ᱣᱤᱠᱤᱯᱤᱰᱤᱭᱟ:ᱪᱮᱢᱮᱫ

ᱢᱟᱺᱡᱷᱤ ᱫᱚ ᱟ.ᱛᱩᱨᱤᱱᱤᱡ ᱵᱚᱦᱚᱜ ᱠᱟᱱᱟᱭ ᱾ ᱱᱩᱸᱭ ᱫᱚ ᱵᱚᱪᱷᱚᱨ ᱫᱤᱱ ᱯᱩᱨᱟ.ᱣ ᱛᱟᱭᱚᱢ ᱛᱟᱦᱮᱸᱱ ᱵᱟᱝ ᱛᱟᱦᱮᱸᱱ ᱟ.ᱛᱩ ᱦᱚᱲ ᱦᱚᱛᱮᱛᱮ ᱢᱟᱜᱽ ᱵᱚᱸᱜᱟ ᱴᱷᱮᱱ ᱵᱟᱪᱷᱚᱱ ᱦᱩᱭᱩᱜᱼᱟ ᱾ ᱱᱩᱭ ᱫᱚ ᱠᱩᱲᱟ.ᱭ ᱪᱮ ᱫᱟ.ᱦᱱᱟ. ᱫᱚ ᱵᱟ.ᱱᱩᱜ ᱛᱟᱭᱟ ᱾ ᱱᱩᱸᱭ ᱜᱮ ᱟ.ᱛᱩ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟ.ᱱ ᱧᱟᱢ ᱦᱚᱲ ᱠᱟᱱᱟᱭ ᱾ ᱵᱟᱯᱽᱞᱟ ᱠᱚᱨᱮ ᱢᱟᱺᱰᱞᱟ. ᱟᱨ ᱥᱤᱨᱯᱷᱟ.ᱭ ᱧᱟᱢᱟ ᱢᱟ.ᱱ ᱞᱮᱠᱟᱛᱮ ᱛᱟᱝ ᱦᱟᱺᱰᱤ ᱦᱚᱸᱭ ᱧᱟᱢᱟ ᱾ ᱵᱚᱸᱜᱟ ᱵᱳᱨᱳ ᱨᱮ ᱵᱟᱨ ᱯᱟᱛᱽᱲᱟ ᱥᱚᱲᱮ ᱫᱟᱠᱟ, ᱥᱮᱸᱫᱽᱨᱟ ᱠᱟᱨᱠᱟ ᱨᱮ ᱢᱟᱸᱫᱟᱞ ᱡᱩᱲᱩᱭ ᱧᱟᱢᱟ, ᱟᱪᱟᱨ ᱵᱤᱪᱟ.ᱨ ᱠᱚᱨᱮ ᱦᱚᱸ ᱞᱮᱜᱽ ᱞᱮᱠᱟᱛᱮ ᱛᱤᱱᱟ.ᱝ ᱵᱟ.ᱲᱛᱤ ᱡᱩᱲᱩᱭ ᱧᱟᱢᱟ ᱾ ᱱᱩᱭᱟᱜ ᱥᱟᱨᱟᱯ ᱛᱮᱜᱮ ᱟ.ᱛᱩ ᱵᱮᱥ ᱟᱨ ᱵᱟ.ᱲᱤᱡ ᱛᱟᱦᱮᱸᱱᱟ ᱾ ᱱᱩᱸᱭ ᱚᱠᱟ ᱞᱮᱠᱟᱭ ᱛᱟᱲᱟᱢᱟ ᱟ.