ᱤᱝᱜᱟ ᱵᱟᱜᱜᱮ
ᱤᱝᱜᱟ ᱵᱟᱜᱜᱮ (24 ᱡᱩᱞᱟᱭ 1916ᱼ3 ᱢᱮ 1988) ᱢᱤᱫ ᱥᱩᱭᱰᱤᱱ ᱫᱷᱤᱨᱤ ᱟᱨ ᱪᱤᱛᱟᱹᱨ ᱵᱮᱱᱟᱣᱤᱡ ᱮ ᱛᱟᱦᱮᱸᱠᱟᱱᱟ ᱾ ᱩᱱᱤᱭᱟᱜ ᱠᱟᱹᱨᱤ ᱥᱮᱪᱮᱫ ᱮᱛᱚᱦᱚᱵ ᱞᱮᱱᱟ 1930 ᱜᱮᱞᱟᱝ ᱨᱮᱭᱟᱜ ᱛᱟᱞᱟ ᱨᱮ ᱞᱤᱱᱠᱳᱯᱤᱝ ᱨᱮᱭᱟᱜ ᱮᱹᱵᱤᱹᱮᱯᱷ ᱵᱤᱨᱫᱟᱹᱜᱟᱲ ᱨᱮ ᱞᱤᱭᱩ ᱵᱷᱟᱨᱰᱮ ᱟᱜ ᱟᱶᱛᱟ ᱨᱮ ᱟᱨ 1950 ᱜᱮᱞᱟᱝ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱨᱚᱭᱮᱞ ᱥᱩᱭᱰᱤᱥ ᱮᱠᱟᱫᱟᱰᱤ ᱚᱯᱷ ᱯᱷᱟᱭᱤᱱ ᱟᱨᱴᱥ ᱥᱮᱞᱮᱫ ᱞᱮᱱᱟ ᱾ ᱟᱭᱢᱟ ᱞᱮᱠᱟᱱ ᱵᱮᱼᱵᱟᱹᱛᱤᱞ ᱫᱩᱨᱤᱵ ᱛᱮ ᱵᱮᱱᱟᱣ ᱟᱭᱟᱜ ᱯᱳᱭᱞᱳ ᱠᱟᱹᱢᱤ ᱠᱚᱫᱚ ᱥᱴᱚᱠᱦᱳᱢ ᱨᱮᱭᱟᱜ ᱵᱩᱨᱮᱱ ᱜᱮᱞᱟᱨᱤ ᱨᱮ 1958 ᱥᱟᱹᱦᱤᱛ ᱨᱮ ᱟᱭᱟᱜ ᱯᱳᱭᱞᱳ ᱩᱫᱩᱜ ᱥᱚᱫᱚᱨ ᱨᱮ ᱢᱚᱱᱮ ᱟᱨ ᱥᱟᱨᱦᱟᱣᱮ ᱧᱟᱢ ᱞᱮᱫᱟ ᱾ ᱩᱱᱤ ᱟᱨᱦᱚᱸ ᱟᱹᱰᱤ ᱱᱟᱯᱟᱭ ᱠᱟᱹᱢᱤ ᱮ ᱵᱮᱱᱟᱣ ᱞᱮᱫᱟ, ᱡᱟᱦᱟᱸ ᱠᱚ ᱢᱩᱫᱨᱮ ᱟᱭᱢᱟ ᱜᱮ ᱦᱚᱲ ᱠᱚᱣᱟᱜ ᱴᱷᱟᱶ ᱥᱟᱶ ᱥᱟᱶᱛᱮ ᱟᱭᱢᱟ ᱜᱟᱱ ᱥᱟᱡᱚᱠ ᱚᱲᱟᱜ ᱨᱮ ᱧᱮᱞ ᱧᱟᱢᱚᱜᱼᱟ ᱾ ᱡᱚᱛᱚᱠᱷᱚᱱ ᱧᱩᱛᱩᱢᱟᱱ ᱢᱩᱫᱽᱨᱮ ᱢᱤᱫᱴᱟᱝ, ᱢᱟᱨᱟᱝ ᱵᱟᱨᱼᱢᱤᱪᱟᱹᱨᱤ ᱞᱤᱵᱷᱥᱴᱨᱟᱰᱮᱴ (ᱴᱨᱤ ᱚᱯᱷ ᱞᱟᱭᱯᱷ, 1975) ᱥᱴᱚᱠᱦᱳᱢ ᱨᱮᱭᱟᱜ ᱢᱳᱰᱟᱨᱱᱟ ᱢᱤᱭᱩᱡᱤᱴ ᱨᱮ ᱧᱮᱞ ᱧᱟᱢᱚᱜᱼᱟ ᱾[᱑] ᱵᱟᱜᱮ ᱠᱳᱱᱥᱴᱚᱥᱠᱳᱞᱟᱱ ᱤᱫᱩᱱ ᱞᱳᱵᱷᱮᱱ ᱨᱮᱦᱚᱸᱭ ᱯᱟᱲᱦᱟᱣ ᱞᱮᱫᱮᱭᱟ ᱾ [᱒] [᱓] [᱔]
ᱡᱤᱭᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
