᱢᱮᱫ ᱫᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱫ ᱨᱮᱱᱟᱜ ᱢᱮᱫ ᱫᱟᱜ ᱨᱮ ᱞᱟᱭᱥᱚᱡᱚᱢ ᱛᱟᱦᱮᱱᱟ, ᱡᱟᱦᱟᱸ ᱫᱚ ᱢᱮᱫ ᱨᱮᱱᱟᱜ ᱨᱩᱠᱷᱟᱭᱟᱹ ᱞᱟᱹᱜᱤᱫ-ᱮ ᱠᱟᱹᱢᱤᱭᱟ ᱾ ᱡᱟᱸᱦᱟᱸᱱ ᱛᱤᱡᱩ ᱠᱚ ᱢᱮᱫ ᱨᱮᱠᱚ ᱵᱚᱞᱚ ᱞᱮᱱᱠᱷᱟᱱ ᱚᱱᱟ ᱞᱟᱭᱥᱚᱡᱚᱢ ᱛᱮ ᱩᱱᱠᱩᱭ ᱜᱚᱡ ᱚᱪᱚ ᱠᱚᱣᱟ ᱟᱨ ᱢᱮᱫ ᱫᱚ ᱥᱟᱯᱷᱟᱭ ᱫᱚᱦᱚᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Evolution of the eye

"https://sat.wikipedia.org/w/index.php?title=ᱢᱮᱫ&oldid=5599" ᱠᱷᱚᱱ ᱧᱟᱢ ᱟᱹᱜᱩᱭ