ᱛᱩ ᱦᱚᱲ ᱚᱱᱠᱟ ᱠᱚ ᱛᱟᱦᱮᱸᱱᱟ ᱾ ᱟᱨ ᱚᱱᱟᱞᱮᱠᱟ ᱢᱟ.ᱱ ᱠᱷᱟ.ᱛᱤᱨ ᱠᱚ ᱮᱢᱟᱭᱟ ᱾ ᱢᱟᱺᱡᱷᱤ ᱡᱟᱦᱟᱸᱭ ᱵᱟᱭ ᱢᱟ.ᱱ ᱠᱷᱟ.ᱛᱤᱨ ᱟᱭᱟ ᱵᱟᱝᱠᱷᱟᱱ ᱢᱟᱺᱡᱷᱤ ᱞᱮᱵᱮᱫ ᱞᱟᱱᱰᱷᱚ ᱠᱟᱛᱮ ᱟ.ᱛᱩ ᱨᱮ ᱡᱟᱦᱟᱸᱭ ᱵᱟ.ᱲᱤᱡ ᱮ ᱠᱟ.ᱢᱤᱭᱟ, ᱟ.ᱛᱩ ᱦᱚᱲᱟᱜ ᱨᱟᱭ ᱞᱮᱠᱟᱛᱮ ᱩᱱᱤ ᱫᱚᱠᱚ ᱰᱟᱱᱰᱮ ᱮᱭᱟ ᱾ ᱢᱟᱺᱡᱷᱤ ᱦᱚᱸ ᱟ.ᱛᱩ ᱦᱚᱲᱟᱜ ᱟᱨ ᱟ.ᱛᱩ ᱨᱮᱱᱟᱝ ᱨᱟᱭ ᱵᱟᱛᱟᱣ ᱢᱟᱱᱟᱣ ᱠᱟᱛᱮ ᱛᱟᱦᱮᱸᱱ ᱛᱮ ᱦᱩᱭᱟᱭᱟ ᱾ ᱟ.ᱛᱩ ᱦᱚᱲᱟᱜ ᱵᱮᱵᱟ.ᱲᱤᱡ ᱡᱩᱫᱤ ᱢᱟᱺᱡᱷᱤ ᱮ ᱠᱟ.ᱢᱤᱭᱟ ᱮᱱᱠᱷᱟᱱ ᱟ.ᱛᱩ ᱦᱚᱲ ᱠᱷᱩᱱᱴᱤ ᱨᱮ ᱛᱚᱞ ᱠᱟᱛᱮ ᱠᱚ ᱯᱟᱦᱟᱨᱮᱭᱟ ᱟᱨ ᱰᱟᱸᱰᱮ ᱦᱚᱸᱠᱚ ᱰᱟᱱᱰᱮ ᱫᱟᱲᱮᱟᱭᱟ ᱾ ᱢᱟᱺᱡᱷᱤ ᱴᱷᱮᱱ ᱜᱮ ᱟ.ᱛᱩ ᱨᱮᱱᱟᱝ ᱵᱩᱜᱤ ᱵᱟ.ᱲᱤᱡ ᱠᱟᱛᱷᱟ ᱫᱚᱠᱚ ᱟᱨᱫᱟᱥ ᱢᱟᱬᱟᱝᱼᱟ ᱾ ᱱᱮᱭᱟᱣ ᱨᱚᱯᱚᱲ ᱨᱮᱱᱟᱝ, ᱵᱚᱸᱜᱟ ᱵᱳᱨᱳ ᱨᱮᱱᱟᱝ, ᱡᱟᱱᱟᱢ ᱜᱩᱡᱩᱜ ᱨᱮᱱᱟᱝ, ᱵᱟᱯᱽᱞᱟ ᱵᱷᱟᱱᱰᱟᱱ ᱨᱮᱱᱟᱝ, ᱪᱷᱩᱛ ᱪᱷᱟ.ᱴᱭᱟ.