1916 ᱥᱟᱹᱦᱤᱛ ᱨᱮᱭᱟᱜ 24 ᱡᱩᱞᱟᱭ ᱥᱴᱚᱠᱦᱳᱢ ᱨᱮ ᱡᱟᱱᱟᱢ ᱞᱮᱱ ᱤᱝᱜᱟ ᱵᱟᱜᱮ ᱛᱟᱦᱮᱸᱠᱟᱱᱟ ᱤᱱᱡᱤᱱᱤᱭᱟᱨ ᱡᱚᱠᱳᱵ ᱜᱩᱥᱴᱯᱷ ᱯᱳᱱᱴᱟᱥ ᱵᱟᱜᱮ ᱟᱨ ᱩᱱᱤ ᱨᱮᱱ ᱮᱨᱟ ᱴᱳᱨᱟ ᱳᱜᱟᱥᱴᱟ ᱱᱟ ᱞᱤᱱᱰᱵᱟᱨᱜ ᱨᱮᱱ ᱦᱚᱯᱚᱱ ᱮᱨᱟ ᱾ ᱩᱱᱤ ᱛᱟᱦᱮᱸ ᱠᱟᱱᱟ ᱜᱷᱟᱨᱚᱸᱡᱽ ᱨᱮᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱩᱫᱨᱮ ᱫᱚᱥᱟᱨ ᱦᱚᱲ ᱾[᱕] ᱟᱡ ᱟᱭᱳ ᱟᱜ ᱜᱚᱡ ᱛᱟᱭᱚᱢ, ᱩᱱᱤ ᱟᱨ ᱟᱡ ᱨᱮᱱ ᱵᱚᱭᱦᱟ ᱜᱤᱫᱽᱨᱟᱹ ᱫᱚ ᱟᱡ ᱵᱟᱵᱟ ᱫᱟᱨᱟᱭ ᱛᱮ ᱯᱮᱨᱮᱡ ᱞᱮᱱᱟ ᱾ 1926 ᱥᱟᱹᱦᱤᱛ ᱚᱱᱟ ᱜᱷᱟᱨᱚᱸᱡᱽ ᱫᱚ ᱞᱤᱱᱠᱳᱯᱤᱝ ᱨᱮᱭ ᱪᱟᱞᱟᱣ ᱞᱮᱱᱟ, ᱡᱟᱦᱟᱸᱨᱮ 1938 ᱥᱟᱹᱦᱤᱛ ᱨᱮ ᱢᱤᱫᱴᱟᱝ ᱠᱩᱲᱤ ᱵᱤᱨᱫᱟᱹᱜᱟᱲ ᱨᱮ ᱥᱮᱞᱮᱫᱚᱜ ᱛᱟᱭᱚᱢ ᱤᱝᱜᱟ ᱵᱮᱜᱟ ᱮᱵᱤ ᱮᱯᱷ ᱵᱤᱨᱫᱟᱹᱜᱟᱲ ᱨᱮ ᱞᱤᱭᱩ ᱵᱷᱟᱨᱰᱮ ᱟᱜ ᱟᱶᱛᱟᱨᱮ ᱠᱟᱹᱨᱤ ᱥᱮᱪᱮᱫᱮ ᱦᱟᱛᱟᱣ ᱞᱮᱫᱟ ᱾[᱖] ᱩᱱᱤ ᱳᱴᱮ ᱥᱠᱳᱞᱰ ᱟᱜ ᱠᱟᱹᱨᱤ ᱵᱤᱨᱫᱟᱹᱜᱟᱲ ᱨᱮᱦᱚᱸ ᱯᱟᱲᱦᱟᱣ ᱞᱮᱫᱟᱭ ᱾[᱗] 1940 ᱥᱟᱞ , ᱩᱱᱤ ᱫᱚ ᱨᱮᱵᱷ ᱡᱚᱱ ᱦᱮᱱᱰᱟᱨᱥᱚᱱ ᱯᱟᱥᱮ ᱵᱟᱯᱞᱟ ᱞᱮᱫᱮᱭᱟ, ᱡᱟᱦᱟᱸᱭ ᱥᱟᱶᱛᱮ ᱩᱱᱤ ᱨᱮᱱ ᱢᱤᱫ ᱦᱚᱯᱚᱱ ᱮᱨᱟ ᱤᱱᱜᱮᱞᱟᱭ ᱛᱟᱸᱦᱮ ᱠᱟᱱᱟ ᱾[᱘]
1951 ᱠᱷᱚᱱ 1957 ᱥᱟᱹᱦᱤᱛ ᱦᱟᱹᱵᱤᱡ ᱩᱱᱤ ᱫᱚ ᱨᱚᱭᱮᱞ ᱟᱨᱴ ᱮᱠᱟᱫᱟᱢᱤ ᱨᱮ ᱪᱤᱛᱟᱹᱨ ᱵᱮᱱᱟᱣᱤᱡ ᱟᱨ ᱪᱤᱛᱟᱹᱨ ᱵᱮᱱᱟᱣᱤᱡ ᱵᱨᱳ ᱦᱟᱨᱛᱷ ᱟᱨ ᱪᱤᱛᱟᱹᱨ ᱵᱮᱱᱟᱣᱤᱭᱟᱹ ᱥᱵᱷᱮᱱ ᱮᱨᱤᱠᱥᱚᱱ ᱟᱜ ᱟᱶᱛᱟ ᱨᱮᱭ ᱯᱟᱲᱦᱟᱣ ᱞᱮᱱᱟ ᱾ ᱦᱚᱡᱳᱨᱛᱷ ᱠᱷᱚᱱ ᱩᱱᱤ "ᱵᱮᱱᱟᱣ" ᱫᱷᱤᱨᱤ ᱵᱮᱱᱟᱣ ᱨᱮᱭᱟᱜ ᱩᱭᱦᱟᱹᱨ ᱮ ᱦᱟᱢᱮᱴ ᱞᱮᱫᱟ ᱾ ᱵᱟᱱᱟᱨ ᱥᱮᱪᱮᱫᱤᱭᱟᱹᱜᱮ ᱵᱟᱜᱜᱮᱭᱟᱜ "ᱠᱟᱹᱢᱤ ᱨᱮᱭᱟᱜ ᱱᱮᱨᱥᱤ ᱟᱨ ᱥᱚᱱᱛᱚᱨ ᱦᱚᱨᱟ" ᱨᱮᱭᱟᱜ ᱥᱟᱨᱦᱟᱣ ᱞᱮᱫᱟᱭ ᱾ 1968 ᱥᱟᱹᱦᱤᱛ, ᱩᱱᱤ ᱫᱚ ᱦᱩᱢᱮᱡ ᱮ ᱵᱨᱳ ᱦᱡᱳᱨᱛᱷ ᱧᱩᱛᱩᱢ ᱛᱮ ᱢᱤᱫᱴᱟᱝ ᱴᱮᱥᱴᱤᱯᱷᱤᱞ ᱠᱟᱹᱢᱤ ᱵᱮᱱᱟᱣ ᱞᱮᱫᱟᱭ ᱾[᱙]
ᱮᱠᱟᱰᱮᱢᱤ ᱨᱮ ᱛᱟᱦᱮᱸᱱ ᱚᱠᱛᱚ, ᱵᱟᱜᱜᱮ ᱵᱮᱼᱥᱩᱢᱟᱹᱱᱟᱱ ᱫᱩᱨᱤᱵ ᱥᱟᱞᱟᱜ ᱵᱤᱰᱟᱹᱣ ᱮᱦᱚᱵ ᱞᱮᱫᱟᱭ, ᱫᱟᱹᱭᱠᱟᱹ ᱞᱮᱠᱟᱛᱮ ᱜᱚᱞᱟ ᱨᱮᱭᱟᱜ ᱥᱟᱶ ᱳᱞᱟᱹᱜᱟᱜ ᱢᱮᱞᱟᱱ ᱥᱮᱞᱮᱫ ᱠᱟᱛᱮ ᱾ 1958 ᱥᱟᱹᱦᱤᱛ, ᱵᱚᱨᱮᱱ ᱜᱮᱞᱟᱨᱤ ᱨᱮ ᱟᱭᱟᱜ ᱢᱤᱫ ᱦᱚᱲ ᱩᱫᱩᱜ ᱥᱚᱫᱚᱨ ᱠᱟᱹᱨᱤ ᱩᱭᱦᱟᱹᱨᱤᱭᱟᱹ ᱟᱞᱯᱷ ᱞᱤᱱᱰᱮ ᱫᱚ ᱟᱹᱰᱤ ᱮᱥᱮᱨ ᱞᱮᱫᱮᱭᱟ, ᱡᱟᱦᱟᱸᱭ ᱢᱮᱱ ᱞᱮᱫᱟᱭ ᱩᱱᱤᱭᱟᱜ ᱢᱟᱨᱥᱮᱞ ᱟᱭᱢᱮ ᱞᱮᱠᱟ ᱵᱷᱟᱹᱨᱰᱩ ᱦᱚᱲᱢᱚ ᱨᱮᱱ ᱦᱚᱲ ᱠᱚᱣᱟᱜ ᱱᱟᱯᱟᱭ ᱫᱷᱤᱨᱤ ᱠᱟᱹᱨᱤ ᱢᱮᱱᱟᱜᱼᱟ ᱾ ᱩᱱᱠᱩᱣᱟᱜ ᱩᱫᱩᱜ ᱥᱚᱫᱚᱨ ᱥᱩᱢᱩᱝ ᱵᱤᱨ ᱵᱚᱱᱫᱮᱡ ᱠᱷᱚᱱ ᱵᱟᱝ, ᱨᱩᱯ ᱨᱮᱭᱟᱜ ᱥᱟᱫᱷᱟᱨᱚᱱ ᱢᱤᱫᱜᱟᱹᱱ ᱨᱮᱭᱟᱜ ᱢᱤᱫᱴᱟᱝ ᱤᱱᱟᱨ ᱛᱟᱞᱢᱟ ᱠᱷᱚᱱ ᱦᱮᱡ ᱟᱠᱟᱱᱟ ᱾[᱑᱐]
1963 ᱥᱟᱹᱦᱤᱛ ᱨᱮ ᱢᱤᱫᱴᱟᱝ ᱩᱫᱩᱜ ᱥᱚᱫᱚᱨ ᱨᱮ ᱢᱟᱨᱥᱮᱞ ᱰᱩᱪᱟᱢᱯ ᱟᱜ ᱠᱟᱹᱨᱤ ᱨᱮᱭᱟᱜ ᱥᱟᱢᱟᱝ ᱫᱟᱯᱨᱟᱢ ᱛᱟᱭᱚᱢ, ᱵᱟᱜᱮ ᱵᱟᱰᱟᱭ ᱧᱟᱢ ᱞᱮᱫᱟ ᱡᱮ ᱩᱱᱤ ᱡᱟᱦᱟᱸ ᱠᱟᱹᱢᱤ ᱠᱚ ᱵᱮᱱᱟᱣ ᱫᱟᱲᱮᱭᱟᱜᱼᱟ ᱾ ᱩᱱᱤᱭᱟᱜ ᱥᱟᱥᱚᱢ ᱯᱷᱞᱟᱭᱜᱟᱨ, ᱴᱤᱴᱟ ᱮᱱ ᱥᱯᱮᱡᱮᱞ, ᱢᱤᱫᱴᱟᱝ ᱠᱟᱹᱢᱤᱭᱟᱹ ᱠᱚᱣᱟᱜ ᱥᱩᱴ ᱨᱮ ᱢᱩᱠᱩ ᱨᱮᱭᱟᱜ ᱛᱚᱛᱷᱚ, ᱜᱚᱞᱳᱵᱷᱥ, ᱥᱤᱞᱠ ᱥᱴᱚᱠᱤᱝ, ᱥᱟᱭᱠᱮᱞ ᱨᱮᱭᱟᱜ ᱞᱚᱠ, ᱯᱞᱟᱥᱴᱤᱠ ᱚᱛᱚᱢ ᱟᱨ ᱡᱩᱴᱟᱹ ᱠᱚ ᱥᱮᱞᱮᱫ ᱞᱮᱫᱟ ᱾ ᱩᱱᱤᱭᱟᱜ ᱡᱟᱹᱥᱛᱤ ᱜᱟᱱ ᱧᱩᱛᱩᱢᱟᱱ ᱠᱟᱹᱢᱤ ᱱᱚᱶᱟ ᱚᱠᱛᱚ ᱨᱮᱭᱟᱜ ᱾ ᱵᱟᱜᱜᱮ ᱟᱡᱜᱮ ᱯᱨᱟᱭ ᱵᱟᱨᱼᱵᱟᱹᱨᱥᱤᱫ ᱞᱤᱵᱷᱥᱴᱨᱟᱰᱮᱴ (ᱴᱨᱤ ᱚᱯᱷ ᱞᱟᱭᱤᱯᱷ) ᱫᱚ ᱟᱡᱟᱜ ᱡᱚᱛᱚᱠᱷᱚᱱ ᱞᱟᱹᱠᱛᱤᱭᱟᱱ ᱠᱟᱹᱢᱤ ᱢᱮᱱᱛᱮᱠᱚ ᱢᱚᱱᱮ ᱞᱮᱫᱟ ᱾ ᱱᱚᱶᱟ ᱟᱭᱢᱟ ᱞᱮᱠᱟᱱ ᱡᱚᱯᱚᱫ, ᱵᱳᱛᱟᱢ, ᱢᱩᱫᱤ, ᱥᱤᱠᱩᱭᱤᱱ, ᱴᱮᱯ ᱟᱨ ᱢᱤᱫᱴᱟᱝ ᱠᱟᱹᱴᱤᱡ ᱠᱞᱟᱪ ᱵᱮᱜ ᱢᱮᱱᱟᱜᱼᱟ ᱾[᱑᱑]
1988 ᱥᱟᱹᱦᱤᱛ ᱨᱮᱭᱟᱜ ᱢᱮ ᱡᱟᱨᱱᱟ ᱤᱝᱜᱟ ᱵᱟᱜᱜᱮᱭ ᱜᱚᱡ ᱮᱱᱟ ᱾[᱑᱒]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Livsträdet". Moderna Museet. Retrieved 25 May 2021.
- ↑ Hammenbeck, Stefan (10 June 2020). "Inga Bagge". Svenskt kvinnobiografiskt lexikon. Retrieved 25 May 2021.
- ↑ "Inga Bagge" (in Swedish). Konstnärslexikonett Amanda. Retrieved 25 May 2021.
{{cite web}}: CS1 maint: unrecognized language (link) - ↑ "Inga Bagge (1916-1988)". Buskowskis. Archived from the original on 25 May 2021. Retrieved 25 May 2021.
