ᱣᱤᱞᱤᱭᱚᱢ ᱥᱮᱠᱥᱯᱤᱭᱚᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Shakespeare

ᱤᱭᱞᱤᱭᱟᱢ ᱥᱮᱠᱥᱯᱤᱭᱚᱨ ᱤᱝᱞᱤᱥ ᱛᱮ ᱫᱚ (William Shakespeare) (ᱵᱟᱹᱯᱛᱤᱥ ᱦᱩᱭᱞᱮᱱ ᱛᱟᱭᱟ ᱒᱖ ᱢᱮ ᱑᱕᱘᱓; ᱜᱚᱡ ᱟᱠᱟᱱᱟᱭ ᱒᱓ ᱮᱯᱨᱤᱞ ᱑᱖᱑᱖ ᱥᱮᱨᱢᱟ ᱨᱮ) ᱡᱟᱱᱟᱢ ᱛᱟᱨᱤᱠᱷ ᱛᱷᱤᱠ ᱫᱚ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱛᱟᱭᱟ᱾ ᱥᱮᱠᱥᱯᱤᱭᱚᱨ ᱫᱚ ᱤᱝᱨᱮᱡᱽ ᱠᱚᱵᱤ ᱟᱨ ᱱᱟᱴᱚᱠ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱤᱝᱨᱮᱡᱤ ᱥᱟᱶᱦᱮᱫ ᱨᱮᱱ ᱡᱚᱛᱚ ᱠᱷᱚᱱ ᱢᱟᱨᱟᱝ ᱚᱞᱱᱚᱞᱤᱭᱟᱹ ᱠᱚ ᱢᱮᱛᱟᱭᱟ ᱟᱨ ᱫᱷᱟᱹᱨᱛᱤ ᱨᱮ ᱫᱚ ᱞᱟᱦᱟᱣᱟᱠᱟᱱ ᱱᱟᱴᱚᱠ ᱚᱱᱚᱞᱤᱭᱟᱹ ᱠᱚ ᱞᱮᱠᱷᱟᱭᱮᱭᱟ᱾ ᱤᱝᱞᱟᱱᱰ ᱨᱮᱱ 'ᱱᱟᱥᱚᱱᱟᱞ ᱯᱚᱭᱮᱴ' ᱠᱚ ᱢᱟᱱᱟᱣᱮᱭᱟ᱾ ᱵᱟᱨᱰ ᱚᱵᱽ ᱮᱵᱷᱚᱱ ᱟᱠᱛᱮᱜ ᱦᱚᱸ ᱠᱚ ᱢᱮᱭᱟᱭᱟ᱾ ᱩᱱᱤᱭᱟᱜ ᱚᱞ ᱠᱚ ᱧᱟᱢ ᱟᱠᱟᱱ ᱢᱩᱫᱽ ᱨᱮ ᱓᱘ ᱜᱚᱴᱮᱜ ᱱᱟᱴᱚᱠ, ᱑᱕᱔ ᱜᱚᱴᱮᱜ ᱥᱚᱱᱮᱴ, ᱵᱟᱨᱮᱭᱟ ᱡᱤᱞᱤᱧ ᱚᱱᱚᱬᱦᱮᱸ ᱟᱨ ᱟᱨᱦᱚᱸ ᱛᱷᱚᱲᱟ ᱠᱚᱵᱤᱛᱟ ᱥᱮ ᱚᱱᱚᱬᱦᱮ ᱢᱮᱱᱟᱜ ᱛᱟᱭᱟ᱾ ᱛᱷᱚᱲᱟ ᱚᱞ ᱫᱚ ᱮᱴᱟᱜ ᱚᱱᱚᱞᱤᱭᱟᱹ ᱠᱚ ᱥᱟᱶᱛᱮ ᱢᱤᱫ ᱛᱮᱭ ᱚᱞ ᱟᱠᱟᱫᱟ᱾ ᱩᱱᱤᱭᱟᱜ ᱱᱟᱴᱚᱠ ᱠᱚ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱟᱭᱢᱟ ᱯᱟᱹᱨᱥᱤ ᱛᱮᱜᱮ ᱛᱚᱨᱡᱚᱢᱟ ᱟᱠᱟᱱᱟ᱾

ᱮᱥᱴᱮᱴᱯᱷᱚᱨᱰ ᱚᱱ–ᱮᱵᱷᱚᱱ ᱨᱮᱜᱮ ᱥᱮᱠᱥᱯᱤᱭᱚᱨ ᱫᱚᱭ ᱡᱟᱱᱟᱢ ᱟᱨᱮ ᱦᱟᱨᱟ ᱨᱟᱠᱟᱵ ᱞᱮᱱᱟ᱾ ᱜᱮᱞ ᱤᱨᱟᱹᱞ ᱩᱢᱮᱞ ᱨᱮᱜᱮ ᱩᱱᱤ ᱫᱚ ᱮᱱᱤ ᱦᱮᱛᱷᱟᱣᱮ ᱭᱮ ᱵᱟᱯᱞᱟ ᱞᱤᱫᱤᱭᱟ᱾ ᱜᱷᱟᱨᱚᱡᱽ ᱨᱮ ᱯᱮᱭᱟ ᱜᱤᱫᱽᱨᱟᱹ ᱠᱚ ᱛᱟᱦᱮᱠᱟᱱ ᱛᱟᱹᱠᱤᱱᱟ᱾ ᱱᱩᱠᱤ ᱫᱚ ᱠᱚ ᱦᱩᱭᱩᱜ ᱠᱟᱱᱟ ᱥᱩᱥᱟᱱ ᱟᱨ ᱚᱱᱟ ᱥᱟᱶ ᱦᱮᱢᱱᱮᱴ ᱟᱨ ᱡᱩᱰᱤᱛᱷ ᱧᱤᱛᱩᱢᱟᱱ ᱵᱟᱨᱭᱟ ᱡᱟᱣᱟ ᱜᱤᱫᱽᱨᱟᱹ ᱠᱤᱱ ᱛᱟᱦᱮᱠᱟᱱᱟ᱾ ᱑᱕᱘᱕ ᱠᱷᱚᱱ ᱑᱕᱙᱒ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱫᱚ ᱱᱟᱴᱚᱠ ᱚᱞ ᱟᱨ ᱚᱵᱷᱤᱱᱚᱭ ᱠᱟᱛᱮᱜ ᱞᱚᱱᱰᱚᱱ ᱨᱮ ᱟᱹᱰᱤ ᱧᱤᱛᱩᱢ ᱮ ᱦᱟᱢᱮᱴ ᱞᱮᱫᱟ᱾ ᱞᱚᱨᱰ ᱪᱮᱢᱵᱟᱨᱞᱮᱱ'ᱥ ᱢᱮᱱ ᱧᱤᱛᱩᱢᱟᱱ ᱢᱤᱫ ᱱᱟᱴᱚᱠ ᱠᱚᱢᱯᱟᱱᱤ ᱥᱟᱶᱛᱮ ᱡᱟᱯᱲᱟᱣ ᱦᱚᱭ ᱛᱟᱦᱮᱠᱟᱱᱟ᱾ ᱱᱤᱭᱟᱹ ᱠᱚᱢᱯᱟᱱᱤ ᱛᱟᱭᱚᱢ ᱛᱮ ᱠᱤᱝᱥᱢᱮᱱ ᱧᱤᱛᱩᱢ ᱛᱮ ᱛᱟᱦᱮᱭᱮᱱᱟ᱾ ᱑᱖᱑᱓ ᱥᱮᱨᱢᱟ ᱨᱮ ᱩᱱᱤ ᱫᱚ ᱱᱟᱴᱚᱠ ᱡᱚᱜᱚᱛ ᱠᱷᱚᱱ ᱚᱪᱚᱡ ᱠᱟᱛᱮᱜ ᱮᱥᱴᱮᱴᱯᱷᱚᱨᱰ ᱮ ᱨᱩᱣᱟᱲᱮᱱᱟ᱾ ᱯᱣ ᱥᱮᱨᱢᱟ ᱛᱟᱭᱚᱱ ᱚᱸᱰᱮ ᱜᱮ ᱩᱱᱤ ᱫᱚᱭ ᱵᱚᱸᱜᱟ ᱛᱮᱞᱟᱭᱮᱱᱟ᱾ ᱥᱮᱠᱥᱯᱚᱭᱚᱨ ᱵᱮᱯᱟᱨ ᱛᱮ ᱫᱚ ᱚᱞᱟᱜ ᱫᱚᱞᱤᱞ ᱠᱚ ᱵᱟᱝ ᱧᱟᱢ ᱟᱠᱟᱱᱟᱹ ᱚᱱᱟᱛᱮ ᱩᱱᱤ ᱧᱤᱛᱩᱢ ᱛᱮ ᱢᱮᱱᱟᱜ ᱟᱭᱢᱟ ᱱᱟᱴᱚᱠ ᱜᱮ ᱵᱟᱝ ᱵᱩᱡᱷᱟᱹᱜᱼᱟ ᱵᱟᱝ ᱫᱚ ᱥᱮᱠᱥᱯᱤᱭᱚᱨ ᱜᱮᱭ ᱚᱞ ᱟᱠᱟᱫ ᱵᱟᱝ ᱫᱚ ᱩᱱᱤ ᱧᱤᱛᱩᱢ ᱛᱮ ᱮᱴᱟᱜ ᱦᱚᱲ ᱠᱚ ᱚᱞ ᱟᱠᱟᱫ᱾ ᱧᱮᱛᱚᱫ ᱦᱚᱸ ᱱᱤᱭᱟᱹ ᱵᱮᱯᱟᱨ ᱛᱮ ᱫᱚ ᱛᱩᱢᱟᱹᱞ ᱪᱟᱞᱟᱜ ᱠᱟᱱᱜᱮᱭᱟ᱾

ᱥᱮᱠᱥᱯᱚᱭᱚᱨᱟᱜ ᱰᱷᱤᱨ ᱵᱷᱟᱜᱽ ᱱᱟᱴᱚᱠ ᱜᱮ ᱢᱚᱧᱪᱚ ᱟᱠᱟᱱᱟ ᱑᱕᱘᱙ ᱠᱷᱚᱱ ᱑᱖᱑᱓ ᱥᱮᱨᱢᱟ ᱨᱮ᱾ ᱩᱱᱤᱭᱟᱜ ᱚᱠᱛᱮ ᱨᱮ ᱫᱚ ᱟᱹᱰᱤ ᱧᱤᱛᱩᱢᱟᱱ ᱱᱟᱴᱚᱠ ᱚᱱᱚᱞᱤᱭᱟᱹᱭ ᱛᱟᱦᱮ ᱠᱟᱱᱟ᱾ ᱢᱮᱱᱠᱷᱟᱱ ᱜᱚᱡ ᱛᱟᱭᱚᱢ ᱫᱚ ᱧᱤᱛᱩᱢ ᱛᱷᱚᱲᱟ ᱠᱷᱟᱴᱚᱭᱮᱱ ᱛᱟᱭᱟ᱾ ᱢᱩᱪᱟᱹᱫ ᱨᱮ ᱜᱮᱞ ᱟᱨᱮ ᱥᱟᱭ ᱥᱮᱨᱢᱟ ᱨᱮ ᱦᱮᱡ ᱠᱟᱛᱮᱜ ᱩᱱᱤᱭᱟᱜ ᱧᱤᱛᱩᱢ ᱫᱚ ᱟᱨᱦᱚᱸ ᱠᱟᱡᱟᱜ ᱯᱟᱥᱱᱟᱣᱮᱱ ᱛᱟᱭᱟ᱾ ᱵᱷᱤᱠᱴᱚᱨᱤᱭᱟᱱ ᱠᱚ ᱫᱚ ᱩᱱᱤ ᱯᱩᱡᱟᱹ ᱠᱚ ᱮᱦᱚᱵ ᱮᱱᱟ᱾ ᱵᱟᱨ ᱜᱮᱞ ᱥᱟᱭ ᱥᱮᱨᱢᱟ ᱨᱮᱱᱟᱜ ᱮᱦᱚᱵ ᱥᱮᱡ ᱫᱚ ᱩᱱᱤᱭᱟᱞ ᱚᱞ ᱠᱚ ᱪᱮᱛᱟᱱ ᱟᱹᱰᱤ ᱛᱩᱢᱟᱹᱞ ᱮᱦᱚᱵ ᱮᱱᱟ᱾ ᱧᱮᱛᱚᱜ ᱦᱚᱸ ᱩᱱᱤᱭᱟᱜ ᱱᱟᱴᱚᱠ ᱠᱚ ᱫᱚ ᱟᱹᱰᱤ ᱥᱚᱨᱚᱥ᱾