ᱨ ᱨᱮᱱᱟᱝ ᱟᱛᱩ ᱨᱮᱱᱟᱝ ᱡᱮᱜᱮ ᱡᱚᱛᱚ ᱵᱩᱜᱤ ᱵᱟ.ᱲᱤᱡ ᱠᱟᱛᱷᱟ ᱟᱨ ᱠᱟ.ᱢᱤ ᱱᱩᱸᱭ ᱴᱷᱮᱱ ᱜᱮᱠᱚ ᱟᱨᱫᱟᱥ ᱢᱟᱬᱟᱝᱼᱟ ᱾ ᱟᱨ ᱱᱩᱭ ᱦᱚᱛᱮᱛᱮᱜᱮ ᱵᱤᱪᱟ.ᱨ ᱦᱩᱭᱩᱜᱼᱟ ᱾ ᱱᱩᱭ ᱵᱟᱝ ᱵᱟᱰᱟᱭ ᱚᱪᱚ ᱠᱟᱛᱮ ᱡᱟᱦᱟᱸᱱ ᱠᱟ.ᱢᱤ ᱦᱩᱭ ᱞᱮᱱᱠᱷᱟᱱ ᱚᱱᱟ ᱫᱚ ᱵᱟᱝ ᱠᱟ.ᱢᱤ ᱟᱠᱟᱱᱟ ᱢᱮᱱᱛᱮ ᱥᱟᱵᱚᱜᱼᱟ ᱾ ᱡᱚᱛᱚ ᱞᱮᱠᱟᱱ ᱠᱟ.ᱢᱤ ᱨᱮ ᱢᱟᱺᱡᱷᱤ ᱜᱮ ᱟ.ᱛᱩ ᱨᱤᱱᱤᱡ ᱢᱩᱬᱩᱛ ᱦᱚᱲ ᱟᱨ ᱟ.ᱛᱩ ᱨᱤᱱᱤᱡ ᱵᱟᱵᱟ ᱠᱟᱱᱟᱭ ᱚᱱᱟᱛᱮ ᱢᱟᱺᱡᱷᱤ ᱵᱟᱵᱟ ᱠᱚ ᱢᱮᱛᱟᱭᱟ ᱾ ᱚᱱᱟ ᱢᱮᱱᱛᱮ ᱢᱟᱺᱡᱷᱤ ᱫᱚ ᱡᱚᱛᱚ ᱞᱮᱠᱟᱱ ᱫᱤᱞᱼᱫᱟᱨ ᱦᱚᱲ ᱛᱟᱦᱮᱸᱱ ᱞᱟ.ᱠᱛᱤ ᱠᱟᱱᱟ ᱾ ᱡᱮᱢᱚᱱ ᱨᱚᱲ ᱨᱚᱯᱚᱲ ᱠᱚᱨᱮ, ᱱᱮᱸᱦᱚᱨ ᱵᱤᱱᱛᱤ ᱠᱚᱨᱮ, ᱫᱩᱲᱩᱵ ᱛᱤᱸᱜᱩᱱ ᱠᱚᱨᱮ, ᱟᱪᱟᱨ ᱵᱤᱪᱟ.ᱨ ᱠᱚᱨᱮ ᱡᱚᱛᱚ ᱞᱮᱠᱟᱱ ᱟ.ᱠᱤᱞ ᱜᱮᱭᱟᱱ ᱦᱚᱲ ᱛᱟᱦᱮᱸᱱ ᱞᱟ.ᱠᱛᱤ ᱠᱟᱱᱟ ᱾ ᱡᱚᱛᱚ ᱞᱮᱠᱟᱱ ᱠᱟ.ᱢᱤ ᱨᱮ ᱟᱨ ᱡᱚᱛᱚ ᱞᱮᱠᱟᱱ ᱦᱚᱲ ᱥᱟᱶ ᱢᱮᱥᱟ ᱫᱟᱲᱮᱭᱟᱜ ᱟᱨ ᱫᱩᱠ ᱦᱟᱨᱠᱮᱛ ᱨᱮᱸᱜᱮᱡ ᱛᱮᱛᱟᱝ ᱮᱢᱟᱱ ᱦᱚᱸ ᱥᱟᱦᱟᱣ, ᱢᱟᱱᱟᱣ ᱵᱟᱛᱟᱣ ᱫᱟᱲᱮᱭᱟᱜ ᱦᱚᱲ ᱛᱟᱦᱮᱸᱱ ᱞᱟ.