- ↑ "Inga Bagge". Geni. Retrieved 25 May 2021.
- ↑ Hammenbeck, Stefan (10 June 2020). "Inga Bagge". Svenskt kvinnobiografiskt lexikon. Retrieved 25 May 2021.
- ↑ "Inga Bagge" (in Swedish). Konstnärslexikonett Amanda. Retrieved 25 May 2021.
{{cite web}}: CS1 maint: unrecognized language (link) - ↑ "Bagge, Inga" (in Swedish). Vem är Vem?. 1962. Retrieved 25 May 2021.
{{cite web}}: CS1 maint: unrecognized language (link) - ↑ Hammenbeck, Stefan (10 June 2020). "Inga Bagge". Svenskt kvinnobiografiskt lexikon. Retrieved 25 May 2021.
- ↑ Hammenbeck, Stefan (10 June 2020). "Inga Bagge". Svenskt kvinnobiografiskt lexikon. Retrieved 25 May 2021.
- ↑ Hammenbeck, Stefan (10 June 2020). "Inga Bagge". Svenskt kvinnobiografiskt lexikon. Retrieved 25 May 2021.
- ↑ Hammenbeck, Stefan (10 June 2020). "Inga Bagge". Svenskt kvinnobiografiskt lexikon. Retrieved 25 May 2021.