ᱯᱟᱹᱦᱤᱞ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱠᱥᱯᱤᱭᱚᱨ ᱟᱡ ᱵᱟᱵᱟ ᱡᱚᱱ ᱯᱤᱭᱚᱨ ᱫᱚ ᱥᱟᱠᱥᱮᱥ ᱢᱤᱫ ᱜᱞᱚᱵᱷᱟᱨ ᱟᱨ ᱚᱞᱰᱟᱨᱢᱮᱱᱮ ᱛᱟᱦᱮ ᱠᱟᱱᱟ᱾ ᱩᱱᱠᱩᱣᱟᱜ ᱥᱮᱫᱟᱭ ᱚᱲᱟᱜ ᱫᱚ ᱛᱟᱦᱮᱠᱟᱱᱟ ᱥᱱᱤᱴᱟᱨᱯᱷᱤᱞᱰ ᱨᱮ᱾ ᱥᱮᱠᱥᱯᱤᱭᱚᱨ ᱨᱮᱱ ᱟᱡ ᱜᱚᱜᱚ ᱢᱮᱨᱤ ᱟᱨᱰᱮᱱ ᱫᱚ ᱠᱤᱥᱟ:ᱲ ᱪᱟᱹᱥᱤ ᱚᱲᱟᱜ ᱨᱮᱱ ᱦᱚᱯᱚᱱᱮᱨᱟᱭ ᱛᱟᱦᱮ ᱠᱟᱱᱟ᱾ ᱥᱮᱠᱥᱯᱤᱭᱚᱨᱟᱜ ᱡᱟᱱᱟᱢ ᱫᱤᱱ ᱫᱚ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱢᱮᱱᱠᱷᱟᱱ ᱒᱓ ᱮᱯᱨᱤᱞ ᱥᱮᱱᱴ ᱡᱚᱨᱡᱽ ᱰᱮ ᱨᱮ ᱩᱱᱤᱭᱟᱜ ᱯᱟᱹᱦᱤᱞ ᱡᱟᱱᱟᱢ ᱫᱤᱱ ᱫᱚ ᱢᱟᱱᱟᱣ ᱞᱮᱱᱟ᱾ ᱤᱨᱟᱹᱞ ᱥᱟᱭ ᱥᱮᱨᱢᱟ ᱥᱮᱡ ᱢᱤᱫ ᱜᱚᱵᱮᱥᱚᱠ ᱫᱚ ᱦᱤᱲᱤᱧ ᱛᱮ ᱱᱤᱭᱟᱹ ᱫᱤᱱ ᱜᱮ ᱩᱱᱤᱭᱟᱜ ᱡᱟᱱᱟᱢ ᱢᱟᱦᱟ ᱢᱮᱱᱛᱮᱭ ᱚᱞ ᱞᱮᱫᱟ᱾ ᱛᱟᱭᱚᱢ ᱛᱮ ᱚᱱᱟ ᱫᱤᱱ ᱜᱮ ᱩᱱᱤᱭᱟᱜ ᱡᱟᱱᱟᱢ ᱢᱟᱦᱟ ᱢᱮᱱ ᱛᱮ ᱢᱟᱱᱟᱣ ᱦᱮᱡ ᱮᱱᱟ᱾ ᱪᱮᱫᱟᱜ ᱥᱮ ᱤᱱᱟᱹ ᱫᱤᱱ ᱨᱮ ᱜᱮ ᱩᱱᱤ ᱫᱚᱭ ᱜᱚᱡ ᱞᱮᱱᱟ᱾ ᱜᱚᱜᱚ ᱵᱟᱵᱟ ᱨᱮᱱ ᱤᱨᱟᱹᱞ ᱦᱚᱯᱚᱱ ᱢᱩᱫᱽ ᱨᱮ ᱛᱮᱥᱟᱨᱤᱡ ᱮ ᱛᱟᱦᱮᱠᱟᱱᱟ᱾ ᱟᱨ ᱵᱟᱧᱪᱟᱣ ᱛᱟᱦᱮᱠᱟᱱ ᱜᱤᱫᱽᱨᱟᱹ ᱠᱚ ᱢᱩᱫ ᱨᱮ ᱫᱚ ᱢᱟᱨᱟᱝ ᱩᱛᱟᱨᱤᱡ ᱮ ᱛᱟᱦᱮᱠᱟᱱᱟ᱾

ᱥᱟᱶᱦᱮᱫ ᱠᱚ ᱛᱟᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱟᱴᱚᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱢᱮᱰᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱤᱥᱴᱚᱨᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱨᱟᱡᱮᱰᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱫ ᱟᱠᱟᱱ ᱱᱟᱴᱚᱠ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱱᱚᱬᱦᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱝ ᱯᱨᱩᱵᱷ ᱚᱞ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

(উইলিয়াম_শেকসপিয়র)

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]