ᱠᱛᱤ ᱠᱟᱱᱟ ᱾ ᱠᱷᱟ.ᱞᱤ ᱦᱚᱲᱟᱜ ᱡᱚᱡᱚᱢ ᱟᱨ ᱧᱩᱧᱩ ᱥᱩᱢᱩᱝ ᱦᱚᱲ ᱫᱚ ᱢᱟᱺᱡᱷᱤ ᱠᱟ.ᱢᱤ ᱫᱚ ᱚᱦᱚᱭ ᱛᱚᱨᱟᱣ ᱠᱮᱭᱟ ᱾ ᱚᱱᱠᱟᱱ ᱵᱮᱵᱩᱡᱽ ᱞᱮᱠᱟᱱ ᱢᱟᱺᱡᱷᱤ ᱠᱷᱟ.ᱛᱤᱨ ᱛᱮᱫᱚ ᱢᱟᱺᱡᱷᱤ ᱥᱩᱢᱩᱝ ᱫᱚ ᱵᱟᱭ ᱢᱩᱦᱟ.ᱨᱤᱜᱼᱟ ᱢᱮᱱᱠᱷᱟᱱ ᱟ.ᱛᱩ ᱨᱮᱱᱟᱝ ᱦᱚᱸ ᱢᱚᱦᱚᱛ ᱠᱷᱟᱴᱚᱜᱼᱟ ᱾ ᱢᱟᱺᱡᱷᱤ ᱢᱟ.ᱯᱟ.ᱧᱡᱷᱤ ᱦᱚᱲᱟᱜ ᱫᱚ ᱢᱟ.ᱱ ᱵᱮᱵᱷᱟᱨ ᱜᱮ ᱢᱟᱨᱟᱝ ᱠᱩᱲᱟ.ᱭ ᱟᱨ ᱫᱟ.ᱦᱱᱟ. ᱠᱟᱱ ᱛᱟ.ᱠᱤᱱᱟ ᱾ᱟ.ᱛᱩ ᱨᱮ ᱢᱟᱺᱡᱷᱤᱭᱟᱜ ᱢᱟ.ᱱ ᱫᱚ ᱟ.ᱛᱩ ᱧᱚᱲ ᱜᱮᱵᱚ ᱫᱚᱦᱚᱭᱟ ᱾ ᱥᱟᱶᱛᱮ ᱢᱟᱺᱡᱷᱤ ᱮᱨᱟ ᱟᱜ ᱢᱟ.ᱱ ᱦᱚᱸ ᱟ.ᱛᱩ ᱦᱚᱲ ᱪᱮᱛᱟᱱ ᱨᱮᱜᱮ ᱢᱮᱱᱟᱜᱼᱟ ᱾ ᱢᱟᱺᱡᱷᱤ ᱟᱨ ᱢᱟᱺᱡᱷᱤ ᱮᱨᱟ ᱫᱚ ᱡᱮᱜᱮ ᱡᱚᱛᱚ ᱞᱮᱠᱟᱱ ᱠᱟ.ᱢᱤ ᱨᱮᱱᱟᱝ ᱱᱮᱣ ᱱᱤᱣᱛᱤ, ᱞᱮᱜᱽ ᱵᱷᱟᱜᱽ ᱟᱪᱟᱨ ᱵᱤᱪᱟ.ᱨ ᱟᱨ ᱨᱟᱭ ᱫᱟᱦᱟᱭ ᱵᱟᱰᱟᱭ ᱠᱟᱜ ᱦᱚᱲ ᱞᱟ.ᱠᱛᱤ ᱠᱟᱱᱟ ᱾